08-09年根德園準家長,呢度繼續

wasyinyin

jumbo_mandy,

噢. 你唔講我都唔知紅雨.

我都覺"愛囡號"個名幾溫馨咁. 做埋"愛妻號"就更好.

原文章由 jumbo_mandy 於 08-6-26 10:22 發表



fatbabyfat, wasyinyin
"愛囡號"呢個稱號幾好聽喎
今朝送完++返學先知紅雨, 唯有繼續留佢係安全ge地方啦, 好過係屋企。

wasyinyin

fatbabyfat,

哈哈. 好好笑.  咁又真係唔係話生就立即生到.

佢咁"愛囡號". 佢無叫你自己湊返肥妹都算係咁. 我囝爸未至於"愛囡號"咁超愛囝. 但都係唔想假手於人. 變成我自己湊. 佢成日話我囝咁naughty. 如果比人湊. 一定捱好多苦

原文章由 fatbabyfat 於 08-6-26 10:31 發表
wasyinyin,

我同你的想法一樣, 可惜 "愛囡號" 話唔怕一萬只怕萬一, 我見佢諗講, 肥妹有咩事我真係未必生得番一個比佢, 我年過 40啦 , 所以尤得佢啦, 萬一真係有咩事我點負責得到.



...

jumbo_mandy

原文章由 wasyinyin 於 08-6-26 10:40 發表
fatbabyfat,

哈哈. 好好笑.  咁又真係唔係話生就立即生到.

佢咁"愛囡號". 佢無叫你自己湊返肥妹都算係咁. 我囝爸未至於"愛囡號"咁超愛囝. 但都係唔想假手於人. 變成我自己湊. 佢成日話我囝咁naughty. 如果比人湊. ...

wasyinyin
紅雨左一陣就取消左lu, 天文台真係..........:;pppp:
妳都有個"愛仔號"喎, 不過我果日見佢一d都唔naughty喎!  妳做左全職媽媽幾耐呀?

wasyinyin

jumbo_mandy,

由初生湊到依家啦. 原本打算湊一陣再返工. 但湊耐咗都係愈覺自己湊會適合囝多d. 就變成跌咗落火坑.

我地覺得囝囝naughty架. 可能男仔都係百厭少少. 囝爸都話可能我自己湊咗已經叫做好d. 如果唔係, 要比人湊, 可能比人毒打咗同虐待咗喇.

原文章由 jumbo_mandy 於 08-6-26 10:54 發表


wasyinyin
紅雨左一陣就取消左lu, 天文台真係..........:;pppp:
妳都有個"愛仔號"喎, 不過我果日見佢一d都唔naughty喎!  妳做左全職媽媽幾耐呀?

[ 本文章最後由 wasyinyin 於 08-6-26 11:11 編輯 ]

jumbo_mandy

原文章由 wasyinyin 於 08-6-26 11:06 發表
jumbo_mandy,

由初生湊到依家啦. 原本打算湊一陣再返工. 但湊耐咗都係愈覺自己湊會適合囝多d. 就變成跌咗落火坑.

我地覺得囝囝naughty架. 可能男仔都係百厭少少. 囝爸都話可能我自己湊咗已經叫做好d. 如 ...

wasyinyin

我都覺得自己湊雖然幾辛苦, 但係就好enjoy, 可以見證佢每日發生ge事, 由其我個囡咁老積, 我更加要爭取見多d佢ge BB期啦, 妳講得冇錯, 我地跌咗落火坑, 真係好難番轉頭。

fatbabyfat

wasyinyin,

我個 "愛囡號" 梗係有叫我自己揍肥妹啦
, 不過由於我係一個十分緊張的人同埋自己身體麻麻, 所以我話唔想, 佢都無再迫我. 好在唔使全職揍肥妹, 唔係我同佢的關係重會差好多, 因為全屋人得我一個同肥妹 "say no" 嫁啦, 我的屋企人同 "愛囡號" 的屋企人全部都好縱肥妹嫁, 所以迫住我做丑人, 因為我成日呢樣話唔得, 果樣話唔得, 肥妹最唔鍾意係我嫁 , 有時我自己諗番起都會喊下嫁, 我年紀咁大, 真係博左條老命先生到肥妹, 個衰野咁對我, 不過我個姐姐話, 佢大d會明, 叫我唔使傷心唔使怕喎, 姐姐話佢媽咪以前都係對佢好惡同管得好嚴, 佢大個就知媽媽好, 不過我身體咁差, 都唔知有無機會見到佢大過囉

我之前都講過, 我有左肥妹就作小產, 係醫院住左3 個月, 到5個月先再返工, 返到工d 同事都唔敢問我有無事, 因為我5 個月都未見肚, 我係醫院3 個月瘦左15磅, 全程生肥妹十個月都只係重左 12 磅, 我老板最大膽 (男人), 佢問我個bb 係唔係無左, 我話唔係重係度, 跟住佢同我講, 話佢婆都有左3個幾月, 不過個肚大過我好多, 所以問下, 不過我老板都好好人, 我作小產時我自己 resign, 因為真係唔知要放幾耐假, 佢話大家合作左咁多年, 佢等我, 請住 temp 先, 重話我 entitle 有 sick leave, 所以我無返工個5 個月都有人工出, 公司都算係咁啦.

所以有時都好心up, 肥妹咁對我, 希望佢真係會大過明白我的苦心啦.  所以阿 "女痴" 成日叫我要改變下自己, 唔好管得肥妹咁緊, 要修補下我同肥妹的關係, 個 dean 佬叫我係時候開始 "縱" 下肥妹, 我都無佢咁好氣, 我情願自己唔開心都唔想肥妹做一個無家教同脾氣好差的人, 所以係會繼續管教下, 不過就真係 "sung" 手左少少, 所以呢輪我同肥妹的關係都好左少少, 佢都會話 "媽咪我要你喎" 我聽到真係 "lum" 同好 "happy" 嫁.

邊有人做阿媽做到我咁慘

原文章由 wasyinyin 於 08-6-26 10:40 發表
fatbabyfat,

哈哈. 好好笑.  咁又真係唔係話生就立即生到.

佢咁"愛囡號". 佢無叫你自己湊返肥妹都算係咁. 我囝爸未至於"愛囡號"咁超愛囝. 但都係唔想假手於人. 變成我自己湊. 佢成日話我囝咁naughty. 如果比人湊. ...

stliu

All,

我都好鍾意"愛囡號"呢個稱呼, 好得喎!
咁我屋企都有個愛囝號啦! 哈哈! 我仔今日都有返學呀, 返到學校, 後來先知道係紅雨.

fatbabyfat,

你個愛囡號真係好緊張阿女呀. 哈哈!

我明白你唔想縱肥妹. 我係度諗, 可唔可以唔使即刻say no, 用婉轉的方法呢? 同埋間唔中俾D say yes佢啦, 當然係無傷大雅同埋唔危險的情況呢?
其實我都算好就仔仔, 好多時都okay, yes, 但有D野真係唔得就唔得. 佢都知道我地底線. 如果佢話要食糖, 得, 食完飯食, 要做咩都係延遲滿足佢. 總之有個因果關係, 即係佢做左呢樣就可以做果樣野, 或者佢做左壞行為, 就會損失一D野. 佢試有一排常常響度尖叫, 係好大聲的. 我就同佢講:你再叫我就收埋你個thomas火車一個禮拜, 結果佢唔記得左, 我話, 要收埋, 果時響街, 佢係咁同我講數叫我唔好收. 果晚, 我當住佢面, 話佢知因為佢大叫, 收起佢架thomas, 自從果日之後, 佢都唔係好敢再大叫, 仲成日提我,邊日(夠一個禮拜)就要攞返架thomas出來俾佢...
呢個方法對我work, 不過對肥妹唔知得唔得... 嘻嘻...

原文章由 fatbabyfat 於 08-6-26 11:40 發表
wasyinyin,

我個 "愛囡號" 梗係有叫我自己揍肥妹啦
, 不過由於我係一個十分緊張的人同埋自己身體麻麻, 所以我話唔想, 佢都無再迫我. 好在唔使全職揍肥妹, 唔係我同佢的關係重會差好多, 因為全屋人得我一個同肥妹 "s ...

jumbo_mandy

stliu

我都係用係佢面前收起玩具呢招架, 不過多數只用係++唔肯tidy up情況下, 所以而為我問親佢, 駛唔駛媽咪幫妳tidy up 呀, 佢都好譏警話佢自己執得架喇。
而其他情況, 我就多數用貼紙獎勵法, 乖果日就獎, 曳果日就扣, 儲齊若干個貼紙, 就可以去指定ge地方, e.g. disleyland

fatbabyfat

單憑妳ge力量真係好辛苦, 除非家人肯合作, 不過我都好贊成stliu個延遲say yes方法, 好過關係太僵。

stliu

jumbo_mandy & fatbabyfat,

我都有用貼紙呀, 仔仔有個乖乖記錄表, 我揀左幾樣我覺得佢比較棘手的事. 1. 自己畢飯食 (起碼第一碗自己食, 希望遲D可以全餐都自己食). 2. 刷牙(自己動手刷) 3. 好好地食最尾餐奶(用杯飲, 飲好耐... )  4. 好好地poo poo (呢個比較易, 送0既!). 每日都會有得貼, 佢好緊張有冇貼紙架. 所以佢通常都好合作做呢件事.

之前佢試過唔合作, 我打左個交义落去果個格度, 佢眼紅紅好想喊咁架. 其實我好心軟, 睇見佢咁樣, 想話算啦, 都照俾佢貼紙, 但, 我又知道一心軟, 佢就會知道原來大人標準好易動搖, 所以我都堅持. 小朋友好得意, 可能今次你堅持佢會喊, 會扭呼天搶地咁, 但下次佢會學精, 知道我地有底線. 反而有時我地又得, 有時又唔得, 佢地仲難適應呢!

原文章由 jumbo_mandy 於 08-6-26 12:31 發表
stliu

我都係用係佢面前收起玩具呢招架, 不過多數只用係++唔肯tidy up情況下, 所以而為我問親佢, 駛唔駛媽咪幫妳tidy up 呀, 佢都好譏警話佢自己執得架喇。
而其他情況, 我就多數用貼紙獎勵法, 乖果日就獎 ...

wasyinyin

jumbo_mandy,

我見完你囡後, 我係有形容詞想形容佢. 我諗唔到. 依家你講老積就係我想形容架. 你囡真係由外表到動靜都好老積好大個女咁. 我囝大你囡成3個月. 我囝似弟弟多d呀. 你囡比我感覺佢第日好識照顧人同孝順你地咁. 你真係生多個都唔怕. 你囡會好幫得手.

我地依個火坑都好深o下. 真係唔易上返來.

你仲勁. 有埋home office返工. 駛唔駛煮埋飯呢? 如果要就更勁呀. 不過你囡老積同定d. 應該又好好多. 比著我. 我顧得囝黎都得失哂d客

原文章由 jumbo_mandy 於 08-6-26 11:24 發表


wasyinyin

我都覺得自己湊雖然幾辛苦, 但係就好enjoy, 可以見證佢每日發生ge事, 由其我個囡咁老積, 我更加要爭取見多d佢ge BB期啦, 妳講得冇錯, 我地跌咗落火坑, 真係好難番轉頭。 ...

wasyinyin

fatbabyfat,

真係唔好意思. 其實你對肥妹付出嘅係好正經事. 但你就係寫得好鬼抵死. 變成我笑咗出來呀.

正經d....就係肥妹第日會明你付出. 同埋真係touch wood. 唔好話見唔到肥妹大啦. 身體嘅嘢正常健健康康都今日唔知明日事. 唔好諗d負面嘢. 咁正能量就會多d.

好多時我發現如果想作病或病咗. 潛意式叫自己頂住同唔好諗太多. 真係會無病同快d好. 可能自已湊囝. 明白如果我病倒. 就無人幫到手. 我囝就無飯食. 無人照顧佢. 最快都要爸爸放工先得. 咁我就叫自己唔好病呀. 意志力強d. 之後好多時就無真係病架. 唔同以前返工. 小小病就好易變病咁. 因為真係好想小病休息o下咁. 點知就好病喇.

你愛囡號真係幾攪嘢. 叫你快縱o下肥妹先得. 錫同縱真係唔同. 俗語話"打在你身, 痛在我心". 小朋友又唔可以太縱. 免得第日再大d. 教唔返. o個陣會後悔. 寧願細細個時唔好縱都要盡量管教. 有時我對囝時間多d, 話佢嘅機會相對多d. 佢有時都會話要爸爸. 打電話比爸爸. 我一刻都會有少少失落. 但又知係想教好佢. 咁又無唔開心喇. 之後發現囝囝又真係會記得我教過佢呢樣其實應該咁咁咁先啱. 就更加明白自己又無錯喇.

你老細又好好人呀. 因為你為公司都付出過. 老細都會明. 咁肥妹都一定會知你付出過同錫佢. 唔怕喎.

原文章由 fatbabyfat 於 08-6-26 11:40 發表
wasyinyin,

我個 "愛囡號" 梗係有叫我自己揍肥妹啦
, 不過由於我係一個十分緊張的人同埋自己身體麻麻, 所以我話唔想, 佢都無再迫我. 好在唔使全職揍肥妹, 唔係我同佢的關係重會差好多, 因為全屋人得我一個同肥妹 "s ...

jumbo_mandy

原文章由 wasyinyin 於 08-6-26 14:18 發表
jumbo_mandy,

我見完你囡後, 我係有形容詞想形容佢. 我諗唔到. 依家你講老積就係我想形容架. 你囡真係由外表到動靜都好老積好大個女咁. 我囝大你囡成3個月. 我囝似弟弟多d呀. 你囡比我感覺佢第日好識照顧人 ...

wasyinyin

係呀, 佢真係幾老積, 可能又係大碼(以佢年紀, 都算幾高), 成日比人估佢3歲甚至乎4歲, 其實好多時都唔係咁爽, 好似有次係商場toilet同佢換片, 有個Auntie話做乜咁大個仲未介到片, 我話佢連歲半都冇, 點介呢? 個Auntie連忙話sorry, sorry!   所以好多時街外人會以為佢咁大個女, 應該識多d野, e.g.識寫字, 其實未識, 我都慣左。

生多個?!!!!  哈哈! 留番比妳地d後生好過喇!  我通常夜晚有空會煮, 冇空就算果隻, 我老公話鍾意食住家飯, 儘量就到咪就咁啦, 所以我其實係湊緊一仔一女架喇!

fatbabyfat

stliu,

我個肥妹係怪人一個, 佢好似唔係好鍾意貼紙, 又可能係佢老豆買左好多書比佢, d 書全部都有好多貼紙係入面, 佢要就自己會去玩, 所以佢唔會覺得好開心比貼紙佢, 不過我同阿女痴都未試過話佢儲夠幾個貼紙就會獎佢d 咩野, 等我都試下呢招先得.

wasyinyin,

有時我自己都覺得自己好搞笑, 我d 朋友都成日話我講到肥妺同女痴好搞笑, 唔係可以點, 我又唔係真係好改變到, 咩自己當笑話咁講下, 又無咁嬲, 又無咁hurt 囉, 我有時都好阿Q嫁.

所以我D 朋友有時都會叫我 "愛夫堅", 某個程度都好就佢, 好怕佢囉

原文章由 stliu 於 08-6-26 14:16 發表
jumbo_mandy & fatbabyfat,

我都有用貼紙呀, 仔仔有個乖乖記錄表, 我揀左幾樣我覺得佢比較棘手的事. 1. 自己畢飯食 (起碼第一碗自己食, 希望遲D可以全餐都自己食). 2. 刷牙(自己動手刷) 3. 好好地食最尾餐奶(用杯飲 ...

stliu

All,

我返左來喇! 出發前果個禮拜, 又打風, 又多野做, 搞到我臨尾都冇時間再上來BK, 同埋做最後的日本資料搜集. 不過行程都算充實, 去左好多地方. 我自己唔係買左好多野, 反而買左俾仔仔, 我老公都買左唔少野, 犀利呀! 我會update個blog, 不過要D時間啊!

fatbabyfat,
哈哈, "愛夫堅"呢個卓號好搞笑呀! 夫妻係咁啦, 互相遷就, 互補不足.

jumbo_mandy,
我覺得++幾定, 不過果日太趕, 冇乜機會同佢互動, 遲D有機會同佢傾下偈先.

wasyinyin,

湊仔仔真係心力少D都唔得, 我仔呢排好似開籠雀咁, 每日都係十萬個為甚麼呀!

原文章由 fatbabyfat 於 08-6-26 15:44 發表
stliu,

我個肥妹係怪人一個, 佢好似唔係好鍾意貼紙, 又可能係佢老豆買左好多書比佢, d 書全部都有好多貼紙係入面, 佢要就自己會去玩, 所以佢唔會覺得好開心比貼紙佢, 不過我同阿女痴都未試過話佢儲夠幾個貼紙就會獎 ...

fatbabyfat

stliu,

終於等到你返來啦, 你一唔出現, 其他媽咪都無晒心機, 無出現過, 等到我頸都長埋先到你現身.

睇左你同晉晉的第一日行程, 我估你個小皇子呢六日一定開心到不得了, 我地等住睇你update blog 呀.

原文章由 stliu 於 08-7-7 22:38 發表
All,

我返左來喇! 出發前果個禮拜, 又打風, 又多野做, 搞到我臨尾都冇時間再上來BK, 同埋做最後的日本資料搜集. 不過行程都算充實, 去左好多地方. 我自己唔係買左好多野, 反而買左俾仔仔, 我老公都買左唔少野, 犀利 ...

stliu

fatbabyfat,

係啊, 我見你地都好似冇乜出現過呢!
我都好努力咁update呀, 但係實在太多相了, 我要諗個方法先可以放多D相響個blog度, 因為每個blog都唔可以放太多相呢!

原文章由 fatbabyfat 於 08-7-8 10:00 發表
stliu,

終於等到你返來啦, 你一唔出現, 其他媽咪都無晒心機, 無出現過, 等到我頸都長埋先到你現身.

睇左你同晉晉的第一日行程, 我估你個小皇子呢六日一定開心到不得了, 我地等住睇你update blog 呀.

...

fatbabyfat

stliu,

有無去到果間bb 野大出血呀, 我想問下, 日本係唔係減緊價呀, 我下個禮拜三出發啦.

原文章由 stliu 於 08-7-8 10:30 發表
fatbabyfat,

係啊, 我見你地都好似冇乜出現過呢!
我都好努力咁update呀, 但係實在太多相了, 我要諗個方法先可以放多D相響個blog度, 因為每個blog都唔可以放太多相呢!

...

stliu

fatbabyfat,

梗係有啦, 出左D血啦, 唔算大出血. 但真係好多野睇同買呀, 係時間唔夠, 得左一陣先冇買到咁多囉, 買左好多thomas野係仔仔呀!
佢超開心!
係做緊減價呀, 我估你到時都應該仲減緊, 可能減得仲抵, 係怕冇碼冇咁多款揀呀果D, Gap, Comme Ca都減緊價... 好多野買呢!
真係, 我買得唔夠喉呀! 哈哈! 好想再去過!

原文章由 fatbabyfat 於 08-7-8 11:41 發表
stliu,

有無去到果間bb 野大出血呀, 我想問下, 日本係唔係減緊價呀, 我下個禮拜三出發啦.

fatbabyfat

stliu,

唔緊要啦, 下次再去過啦, 你有無漏左想要買呀, 係你出聲, 我幫你買啦, 總之好玩同晉晉開心就最緊要.

係呢, 晉晉放左假未呀, 肥妹返埋今個禮拜五就開始 summer holiday 啦, 女痴又唔比我同佢報好多 course, 都唔知肥妹日日混混岳岳點過. 你知嗎, 肥妹日日起身第一句就係問我 "今日係唔係 "holiday", 一同佢講唔係佢就好失望, 死啦, 放咁長假第時佢返k1 都唔知點算, 我一早想同佢報番 william 的 summer course, 同返pn 一樣, 逢星期一至五返3個鍾 (都係$2000一個月)重平過返pn, 女痴唔肯, 話放 summer 做咩要日日返學, 我真係好擔心佢放咁長假, 9月開學唔肯返學

肥妹上個禮拜跟個姐姐學游水, 個姐姐好有心機教佢, 肥妹開頭唔肯用潛鏡, 姐姐好有耐性氹佢, 無幾耐佢就帶左, 因為有老師係度, 所以無用水泡, 肥妹開頭又唔肯去深水位置, 後來我自姐姐氹氹下佢又肯, 跟住重學係水嘖氣, 最後重可以將個頭放入水, 我見到好開心, 第一堂肥妹就咁合作, 上完堂佢重話下次要再同姐姐游水.

不過今個禮拜d 天氣咁差, 唔知禮拜日可唔可以游到水, 游唔到我估肥妹會好失望, 因為20號個禮拜我又唔係香港, 即係佢可能連續兩個禮拜都無得游啦.

我估肥妹對呢個姐姐印象都好好, 因為我陪左佢地一陣, 我都可以自己游, 肥妹無要我陪佢一齊游.

原文章由 stliu 於 08-7-8 11:55 發表
fatbabyfat,

梗係有啦, 出左D血啦, 唔算大出血. 但真係好多野睇同買呀, 係時間唔夠, 得左一陣先冇買到咁多囉, 買左好多thomas野係仔仔呀!
佢超開心!
係做緊減價呀, 我估你到時都應該仲減緊, 可能減得仲抵, 係怕冇碼 ...

stliu

fatbabyfat,

係啊, 惟有下次再去了. 其實冇乜特別仲要買咩, 你真客氣呀! 你地都玩得開心D啊! 買多D! 哈哈!

因為我地七月頭一個禮拜都唔在港, 仔仔學校係返到下星期五的, 變相係交一個月學費, 返得5日學, 所以我地同佢退左學. 而家佢都放緊假呀. 不過佢下星期開始, 一三五會返兩個鐘. 算係有D細藝. 你呀愛囡號真係好錫肥妹呀!

我地都想俾仔仔學游水, 不過諗住佢大個D先. 教肥妹個姐姐, 係咪專小朋友游水架?到時我問你攞佢聯絡得唔得呢？

係呢, 我想問下你有冇請外傭架?

原文章由 fatbabyfat 於 08-7-8 15:15 發表
stliu,

唔緊要啦, 下次再去過啦, 你有無漏左想要買呀, 係你出聲, 我幫你買啦, 總之好玩同晉晉開心就最緊要.

係呢, 晉晉放左假未呀, 肥妹返埋今個禮拜五就開始 summer holiday 啦, 女痴又唔比我同佢報好多 course,  ...