06年9月入讀蘇淅幼稚園K1既家長, 入唻交流下啦!

十月媽咪

悠媽,
呢個悠悠, 哈哈哈...真係人細鬼大! 我聽日會跟阿女返學, 如果咁啱見到悠悠, 等我問下佢, 係咪睇得好開心至得!

原文章由 joeytcy 於 07-12-18 21:12 發表


佢好好奇....去飲佢就去過...但過門...睇D兄弟係門口比D姊妹玩..又帶假髮又唱歌...佢覺得好新鮮.....

十月媽咪

yyoo,
你唔好咁客氣啦, 我都係吼阿女返左學or瞓左覺, 至可以詳細咁回覆你咋! 同埋我都經歷過幫子女搵學校既過程, 當年我都好想有個媽咪可以好詳細咁解答我既問題, 不過...當年我遇唔到啊, 只係自己一頁一頁咁睇番佢地既留言, 慢慢了解咋!

不過我都要提醒一樣野, 就係小朋友學唔學得好一種語言, 間學校provide幾多堂普通話堂or幾多堂英文堂唔係最重要, 最重要係小朋友本身係咪夠膽夠信心去講, 留心去聽, 同埋老師係咪有愛心有耐性去教佢地, 最好就係父母響屋企係咪都可以盡量配合佢地, 就算唔識講, 都多d嘗試同佢地講! 我有好多朋友既小朋友, 佢地唔係讀蘇幼, 佢地學校provide既普通話堂&英文堂都少過蘇幼好多, 但佢地既小朋友都學得唔錯的啊!

係喎, 你住邊區架? 你附近有冇公文教室呢? 雖然我對公文讚不絕口, 但"課外活動" & "國際學校" 果邊既討論區都有好多媽咪彈到公文豆零都唔值架, 所以如果你想了解多d, 不妨都可以睇下佢地點彈法, 然後至決定!

原文章由 yyoo 於 07-12-18 22:24 發表
十月媽咪：
Thank you so much for your briefly explanation.
Wheneve what we ask, you will also give a very satisfly reply. Really thanks a lot. I think you are a very helpful and nice person.
It seems KC ...

joeytcy

yeah...明天見...我有得去啦....

CanKan

十月媽咪 / joeytcy,

今日大家雖然有見面，但都冇時間傾談。

我想問十月媽咪你知唔知點解跳舞考試要買過哂 d 衫？考完試之後 d 衫重有冇有架？至於佢話唔可以轉課程係咩意思？係咪報考試就會上過唔同既班？同而家豆豆班有咩唔同？實在太多問題，可惜今日冇機會同你詳談。

cankan

十月媽咪

cankan,
根據胡太既解釋, 呢d所謂for考試既跳舞衫, 其實係for佢地出年夠秤升班果陣著的, 即係話, 除左五六月考試果陣要著呢套新衫唻考之外, 考完試之後升班都係會著番呢套衫at least一年的! (據胡太既解釋, 應該係年年升班, 就年年換新裙的) 但胡太又話, 考試even pass唔到, 都會按小朋友平時既表現而升班的, 唔會因為一日評估態狀欠佳而抹殺小朋友響果一年付出既努力! 所以如果你諗住繼續畀kelly跳落去的話, even你考唔考試, 其實出年都係要換過晒d衫架喇!

至於話唔可以轉課程, 其實係指...而家kelly同anson都係上緊星期一, 咁你唔可以上左幾個月星期一之後, 就失驚無神話將所有堂改晒去星期六上, 當你決定繼續上星期一, 除非事假同病假要補堂, 否則唔可以改堂囉!

不過其實都無乜機會改堂架喇, 因為佢d堂根本都full晒咁滯既, 同埋佢地根本係無為左個考試而額外開班的, 唔畀轉堂, 係因為到時考試...教佢地既老師會跟埋佢地入去考試的, 即係話, 而家佢地係miss chan教緊, 咁到考試果陣, miss chan就會跟埋佢地入去考, 而果個考試官, 係皇家芭蕾舞既主考官, 係講全英文的, 咁miss chan會幫手翻釋&引導小朋友點做! 同埋唔可以轉班既另一個原因, 係佢地會成班小朋友一齊入去考試的, 即係佢地10-12個星期一一齊上堂既小朋友, 會響同一日同一時間, 由miss chan帶領入去考試啊!

其實我都唔知同而家既豆豆班有咩分別, 不過肯定既係, 我見好多個家長都有交考試費, 咁even有一兩個無交, 但呢個豆豆班都肯定會響上堂果陣, 教番基本一定會考既跳舞技巧囉, 咪如果唔教, 到時點識做果d動作喎! 係咪?

另外, 仲有要提一樣野, 胡太話呢個評估試係會響平日星期一至五 (日期時間由香港考試局編定) 辦公時間內進行, 所以唔排除到時要向蘇浙老師請假考試的! (若然咁啱編下午考, 咁就唔駛請假喇)

丫...仲有, 我今日都去交左錢喇, 心諗, 反正胡太話過, 只要小朋友係肯行入個試場, 基本上都會攞到呢張cert.的 (無grade的), 咁基於阿女個profile乜鬼都無, 咁為左好睇少少, 我地都決定同佢報名參加呢個評估試喇!

今日我真係好忙呀, 唔該晒你幫我手影下阿女呀, 我今朝六點九就起身, 因為噚日老師話叫我八點半要返到學校幫手, 連阿女今朝都早左四十五分鐘起身呀! 返到學校都未停過呀, 原來一個老師對十幾個男生, 真係好辛苦架, 阿女果班負責男生果個老師, 就情商左我幫手帶佢地出場, 佢負責八個, 我負責九個, 嘩...畀佢地"嘈"完我之後, 我一上褓姆車, 直頭覺得個腦仲係好嘈好嘈好鬼嘈呀! 不過又開心的, 因為係一個好好既經驗同回憶啊!

原文章由 CanKan 於 07-12-20 14:31 發表
十月媽咪 / joeytcy,

今日大家雖然有見面，但都冇時間傾談。

我想問十月媽咪你知唔知點解跳舞考試要買過哂 d 衫？考完試之後 d 衫重有冇有架？至於佢話唔可以轉課程係咩意思？係咪報考試就會上過唔同既班？同而家豆豆班有咩 ...

CanKan

十月媽咪：

你已經交左錢，不過我重諗緊，但你知唔知服裝費係咪包埋一對舞鞋？如果而家果對重啱著係咪都唔可以再著？

你唔好禁客氣啦！其實我只係幫 anson 影左兩三張，因為佢企係側邊，我要花一段時間先迫倒過去，跟住好快已經表演完；臨落台前我叫 anson 望鏡頭，但係佢都唔睬我。我覺得我有 d失職，真係唔好意思！

cankan

joeytcy

原文章由 CanKan 於 07-12-20 14:31 發表
十月媽咪 / joeytcy,

今日大家雖然有見面，但都冇時間傾談。

我想問十月媽咪你知唔知點解跳舞考試要買過哂 d 衫？考完試之後 d 衫重有冇有架？至於佢話唔可以轉課程係咩意思？係咪報考試就會上過唔同既班？同而家豆豆班有咩 ...

cankan

個日重有最後幾句...

我問 : 甘你地知唔知吳紫悠點解驚玩大風吹呀...
詩詠答 : 我唸...我唸佢驚輸左要出去比老師打PATPAT...不過呢D都係我估下者....(最後呢好句好鬼攪野...)

十月媽咪

cankan,
據胡太解釋, 考試果陣係要著對新鞋唻考, 唔要見到對鞋又殘又舊啊! 同埋其實無乜可能仲啱著架喎, 胡太話, 我地覺得佢地仲啱著, 係因為舊鞋d皮已經著到軟晒, 所以對佢地唻講係比較舒服, 又唔會覺得窄的, 但畢竟對鞋其實已經著左成兩年 (到出年五六月考試果陣), 無理由兩年唻, 對腳都無大過啩!?

嘿...點都要唔該晒你呀, 咁可唔可以send果兩三張相畀我呀? 上到台表演既相, 我一張都影唔到呀! 另外我都幫kelly影左張台下照, 遲d我都send畀你丫!

我個email係: [email protected]
唔該晒!

原文章由 CanKan 於 07-12-21 14:22 發表
十月媽咪：

你已經交左錢，不過我重諗緊，但你知唔知服裝費係咪包埋一對舞鞋？如果而家果對重啱著係咪都唔可以再著？

你唔好禁客氣啦！其實我只係幫 anson 影左兩三張，因為佢企係側邊，我要花一段時間先迫倒過去，跟住好快已經表演 ...

yyoo

十月媽咪:
I also live in TKO (Residence Oasis) , I think I will let my daughter study either KumMan or 韓數. If i let my daughter study KumMAN I will choose the one in Metro City (蔡老師). Have you ever heard this one before?

原文章由 十月媽咪 於 07-12-18 22:55 發表
yyoo,
你唔好咁客氣啦, 我都係吼阿女返左學or瞓左覺, 至可以詳細咁回覆你咋! 同埋我都經歷過幫子女搵學校既過程, 當年我都好想有個媽咪可以好詳細咁解答我既問題, 不過...當年我遇唔到啊, 只係自己一頁一頁咁睇番佢 ...

十月媽咪

yyoo,
蔡老師個大名, 響將軍澳, 如果有留意公文既, 又點會唔曉得蔡老師呢個名呀? 呢個centre我都有去視察過環境, 蔡老師本身應該係非常有經驗既一個老師唻架喇, 亦響日本深造過公文的 (我friend兩個女都係響佢度學數學&英文, 佢話我知既), 但我視察過, 佢地既學生真係多到...好似響工廠趕工咁, 一個接一個, 佢地唔單止學生多, 助教亦多, 而蔡老師係咪真係可以一個人handle晒咁多個學生, 逐個逐個跟足呢? 呢個係我好懷疑既!

調景嶺既楊老師, 上堂果陣除左助教幫手之外, 落堂前佢自己一定會跟一跟每個小朋友既情況的, 同埋我最鍾意佢一樣野, 就係佢既仔女都係蘇幼之友, 哈哈......好有親切感既呢!

不過蔡老師就真係經驗老到既, 論經驗喇喎, 佢一定係no. 1, 但佢地既環境, 學生人數之多, 係我打晒退堂鼓既主因; 而楊老師, 我係真係貪佢夠新, 雖然經驗較淺, 但就有熱誠, 有耐性, 我個女就好鍾意佢喇, 仲成日話要等楊老師有得學中文果陣, 響楊老師度上埋公文中文添!:loveliness:

原文章由 yyoo 於 07-12-22 15:13 發表
十月媽咪:
I also live in TKO (Residence Oasis) , I think I will let my daughter study either KumMan or 韓數. If i let my daughter study KumMAN I will choose the one in Metro City (蔡老師). Have you ev ...

yyoo

十月媽咪:
Can you give me the number of Ms. Yeung? Then, I can compare of these two centres. You can send to this e-mail for me at the following :
[email protected]
Thanks.

原文章由 十月媽咪 於 07-12-23 17:28 發表
yyoo,
蔡老師個大名, 響將軍澳, 如果有留意公文既, 又點會唔曉得蔡老師呢個名呀? 呢個centre我都有去視察過環境, 蔡老師本身應該係非常有經驗既一個老師唻架喇, 亦響日本深造過公文的 (我friend兩個女都係響佢度學數 ...

CanKan

joeytcy,

係呀！亞女講野真係好老積架！

cankan

CanKan

十月媽咪：

你去左邊呀？亞女話 anson 24/12 同 31/12 都冇去跳舞，好掛住 anson 禁話，冇咩野呀嗎？今日會唔會返海悅呀？

cankan

joeytcy

各位新年快樂


cankan

近排我聽到呀女唱"魯冰花"...但係佢話係K1個時教....你有無聽到你個女女唱呀.....

十月媽咪

cankan,
anson呢個聖誕頭幾日都好忙呀, 佢23號響將軍澳中心表演完ballet之後, 24號又響東港城表演多次ballet, 24號個表演仲要delete左成大半粒鐘至開始, 本來胡太諗住1430-1530果段時間表演的, 點知原來佢地表演之前, 仲有兩個活動, 咁果兩個活動完左, 東港城d人又要拆backdrop, 又要再裝番新既backdrop, 搞得兩搞, 搞到成三點幾至開始, 就係咁, 個表演要四點幾至完, 所以24號上唔到ballet堂囉! 而24號果堂, 我地就改左響30號果個星期日朝上番!

至於31號, 因為果朝一早我地約左個街坊兼K3同學仔去參觀可樂廠, 而可樂廠響沙田, 之前我細佬又約左我地31號去佢屋企打邊爐兼倒數, 而我細佬住響MOS, 所以我地參觀完可樂廠, 就索性唔番TKO, 直接過MOS囉, 所以31號果堂BALLET都無上, 會改今個星期日朝早補番!

而海悅果度, 我地由12月中開始, 已經停左喇, 因為而家改左1:2上呀 (之前同你提過果個呢), 你知啦, 好貴嘛 (如果上晒兩邊), 所以唯有CUT左海悅囉! 我今日見到KELLY果陣, 因為要顧住幾個小朋友落樓梯, 所以都唔得閒話畀佢知, 今日唔駛等ANSON呀, 要KELLY等了又等, 真係千萬個唔好意思呀!

原文章由 CanKan 於 08-1-3 14:41 發表
十月媽咪：

你去左邊呀？亞女話 anson 24/12 同 31/12 都冇去跳舞，好掛住 anson 禁話，冇咩野呀嗎？今日會唔會返海悅呀？

cankan

十月媽咪

joeytcy,
魯冰花...我印象中, 好似係上年K1果陣, 你地果班唔知響邊個表演入面, 係用呢首歌做BACKGROUD MUSIC架, 唔知我有冇記錯呢?

原文章由 joeytcy 於 08-1-3 17:57 發表
各位新年快樂


cankan

近排我聽到呀女唱"魯冰花"...但係佢話係K1個時教....你有無聽到你個女女唱呀.....

CanKan

joeytcy,

魯冰花好耐架啦！正如 十月媽咪 所講，已經係一次表演度唱左啦！而唯一我可以肯定既時間就係 k1果年去動植物公園旅行既時候已經識唱；不過佢地而家耐唔耐都會係班度唱下既。

cankan

joeytcy

原文章由 CanKan 於 08-1-4 14:39 發表
joeytcy,

魯冰花好耐架啦！正如 十月媽咪 所講，已經係一次表演度唱左啦！而唯一我可以肯定既時間就係 k1果年去動植物公園旅行既時候已經識唱；不過佢地而家耐唔耐都會係班度唱下既。

cankan ...

呵呵呵...有趣有趣....佢呢排晚晚係甘唱....已經做左我電話玲聲........

citipeggy

咁多位家長,我個仔係09/2008將會讀K1,想知多Ｄ學校情况,如學校質素、每班通常學生人數、學校環境清潔情况、教師是否專業和有愛心、小學派位情况、教英文教得好唔好、過海校車安全情况、學生及家長需注意事項等等。知道問題眾多,希望可多多分享！Thank You!

十月媽咪

cankan,

講樣好好笑既野畀你聽下...話說噚日去跳舞, KELLY一見到ANSON, 就好熱情咁走埋唻同佢講...

K: ANSON, 我好掛住你地呀!
A: 但係我無掛住喎!

可憐KELLY一聽到, 無晒心機, 咁啱有個小朋友走埋唻搵KELLY玩, 我就趁機話鬼個衰女, 順便同佢換鞋準備入去跳舞...換換下, KELLY又走埋唻問...

K: ANSON, 你真係無掛住我呀? 點解你唔掛住我呀?
A: 我而家掛緊喇!
K: (好認真既樣) 而家已經太遲喇!
A: (呆一呆) 無遲啦, 而家掛都一樣啦!

我當時聽到KELLY話已經太遲, 真係笑到肚痛, 遲掛好過無掛啦, 笑C我!

丫...仲有仲有, KELLY又話畀我聽, 佢今個星期五會去沙巴游水呀, 係咪真既呢? 會唔會帶埋細佬去? 跟團定自遊行呀?

原文章由 CanKan 於 08-1-4 14:39 發表
joeytcy,

魯冰花好耐架啦！正如 十月媽咪 所講，已經係一次表演度唱左啦！而唯一我可以肯定既時間就係 k1果年去動植物公園旅行既時候已經識唱；不過佢地而家耐唔耐都會係班度唱下既。

cankan ...

[ 本文章最後由 十月媽咪 於 08-1-8 09:25 編輯 ]