旺角基督教服務處雋匯幼兒學校

lioxi

早晨呀!!!

尋日老師同我講,話仔仔同人打架呀
好似因為係厠所爭位企,初時推撞,繼而動手,最後梗係喊啦!!
佢仲話已經幫我仔仔查左去瘀膏,但我見唔到佢有瘀到,可能真係好小事la!!
我冇問老師仔仔同邊個打架&對方有冇受傷,因為我知佢唔會講既!不過我就有問仔仔係邊個,佢都有同我講個名(晤知真定假),希望個同學仔冇事la,我寧願係仔仔俾人打,都唔想佢打人先 :evil:  :evil:

fionkwok

Hi all,

今朝個網成朝short short 地, 入唔到來呀!!!     

lioxi

早晨!!!

waiwaichu2003,

呢2日唔見你既???係咪仲好唔舒服呀???   
係既就多d休息啦!!!

waiwaichu2003

早晨呀,各位靚媽媽,型爸爸!
除左夜晚比較咳外,大致上都好好多la,多謝你地既關心!

yenchan,
點呀?set左部電腦係鋪頭度未呀? 係就好la,可以多個人成日同我地傾下計,八下咁,yeah!

twins,
套運動服我地決定訂"珠地"個隻",因我驚"縮水",所以會買大一個size,啫係8碼,共訂2套!

lioxi,
我諗你囝囝咁細個唔會真係打架既,只不過男仔厠所企位地方又真係唔大,所以有時為左急住去厠所先會有d推撞都唔出奇,唔好喊la,放鬆d同囝囝傾下仲好la!

zimba,
你d咳好d未呀?尋日見你好似仲咳過我,有冇睇醫生?

係la,你地今天有冇睇到件新校褸,個款都幾靚,但係咪一定要買ga?

呀!仲有,你地諗住帶乜野玩具返去分享,我都唔知帶乜好,近期阿囝比較喜歡玩泥膠同打保齡球,但哩兩樣好似唔係好適合作分享用途,你地有冇idea?

fionkwok

morning all,

今朝見到件校褸啦! 個款ok咁啦! 好似好多學校d校褸都係咁上下, 我又冇諗住買喎! 著自己屋企個d, 返到學校都要除架啦! 所以我覺得冇所謂囖!

另外, 今日帶咗隻熊啤啤返去做分享呀! 都唔知帶d 咩? 好多都俾阿女玩到好殘, 係d公仔好d, 同埋近排都少咗買玩具俾佢, 成日返咗學都冇咩時間玩啦! 最近我女都係鍾意玩泥膠喎, 咁橋既?

lioxi

waiwaichu2003 寫道:


lioxi,
我諗你囝囝咁細個唔會真係打架既,只不過男仔厠所企位地方又真係唔大,所以有時為左急住去厠所先會有d推撞都唔出奇,唔好喊la,放鬆d同囝囝傾下仲好la!



係la,你地今天有冇睇到件新校褸,個款都幾靚,但係咪一定要買ga?

呀!仲有,你地諗住帶乜野玩具返去分享,我都唔知帶乜好,近期阿囝比較喜歡玩泥膠同打保齡球,但哩兩樣好似唔係好適合作分享用途,你地有冇idea?

其實我都冇喊,係有Ｄ唔開心,我成曰教佢要禮讓,要分享,都仲可以咁...唉...
不過我都冇打佢同罵佢,淨係同佢講下道理咋。
佢而家成日講大話,點算好呀???
如:我唔俾佢玩玩具,佢就話:爸爸話得喎
昨曰仲唔認自已有打架添!!

我今朝俾佢帶左架車仔咋,因為屋企多數係車     

至於校褸,Ｄ家長話暫時都唔駛買住,返學途中就著自己大褸,返到去就著返冷衫...到k3先要見人&表演,先要著校褸!!!

waiwaichu2003

嘩,你地咁快就帶玩具返去分享嗱,唔係星期一咩?
我今朝先睇到日誌咋,所以冇同去帶到呀!
哦!原來你地都冇諗住買校褸,但老師會唔會問ga?

係la,你地d囝囝囡囡濕疹好d未?上次個樽bath oil ok嗎?

fionkwok

waiwaichu2003,

有心啦! 我女果d就好似好d啦! 都重有不過已經冇咁嚴重啦! 今日同佢睇醫生時再問吓個醫生先得! 唔知係咪真係同食物有關呢?

fionkwok

LIOXI,

你決定唔去你媽咪度啦! 仲唔出門口既?

lioxi

我等仔仔放學先去ga!!公公掛住佢嗎!!
至於買"岳"魚肉...一陣都末遲   
你個friend仲未上去同你整電腦咩??

waiwaichu2003,

佢嗰Ｄ讦疹好Ｄ啦!我叫左老師多Ｄ同佢抹汗la!!!又同佢查cream再加埋隻新沐浴露,應該好Ｄ既!!不過佢依然有Ｄ痕...

fionkwok

morning all,

今朝有冇人呀?

fionkwok

morning all,

今朝有冇人呀?

waiwaichu2003

午安呀,fionkwok,

估唔到你今日會上黎傾計喎,唔使揍女咩,我都就黎收工la,see you on Monday!

waiwaichu2003

早呀,各位!
想問你地有冇同小朋友返學呀?

Twins

waiwaichu2003 & All,

Goodmorning......
今日囡囡冇返學呀, 你呢?
同埋我真係冇收過d咩手印&相片呀 ..........
只係收到一本參加PG既書仔.

waiwaichu2003

唉!我都唔知有冇返呀...

今朝我個邊唔係好大雨,我見電視又冇宣佈唔使返,而阿囝又起左身,咁順理成章梗係返la,點知我老公問都唔問我就叫左我家姐黎揍阿囝,我已經好唔開心,好la,咁我問阿囝想唔想返la,佢又up頭同肯換衫喎,,點知我家姐黎到就話我咁大雨迫阿囝返學,我就話係阿囝自願換衫返學ga,佢話係我大聲問阿囝,阿囝先唔敢唔返學喎,好鬼c嬲! ,於是咪發脾氣'嘭"埋度門自己返工law,so finally我都唔知有冇返呀...

唔好意思,一朝早咁多"嚕囌",我唔係迫阿囝返學,我只係覺得情況許可(我諗住揸車送佢返學),點解唔返學啫???

Twins

waiwaichu2003,
今早我6點幾開電視已經登左唔洗返學, 之後我7點幾打返
去家姐樹, 原來佢地都知唔洗返, 咁就係咁樣冇返到學啦.
你唔好咁激氣啦, 可能你地留唔到電視係右手邊登左出o黍先
至有咁既誤會, 下次你唔肯定要唔要返就打比我問下,
因我都好早起身既,我唔怕架.....
我唔同你講住要做野先啦.

waiwaichu2003

Twins,

我諗你個張"手印相片咭"可能真係寄失左la,因我都係係中秋節時已收到gala,你不如問下會唔會寄左去"左鄰右里",仲有,你最好同學校reconfirm你屋企個地址,以免下次再寄失la!

zimba

waiwaichu2003, twins,
我今朝諗都無諗就帶咗兩個仔返學la, 完全無諗過3號風球唔使返學tim.......不過今日學校有開呀. D班真係少咗好多人返........唔怪得唔見waiwaichu2003, fionkwok, lioxi啦.......今日真係好大雨, 好彩我上車落車時都停咗雨咋.

waiwaichu2003

zimba,

好多謝你話比我知阿囝終於係"冇"返到學校!
但你唔係同大小b搭mtr架咩?