九龍禮賢幼稚園K3家長請進！

朱古力

呢兩日都無機會同黃園長傾計，因為我趕住返工，下星期一我一定抽少少時間同黃園長傾下計，因為好唔捨得佢．   

GraceMami

我收到份 "特別通告"時, 心想 "不會是黃園長走吧", 豈料如我所想, 真的很不捨得黃園長, 不過, 黃園長在禮賢二十多年, 也是時候該轉轉環境; 我做呢份工差不多七年, 都想轉啦.  祝黃園長一切順心.

我都有同囡囡講黃園長會走, 她都說不捨得, 不過, 照看是我比她更捨不得園長.  

GGI

黃園長是由教師做到今時今日嗎？
她真有更好的發展嗎？
放得低都好令人佩服。

penpen

GGI,
黃園長她一定有做過老師的, 是否在同一間幼稚園由老師做到現時的職位就不清楚了, 亦不知道她的新工作是否更好的發展, 但我相信她會開心的, 我亦會祝福她, 正如GRACEMAMI所說畢竟在這個地方已經24年了!! 現在還不轉還等到何時呢?!  

愛美

各位, 黃園長離開大家當然會覺得唔開心, 但要小心處理小朋友既心理, 因為小朋友年紀仲細, 有時你解釋佢都唔明白, 我就用以下呢個方法, 女兒聽左好開心o甘接受, 我講出黎, 希望可以幫下大家..
收到通告後我讀k2 囡囡問我, 點解黃園長要走, 我問囡囡, 老師同你地講左未, 囡囡答講左啦, 老師問我地邊個唔捨得黃園長既舉手, 有d同學仔仲喊添呀.  o甘我就同囡囡講, 黃園長離開你地係因為佢覺得你地已經學習得好好, 好乖, 學識左好多野啦. 佢覺得佢需要去幫助第二間學校既小朋友, 希望可以教到另一班好似禮賢學校既小朋友o甘叻, 好似你地o甘乖, 所以佢離開囉, o甘你地係唔係應該開心o甘多謝黃園長呢.  囡囡聽到我講佢地叻同乖就已經好開心..

呢個未必係最好既解釋, 只希望同大家分享一下..

AKLAMY

愛美,
你好呀, 我係Zac 仔既媽媽呀 (aucklandamy 呢). 估唔到係呢度碰到你呀, 好耐冇見喇....你好嗎?

我而家同我個女搵kinder, 佢下年讀K1, 我聽人講禮賢學校幼稚園都好好, 所以我入黎呢度請教下各位..
請問禮賢學校幼稚園:

(1) 位於邊度呢?
(2) 每個月學費係幾多呢?
(3) 有冇宗教呢?
(4) 有冇website 呢? Thanks

愛美

HI, AMY, 你又改左名呀.. 下輪到細妹搵KINDER 啦. 想唔認老都唔得LU.

禮賢位於九龍塘又一村, 係一間基督教學校, 學費係 HK$1465 X 10 期, 佢分上下午班, 中文教學為主, 詳情可以去教署果網睇下
http://www.hkedcity.net/school/kindergarten/sch_list.phtml?sch_district_id=7

另外禮賢WEBSITE：http://www.krs.edu.hk/kinder/index.html

如果有問題歡迎你再問架..

shermanbb

愛美,
   hi , 我唔見

愛美

姍姍媽, 我上個星期都問樂兒, 姍姍媽咪生未呀, 原來你聽日入院催生呀, 祝你同mimmy 平平安安, 健健康康.  
生日會其實都預左你地黎架啦, 所以唔緊要啦, 你方便就得啦, 樂兒都想姍姍黎呀..  take care

朱古力

bosze,
無所謂!明年等你通知.

kitty&mimmy
原來你明天入院生BB,祝你母(子or女)平安,
BB健康快樂.

littleeva

kitty&mimmy

祝一切順利. 加油呀!. 好快見到BB. ^O^

生完要多D休息呀. 祝BB 肥肥白白. 身體健康.  

penpen

AKLAMY,
學費好似應該係$1520X10個月, 不過06年9月應該會加學費!!

kitty&mimmy,
祝你母b平安, 健健康康, 開開心心!!

bosze,
一於等到妳出年!   我現在都仲諗緊今年幫唔幫阿囡搞好?!    之前幾年我都係同d親戚響屋企搞咋~  煮野煮到死死下

AKLAMY

愛美,
Thanks....我睇左佢個websites 喇....
係呀, 真係老囉~~ 我而家同時又要同哥哥搵小學添呀, 佢係明年九月入小一, 希望一切順利喇!

BTW, I am pregnant with my third baby.

返HK時見喇! Bye

Penpen,
多謝你報料呀~~~ thanks

愛美

amy, 恭喜晒呀, zac咪好開心, 又做哥哥.. 幾時番hk呀, 你諗住番hk 生???   

愛美

penpen 唔該你update呀, 我用自動轉帳都唔知學費幾錢添..    

朱古力

bosze,
家長會係禮堂等，到小朋友入場時你可以影一陣，堂老師話唔好影就要收機喇！我上次大約影左20分鐘左右．而家長預備既食物，就放在入門口的

lhaha

penpen,

thank you ar!!!幾日冇上過嚟了, 個仔病咗, 好鬼劬!!我個仔讀幼愛班ga，我吔以後可以多些聯絡，因為大家的小朋友都是幼班, 係呢表演當日你會去嗎？到時大家可以見面傾吓計吖嗎.
另外我想問點樣將D相, change to 150X150 ar?

GraceMami

今日好開心, 因為原本幫囡囡報的親子泳班抽不到她, 但今日接到電話話有位, 囡囡開心得不得了.  明天就去交錢作實了.


kitty & mimmy,
祝你母子平安.


penpen,
攪生日會, 你囡囡一定很開心, 不用猶豫啦.

KiuKiu媽媽

各位您地買左新學年的新書未呀, 我囡囡的K1-K3的書都好新架, 所以可以賣番出來, 掉左好浪費, 有興趣PM我啦!

penpen

bosze,朱古力,GraceMami,
生日會遲d先再諗搞唔搞喇~
今日佢哋既表演真係好精彩呀!   我相信幼稚園部會有趣d,睇住d小朋友有d會有少少論盡呀! 好得意! 總括來說真係好成功喇~ 老師真係居功不少,好叻, 可以訓練到一班小小朋友有咁既表現! 若果要俾10個叻班小朋友, 老師要有20個叻呀!!   相反小學部會正經d,我沒有睇下半場呀! 因為阿囡都好倦喇~ 7點瞓咗咯!  

lhaha,
遲左上來, 今日唔可以同妳見下面添 ~
自己阿女今日有份表演, 我梗係有去啦~
你囝囝跳絲帶舞?! 定係扮大隻佬?!
相提議你可以去http://www.irfanview.com/ download個程式用來縮相,睇相, 唔錯的!