09/10 K1家長

noelyip

哈哈！睇黎迦迦都係會計界人才，好好數口喎！Income 就入我A/C，Expenses就入妳度囉！

原帖由 stephanielum 於 10-4-26 15:39 發表
哈哈, 咁攪笑, 彤彤爸買水槍, 車仔比彤彤玩??

迦迦有時見到佢鍾意既野都會叫我下次買比佢, 例如貼紙個d, 我話點解要我買, 你唔用你自己包包d$$, 佢答我個d$有用架, 佢話用嚟買佢自己d野喎, 真係比佢激死~~:igiveup ...

noelyip

迦迦媽咪今日係未拍住拖去接囡囡放學呢？！好sweet喎！

stephanielum

哈哈, 係呀! 襯住昨日生日咪放日假蛇下囉! 你個工人姐姐話你知呢!  話時話你個工人姐姐都好醒目下, 唔怪之得你續完又續佢啦!!

迦迦昨日見到我地兩公婆接佢放學不知幾開心, 一路行一路笑笑口, 仲同我講話"so happy", 真頂佢唔順, 我話你好開心咩, 佢話係呀, 由學校一路講野講到去太子口, 我睇得出佢真係好開心, 小朋友就係咁簡單, 一有開心講就表露哂出嚟~~

原帖由 noelyip 於 10-4-28 14:30 發表
迦迦媽咪今日係未拍住拖去接囡囡放學呢？！好sweet喎！

noelyip

首先補祝迦迦媽咪生日快樂先！ 不過我估妳地都會好快樂嫁啦！難得daddy都一齊放假慶祝，尋日接完放學一家人開心去玩呢！好幸福呢！真係好值得感恩！

我個姐姐係幾醒嫁！就連以前間學校ｄ媽咪都有同我講過，話佢好有心機同好錫彤彤，所以我先至可以咁放心俾佢照顧個囡，宜家屋苑ｄ謢衛都有係我面前讚過佢，話佢教囡囡好有禮貌，次次出入都有叫人，就係因為咁，所以有時佢對我無咩禮貌或者自作聰明，我都要忍忍佢囉！算係咁嫁啦！點佢都算好幫得我手，唔好要求太高．．．

唔知係因為彤彤尋日見到妳地接迦迦放學，佢今朝要拉住我，話要我送佢番學喎！我答佢話要請假第日至得，佢都唔肯放手呀～！   

迦迦會講：”so happy”又得係好好笑喎！我諗妳都甜到漏啦！

原帖由 stephanielum 於 10-4-29 12:05 發表
哈哈, 係呀! 襯住昨日生日咪放日假蛇下囉! 你個工人姐姐話你知呢!  話時話你個工人姐姐都好醒目下, 唔怪之得你續完又續佢啦!!

迦迦昨日見到我地兩公婆接佢放學不知幾開心, 一路行一路笑笑口, 仲同我講話"so  ...

stephanielum

佢daddy原先都問做乜要接個女放學, 我話間中接下佢等佢開心下, 同埋佢成日見同學仔父母嚟接佢地, 佢地都想自己個daddy mummy嚟接自己架嘛, 講完佢先同我一齊去咋, 有時d男人真係唔識趣, 乜都要講到明明白白, 都唔知真傻定扮傻! 不過真係好感恩可以一家人開開心心咁渡過一個下午既~~

哈哈! 彤彤見到迦迦daddy mummy嚟接佢, 又要你地嚟接佢, 佢可能諗住要威番一次呀!

原帖由 noelyip 於 10-4-29 12:48 發表
首先補祝迦迦媽咪生日快樂先！ 不過我估妳地都會好快樂嫁啦！難得daddy都一齊放假慶祝，尋日接完放學一家人開心去玩呢！好幸福呢！真係好值得感恩！

我個姐姐係幾醒嫁！就連以前間學校ｄ媽咪都有同我講過，話佢好有心機 ...

[ 本帖最後由 stephanielum 於 10-4-29 15:46 編輯 ]

noelyip

咁又真係喎！我諗又真係唔係個個男人都可以做到咁細心，能夠明白小朋友既心意，我對喱方面都已經死心，認識到對方既然都唔係咁細心既人，激氣勞氣都無謂，為免激親自己，能夠講到佢明白既就算啦....


我諗能夠揾到彤彤爸爸去接佢放學既機會都幾渺茫....:;pppp:

[ 本帖最後由 noelyip 於 10-4-29 16:47 編輯 ]

josesinmicki

今日同澄澄去海洋公園玩,唔知點解失眠,今朝五點半就醒了,到以家都係眼光光.......
我好認同你地介講法,男人就係咁架啦,成日都唔會企係小朋友個角度諗野,我老公仲衰呀,成日同個囡爭野(佢一定係專登玩佢),每朝早由爭邊個著完鞋先,跟住又爭出門口,跟住又爭按升降機,唉真係比佢兩個激成我呀.......

noelyip

妳令我諗番起我讀小學時去旅行，前一晚肯定眼光光等天光．．．

妳係未好多野要安排所以瞓唔到呀？

原帖由 josesinmicki 於 10-5-1 06:47 發表
今日同澄澄去海洋公園玩,唔知點解失眠,今朝五點半就醒了,到以家都係眼光光.......
我好認同你地介講法,男人就係咁架啦,成日都唔會企係小朋友個角度諗野,我老公仲衰呀,成日同個囡爭野(佢一定係專登玩佢),每朝早由爭邊 ...

noelyip

睇黎澄澄daddy都好大細露咁喎！  咁未幾開心～！

noelyip

我唔記得左星期五有個護眼講座添！請問幾時知道結果有無得參加呀？

josesinmicki

我無参加,所以唔知呀,幫唔到你,sorry..

原帖由 noelyip 於 10-5-3 12:11 發表
我唔記得左星期五有個護眼講座添！請問幾時知道結果有無得參加呀？

stephanielum

咁ocean park除咗盈盈,樂樂之外, 咪仲嚟多咗隻熊貓澄澄媽囉~~

你老公d小動作咁似我老公既, 佢又係成日攪到個女鬼殺咁嘈, 兩個前世好似掉亂骨頭咁! 真係攞我嚟攪!!

原帖由 josesinmicki 於 10-5-1 06:47 發表
今日同澄澄去海洋公園玩,唔知點解失眠,今朝五點半就醒了,到以家都係眼光光.......
我好認同你地介講法,男人就係咁架啦,成日都唔會企係小朋友個角度諗野,我老公仲衰呀,成日同個囡爭野(佢一定係專登玩佢),每朝早由爭邊 ...

noelyip

哈哈哈！迦迦媽咪妳好衰嫁！

原帖由 stephanielum 於 10-5-3 12:27 發表
咁ocean park除咗盈盈,樂樂之外, 咪仲嚟多咗隻熊貓澄澄媽囉~~

你老公d小動作咁似我老公既, 佢又係成日攪到個女鬼殺咁嘈, 兩個前世好似掉亂骨頭咁! 真係攞我嚟攪!!



...

josesinmicki

係呀.真係一模一樣呀,成日兩個係屋企嘈曬咁....
係喎,你地就黎出發去泰國喎,有無同迦迦講呀,佢一定好開心..好似lee輪泰國又靜返D,應該都無問題...

原帖由 stephanielum 於 10-5-3 12:27 發表
咁ocean park除咗盈盈,樂樂之外, 咪仲嚟多咗隻熊貓澄澄媽囉~~

你老公d小動作咁似我老公既, 佢又係成日攪到個女鬼殺咁嘈, 兩個前世好似掉亂骨頭咁! 真係攞我嚟攪!!



...

stephanielum

好似昨晚咁, daddy回家按門鐘, 我話daddy番嚟去開門啦,迦迦又唔去開, 咁daddy入到嚟就扮嬲又話今晚我唔會同你玩架, 點知迦迦話唔同咪唔同囉, 我同媽咪玩, 我話你咁樣唔啱, daddy回來你要開門嘛, 依樣係屋企你要做既野嚟, 亞女聽咗之後話咁我聽日開門比daddy, 我話咁就乖女嘞! 點知佢老豆仲扮哂野唔so個女, 亞女又唔so佢, 咁樣局面足足擾攘咗食餐飯, 之後我靜雞雞同個女講話叫佢去同daddy say sorry啦, 開頭個女都唔肯, 後尾我話daddy好小氣架, 你去講完我請你食野啦, 跟住佢入房同咗老豆講佢老豆先so番佢, 依d咁既情況成日在我家發生, 我要成日做佢地中間人, 你地話啦, 佢地係咪激死我呀!

我地21/5先出發, 而家都仲未決定去唔去, 你都知啦, 一日攪唔掂d紅衫軍, 佢地似終一日都會攪事咁, 希望政府快d行動清場, 或者同佢地傾掂數等佢地散會啦!!

原帖由 josesinmicki 於 10-5-4 10:34 發表
係呀.真係一模一樣呀,成日兩個係屋企嘈曬咁....
係喎,你地就黎出發去泰國喎,有無同迦迦講呀,佢一定好開心..好似lee輪泰國又靜返D,應該都無問題...

noelyip

迦迦媽咪妳地都係廿一號出發呀？咁啱我地都係廿一號出發去韓國，不過可能要二十號晚零晨上機，（諗起都有少少擔心！）

咁妳地幾時返港？妳唔係已經買左機票咩？

noelyip

星期五個護眼講座迦迦媽咪妳地會唔會去呀？我諗緊帶唔帶彤彤去．．．

stephanielum

我地又係廿一號出發咁啱既! 不過我中午機飛, 應該係機場見倒面既機會好微lu. 零晨機幾好呀, 去到韓國又開始行程, 不過係飛機到瞓又真係唔多舒服既, 可能第一日會比較倦潻!

我廿五號先返港, 所以迦迦要請兩日假! 我地兩公婆個張因為係free, 所以出咗機票, 而迦迦個張個位仲係waiting, 所以未出呀, 都唔明現在都無乜人去bangkok啦, 個機位仲未confirm既?? 不過如果到時局勢仲係咁緊張, 我地都會取消唔去嘞!

一值好期待迦迦有份做主角既學校生日會, 迦迦唔可以出席, 因為個日早上佢要去考ballet試, 真係有d失望!! 唯有出年先可以參與了~~    

原帖由 noelyip 於 10-5-4 14:36 發表
迦迦媽咪妳地都係廿一號出發呀？咁啱我地都係廿一號出發去韓國，不過可能要二十號晚零晨上機，（諗起都有少少擔心！）

咁妳地幾時返港？妳唔係已經買左機票咩？ ...

stephanielum

我會去呀, 不過仲未知帶唔帶迦迦去, 因為個日迦迦要返英文班, 佢6:30PM先放學, 如果由荃灣去到佐敦要7:20先到, 可能我會去先登記, 叫姐姐帶佢去到佐敦我再去接佢, 不過仲諗緊點樣好...

你自己回家帶彤彤出嚟定叫姐姐帶呀, 如果時間許可咪帶囉, 個日會即場教小朋友做護眼操喎, 成班小朋友一齊學印象會深刻過我地回家再教佢架!

原帖由 noelyip 於 10-5-4 14:38 發表
星期五個護眼講座迦迦媽咪妳地會唔會去呀？我諗緊帶唔帶彤彤去．．．

monkey妹

個護眼講座係要帶小朋友去架(通告有寫左), 除左家長會聽到關於眼睛嘅野, 家長會即場同小朋友一齊學做眼部操, 對小朋友防治近視有幫助架, 如不帶小朋友出席, 會失去呢個親子工作坊嘅意義

原帖由 noelyip 於 10-5-4 14:38 發表
星期五個護眼講座迦迦媽咪妳地會唔會去呀？我諗緊帶唔帶彤彤去．．．