06年9月入讀蘇淅幼稚園K1既家長, 入唻交流下啦!

CanKan

十月媽咪：

真係好好笑！所以話小朋友係最直接既！

係呀！我地依個星期五會去沙巴，係自己去，不過唔帶細佬啦。其實我決定去之前都猶豫左一段時間，因為驚掛住個仔，但係如果今次唔去，老公打後果半年都放唔倒假，而自己亦想出去行下，況且唔趁幼稚園既時候去下旅行，第時小一既時候就唔可以請假去旅行啦！所以最後都扑鎚。

cankan

十月媽咪

cankan,
真係開心, 有得去旅行, 我三月尾之前都唔駛旨意呀, 事關隻佬個project delay左呀, 所以無得傾! 唔帶細佬去, 你實心掛掛啦, 咁除左工人姐姐湊細佬之外, 會唔會你媽or奶奶晚晚響你屋企過夜幫下眼呢?

頭先阿女臨瞓晏覺前, 同我傾左成粒鐘心事, 佢傾傾下, 忽然間好傷心咁同我講, 佢響學校無朋友仔同佢玩, 咁我問佢...

我: 咁你有冇問下同學仔, 可唔可以同你一齊玩呀?

女: 我有呀, 但佢地話唔准我玩呀! (傾左一輪, 原來佢係指課室入面果個廚房遊戲)

我: 但同學仔早返到學校, 所以咪可以玩先囉!

女: 但係我都好想玩架嘛, 點知一係就同學仔唔畀我玩, 一係就老師要我地收玩具! (胡叔叔架車幾乎日日都接近九點至返到學校, 而老師九點正就嗌收玩具)

講左一大輪, 唔知講乜, 佢又好傷心重提佢無朋友仔同佢玩, 佢好傷心喎! 跟住我又問...

我: 係咪你響學校成日唔出聲, 又容易嬲, 所以同學仔唔同你玩呀?

女: 同學仔話我曳丫嘛, 但係我都無, 佢地話我寫字寫得慢呀, 又唔同我傾偈, 佢地又惡! (嘩, 估唔到我個女係咁在乎佢d同學仔的)

又講左其他野一大輪, 我同佢講番噚日佢咁樣kelly, kelly都會好傷心, 但佢唔多明點解, 佢仲要駁我, 話我知: 咁我記得kelly個樣丫嘛, 咪駛乜掛住啫, 唔記得左個樣先要掛架嘛! 嘩, 呢個邏輯, 我都係第一次聽, 真係服左佢!

anyway, 佢頭先真係講到聲淚俱下, 好傷心好傷心好鬼傷心的, 佢叫我湊佢返學, 唔好坐胡叔叔架車, 佢想早d返到學校, 等佢可以早d同小朋友一齊玩, 佢唔想一返到學校就收玩具, 佢唔想乜都無得玩就要坐定定上堂! 佢呢個要求, 我係咪應該好好咁考慮考慮呢?

原文章由 CanKan 於 08-1-8 14:25 發表
十月媽咪：

真係好好笑！所以話小朋友係最直接既！

係呀！我地依個星期五會去沙巴，係自己去，不過唔帶細佬啦。其實我決定去之前都猶豫左一段時間，因為驚掛住個仔，但係如果今次唔去，老公打後果半年都放唔倒假，而自己亦想出去行下，況 ...

CanKan

十月媽咪：

其實佢地如果番到學校時可以玩一陣先上堂，係真係開心好多架！好似 kelly 禁，我試過同佢一齊返學，佢一入到課室，一路放低書包，一路已經急不及待同d同學仔打招呼，跟住就行埋去一齊玩，所以我相信早小小返去俾佢地同d朋友仔溝通下、兼 relax 下先至上堂係好 d。

但若果你自己湊返學，你就要好好考慮果條長長既樓梯、落雨天既情況、熱且焗既天氣，重有既就係萬一你有咩野頭暈身熱既時候等等囉！

其實你可以過一排再問下個女，睇下個情況係唔係一樣，你知小朋友既夥時時都唔同；你亦可以了解下除左朝早果段時間，其實中間有冇時間都係係課室玩果 d 玩具架！

cankan

十月媽咪

cankan,
係呀, 我都知如果可以早少少返到學校, 畀佢同同學仔交流下, 玩一陣玩具, warmup一下, 佢會開朗d, 開心d, 社交技巧都會有進步!

而家情況就係咁, 因為佢地太遲至返到學校, 一唻佢無乜時間交流, 二唻佢見d同學仔已經有晒partner玩玩玩, 佢就唔敢主動走埋去加埋一齊玩, 惡性循環呀! 不過我都諗住今個星期六會問下老師, 除左朝早果十五分鐘可以玩玩具之外, 其餘時間會唔會都有機會玩呢?

不過有時都唔怪得晒d同學仔的, anson實在係太cool, 又慢熱, 同學仔邊會得閒慢慢等你warmup丫...唉...唯有希望佢大d, 個人開竅, 情況會改善啦!

原文章由 CanKan 於 08-1-10 09:44 發表
十月媽咪：

其實佢地如果番到學校時可以玩一陣先上堂，係真係開心好多架！好似 kelly 禁，我試過同佢一齊返學，佢一入到課室，一路放低書包，一路已經急不及待同d同學仔打招呼，跟住就行埋去一齊玩，所以我相信早小小返去俾佢地同d朋 ...

CanKan

十月媽咪：

話時話，我有時都覺得 anson 幾 cool 架，特別係初段既時候，撩極都冇麥反應；或者你可以叫佢主動 d，睇下會唔會好 d。因為如果佢講到聲淚俱下，應該真係幾唔開心喎！

cankan

joeytcy

原文章由 十月媽咪 於 08-1-8 09:23 發表
cankan,

講樣好好笑既野畀你聽下...話說噚日去跳舞, KELLY一見到ANSON, 就好熱情咁走埋唻同佢講...

K: ANSON, 我好掛住你地呀!
A: 但係我無掛住喎!

可憐KELLY一聽到, 無晒心機, 咁啱有個小朋友走埋唻搵KELLY玩,  ...

甘耐無上黎...一上黎睇到呢段野.....呢兩個小朋友好攪野...HAHAHA...D對答好精境

十月媽咪

悠媽,
我個衰女呀, 有時真係呢...抵佢無朋友架! 咁既態度對人, 真係畀佢激到跳舞呀!

嗱, 好似今個星期一咁, 阿KELLY因為去左沙巴旅行, 阿女見唔到KELLY, 今次就輪到佢掛住KELLY喇! 佢一去到BALLET SCHOOL, 就已經話: 我好掛住KELLY呀, 我要等埋KELLY至入去呀! 我就話: 你咪玩啦女, KELLY去左沙巴呀, 點等呀?

人地響度果陣, 佢就唔嗲唔吊, 人地無唻上堂呢, 佢就賴係掛住人咁, 真係吹漲呀!

原文章由 joeytcy 於 08-1-16 19:54 發表



甘耐無上黎...一上黎睇到呢段野.....呢兩個小朋友好攪野...HAHAHA...D對答好精境

joeytcy

原文章由 CanKan 於 08-1-8 14:25 發表
十月媽咪：

真係好好笑！所以話小朋友係最直接既！

係呀！我地依個星期五會去沙巴，係自己去，不過唔帶細佬啦。其實我決定去之前都猶豫左一段時間，因為驚掛住個仔，但係如果今次唔去，老公打後果半年都放唔倒假，而自己亦想出去行下，況 ...

如無意外....我地一家三口係復活假會去海南島....除左游水你地有無咩好境點介紹...本身新年去...但原來海南島過年天氣雖然唔凍...但就落唔到水....所以改期

joeytcy

原文章由 十月媽咪 於 08-1-16 20:00 發表
悠媽,
我個衰女呀, 有時真係呢...抵佢無朋友架! 咁既態度對人, 真係畀佢激到跳舞呀!

嗱, 好似今個星期一咁, 阿KELLY因為去左沙巴旅行, 阿女見唔到KELLY, 今次就輪到佢掛住KELLY喇! 佢一去到BALLET SCHOOL, 就已經話 ...

但你有無發覺...原來呢兩個小人仔...唔覺唔覺都幾在乎對方喎...又可以學習下友誼情感....幾得意...

十月媽咪

悠媽,
係呀, 佢地兩個就係咁, 有時真係睇到我都唔知好嬲定好笑, 不過kelly係屬於熱情主動型; 但anson就係冷酷被動型, 我個衰女呀, 好多時真係激到阿kelly彈彈下架, 哈哈!

原文章由 joeytcy 於 08-1-16 21:11 發表


但你有無發覺...原來呢兩個小人仔...唔覺唔覺都幾在乎對方喎...又可以學習下友誼情感....幾得意...

十月媽咪

悠媽,
我地暫時淨係plan左16/3-17/3去迪迪仔住兩日一夜咋 (我地買左全年票, 呢個住宿係免費的), 至於旅行, 我都想響暑假前坐一次飛機去旅行呀!

海南島聽講好靚的啊, 都係陽光海灘feel, 但你問我有乜野玩呢? 我真係唔知喎, 事關我仲未去過啊! 係喎, 你地係自由行呀?

原文章由 joeytcy 於 08-1-16 21:06 發表


如無意外....我地一家三口係復活假會去海南島....除左游水你地有無咩好境點介紹...本身新年去...但原來海南島過年天氣雖然唔凍...但就落唔到水....所以改期 ...

joeytcy

原文章由 十月媽咪 於 08-1-17 09:27 發表
悠媽,
我地暫時淨係plan左16/3-17/3去迪迪仔住兩日一夜咋 (我地買左全年票, 呢個住宿係免費的), 至於旅行, 我都想響暑假前坐一次飛機去旅行呀!

海南島聽講好靚的啊, 都係陽光海灘feel, 但你問我有乜野玩呢? 我真係 ...

兩睇....如果自己去...好可能會由深圳上機......去到可能係酒店再 joint local tour去一兩個景點.......如果去得成...就係阿女第一次飛啦......

十月媽咪

悠媽,
你意思係, 你地仲係PLAN緊, 未成事的? 不過我個人比較懶, 我鍾意跟團, 唔鍾意自己PLAN的, 我鍾意一瞓醒就有人幫我預備好早餐, 預備好車接載, 我可以好安心咁跟住呢度去果度去, 所以自遊行,其實唔啱我的啊!

原文章由 joeytcy 於 08-1-17 18:55 發表



兩睇....如果自己去...好可能會由深圳上機......去到可能係酒店再 joint local tour去一兩個景點.......如果去得成...就係阿女第一次飛啦......

十月媽咪

CANKAN,
又講D好笑野畀你聽, 話說星期四果日我自己接阿女放學 (返婆婆度), 咁當時KELLY被姆褓車姆褓接左出課室門外, 企響ANSON課室門口附近位置, 等埋ANSON果班坐舒太姆褓車既小朋友出唻, 至一齊落樓梯, 期間, ANSON見到KELLY, 今次阿女好主動, 佢第一時間就同KELLY講...

A: KELLY KELLY, 我好掛住你呀!
K: 係呀, 我都好掛住你呀!

最好笑係乜呢, 其實ANSON同KELLY講掛住佢之前, KELLY係同我傾緊偈的, 咁KELLY見ANSON咁同佢講, 佢就速速答完ANSON, 又再同番我傾偈, 場面都幾搞笑! 但阿女又無乜野, 佢見KELLY都話好掛住自己, 就畀左一個好滿足既笑容畀我, 當時我真係覺得好好笑的!

係呀, 提番你, 我今日已經幫你買左書架喇, 你記住唔駛自己買喇, 而D書, 我今朝已經拎埋返學校, 交左畀劉老師喇! (即係長頭髮果個呢)

十月媽咪

其實揀得蘇幼既,都係貪其普通話教學, 外藉老師教英文啫, 其他野, 唔係咁多家長考慮因素唻啦!

好似生香蕉, 既然知道咁, 咪寫紙仔畀老師, 話明唔可以畀香蕉自己小朋友食囉, 老師會跟住做的!

蚊患...呢樣無計架喇, 你自己做足防蚊措施囉! 其實老師都好架喇, 每逢出去遊樂場玩, 都會同佢地噴蚊水的!

洗手間衛生問題, 講真, 佢地因為學生多, 真係清潔唔切的, 同埋幾乎真係一班緊接一班咁去廁所的, 但D清潔阿姐都清潔得密左架喇! 起碼我覺得今年乾淨過上年!

至於老師惡唔惡, 一班三十幾人, 得果三個老師, 唔惡少少, 點震得住班生番丫, 我幫過一日手, 大聲講完野個零鐘咋, 我果日成把聲都沙埋呀, 所以我真係服左D老師架!

所以我諗其實你要考慮既係小朋友係咪適合普通話&傳統教學, 有D小朋友好抗拒, 有D就好受的, 唔好聽晒我地講, 普通話教學有幾好幾好, 最重要係小朋友受, 咁就可以轉過唻讀喇!

原文章由 nancyson 於 08-1-19 17:45 發表
我仔仔現在玫瑰崗讀下午班k1，之前原本讀全日(上午英文斑)，但由於氣管敏感，11月開始冬時就因為咳得利害，加上，他(我也是)習慣遲睡遲起，所以，12月開始只返下午班，之後身體尚算可以。
但我們住筲箕灣，玫瑰崗覺得太遠，所以想轉到蘇 ...

十月媽咪

如果你小朋友好驚老師惡, 好驚畀老師鬧, 咁或者你都要有心理準備, 佢響學校畀老師鬧完 (嚴格唻講係語氣較重, 面部表情較嚴肅咁同佢講), 佢都會唔願返學, 或者搵藉口同你角力唔返學!

我個女既情況同你個仔有少少唔同, 我個女都係好怕畀老師鬧的, (但老師再三強調佢係好乖, 佢地無鬧過佢, 我女只係見到佢地話其他較頑皮既同學仔), 不過佢就無話唔想返學, 但佢平時既行為表現, 就反映到佢有幾驚! 例如做功課出左界, 佢會好緊張要我擦, 如果我唔擦, 話ok無問題, 佢話咁樣老師會鬧 (可能佢見同學仔寫得唔好而畀老師鬧); 又例如我女從來唔會響個課室走唻走去, 因為佢觀察到, 呢種做法都會畀老師鬧; 其實蘇幼既紀律係好嚴謹既, 老師自有佢地一套控制課堂秩序既方法, 好多k1上學期都仲係坐唔定既小朋友, 到k1下學期都已經坐到定晒架喇!

或者你會諗, 咁會唔會壓抑住你小朋友既性格呢? 有d家長會覺得, 既然自己個小朋友響屋企話唔聽, 走唻走去, 坐唔定, 返到蘇幼就好喇, 有人幫佢調校調校...老師曾經同我講過, 家長交得班學生畀佢地, 佢地就有責任教好佢地, 而唔係返到唻繼續放縱佢地! 老師都不無道理既, 但係咪個個學生同家長都受呢套管教方法呢? 現今呢個社會, 又未必囉! 你知而家呢個社會架啦, 賴係要畀小朋友自由發揮架嘛, 呢d家長式管教方法, 真係要家長都認同至得架!

丫...我見你響07年果邊既topic問響邊樹買校服, 嗯...如果可以既話, 盡量都唔好幫襯學校果間清x喇, 因為真係貴d, 質地又無咁靚的, 最好就好似07果邊既家長所講, 響馬寶道既成x發度買啦, 平靚正d架, 但又唔知點解佢地成日都無貨, 成日都話賣晒架, 可能因為轉冬季校服到而家, 都成兩個月, d校服都畀家長們搶購了! 但你都即管去成x發問下, 睇下仲有冇貨啦!

原文章由 nancyson 於 08-1-19 19:31 發表
你說得很有道理。其實，我認為以兒子也算好動的性格，活動教學應較適合(我想可能男仔多數如此)，不過，為了學好一種語言，也要取捨。原本想他先學好英文，所以選玫瑰崗國際班，但上午班實在上不了，所以不如轉為先取普通話，而且，蘇浙好 ...

十月媽咪

原來係咁, 咁你都可以不妨一試既, 畢竟遇到咩類型既老師, 都係睇佢自己既運數, 況且就算你而家搵左一間人人都話愉快學習既學校畀佢, 亦當佢好好彩會遇到一個對佢好好既老師, 但你都難保佢將來長大, 唔會遇到D惡人既! 由細畀佢習慣下, 等佢知道呢個世界上面, 唔會人人都遷就佢, 唔會樣樣野都由佢話事, 等佢知道幾時要守秩序, 幾時要做應該做既事, 由細TRAIN UP, 未嘗唔係一件好事唻既!

咁係咪下個月1號就開學呀? 如果係, 返得果一日, 又放十幾日假喇喎!

原文章由 nancyson 於 08-1-21 14:20 發表
唉，他由細到大，由於自己情緒有時不好，便容易用罵的方法教他，使他亦較有反叛的表現(近期自己及他也有進步了)，所以，才希望在學校老師識得用正確的方法教他(他是受軟不受硬的性格)，不過，會遇到什麼老師也是他的運氣...其實，他在 ...