05年入讀主流小學的障礙兒童家長~請進!!

joey媽媽

Dr.T
    你講得啱,其實我都最伯越描越黑,亦覺有同感將我同小朋友擺上檯,當然我亦知校方想唔好比個誤會比人傳到唔知點,佢地話最怕我難受
   校長我無同佢傾過計,一開波係社工跟到而家,我老公見到上上下下老師都肯主動幫佢,但始終呢間學校一向都無好似其學校咁擺明收我地仔仔,其實我都諗過學校是否怕家長傳到佢口碑都無埋,因我呢間學校區內的口碑都數一 數二,至於你話學校似乎對我地嘅小朋友唔多認識,我係絕對認同,如果唔係點解想要我親身講下比其他家長聽

  搵個對孩子有相當認識嘅人坐陣,我諗無喇!因為佢係晚上攪家長會,所以   

  其實我呢區家長新移民比較多,所以都有好多蠻牛c9,係呢剎那,其實我係未唔出聲好過出聲呢?不如等家長自己鐘意點描有得佢,等學校應付好嗎?其實要我出來分享問題都唔大,我最重要係擔心個後果,始終我擔心係個仔仲要係呢區生活,日後成長會否比人指手畫腳    笑佢,話佢

bandband

各位媽咪,

^^:噚晚可能忙咗成日又喊過,所以好攰,睇到大家既留言我都無力打字回應添...!!!(C火~!喊到失咗功力,平時我好鐘意打字講嘢嘛... )

好多謝你地安慰我又願意睇我段千字文留言,今朝瞓醒心情好番好多,再加上噚晚我同老公講番囝囝响我外家既趣事(噚日佢真係好多嘢講,氹到我媽咪好開心),都發覺查實我囝囝都唔係咁差,都仲有得教...查實初時我都覺得個治療師好無情,好酷一啲笑容都無,仲要一開波GUT我,我話學校無任何特別支援俾我...我未講完,佢就話:"咩支援呀?你個仔响嗰方面無事咪無支援囉(嗰陣仲未開始評估)!",跟住評估完佢叫我入嚟,又係好酷咁講哂頭先評估過啲乜嘢,結果係啲乜嘢(我個腦嗰陣已經開始空白...),佢講完我個仔係先天又話無可能追得番程度後,可能佢又GET到我開始難過同擔心,佢都有安慰我架!佢話我個仔查實真係好乖,佢話咁樣已經好過其他小朋友,至少聽話易教好多,跟住佢至問我需唔需要轉介個仔去睇職業治療,然後又話之後會有好多講座係講關於'動作協調障礙'既問題,話可以幫我預留個位俾我去聽,我梗係乜都要啦...我都第一次聽到呢種障礙,乜都唔了解又唔知應該點做...查實個治療師咁坦白都好既,起碼可以打醒我,等我唔好成日以為自己好得好掂,以為自己已經教到個仔好好...依家俾佢咁提醒,至少我都會再清醒啲努力啲,咁樣我先至有機會幫到個仔...

同埋查實噚日個評估都有啲唔準架...自理方面有幾條問題都答錯咗俾治療師,初時我以為個仔係唔識自己扣鈕(校服嗰啲),但噚日我番到外家,攞咗件恤衫同褲俾個仔叫佢自己換衫,我一啲都唔幫佢,等佢自己DIY...佢都好快咁搞掂,又無扣錯鈕~! 等我平日都幫佢着校服添!!!同埋去大便方面,都係唔清晰,以前佢真係識得自己抹PAT PAT架,係因為呢兩年我屋企廁所成日壞,所以佢至開始依賴我地幫佢洗PAT PAT...咁樣又唔能夠斷定佢自理方面真係咁弱囉!不過都好小問題,只要我知道個仔唔係咁弱咪得囉!仲有時間TRAIN佢獨立啲既!

噚日放學我將嗰張評估同埋治療師俾老師既建議俾咗老師睇,因為老師噚日放學好忙,勁多家長捉住佢講嘢,所以都仲未有機會同老師詳談,老師(班主任)話等佢睇完就會搵我傾,咁都好啲, 不過,又擔心會唔會好似DR.T所言,講嘢真係要小心啲唔好咁坦白呢~~~     

bandband

STELLA,

其實我對'動作協調障礙'都係一知半解,嗰陣已經俾份評估星到暈咗,腦一片空白,所以都唔多分析同理解到個治療師講乜嘢...不過都係講佢寫字嗰方面問題,我咪話過佢對住啲字嚟COPY寫,佢都可以寫錯,同埋成日將啲字寫到東一邊西一邊,甚至一個字只係用咗四分一格位嚟寫既...同埋佢寫字好慢,執筆又唔得...總之就好唔掂啦...所以我至咁勇躍話要參加佢地既講座,我真係唔多了解係咩問題...

我今日都係睇個仔頭咋!佢話去圖書館我咪去囉!噚日唔知係咪知道外婆(我媽咪)响加拿大番嚟,佢一放學就話唔去圖書館,話要即刻去婆婆度,所以噚日我都無去到圖書館睇書呀...我諗今日個仔無掟去,應該會去圖書館既~~~!!!到時見啦!

stellacl 寫道:
bandband,

我今日放學無去圖書館, 所以見唔到你, 我都想問你究竟乜野係 "動作協調障礙"?  對小朋友有什麼影響 ?  我唔覺你仔仔有任何動作上的不配合呀 ???  雖然有些障礙係追唔反, 但係我地可以針對性地比佢做訓練,

正如wewangwang所講, 天生我才必有用, 你仔仔甘有創意, 有好多小朋友未必有這方面既talent架, 可以在這方面加強, 同時比職業治療佢做訓練, 我相信一定有幫助既.

我仔就完全無創意....佢一味好記性, 所以我就係甘比佢睇書, 等佢第時d 作文都盡量可以copy書本入面既字眼.

唔好灰心呀   我地一齊比信心你丫 !!! 你聽日去唔去圖書館呀 ?

Dr.T

如果所謂家長會係好似我所諗嘅大型聚會,咁婉拒出席會較好(你嘅原因可以係"人太多,唔能夠講清楚小朋友嘅情況...")-應承在適當時間(i.e.當你搵到back up時)可以和自己班嘅家長講.

現在及將來其他人的眼光會是無可避免的...我地可以做的是盡量減少誤會-學校目前的安排,如果真的是大型家長會的話,只會加快其他家長以有色眼鏡看你的小朋友 因為中間沒有對話的空間(一般家長點會係呢d情況問問題,你講一大段野但相信對方收到的只是d病名)-"嘩,有xxx都俾佢讀正常學校,有無攪錯呀:..."嗱,佢自己都話個仔有時會打人,咁仲比佢讀,我要去xxx投訴"...

我嘅意見絕對唔算pro ...只不過是嘗試從"學校點解要咁做?"去看問題 ...始終覺得教育家長接納不同能力的學生是他們的責任,現時的做法想卸膀,拋個波俾你,嘅味道太重:evil:

joey媽媽 寫道:
...其實我係未唔出聲好過出聲呢?不如等家長自己鐘意點描有得佢,等學校應付好嗎?其實要我出來分享問題都唔大,我最重要係擔心個後果,始終我擔心係個仔仲要係呢區生活,日後成長會否比人指手畫腳...

joey媽媽

[quote]
Dr.T 寫道:
.只是嘗試從"學校點解要咁做?"去看問題 ...始終覺得教育家長接納不同能力的學生是他們的責任,現時的做法想卸膀,拋個波俾你,嘅味道太重:evil:

[size=x-small]其實我都好認同呢點 :evil:
[size=x-small]其實係全級聚會,但都會有分班後再自己班家長傾下計,我今早同社工講我會出席晚會,但唔會同家長分享,亦我都唔會阻止學校講仔仔情況,咁社工好似面色有變咁問:如有需要時係班會中大家家長問呢個問題時,我會否作答,咁我話我如真有需要時我會到時回答家長的憂慮及即時嘅應變. [size=xx-small]Dr.T你覺得這樣ok嗎? [size=x-small]你嘅意見絕對係好pro,多謝你的分析,可以話係我地嘅救世主     

joey媽媽

bandband
    其實,看完stellacl 所替供比你的動作協調障礙資料後,我覺得我個仔都係少少有呢樣障礙,看來,係我都要同你要一齊加油喇


唔理追幾多,幫得幾多就幾多 你個係我左右銘呢ga

bandband

joey媽媽 & stella,

點都好!好多謝你地咁幫我!我好感動!!!     

總之大家一齊頂硬上啦!我地係佢地媽咪嚟!無嘢可以難倒我地既!!!

不過頭先响圖書館同stella傾咗少少,之後我又諗諗吓,發現我老公都係有呢啲障礙... 佢都係好多中文字調轉嚟寫,教咗佢好多次佢都係咁,同埋有好多簡單既中英文字佢都係成日重複咁問我...都唔知關唔關遺傳事呢...點都好,我都盡量諗多啲辦法出嚟幫吓佢,睇吓個仔會唔會好啲...查實我都有少少自大狂,我唔會覺得個仔蠢既~! 我都覺得個仔係叻仔嚟,至少唔係叻响讀書方面之嘛~~~!!!

等我詳細研究stella俾個網頁,睇吓搵唔搵到啲咩方法可以教好個仔....thx a lot!!!

joey媽媽 寫道:
bandband
    其實,看完stellacl 所替供比你的動作協調障礙資料後,我覺得我個仔都係少少有呢樣障礙,看來,係我都要同你要一齊加油喇


唔理追幾多,幫得幾多就幾多 你個係我左右銘呢ga

bandband

啱啱收到電話,我大佬約咗個言語治療師下星期三見我個仔,嗰日先做個一個半小時既評估,唔知個仔會唔會高分番少少呢~~~~呢期咁多嘢講...不過始終句子重組都係弱,希望呢次真係幫到我個仔啦...查實我對於個仔言語發展都唔係太擔心既...

稚言治語

bandband 寫道:
約咗個言語治療師下星期三見我個仔

姑娘搭咀：記得叫個st幫你睇埋亞仔會唔會有機會係讀寫障礙。

bandband

咦?可以順便評估埋架???但如果我有咁既要求,佢又會唔會額外收費之類?係咪需要預先打電話通知個治療師呢???定係到時見到至講???

稚言治語 寫道:
[quote]
bandband 寫道:
約咗個言語治療師下星期三見我個仔

姑娘搭咀：記得叫個st幫你睇埋亞仔會唔會有機會係讀寫障礙。[/quote]

bandband

好開心呀~!!!啱啱收到囝囝班主任電話(成夜晚九點),同我傾囝囝既學校同屋企既情況,傾咗好多嘢添!班主任今日已經開始安排咗一位好熱心既男同學坐响囝囝隔離幫佢!同埋都將份評估俾咗其他科目既老師睇,我地傾咗好耐!個班主任好有heart呀~~~!!我家吓超級開心(搞到我心急得滯頭先一輪咀講哂囝囝啲嘢俾班主任聽添)~! 希望可以keep住同班主任好好溝通同合作啦!我真係要好好加油!     

Dr.T

1. 在目前情況下,有限度的參與及回應比較安全(i.e.見步行步),好過d所謂"分享",因為如果物都講真係唔知聽嘅人收到d物入腦

2. 千祈咪咁講,略盡綿力而已

joey媽媽 寫道:
[quote]
1...我今早同社工講我會出席晚會,但唔會同家長分享,亦我都唔會阻止學校講仔仔情況,咁社工好似面色有變咁問:如有需要時係班會中大家家長問呢個問題時,我會否作答,咁我話我如真有需要時我會到時回答家長的憂慮及即時嘅應變...你覺得這樣ok嗎?
2...你嘅意見絕對係好pro,多謝你的分析,可以話係我地嘅救世主...

joey媽媽

各位:
昨日我專登接個仔放學,唔比佢去託管,咁我諗住可直接見到班主任問下仔學校情況,誰不知我排我前面家長原來同班主任投訴緊我個仔,佢希望班主任比佢個仔分我個仔坐,因為話我個仔打佢喎 其實佢個仔高又高過,大又大過我個仔,蝦到佢個仔能力都有限啦 當時我都想上前同呢位媽咪say sorry, 但又諗是否適當時侯呢 何況我又唔知真實情況,所以我都係企係度聽佢投訴無出聲,況且佢都唔知佢投訴果個人原來係我   
跟住佢走左,班主任同我講諗住比仔仔一個人坐好嗎?，因有３１人都係會有１人自己坐 :cry:我即話:唔得,你這樣做法更令其他同學標籤左佢,我話呢個同學一定要安排掉位,因為家長已投訴多次亦對仔仔產生誤會,所以他們已不能一齊坐,不如老師你可否再搵個願意幫手的同學幫我仔仔,如果可以的話再向呢位同學嘅媽咪問她是否願意佢仔女幫我的障礙仔仔,這事前通知家長的做法會否更好呢.而呢位家長亦有心理準備佢嘅仔女可做愛心小領導   假若老師問到個個家長都唔想時我先想考慮比佢一個人坐，好嗎
咁老師就答:這樣都好喎!我都無諗到可以試下咁做,因我係處理呢方面經驗真係少,其實我都唔想仔仔自己坐,因呀仔都要搵隔離同學幫手會好d.好啦!就咁決定啦
跟住班主任大致講d同學其實個個都好錫佢，老師又點幫佢，佢學校一ｄ情況有咩進步咁~~~
暫時經我昨日突擊查詢了解情況後,我個心都舒服左好多
學校無經驗,唯有我主動d提意見，暫時好彩同校方都關係良好，希望條路繼續順利，真係＊[size=x-small]見步行步，見招拆招＊

joey媽媽

Dr.T
[size=x-small]您嘅意見真好寶貴，可以令我更有信心行每一步路，真心多謝您 :cry:    
[size=xx-small]昨日放學向班主任和社工再了解情況後，我決定明晚家長會我先己出席，老公仔女唔會去，等我去看看當時情況先，如果真有家長查詢仔仔問題,社工會處理而我可能亦會即時作出適量嘅配合,而點解我唔比仔仔出席呢?係因為我唔想佢地見到呀仔少少坐唔定而即判佢死刑,呢個小朋友好難教之類...到時佢地一眼認定仲衰,所以等我自己一個去看看情況是否咁壞先. :
[size=xx-small]我同社工講叫佢同其他家長講係有發展障礙,所以校方........,呢d交由學校講，我覺得呢個講法家長會較為明白及接受一ｄ,如果一開始講佢係自閉症,可能呢班家長唔知係咩黎的時候,佢地對我仔仔起幅牆仲高,不如趁呢個家長會等我自己慢慢認識一兩個家長,然後我自己入手慢慢講d仔仔情況比其他家長知，等一個傳兩個，兩個傳．．．三十個，等佢地慢慢了解及接受會否好ｄ呢?這樣做法,班主任和社工都覺得ok,所以我暫時同校方都算有d共適了
[size=x-small]Dr.T  你仲有無高見比我呀?     

joey媽媽

[quote]
bandband 寫道:
好開心呀~!!!啱啱收到囝囝班主任電話
班主任今日已經開始安排咗一位好熱心既男同學坐响囝囝隔離幫佢


   [size=x-small]好喇!大家都又有新開始,我同你都要一齊努力呀? 安排咗一位好熱心既男同學坐响囝囝隔離幫佢,[size=x-small]我仔老師都係咁安排,但幫仔仔隔離同學嘅媽媽唔滿意,所以.... :cry: [size=xx-small]其實聽老師講幫佢嘅男同學係唔想掉位,願意繼續幫我仔,但無奈....,我住呢邊區嘅家長教育上係~~~ :tongue:

joey媽媽

kmwun
   你介紹用嘅錄音方法,好好使 昨天第一日用,學校都有講野返黎比我聽,我昨晚都有留言比今日學校聽   
  呢個方法,正~~~~~~~~呀
    
我話比社工聽都係有位媽咪介紹我用,因為佢學校都叫佢地咁用呢個方法 所以我諗佢地唔用唔得

bandband

唉,查實我都好怕遇到呢類家長架!明明佢個小朋友覺得同我個仔相處無問題,但係俾佢地聽到我個仔成日搞住同學/打人,都未輪到佢個仔俾我個仔搞,佢已經癲咗先,走嚟又投訴又要求分開我個仔甚至仲話要退學添(以前啲幼稚園經历)...講真,我地咪又係人,我地小朋友都只係小朋友嚟,並唔係咩怪物,有時遇到呢啲家長/小朋友我都幾難受...

不過既然你囝囝間學校都願意同你合作,又肯聽你意見,我覺得你唔需要氣餒囉!   我好同意你講法,如果老師專登零零舍舍隔開囝囝自己一個坐,真係變相標籤咗個仔,到時就算個仔已經有明顯改善,但係啲同學同家長始終會排斥我地啲囝囝,咁樣始終會傷害到囝囝架!所以噚晚我都同我囝囝個班主任講,叫佢照常當正佢係一般小朋友看待,唔好太專登去對佢,只係提供適當既協助,一嚟啲小朋友同家長唔會當佢係異類,二嚟囝囝番學讀書同小朋友玩時又會感覺自然啲無咁大壓力(查實佢地係知我地諗乜架),咁樣我覺得至會幫助到囝囝...

我都努力緊同班主任傾多啲...始終我係衰好怕同人面對面講嘢,噚晚明明响電話度我係好自然架,但今朝個班主任一主動埋位同我地打招呼傾偈,我就唔知做乜鬼又緊張又唔敢望住老師...緊張到九唔答八...改咗咁耐都改唔甩我呢啲緊張性格...^^:睇嚟我都要同囝囝一齊TRAINING至得! 睇吓邊個叻!!!

一齊努力啦!!!!

joey媽媽 寫道:
[quote]
bandband 寫道:
好開心呀~!!!啱啱收到囝囝班主任電話
班主任今日已經開始安排咗一位好熱心既男同學坐响囝囝隔離幫佢


   [size=x-small]好喇!大家都又有新開始,我同你都要一齊努力呀? 安排咗一位好熱心既男同學坐响囝囝隔離幫佢,[size=x-small]我仔老師都係咁安排,但幫仔仔隔離同學嘅媽媽唔滿意,所以.... :cry: [size=xx-small]其實聽老師講幫佢嘅男同學係唔想掉位,願意繼續幫我仔,但無奈....,我住呢邊區嘅家長教育上係~~~ :tongue:

bandband

查實我噚晚都有將呢個方法介紹俾班主任知,但聽佢口吻似乎覺得誇張得滯咁...所以我都話學校有需要先至考慮吓用呢一個方法...唔緊要啦!只要個班主任一直有KEEP住同我溝通,又幫到囝囝既,用唔用呢個方法都唔係太大問題既...

joey媽媽 寫道:
kmwun
   你介紹用嘅錄音方法,好好使 昨天第一日用,學校都有講野返黎比我聽,我昨晚都有留言比今日學校聽   
  呢個方法,正~~~~~~~~呀
    
我話比社工聽都係有位媽咪介紹我用,因為佢學校都叫佢地咁用呢個方法 所以我諗佢地唔用唔得

joey媽媽

..始終我係衰好怕同人面對面講嘢,
改咗咁耐都改唔甩我呢啲緊張性格


得ga 喇!你出黎嘅時候我會捉你對眼望我先,我先同你講野,同你做訓練呀