無心儀學校,點算?

csy_ma

原帖由 Yanamami 於 11-11-22 21:47 發表
一身兒女債嘛....由幼稚園, 私小, 直資中學到出國升學, 想唔去搵XX兩兄弟都唔掂.

家陣咁既趨勢，就算通過香港公開試考上香港大學既機會都可能比響香港考英國公開試既人少，弱勢既，唔擠進以谷為務既中學，真係"執輸行頭"  咁重危機感之下，點到D家長唔跟住迫到D仔女盡？

csy_ma

原帖由 kswiss 於 11-11-19 09:22 發表
csy_ma,

女校我OK架! 你唔記得我都係女校出身架咩?

你第一ROUND 揀保祿, 相信你坐定粒綠都得啦! 如你女女保持狀態, 應該已被取錄了. 再唔係, 第2輪仍放保祿, 放第1位收既機會十分高. 如你地真想讀培英, 應該將佢放第1, 否則被保祿收咗就冇機會啦!

Kswiss：

多謝妳呢個post 我囡之前睇過我地既討論，今日同佢再傾，佢認同將培英擺返響首志願。睇黎，佢對培英又真係唔知點解咁有好感？ 不過都好既，讀男女校都有其好處（培英男女既比例好似三七），我地都唔應該因為懶搬屋，規限咗佢既選擇……

選校既野，真係好講緣份。假如我唔係識個朋友入咗唐乃勤，都唔會對唐中有興趣。第二都可能揀返對於我地同樣隔涉既陳兆民或者伍若瑜夫人。
不過，葵青區傳統英中都已有六間，陳兆民仲好彩，因為我校好多因抽唔到林護就揀佢既band1頭至中既學生入咗去，咁其他既band1尾band2頭既中學，生源便可能局限在六大以後既學生（而家因為抽獎，質素都應會平均咗，縮班仲令band2頭既學校成為熱門既第一選擇）。而唐中因為交通方便，位置適中，加上有保良既強力支持同接龍莊啟程既優勢，吸引好多傳統名小band2頭既學生揀佢，咁傳統名小同地區小學有一定既學術距離，葵青區水平又可能未必勝過油尖旺、荃深九等區，所以我認為，同係band2頭，唐中既收生質素有可能較本區二線學校好？

Yanamami

最怕有時唔係你話想谷就谷得起呢....

原帖由 csy_ma 於 11-11-22 22:11 發表


家陣咁既趨勢，就算通過香港公開試考上香港大學既機會都可能比響香港考英國公開試既人少，弱勢既，唔擠進以谷為務既中學，真係"執輸行頭"  咁重危機感之下，點到D家長唔跟住迫到D仔女盡？ ...

hongkeikei

Hi csy_ma,

上年我囡自行都有選培英!
若以名氣和歷史,培英比我們的第一選擇更優勝,但我和hubby實在很喜歡第一選之學校,而培英又是跨區上學,所以經過一輪考慮,都只將其排在第二位;而最後小女也入了自行第一選擇的學校.

培英給我的感覺是注重英語的學習及培育,學生大都有自信和乖巧.

但校園的環境則較失色,比較陳舊和細小,這都是沙田幾間英中的相同處境!

[ 本帖最後由 hongkeikei 於 11-11-23 13:45 編輯 ]

咖啡奶茶

csy ma,
見妳提到培英, 插一咀先.
早個多月前, 小女學校有組活動去培英, 係個英語日營來. 去完之後, 小女對培英d大姐姐贊不絕口,只是校舍細, 連飯堂都細.  只可惜我們距離太遠, 不會申請了.

Yanamami

「華英中學 創校及發展過程 簡介」
華英中學創立於 1913年，為英國循道公會華南教區在廣東佛山興辦的著名教會學校。由於校風純樸，成績優良，華英與培英中學、知用中學被譽為廣東省三大名校。

**取錄於華英校網**

csy_ma

原帖由 kswiss 於 11-11-23 17:10 發表
hongkeikie,

你女女就讀哪中學, 可否pm告知?

見你地個個都係自行時已被取錄, 真係好勁!

Hongkeikie：

謝您的資料 我都想知您的選擇


咖啡奶茶：

我都係唔係太喜歡培英個校舍，好似好難留校咁，而我覺得環境對人既接收天線有幾大無形既影響……不過，阿囡話佢唔覺喎（佢反而不喜校舍環境不錯既體藝）

Yanamami：

厲害  我煲咗好多培英既資料，都冇留意到培英原來都係百年老校

csy_ma

原帖由 kswiss 於 11-11-23 00:30 發表
唐乃勤, 大抽獎時如你將佢放第2, 又係好大機會. 因為佢未算為家長熱門之選. B1家長第2位還會擺B1尾中學的.
...

Kswiss :

您既分析好精闢 唐乃勤今年應仲有band2位，咁band1生其實係可以擺後少少（唐中後我應會揀李城璧同培道，培道太遠，否則會揀前d），但我第一位已係保祿，假如咁都抽唔中，即係個號碼好後，同區既應該都冇咩行，暫時未諗到點排位好……

csy_ma

我今個月頭在FB出咗咁既post：


下星期，囡囡就要考第二次可能也是最重要的一次呈分試了，之後便
要揀中學。想整理一下我地既思維，同俾囡囡有個參考，你地可唔可
以講一下你地認為理想既中學生活，會包含D咩野？中學生涯中，你
地最有印象既，又係邊一幕？
先謝謝指點迷津：）

Yanamami

小小花絮: 港島區培英是中中, 好似係band2. 沙田培英是英中.

原帖由 csy_ma 於 11-11-24 11:06 發表


Hongkeikie：

謝您的資料 我都想知您的選擇


咖啡奶茶：

我都係唔係太喜歡培英個校舍，好似好難留校咁，而我覺得環境對人既接收天線有幾大無形既影響……不過，阿囡話佢唔覺喎（佢反而不喜校舍環境不錯既體藝）:igiv ...

csy_ma

原帖由 csy_ma 於 11-11-24 11:21 發表
可唔可以講一下你地認為理想既中學生活，會包含D咩野？...

結果回應者稀 ，不過D意見似乎都幾有參考價值：

自由空间──要有鼓励学生课余发展个人兴趣的自由空间。
我中学时主编校刊，编辑自主权很大，想玩什么新题材都可
以，校方只提供印刷和发行的支持。印象最深刻的还有编排
舞台剧，联合好几个班的爱搞事分子一起来，排了一出荒诞
版的Schindler's List，全校贴海报，当年校方虽然明显偏爱保守的歌舞
，却仍然没有打压我们在总决赛上公演。



哦对了，还有自然科学这种“硬”课程的设置，也能显现学
校的品质区别。例如我们初中的地理老师就特地找了一个课
时，让大家回家向老爸借个锤子，然后一整车人到广东某个
废弃的煤矿，钻山洞随便挖化石！还真有同学找到了三叶虫
化石，叫人好羡慕。


此回應者在廣州唸中學，北京唸大學，現在德國當博士後。佢講既自然科學"硬"設施，香港學生只有羡慕的份兒

但校刊的自主度，據我搜來的資料看，最少保祿是相似的。保祿在開放日重演的音樂劇，也是很原始由學生排的（故事倒指定，音樂不是，讓學生自己選歌，導演也是學生）；培英則較大型和專業，編劇導演好像皆師生合作，但音樂則好像是由學生自行作曲……

csy_ma

原帖由 csy_ma 於 11-11-24 11:21 發表
你地可唔可以講一下你地認為理想既中學生活，會包含D咩野？ ...

其實,中學時作文分不高,作文題目都教學生不知所措.如
果作文題目出得好,又寫的好,真是高興.


這回應者現時為某老牌文化雜誌的執編，所以比較關心創作方面。這個……我發現不同中學現時的高中作文題（指中文），多半是某年公開考試的題目。這些題目也OK有意思 （例如，題目會轉彎抺角咁問你，認唔認同"有錢係唔係大晒＂，又竟然有幾多同學會話，係，有錢就係大晒，真係坦白！ ）。


響呢方面，培英有網上小作家園地，大概可以自由發揮了？

csy_ma

原帖由 kswiss 於 11-11-24 11:39 發表
李城壁同培道唔係我地校網, 你幾時會揀佢地? (係邊部份填寫定自行去考?)

你講得啱, 如你第1已揀保祿, 第2仍可揀陳兆民/全完/伍若瑜, 冇須把唐中放咁前,除非你對以上既學校冇興趣而又對唐中情有獨鍾,則另作別論.

...

響陳兆民／全完／伍若瑜／唐乃勤之間揀，我的確會揀唐乃勤，方便上學係一個主要考慮因素（我地去唐中只三個巴士站車程，其他均要轉車），初中書院這個新形式亦是，還有保良既資源和搞好唐中既誠意；到今年，唐中中文轉普教亦有點吸引……
我囡是個不太容易受人影響的人，雖然唐中有可能學生質素比較參差，但好的大概會較好，且中英數又小班教學，所以以上四間仍會選唐中

至於李城璧、培道等，打算大抽獎放在唐中之後，第三志願後不能揀他區的band2學校嗎？

csy_ma

原帖由 csy_ma 於 11-11-24 11:21 發表
你地可唔可以講一下你地認為理想既中學生活，會包含D咩野？ ...

寫以下回應既，係一個自我標籤為"宅男＂既朋友

理想的中學生活，應該有志同道合既同學仔；應該有好多人
參與、有良性競爭既課外活動；更應該要有愉快既學習，而
唔係為左第時搵好工而學習；


至於讀書的內容？
其實不重要
，反正中學不會有甚麼富爭議性的課程吧？


課外活動的內容
？
亦不重要，反正不會是「婚外情」吧？


換句話說：中學生
活，重要的是人，不是課程。有良師、有益友，才是重點。
如果中學就要為將來所謂的前途而考慮讀甚麼、去哪兒讀，
那很悲慘的……


重要是人，不是課程－－呢個可能係用家既角度

Yanamami

唔好 .  等我講下邊d學校我唔考慮啦.

1) 太遠, 每日用2hrs來回.  上到中學讀多好多科, 又多放學留校, 書包又幾斤重, 太遠會辛苦.  我女又係「慢活」一族, 唔訓都唔掂啊....

2) 太巴閉.  我女只係庸才, 費事阻住地球轉.

3) 當學生係棋子, 參加比賽比讀書更重要的.  我女樣樣中中地, 自然沒甚利用价值.

4) 校風麻麻.  中學生多受朋輩影響, 要揀d乖乖學校先為上策.

5) 中中.  阿女中文程度只有小三, 入中中等於判佢死刑.

6) 太谷.  我想中學時期應該係孩子初步接触外面世界的時候, 多d野玩, 學下應付人際關係好d.  死讀書好呆, 而且長大後對中學時期記憶模糊, 只記得讀、讀、讀....

排名不分先後.

原帖由 csy_ma 於 11-11-24 11:32 發表


結果回應者稀 ，不過D意見似乎都幾有參考價值：

自由空间──要有鼓励学生课余发展个人兴趣的自由空间。
我中学时主编校刊，编辑自主权很大，想玩什么新题材都可
以，校方只提供印刷和发行的支持。印象最深刻的还有 ...

Yanamami

良師+益友

今時今日我仲有一班中學同學.  大家亦記住中學時老師教導.  原來唔係齋係課堂中教, 有好多人生道理都係課外活動時潛移默化.  至今仲成日請教老師生活上的問題.  良友更不能少, 生活高低都有一班人在旁, 夫復何求?

原帖由 csy_ma 於 11-11-24 12:00 發表


寫以下回應既，係一個自我標籤為"宅男＂既朋友

理想的中學生活，應該有志同道合既同學仔；應該有好多人
參與、有良性競爭既課外活動；更應該要有愉快既學習，而
唔係為左第時搵好工而學習；


至於讀書的內容？
其實不重 ...