"官塘基督教服務處幼兒園" 集中營 !!!

芸迪

dleelm: 楹楹禽日係學校訓唔訓到?

dleelm

芸迪
禽日同今日都訓好小, 因為平時要大人陪訓覺, 所以唔習慣. 今日返學重唔捨得爸爸走, 抱住佢隻腳唔放. 前幾日無喊,但今日就有喊, 可能佢知道響學校時間長左.  另外提提你, 如果恆恆有d陪佢訓覺物品e.g.毛巾/公仔, 記得帶埋返學.

芸迪

dleelm:   你咁講反而令我有d擔心添, 訓埋覺會唔會令佢情緒無咁穩定呢? 因為我依幾日都同佢講, 食飽飯就黎接你, 今晚記得轉口風先得.

恆恆平時都有大人陪訓, 佢訓覺所需既物品係......頭髮, 希望老師肯借出3千煩惱絲.

恆恆今日先突破到心理關口, 聽日又有新挑戰

tungwai

芸迪
哈哈, 恆恆要摸住頭髮 目訓 覺, 咁攪笑, 真係個個小朋友都唔同呀, 希望佢今日都係咁叻仔啦

dleelm
咁爸爸有冇唔捨得呀, 因我個女那時都有呢個情況, 講真我見到真係好唔捨得走嫁, 不過, 冇辦法, 真係要硬住心腸嫁

dleelm

芸迪
比你笑死我啦!! 唔記得左你d頭髮係恆恆至愛添, 咁你無得剪短啦!! 原來大或細的男士都鍾意長髮美女 :  :  :

tungwai
爸爸都有小小唔捨得, 放學見到爸爸就喊, 好似好淒涼. 但係今早返學又ok喎, 無抱住佢隻腳唔放.  咁維維訓得幾好, 今日係咪放2:30pm??

tungwai

dleelm
係呀, 今日放 2:30 pm 呀

芸迪

dleelm: 我之前都同恆恆講定, 佢扯頭髮依個壞習慣, 係學校要改, but佢自己加多句, 係媽咪屋企唔駛改喎   

芸迪

啱啱又打咗返學校, 了解下Jaykan今日係學校既情況.

1. 經過禽日賴尿事件後, 終於都成功衝破心理關口, 肯俾老師幫佢去廁所.
2. 肯自己食飯, 食咗大半碗.
3. 肯訓係張床, 雖然訓唔著, 但就乖乖訓低. 老師借咗小波俾佢攬住, 臨走時仲話要放返好小波添.

整體黎講, 今日既表現都好好, 好合作

tungwai

今年 D 小朋友個個都好叻呀

tungwai

昨日老師同我講, 話亞維維沒有睡覺, 重要係咁聊隔離床的小朋友玩, 重要玩到好開心那隻, 真係比佢激死呀, 可能之前那晚 9 點幾就 目訓,  目訓 到第二日 8 點幾, 所以就唔肯 目訓 , 係到攪攪震羅

芸迪

tungwai: 想問下係老師打俾你定你主動打俾老師架?

恆恆禽日都訓唔著, 今日放2:30pm, 唔知訓唔訓到呢?

佢禽日返到屋企好扭計, 應該係扭眼訓, 因為已經過哂佢午睡時間.     佢返學後, 每日午睡都訓成3-4粒鐘.

dleelm

tungwai,
楹楹禽日只訓左15分鐘, 跟住就同同學仔玩, 唔通係維維???? 今日楹楹放4:30pm, 咁維維放幾點呀?

芸迪,
楹楹都一樣, 響學校訓得唔好, 返到屋企又係好扭計, 有咩辦法呢??

tungwai

dleelm
唔通係我個仔整醒楹楹, 維維今日放 4:00 pm 呀

芸迪

又打咗返學校了解Jaykan今日既情況.

佢今日都叫做有zzz, 大約1粒鐘. 開頭都唔肯zzz, 話要搵嫲嫲, 老師氹下氹下, 最後都zzz著咗. (叫做成功卦  )

其他食飯去廁所都ok  

tungwai

芸迪
叻仔喎, 咁你今日, 星期六, 星期日都要讚下佢啦, 咁佢去廁所識唔識自己除褲呀, 我個仔都重未得呀, 因我老公帶佢返學時, 見到 d 小朋友去廁所時, 都識自己除褲, 但我個仔就只係企  0向  到等, 真係衣來張手, 飯來張口, 柯尿等你幫手

芸迪

tungwai: 原則上恆恆係識既, 但佢多數唔肯除哂兩條褲, 只肯除其中一條 (怪人 ), 著褲都一樣, 但就一定要你幫佢再整理囉.

我會勁讚佢叻仔架喇.

係呢, 維維聽日返唔返?

dleelm

芸迪,
恆恆又有進步,你咪放心晒. 我暫時係睇番老師的memo 先知道楹楹響學校的表現, 你係咪lunch time 打去問??  

芸迪

dleelm: 我會等個仔放學後先打返學校問 老師可能會覺得我好煩   

楹楹聽日返唔返?

dleelm

芸迪,

返呀! 要keep住先. 今日隻衰豬又訓到一個鐘頭, 算有進步啦!  

芸迪

星期六恆恆有微燒, 所以無返學. 即日已經退咗燒, 今日如常返學lu.

今日會試返全日, 放學坐校車, 希望順順利利喇