日日掛住打機, 真係好激氣.

ANChan59

Electronic gadgets really so bad.......??? I would say all are neutral, no right or wrong, just how to use it and what you want to achieve.

Parents, try to think in a more positive sense, try to review what we did when we're young, our parents comment on us years back. i did similar reflections a few weeks ago and wrote some thoughts in my blogs.

Just quote my last blog

[父親必讀] 另類親子方法 - 4 [縂結編]

熱度 9已有 80 次閱讀 12-4-21 11:22 |個人分類arenting|系統分類:教育

較早前，翻睇之前3篇日誌，反問自己在過程中學到甚麼? 對其他父親有甚麼啓發? 而 cowboymama 提議我加上[父親必讀], 因此我會以目標䜖者為父親來分享。

1. 範式轉移 （Paradigm Shift) - 從小兒子以媽媽為日常起居生活提供者，父親為康樂先生，不過冇著網球裙。自小他會跟著我學球類話動，一齊睇足球，現場及電視。慢慢形成他一直模仿我的一切，因為我是他的偶像。到初中，由於他的視野開始擴闊，社交圈子拉闊，開始有自己的看法，原則，新的嗜好，加上青春期的賀爾蒙的轉變。他慢慢作出重大改變，不論我們願唔願意，時移勢易是大勢所䟉。我跟太太都掙扎2-3年，幸好在社工朋友的開解下，建立咗d簡單原則 - 譲他感受在不同境況下，我們對他的愛是無條件的，堅持溝通，尊重他的成長及獨立個體。

2. 角色轉變 -上面講述他的轉變及我們只抓緊重要原則，讓時間及讓愛發酵。同時間我倆都作出適度角色改變，由parent-kid 進化成 adult - adult (Transaction Analysis) 的均勢溝通模式。由他模仿我，轉化成我跟他學音響，網上做trade 等等。他初初都有戒心，我都要有耐性等佢接受我，由小小正面結果，發酵成信任，一切就好辦。隨著他身材已經高過我，由細個時我搭他膊頭，變成現在他搭我們的膊頭，看似小事，但提醒我 ALL CHANGE。

3. 強弱対調 - 在新科技，新學習模式，新社交圈子之下，我由強者（因年紀，學識，收入...）變成新時代的弱者。我戰略性由強轉弱，他會更易接受我，由 daddy 變成 buddy......

希望作父親者自我檢視，是否有些時代轉變，孩子成長，期望不同之下，我們都要與時並進。共勉之!!!

gigivinda

我希望佢好似有D人會大大吓識諗 ,不要沉迷打機.

試下忍住唔好提醒一段時間（以月計），等巨地有自我反省機會．因為都提醒左禁耐，證明再提醒都係沒用，只會令巨地將精力放在對抗上而不懂自我檢討，避免好心做壞事．相信人應會自我調整．

希望在明天，一定得．

142526

我最怕他根本沒有 反省的一天 ,我看他現在毫無責任感 ,態度很差 ,對他有說不完的憤怒.....想起就嬲!!!

One-Mama

Ahling2004 & 142526,

睇到你地兩位囝囝的情況, 明白父母那種兩難的心情, 青少年意志力不足、對沉迷徵狀不敏感、或在日常生活缺乏目標與成就感, 特別容易迷失在網絡世界中, 沉迷而不自知. 唉... 有時在公眾地方看到成年人都一樣沈溺玩電子產品. 活在網絡世界而不自覺.  如發現問題實在嚴重, 應及早向專業人士如社工. 心理醫生或有關機構求助, 希望以下的介紹對你們有幫助:

參考書籍:  [戒打機要有計-家長攻略]作者 呂宇俊

輔導服務機構: 明愛向晴軒「跳出沉溺服務」

努力加油!

gigivinda

142526 發表於 12-5-5 16:52
我最怕他根本沒有 反省的一天 ,我看他現在毫無責任感 ,態度很差 ,對他有說不完的憤怒.....想起就嬲!!!
...

Sorry, 可能小六太細，不懂自律，還要多些規管，要中二．三才可以自我反醒．講漏佐，無論那個年齡，都要有少少底線，例如不可以遲過十一二點睡．

142526

Hi 各位家長 ,我張這篇:[父親必讀] 另類親子方法 - 4 [縂結編]讀給我先生 , 他現在好似參考來做 , 希望大家會好過一點吧.

Ahling2004

如何令做家長好過一點呢? 我地不斷去探索解決方法及緩沖與仔之間的沖突. 佢就不斷向前沖, 好似要迫你跳墻咁. 依家又駁我話: 係房開電腦,有聲才可以溫到書, 總易入腦.... 真係胡說八道.  如果真係有用, 咁平時的小測及默書一定好好啦, 但又係不合格.  佢幾時才知衰,知醒呀.  每次都想同佢好好傾下, 佢就黑面, 越講佢要改的地方, 佢越回避.  就來考試啦, 總係不分晝夜, 時時刻刻打機, SMS, 睇漫書卡通... 幾時回頭????

小林太太

樓主, 身同感受, 我同你情況都是一樣, 只是我唔準佢鎖門或關門, 因為佢想鎖門, 我就話連個鎖都拆左去。

可能我係一開始就咁做, [因為手機已比左佢, 所以之後佢的行為如過份, 我就會好堅持]。

我個仔都係聽歌帶耳塞做功課, 佢又話聽住歌會專心點,  最初我都不太接受, 我都有嘈佢。但之後知道好多時下青年都是聽住電腦音樂/歌, 都可以有好成績, 只是他未肯努力。 其實我個仔有一萬樣野睇唔順眼, [放學唔換校服直到10點幾沖涼, 一日揸住部手機, 開哂飯唔食, 要等陣才吃, 有時唔吃。 放學同同學遊街, 有時回家換衫即出去打藍球, 9:00 幾才回來。欠交功課十二次....

你越話佢, 佢越反抗, 有時覺得身邊朋友的仔仔囡囡點解會聽話咁多, 自己好唔掂! 覺得自己教得唔好。跟住成日唸用咩方法可以令佢會有進步。

我現在試緊每天不理佢, 由佢自己去自律, 設定以下: [不知成功與否]

1) 功課唔做或唔交, 由佢自己負責。
2) 考試唔温書或唔合格, 由佢自己負責。
3) 食飯過左開飯時間唔埋位, 半小時後即收, 唔會再晏點叮比佢
4) 放學唔換校服, 或遊街, 我唔理, 但會問同邊啲同學一齊 [通常我都識果幾個], set 晩飯時間,,過左時間回來, 唔會留飯。
5) 晚上10:30關wifi, 等佢上唔到fb, whatsapps, 雖然佢會打機。

現在減少同佢講成績呀, 讀書的好處, 因為佢己聽了好多, 我會找多點數據, 如學校揀科的條件, 如幾多%入到什麼科.....  

阿囝暫時都會同我有[計]傾, 但都係一時時, 有時會講吓psp打機的主角, 有時會講吓同學仔。我都要扮吓野, 話個主角好似邊個邊個, 你幫佢設計波衫有幾型!!!!

我個仔曾經同我講過話不喜歡讀書, 話覺得好悶。我即時心一沉, 好難接受。 [心中就想話佢只顧住打機同玩, 邊有心機讀書呀?]之後找人分析, 講呢個年紀, 好多人都唔鐘意讀書, 覺得乏味。自己又好似太緊張佢的說話, 希望佢大一點能醒覺吧!

現在最難的地方, 係點樣引導佢...

Ahling2004

回復 小林太太 的帖子

小林太太: 我同你真係好多地方都相似. 我都好少同佢有話題了, 唔係我唔想講, 係無機會講.   當亞仔有時都找話題同我傾, 又會同我地玩啤牌時, 我就爭取同佢傾多, 好似要把握時間咁, 真陰公.  不過到依家, 我都係堅持唔比佢晚上出去. 但係, 相信好快呢個堅持要被打破了. 因為佢時時都係度爭取.  依家我都無同佢講讀書的野, 由佢自已去負責. 講多都無謂, 自已拿來氣.  晚晚1,2點才訓, 佢唔訓, 我都無覺訓. 佢都唔明佢亞媽時時刻刻都好擔心佢.   我個仔總天真, 成日覺的自已一定會考上大學,  又話以後會搬去大學宿舍..... 每次我一聽佢咁, 我就好反感. 唔係我唔睇好佢, 但佢太過空口說白話, 都無付出點會有收成.

小林太太

如你阿仔說一定會入大學, 真係好事, 起碼佢有自信。

我個仔都係好有自信, 成日都話入到大學, 但最近轉左口風, 話入大學唔容易。  

昨天收到班主任的電話, 說阿仔如何的鬆散, 大耳牛, 上堂個樣好攰成日訓覺。 因為佢欠交功課頗多, 放學要去留堂班, 但佢話唔記得去, 於是又被記缺點一次。

真係一肚火! 但我忍住, 問阿仔佢究竟想點 ? 知唔知除了讀書, 操行都好緊要。現在升班都成問題 [對佢真係好可惜, 佢係一個好聰明的人, 小學老師們個個都話佢好醒, 頭腦轉得好快...]

佢話現在成績太差, 好難追, 不如今年留班一年, 出年努力!

究竟想玩到幾時?

Ahling2004

回復 小林太太 的帖子

吓, 咁快決定留班? 你聽完係唔係好唔開心. 我都好怕聽到亞仔咁講.  不過, 你都要放鬆些, 有事野真係控制唔到. 如果佢知衰,知醒, 咁都安慰. 最怕佢到依家咩都唔知.

我今早才因為個仔拿錢去買點數打機及唔見左學校課外書要賠錢問題同個仔吵.  點知個仔當唔見書係小事, 講到唔關佢的事咁, 講到本書僧自動消失咁, 一的責任都無.  又唔認拿錢去買GAME玩, 話幫人買. 不過類似的事已發生左好多次, 佢都係唔認係自已. 咁我咪話佢: 咩都唔認, 由你啦. 跟住佢就大發脾氣, 話我唔信佢, 跟住大力開沖左出去, 去到列門口總要駁我嘴  真係當場激到我個心痛的到眼淚直流.  叫我點信佢, 次次都係用咁籍口, 一次又一次. 點解要幫人買? 幫人買左收據又唔拿回去比同學要回錢, 總要同我講零用錢不夠用, 一日要用40元(早+午). 總之每句都係表達佢的不滿.

真係唔識教.  唉!!!  唯有講係我地教的佢唔好, 才令到佢係咁.....  

chitchatmommy

Ahling 2004
睇到你話係lift門口被仔駁嘴，激心到流眼淚，我即時都眼紅紅，身同感受。總覺得點解做父母咁艱難？我仲衰，每次因事和仔嘈完交後，自己已好唔開心，好難果，但自己老公仲會埋怨話係我搞出來，個仔D性格學晒我，係我教成佢咁......(我係全職媽媽）有時聽完佢咁講真係火都嚟，佢無責任嘅？個仔衰嘅嘢就全部係我責任，我係佢學習上所作的努力就唔會讚我？我經常以身作則，見人大大聲聲打招呼，但兩父子跟係後尾聲都唔聲，講極都係咁。係咪時下年青人都唔講禮貌，毫無責任心，冇大冇細？

就嚟母親節，我諗起就心痛，我從來都無過個母親節佢細時都有劃下咭仔比我，而家大左啋我都呆。我成日諗，我係咪真係咁失敗？唔識做人阿媽？

小林太太

不要灰心！只有給與無限的愛與包容！

我仔都用錢買點數，是之前的事！過了一排佢冇買。
對住我阿囝，現在我自己有些小領略，就是接受他的現狀。每天要自己不要話／罵他，
我生氣時就即唸到關係轉差。我試買

cadamom

我的小朋友仲細，所以我未加入戰線，只是想向大家學習一下。不過想起聽過専家說試試與兒子說話時，不要打對面，而是與他平排並肩，一起同做一些事，例如一起洗碗。男孩子很怕對峙的形式，如並肩一起做事時，他們會比較relax,也比較願意溝通。

小林太太

今天, 我買了一筒黑茄倫子糖並貼上字句放係佢張床上, 等佢放學回來見到,  跟住又買了黑近帶匙三文治雪糕比佢, 佢今日開心左好多。。。。仲同我傾計。

試著氹佢，由闗係改變入手。

工人姐姐同我說, 同阿仔fd 啲, 佢會慢慢講多啲野。
現在同工人姐姐一齊夾手如何向阿仔埋手。

今日都有好火事件, 我問六次, 食左飯未, 佢都答唔到你, 跟住

小林太太

又禁錯制.....

佢呢個習慣係由細到大, 都不能即時應人, 可能之前太闗心佢, 成日問實佢...佢咪唔想答囉。

咁我今天又忍, 唔大聲喝佢, 只說我問了你六次, 你懂回答嗎? 跟住唔再問佢野, 由佢找我, 其實都唔知啱唔啱....

gigivinda

其實大部分家長都在學習中，我想不要太緊張他們的飲食或ｔｕｍ他們開心，當然也不可大聲喝佢，因為太多的關愛會令孩子無情，所有的關愛變理所當然．

142526

明天是母親節 , 我早在兩 歲時,我的媽媽已經離世 , 現今看到兒子對自己的態度, 心中有說不出的酸....今早為了要他早起上學習班 ,又有爭執,我一直待他上學後 , 想起自已的媽媽 , 聴著收音機不停的說母親節什麼什麼的....我的眼淚實在忍不住流出來了.

Ahling2004

回復 chitchatmommy 的帖子

我本身係在職媽咪, 平時只係夜晚收工回到屋企吃飯時同個傾計. 以前佢都會同我講多幾句, 依家大個左, 有問才有答, 唔問唔答.  大家有時好似好宿生咁, 無話題.  家中的男人同你那個一樣, 成日話我: 好煩, 又話我地囉嗦, 又話個仔第日學壞或不回家都係因為我依家咁煩做成.....  男人唔當止唔企係我地這邊, 也不一起諗下辨法, 總要埋怨我地教的唔好.  好心淡一聽佢咁講, 又非常之唔開心.  得把口話我地, 佢可以出手教仔架, 點解衰人都係我地, 好人佢拿哂呀.  

Ahling2004

回復 gigivinda 的帖子

絕對同意. 越緊張佢, 佢越唔自在.  做父母會越覺的激氣當得不到任何FEEDBACK時. 所以依家要試著放低對佢期望, 順其自然吧.