08/09 K1F 上午班 (Dorset RD.) 報到!!

Pianokc

Hi All,
SORRY, I have two kids in Kentville, mixed up the class nos.
My son is in K1C !! Sorry!!!

james-mama

上個星期去咗珠海”海泉灣”玩, D地方好大又乾淨, 直得推介.  Gotgot, 家長日你問老師問得好詳細呀, 比我地知道學校嘅marking standard, 多謝你.  BTW, 我想幫James報phonics嘅堂, 有無好介紹?

James尋日返學落到樓下, 突然同工人姐姐講話唔記得帶全家福相, 跟住就包跑返屋企搵相, 好彩趕到校巴. 無遲到. James話將相比咗老師後, 老師無比返佢, 問我地點解.  

如果James話掛住媽咪而喊, 我實開心死.

gotgot

傻啦,唔駛SAY Sorry !^^

你有兩個小朋友要湊,又兩個都讀kv, 忙中有亂都好正常!!^^

原帖由 Pianokc 於 09-3-10 13:41 發表
Hi All,
SORRY, I have two kids in Kentville, mixed up the class nos.
My son is in K1C !! Sorry!!!

gotgot

james-mami,

你o地唔"嚴"我長氣就真啦!!^^
phonics 班都係呢道d mami推介果間,我pm d info.比你呀~愛林停o左學phonics之後,而家都仲未幫佢報返添!

愛林都試過一早起身先記得提我幫佢帶o野,果次好似係益力多樽,但屋企冇,第二日先帶到返學,佢o地今次帶相返去係用o黎做勞作整相架!




愛林話今日到d K3運動會呀!!!同埋係學校教o左寫H,佢話Ms. Man話H好容易寫喎!
咁又係,琴日個G字難寫D!

原帖由 james-mama 於 09-3-10 13:49 發表
上個星期去咗珠海”海泉灣”玩, D地方好大又乾淨, 直得推介.  Gotgot, 家長日你問老師問得好詳細呀, 比我地知道學校嘅marking standard, 多謝你.  BTW, 我想幫James報phonics嘅堂, 有無好介紹?

James尋日返學落到樓 ...

cm_pang

gotgot, 可唔可以pm埋我phonics班既資料, 我都想睇下幫唔幫爾澄報.

其實聽到爾澄話喊, 我一半苦, 一半甜, 因為我驚老師覺得佢煩, 無啦啦係度喊. 問極爾澄老師有冇叫佢帶相, 佢都無話有, 卒之尋日老師係手冊寫咗張紙仔比我, 我叫幫爾澄預備一張3r or 4r既家庭相.

all, 我好煩惱, miss wu尋日打電話比我, 話想約我見下校長同主任, 我簡直晴天霹靂, 問miss wu係關於咩事, 佢淨係話想一齊傾下, 睇下點樣可以幫到爾澄係學校既表現.

唉...........

原帖由 gotgot 於 09-3-10 14:50 發表
james-mami,

你o地唔"嚴"我長氣就真啦!!^^
phonics 班都係呢道d mami推介果間,我pm d info.比你呀~愛林停o左學phonics之後,而家都仲未幫佢報返添!

愛林都試過一早起身先記得提我幫佢帶o野,果次好似係益力多樽,但屋 ...

james-mama

爾澄媽媽, 唔駛太煩惱嘅, 我相信爾澄嘅學業係無問題, 會唔會同佢嘅行為有關呢? 聽james講爾澄都好搗旦, 鍾意推跌同學,meat同學塊面, 都幾搞搞震架, 但好可愛, take it easy.  一齊報讀phonics丫.   

james-mama

gotgot

爾澄mami, james_mami,

pls chek pm~^^

爾澄mami,

聽你講完,即刻好有衝動打比你傾o下,不過又驚太夜了!
我明白你作為媽媽,聽到老師咁講,一定會好擔心,不過你先同Ms. Wu約o左日期同校長,主任見見面傾o下咩事先啦,唔好諗晒唔好o既o野先,雖然kv出名好嚴同要求高,但呢道都係一個教育好小朋友o既地方,可能佢o地真係有d想法想同你傾o下,一齊幫o下你點去幫爾澄!!

愛林今日提起爾澄呢,仲話爾澄係佢好朋友!
愛林又冇主動提過爾澄曳曳喎,我問佢,佢先話有(上次你打比我話爾澄推趺個女同學),但愛林就有講其他小朋友做o左咩事比老師鬧,仲有小朋友被鬧到喊!

原帖由 cm_pang 於 09-3-11 09:55 發表
gotgot, 可唔可以pm埋我phonics班既資料, 我都想睇下幫唔幫爾澄報.

其實聽到爾澄話喊, 我一半苦, 一半甜, 因為我驚老師覺得佢煩, 無啦啦係度喊. 問極爾澄老師有冇叫佢帶相, 佢都無話有, 卒之尋日老師係手冊寫咗張紙 ...

gotgot

愛林話今日佢o地都有出去參加運動會跑步,佢話今日佢
o地夾埋拎到二十幾粒星星喎,我問佢係咪真o架?佢著住校裙點跑呀?!佢又話真係o架!

cm_pang

愛林媽咪, james媽咪, thank you so much. 我會try to take it easy. 最唔好係佢星期二打黎約星期六見面, 即係俾幾日我胡思亂想, 我老公星期六又唔得閒, 得我一個人去面對, 我驚我會喊, 又諗過同爾澄轉校, 咁我同佢都唔使咁大壓力. 不過諗多幾諗, 好似gotgot你話齋, 學校都係想教好d學生, 可能佢地真係有佢地既方法, 要家庭同學校一齊合作先得, anyway, 我會勇敢面對, 多謝你們的鼓勵和支持.

cm_pang

re:phonics

james mama, 你會揀咩時間學?
gotgot, thanks for your info!

james-mama

我打咗電話比phonics學校啦, 佢話要做評估先(free of charge), 跟據小朋友嘅能力編班. 每組6人. 逢星期一至六, 星期日唔開, 星期六唔做評估, 地點係畢架山花園, 每堂$210-.  我打算16/3下奏帶james去做評估, likely會james瞓醒後 (5點), 我prefer 星期六上堂, AM/PM都OK.

gotgot

星期六先見,又真係耐o左d ,又冇透露會講d咩,真係會諗好多o野!

其實爾澄有冇話唔鍾意返學??如果爾澄冇話返學唔開心,我都覺得係道仲讀得過,家長係會大壓力d,因為學校比o左壓力家長!

原帖由 cm_pang 於 09-3-12 08:51 發表
愛林媽咪, james媽咪, thank you so much. 我會try to take it easy. 最唔好係佢星期二打黎約星期六見面, 即係俾幾日我胡思亂想, 我老公星期六又唔得閒, 得我一個人去面對, 我驚我會喊, 又諗過同爾澄轉校, 咁我同佢 ...

gotgot

james-mami, cm_pang,

我諗愛林星期六join唔到你o地,佢果日暫時已有兩樣o野學,仲有一樣o野係報o左名等面試,所以我會再安排其他時間比佢學英文!

上次聽d職員講,通常讀kv k1都可以同返一班學,如果冇學過或未學識晒phonics 26個英文字母音,都會由STEP班開始的!!

雙子媽媽

大家好, 我都係K1F的家長, 不果我個囝係Kent Road個邊. 妳地講呢個phonics 班, 我亞囝上星期六都剛上第一堂. 好攪笑, 原來個度真係好多kv同學仔去上堂, 我亞囝都撞到幾個(唔同班不果同褓母車). 不果教我個囝個老師好惡同好嚴肅 Oh by the way, 我地無做評估架wor?

原帖由 james-mama 於 09-3-12 13:38 發表
我打咗電話比phonics學校啦, 佢話要做評估先(free of charge), 跟據小朋友嘅能力編班. 每組6人. 逢星期一至六, 星期日唔開, 星期六唔做評估, 地點係畢架山花園, 每堂$210-.  我打算16/3下奏帶james去做評估, likely ...

gotgot

雙子媽媽,

都係呀,上次我陪++媽佢o地同埋另外第二班個同學仔去參觀,都冇話要做評估,會唔會係而家佢o地夠4歲就要做評估呢??

你阿仔個老師好嚴係點嚴法呀?你仔仔有冇話唔想返?!

原帖由 雙子媽媽 於 09-3-12 17:58 發表
大家好, 我都係K1F的家長, 不果我個囝係Kent Road個邊. 妳地講呢個phonics 班, 我亞囝上星期六都剛上第一堂. 好攪笑, 原來個度真係好多kv同學仔去上堂, 我亞囝都撞到幾個(唔同班不果同褓母車). 不果教我個囝 ...

chrisraven

hi everybody,

好耐無上來啦, 由於工作確在忙碌, 加上細女成日病, 無暇上來傾計。
十分多謝你地的分享, 我仔仔皓霖返屋企唔會講學校嘢, 上次家長日MS. MAN又話佢係學校都唔會講屋企嘢, 所以老師都唔知佢有個細妹。
不知到你地的仔女每日返屋企是否願意做功課呢? 我仔仔皓霖每日只喜歡睇書, 但對於拿起筆做功課則不大願意, 成日都要氹佢。

皓霖媽咪

chrisraven

爾澄媽咪,

你好, 相信面對子女的問題, 往往使父母最掛心, 我記得皓霖讀兩歲班時, 成日有老師打電話俾我話佢成日在學校推撞其他小朋友, 攪到我都不知幾擔心。
不過, 後來知道這個時期的小朋友非常自我中心, 加上有D情緒佢唔識怎表達, 故以行動做出來。只要耐心教導, 加上時間, 皓霖宜家少有這些行為(不過, 唔知係咪無做, 因老師沒有再投訴)。
ANYWAY, 大家一同努力吧
互勉之
皓霖媽咪

cm_pang

hi chrisraven, 得閒多d上黎傾計, 同埋多謝你既分享, 你係同皓霖講多d道理, 定係比多d鼓勵佢?

星期六係見兩個主任同miss wu, 主任話爾澄係一個需要正面鼓勵既小朋友, 提議我可以用儲星星等既方法, 去鼓勵爾澄有好既表現, 同埋爾澄說話既能力唔好, 妨礙咗佢既表達, 所以變咗好多時都會用肢體去表達佢自己, 主任叫我地多d叫爾澄用口講, 講清楚佢想要咩, 先要比佢, 叫姐姐唔好咁快就滿足佢.

我感覺學校好有誠意, 同埋好用心去照顧d學生, 主任話佢成日留意爾澄, 每朝都同佢傾下計, 而且主任又叫miss wu多d同我聯絡, 家校兩方面合作, 互相報告下爾澄係學校同屋企乖唔乖, 如果乖就會有奬勵.

我問主任, 爾澄升k2會唔會有問題, 主任話太早講升k2, 因為有d小朋友會突然間"開竅", 可能過咗個復活假後, 會變咗另一個人咁, 所以叫我唔好諗, 集中幫爾澄既行為進步.

我都總算鬆一口氣, 多謝各位的支持同鼓勵, 我同爾澄都會繼續努力!

cm_pang

爾澄起初唔鐘意做功課, 自從我發現佢寫得好, 我送貼紙比佢後, 佢就好鐘意做功課, 又主動將"肉酸"的生字, 擦咗去再寫過, 我諗小朋友要有個動力, 先會樂意去做功課, 佢鐘意寫字多過油顏色既功課.

雙子媽媽, 你個老師叫咩名? 好惡同好嚴肅你個仔有冇怕咗唔想去學?

chrisraven

爾澄媽媽,

鼓勵同講道理都有做, 不過正如老師所講, 如果小朋友可以表達到出來, 一定會好D。
這方面我就花了小小心機, 由於每日返工都好忙, 少有時間同仔仔溝通, 於是為了可了解仔仔多D, 專程在晚飯後, 都會與同仔仔出外散散步, 我老公仲稱這為"帶仔散步"時間, 一來可幫助飯後消化, 二來又是一項親子活動, 每每在個時會同仔仔講講道理, 同時聽聽佢的心聲, 都幾好的。
另外, 在屋企我用了月曆作為獎勵計劃的工具。先在月曆上記下數項想佢改善的好行為, 如能做到便有貼紙，每日回家後便了解當天皓霖的表現, 然後以星星貼紙獎勵, 貼滿一定數量便獎一些實質的東西, 如禮物或去某地方玩等。在過程中, 每次都會俾皓霖自己貼上貼紙及話比佢知為何無貼紙。
我實行了一段時間便見皓霖有Ｄ改善。
繼續努力
皓霖媽咪