一呂現家長 / potential 家長會

Homama2004

Candy
成績龍虎榜>>>>邊度有得睇?
>> 係近後梯的報告板.
??你囡囡幾時決賽呀??努力加油,姨姨們一定支持佢呀

Claudia,
我估你囡囡數學可能都係全級第一    好叻女呀!!

消費能力亦不差過香港, 甚至有時還要比我們還高呢! >>看到報紙話LV一年加了5次價,就因為內地遊客消費力高,捉到他們心理,越貴越多人買....我出來工作咁耐都未捨得買LV的產品,實在太貴,好似都係袋一個

時事update
-陳馮富珍當選世衛總幹事
-中大研究出中風新療法
-911事件影響深遠西歐嬰兒體重減
-他信突秘密訪港(泰國前總理他信突然秘密訪港) 13/11/2006
-明年1月1日起特區政府實施第二階段的五天工作周
-港客以125萬投得重1.51公斤的巨型白松露菌
-中環新天星碼頭
-本港首次發現易危鳥種小白額雁
-由2007明年開始，參加會考及高考的考生進入試場後必須關掉手機，並放於座椅下的當眼位置，若有考生違規，罰則會由原來該應考科目成績降級，提高至取消全部科目考試成績。考生提早離開試場，不得帶走試卷。鑑於成本昂貴，當局不會採用探測儀監測。
-香港廁所協會對本港三大主題公園廁所進行滿意度調查，包括海洋公園、濕地公園、迪士尼樂園。以三分為滿分，三大主題公園評分皆在兩分以上，顯示遊客對公園內公廁的滿意程度超出期望。其中迪士尼樂園公廁最令遊客滿意
-蘇丹紅入飼料令蛋黃變紅 食署跟進河北「致癌鴨蛋」

claudiaho

我估你囡囡數學可能都係全級第一
>>成績龍虎榜只係show每班每科頭一,二名, 其實仲有其他班d人

Homama2004

剛收到妹妹的五級小提琴成績,剛合格多少少分109啦! 又係抹一額汗事件…佢考完試就好似開竅咁,拉得好聽好多…算啦! 四年級考2級,今年就考5級,好似急了些...都係求佢合格有得寫錯履歷表內報中學. 現在總算鬆一口氣囉!!!

candytl

我女星期日一早(9:30am)已賽咗, 結果要星期四上綱睇先知.
决賽評判有羅乃新, 何司能, 仲有一外國人. 大會事前要求每人要備一份正本譜俾評判睇, 但我見三位評判冇人掀過譜, 咁佢點知你有冇彈錯呢? 我問我女老師, 佢答評判係聽你的music, 聽你彈的邏輯結构(係乜??). 唔係聽你有冇彈錯. 我都好滿意我女的表現, 入唔入到三甲, 就要睇佢詮释的方式啱唔啱評判嘅口味喇.

homama,

多謝你嘅update.

claudiaho

今日返到公司樓下, 看見一棵棵

candytl

claudiaho,

你囡囡/仔仔都係12月出世的嗎? 兩姐弟同月同日出世, 你計得好准 , 将來佢哋大個,  生日可能好熱鬧, 兩個家庭+加你兩老.
今年仲開唔開聖誕聯歡會?

Homama2004

Claudia,
你好厲害喎!!計得咁準真的要感恩呀....聖誕節附近生日好氣氛好多.

将來佢哋大個,生日可能好熱鬧, 兩個家庭+加你兩老....
>>>對呀!!

講開我在這星期六生日(又老一歲),難得在星期六,又係得個忙字....

candytl

我有好消息啊, 啱啱知我女得亞軍!   

homama,

祝你生日快樂! 心想事成! 囡囡入到好學校   
eee, 我同你同一星座渦

claudiaho

Homama
難得在星期六,又係得個忙字....
>>忙都要食飯ga, 一家人一齊去慶祝

claudiaho

Candy
恭喜!恭喜! 你囡囡真係好叻呀! 真係要向你囡囡多多學習呀 ! 睇

Homama2004

candy,
嘩! 厲害呀!!       
今年你囡囡一定會拿傑出學生獎/傑出音樂獎.......   

eee, 我同你同一星座渦
>>咁你又係最近生日喎,囡囡送了一份大生日禮物比你   

alicetong

唔見左3位老友記一日咁多..就收到咁多好消息？     

首先恭喜Candy女女彈琴咁叻女囉到咁好成績..音樂操藝更上一層樓..

另外Homama,預祝妳生日快樂,心想事成..大女女已經比到妳一份最好0既禮物。仲有細女水準保持number one狀態,比我都一定流出開心0既眼淚..為人父母喜悅莫過於此？

crazyEE

成績龍虎榜>>>>邊度有得睇?
>> 係近後梯的報告板.

學校現在不許家長進入校園,又怎可看到呢?

Homama
我都預祝你生日快樂 !

各位媽媽身體健康 !
各位仔仔囡囡學業進步!

Homama2004

crazyEE
學校現在不許家長進入校園,又怎可看到呢?
>>你會不會去接放學,那就可以看到的.我要返工的,所以都是由囡囡口中得悉.妹妹只有聖經成績上榜,常識99.5都不能上榜,因太多100分....  
另如你要返工,星期六都可以問問校工姨姨/叔叔,他們大多好好人比你入去睇的.

看見你的名字便想起我一位同事,我們個個叫佢時,都會用她的英文名加上EE,不是年紀問題,只係太好身裁   .....    

alicetong

Candy,
女女囉到亞軍獎品係咩野呀？...
評判團陣容都好強勁喎

crazyEE,
唯一機會家長0個日入去睇囉..妳講得0岩,平時都無可能入到去0既？
多謝妳...大家咁話？希望我個仔唔好再比驚嚇我啦..

alicetong

Homama,
請CHECK PM..謝謝！

想請教妳？我仔仔成績急降..家長日重點應問D乜最精簡呢？妳知實急急腳趕下個架啦... :

Homama2004

Alice,
已check pm,謝謝您幫忙做"影后"   

恕我直言,你的班主應沒有甚麼好講,不要抱太大期望呀!

我提議你:你話仔仔容易受人影響(事實唔係都要咁講),要求老師可否將仔仔調到一些成績/操行好的同學旁邊,希望起到輔助作用云云...我覺得係有影響的.....問佢班/級名次去到那裡,全班/級第頭3名的平均分是多少,咁有個"知"字.因你知明年仔仔便要分banding,全級6-70名左右便穩陣少少可在band 1.

好多男仔都係遲些開竅,所以你不用太擔心,只要不是最底那批,以佢咁乖應不難追上來. 和囡囡一起學普通話的哥哥,現讀DBS中二,五年級時都入不到精英班(全級40名外),但到六年級係可以考到全級第四呀!!我大囡那班都有個女同學五年級又是入不到精英班,上次考試全級19,今次考試全級10名內.........所以不能為單次考試成績而斷定.很多人在五六年級才發力呀!!!前面的成績可以當白板字抹掉佢......    努力呀!!

candytl

我女講佢中文科, 常識有得上榜. 仲話今年佢過班4位插班生個個都有份上榜. 哈哈, 呂小盡收叻學生   
25/11對佢成績排名都唔好期望太高囉.

上星期六調琴師傅來同我調琴, 話我部琴有問題要攞去整, 報價$3500, 回收$6500-7000, 我初頭都諗住整, 后來問咗老師及幾位朋友, 佢哋都話部琴唔值得花幾千圓去整. 因我部琴當年$18000係二手琴倉買入, 琴齡最保守估計超過25年, 潯晚琴老師介紹佢個相熟琴行人來報價, 修理$1500, 回收$7500, 話我個調琴師傳報價食水好深. 我又徵求佢意見整好還是換過部新的, 佢話部琴琴膽冇問題, 而我女仲細, 可以唔使换住. 后來我同老公商量, 最后决定都係换, 就當買部全新琴當阿女嘅得獎禮物啦. 黎份禮物超級大囉.  

candytl

alice,

好同意homama所講, 小學嘅成績好易大上大落, 好多時家長努力啲, 緊張啲, 小朋友嘅成績又會好啲. 某程度上並不能真正反映到小朋友嘅實力. 你仔仔今次退步, 又唔表示佢下次考試不會再升翻, homama大囡就係好好的例子. 要做嘅係揾出退步的原因,對症下药.

homama,

以你咁平和嘅性格, 點睇都唔似天蠍座嘅人

Homama2004

就當買部全新琴當阿女嘅得獎禮物啦. 黎份禮物超級大囉
>>> 嘩!!果然係大禮物呀!!一定值得.聽你咁計都值得換.       買部好些的新琴囡囡可以用到大學都得....

我家中的琴係朋友太太的波士移民送的,係Yahama 舊款U1(不是油壓琴蓋),琴姐姐話如囡囡學到8級都應可以用.那移民的朋友的小朋友只學了半年琴便放棄,所以一直放在倉庫內(真係有錢人).....那時大囡讀緊一年級,朋友問老公要不要,佢都好猶豫,我就"師奶本色",嘩!新買要3-4萬,現在新款好似係5-6萬   ,現在只要付出搬琴費當然立刻話要啦!!

琴老師介紹佢個相熟琴行人來報價>>>
我個琴都要調音,請問你有無好介紹.因上次同事介紹那位調完音後,琴姐姐話佢最高&最低都無調,而佢用開那位又退休....

請影番些囡囡彈新琴的相片給我們分享分享....