09/10 K1家長

chinchillatam

我小朋友搭了校車一星期已經話唔搭校車返學,日日要7:45開始搭車,本來1:00PM落車,但日日都成1:20先到,辛苦D小朋友,我打去校車公司投訴,要求公平D第一站上車,應該第一個站落車,佢又話要同個司機傾下,如果無改善,自己接好過,個小朋友返學係要佢開心,唔係要佢受苦,搭校車搭到嘔,好心痛,仲返了學十日又病左,真慘.                              

原帖由 BU813 於 09-9-5 01:18 發表
其實真係唔知學校問題定校車姨姨問題...
事緣9月3日, 阿囡放學應該搭學車返屋企, 按之前通知11:25am係落車地點等, 點知11:30學校打電話問我地今日係搭校車定自接.....吓, 我地都無打過電話要自接, 梗係搭校車啦, 跟 ...

josesinmicki

我個囡叫溢澄,都係讀上幼仁班,昨天回來有少少發燒,流鼻水同咳呀,好擔心呀,仲要校車遲到好多呀,原本12:20到屋企,昨天12:40工人姐姐打比我話接唔到囡,跟住打去學校,話校車遲了到,剛剛先開車,結果13:00先返到屋企,佢仲話已經打電話比了家長叫遲D先去接,但係根本就無收到,下星期一要打電話去了解先得.
聽講學校有H1N1喎,知唔知讀邊班架,星期一係咪開始停課呀,因為我個囡係插班,所以好多野我都唔知呀,請大家日後多多交流下..

妹豬

我囡都係幼仁班,我星期一會同阿囡請假,佢食左藥好眼訓,昨天返來訓左3個鐘,平時只訓一個鐘.你家住邊,有時交通情況都好難講,如果唔係成日係咁都可以接受,最緊要小朋友安全.

noelyip

彤彤星期五放學番黎都係有流鼻水，但無發燒，林老師話星期一可以照常番學，不過要帶口罩

josesinmicki

唔知佢地肯唔肯帶口罩呢?我個囡未帶過架,我都唔知星期一比唔比佢返學好,不過今天好番好多,昨天起已無發燒,今天鼻水都收了,無乜咳,但係好驚星期一返學又嚴重返..

noelyip

囡囡今朝番左學啦！但遲D唔知會唔會掛三號風球呢？學校既衛生安全問題又唔知點呢？其實我都猶豫過叫唔叫佢番學好，但今朝見佢心情靚靚，好開心咁番學，咁我就打消左喱個念頭囉！

stephanielum

Hi, 無上嚟幾日又多咗幾位新家長, 好呀, 我地又多d話題啦!  星期六早上, 林老師有無打比你地呀, 個朝10點幾, 林老師打比我, 話學校有兩位同學染上H1N1, 所以學校要小朋友佩帶口罩返學, 仲要放多兩三個口罩在書包內, 以便有需要時更換. 咁我問林老師個兩位同學仔係咪琳琳個班, 佢話不是我地仁班, 都不是幼兒班, 係一個高班同一個低班同學仔, 請大家放心吧!  不過都希望有病個d小朋友快d好番上學啦!

stephanielum

各位接放學既家長, 你地有無留意到校車回程時係咪接埋k3下午班d同學仔先至送你地小朋友回家

事緣今日早上11點左右掛三號風球, 我收到康和校車公司電話, 話因為三號風球下午班今日不用上課, 故不用接佢地, 所以可以早d到我家樓下, 叫我提早到樓下接回女女喎!
我當時反應答好啦! 收線後想深一層, 個職員話下午班今日不用上課 ? 咁關我乜事, 何解會影響校車早到呢?? 話說開學時原本12:35到樓下, 點知佢地成日都遲10-15分鐘才到我家樓下, 但有時又好準時到喎, 我估係咪因為佢地要接k3同學仔, 而佢地又遲到, 所以攪到來到我樓下都遲了呢!  同埋另一樣野係, 我女女係最尾一個上車, 之後會返學校, 但工人姐姐話回程時日日都有兩三個同學仔仍在車上, 唔知佢地係咪k3學生, 準備回校上課呢! 你地有無發現同樣既情況出現呀??

[ 本帖最後由 stephanielum 於 09-9-14 16:20 編輯 ]

stephanielum

剛剛在學校網上睇到最新H1N1確診個案 :上午班1個，下午班6個。
學校話家長可自行決定子女回校, 你地有乜睇法

[ 本帖最後由 stephanielum 於 09-9-14 16:26 編輯 ]

josesinmicki

我都唔知比唔比囡囡返學好,今天回來又無乜野喎,我諗學校應該會加強清潔,
我囡囡朝早07:45要上校車(家住青衣),我曾經見過有小學(都係St rose)學生呀,唔知會唔會車完D小學到青水灣再車幼稚園返學,咁就慘,每日返學前都要遊完車河先返學.
我聽迦琳媽媽講,迦琳會講番學校D事比你聽,仲記得其他小朋友D名.我次次問囡囡,佢都唔係好肯講,不過可能佢仲未認識到其他小朋友啦,迦琳係咪大女?

fcatherinehk

我女女都係幼仁班，上星期四老師話佢流好多鼻水，跟住下午睇醫生，好彩只係鼻敏感發作，不過都決定唔比佢返。星期六收到老師通知，決定呢個星期都唔比佢返。
初時我個女話:唔得嫁喎，林老師會好掛住我嫁。
聽到佢咁講，覺得真係好啦，佢咁熱愛間學校同老師。
不過等埋呢個星期睇下會唔會有新個案再作決定。
希望快d可以返啦！

sofar，我個女講左好多學校既野比我聽，例如:第一個星期返學時，我個女話响學校睇波兒; 食茶點時要排隊，老師教佢用一隻手托住個碗/碟，一隻手um住d餅，咁就唔會跌落地law.

另外我想問大家，你地小朋友對波鞋寫名/貼label位置响邊? 我幫女女貼左label响鞋入面，可能佢認唔到，佢話:老師叫媽媽寫我個名响呢度呀(指住鞋跟後面)，如果係貼公仔貼紙得唔得?

[ 本帖最後由 fcatherinehk 於 09-9-14 20:05 編輯 ]

noelyip

原帖由 fcatherinehk 於 09-9-14 19:50 發表
我女女都係幼仁班，上星期四老師話佢流好多鼻水，跟住下午睇醫生，好彩只係鼻敏感發作，不過都決定唔比佢返。星期六收到老師通知，決定呢個星期都唔比佢返。
初時我個女話:唔得嫁喎，林老師會好掛住我嫁。
聽到佢咁講，覺得真係好 ...

我幫囡囡寫左佢個名係佢白色既鞋底度，我諗都可以啩！

我真係一個論盡媽咪，早排幫彤彤買左對白色皮鞋開學，但可以呎碼出現問題，搞到佢放學成日話腳痛，起初我以為係新鞋的皮比較硬，今日至發覺原來唔係，結果又要再買一對，對鞋著左兩個星期咋！好肉痛加好激氣添～

stephanielum

澄澄媽媽 : 迦琳唔係大女, 佢係六月出世架! 不過佢係屋企多野講到無時停, 乜都關佢事, 成個管家婆咁 ! 但一出到街對住其他人, 扮野本色又出嚟, 就算係每星期都見既表姐, 姨媽都係咁, 真係比佢笑死~~

至於你話校車會唔會載埋小學d學生, 我估唔會, 因為我見過有架好大既旅遊巴載小學d學生, 而女女幼稚園係坐van仔架, 更何況上堂時間都唔啱, 小學返好早喎!

原帖由 josesinmicki 於 09-9-14 18:56 發表
我都唔知比唔比囡囡返學好,今天回來又無乜野喎,我諗學校應該會加強清潔,
我囡囡朝早07:45要上校車(家住青衣),我曾經見過有小學(都係St rose)學生呀,唔知會唔會車完D小學到青水灣再車幼稚園返學,咁就慘,每日返學前都 ...

stephanielum

我都係貼公仔貼紙(有姓名)個d貼係鞋跟位既內側度!

你女女都好叻, 表達到學校情況比你知, 佢好似對學校好有歸屬感喎!

原帖由 fcatherinehk 於 09-9-14 19:50 發表
我女女都係幼仁班，上星期四老師話佢流好多鼻水，跟住下午睇醫生，好彩只係鼻敏感發作，不過都決定唔比佢返。星期六收到老師通知，決定呢個星期都唔比佢返。
初時我個女話:唔得嫁喎，林老師會好掛住我嫁。
聽到佢咁講，覺得真係好 ...

stephanielum

你無帶彤彤去一齊買鞋咩, 點會唔啱既?

我一定會帶埋琳琳去買, 因為佢腳面好厚, 唔係對對款都啱同好睇! 而且我都唔會買咁貴比佢地, 一來腳仔好快大唔啱, 二來冬季佢地要著黑色皮鞋, 都時過完冬天都會唔啱size!

原帖由 noelyip 於 09-9-14 22:03 發表


我幫囡囡寫左佢個名係佢白色既鞋底度，我諗都可以啩！

我真係一個論盡媽咪，早排幫彤彤買左對白色皮鞋開學，但可以呎碼出現問題，搞到佢放學成日話腳痛，起初我以為係新鞋的皮比較硬，今日至發覺原來唔係，結果又要再買一對，對鞋著 ...

[ 本帖最後由 stephanielum 於 09-9-15 13:30 編輯 ]

noelyip

原帖由 stephanielum 於 09-9-15 12:58 發表
你無帶彤彤去一齊買鞋咩, 點會唔啱既?

我一定會帶埋琳琳去買, 因為佢腳面好厚, 唔係對對款都啱同好睇! 而且我都唔會買咁貴比佢地, 一來腳仔好快大唔啱, 二來冬季佢地要著黑色皮鞋, 都時過完冬天都會唔啱size!:lover ...

嗚嗚...我其實係有帶彤彤去鞋嫁！

話說就係因為開家長會果日，老師講左話唔好買太大，因為只係夏季校服合用，所以我就係臨番學前既星期日帶埋彤彤去旺角先施買，點知旺角只得十一號同九號，我已經同佢試左兩次，都覺得太大，有成一吋咁多長左，無辨法唯有打電話去其他分店問，於是星期一我自己專程去上環買十號，番到屋企同都印印姐姐覺得合穿的，但唔知點解著左兩個星期宜家又好似細左咁！無理由兩星期對腳會大得咁快嫁？！

noelyip

宜家多左咁多位家長入黎，不如我地介紹一下自己小朋友啦！

noelyip   　晞彤　Andrea   幼兒仁班　調景嶺

stephanielum

noelyip   　晞彤　Andrea   幼兒仁班　調景嶺
stephanie  迦琳   Gavian   幼兒仁班   葵涌

原帖由 noelyip 於 09-9-15 15:29 發表
宜家多左咁多位家長入黎，不如我地介紹一下自己小朋友啦！

noelyip   　晞彤　Andrea   幼兒仁班　調景嶺

josesinmicki

noelyip   　晞彤　Andrea   幼兒仁班　調景嶺
stephanie  迦琳   Gavian   幼兒仁班   葵涌
josesin      溢澄   Micki   幼兒仁班   青衣

[ 本帖最後由 josesinmicki 於 09-9-15 18:45 編輯 ]

josesinmicki

我囡囡10月尾出世,係屋企就乜都講,一出到街見到其他人就會企係我隻腳後面,驚到死.迦琳6月出世,但係好似好大個咁,佢好叻女呀.唔知迦琳幾時會同我囡囡認識呢?
我決定今個星期都唔比囡囡返學住,你地又點呢?

原帖由 stephanielum 於 09-9-15 12:47 發表
澄澄媽媽 : 迦琳唔係大女, 佢係六月出世架! 不過佢係屋企多野講到無時停, 乜都關佢事, 成個管家婆咁 ! 但一出到街對住其他人, 扮野本色又出嚟, 就算係每星期都見既表姐, 姨媽都係咁, 真係比佢笑死~~

至於你 ...