06年9月入讀蘇淅幼稚園K1既家長, 入唻交流下啦!

vanustat

十月媽咪:
     尋晚激c我。阿囝放學返黎個書包痴立立。打開睇吓原來裹面支益力多倒哂出黎。但係就好奇怪點解枝飲管會插左o係支益力多到。跟住我就問阿囝點解會咁，問佢係咪你飲唔哂支益力多所以放番係書包到。佢又話唔係，佢話無飲到，係老師幫佢插支管落益力多到同埋幫佢擺番係書包到.....。我問佢有無講大話，佢碌大對眼同我講話無同埋佢講埋係邊個老師幫佢擺....。我都相信我囝囝。不過老師又無理由會將支插左飲管既益力多擺番o係書包到o架，真係唔明白。後未我今朝打比老師同佢講，不過我就無直接問老師係咪佢哋擺既，而老師同我講阿囝可能o係校巴上面開黎飲。但阿囝係坐第一行既，如果佢開黎飲，嬸嬸都會唔比佢咁做啦。加上阿麻話我知，嬸嬸同佢講叫老師唔好攞番飲品返黎，係車上面可能會un 到潟出黎。
   我唔係想追究責任，我好想知道阿囝有無講大話。因為有時問佢有無做到，佢一時話有一時又話無。但係以上件事，問佢多次佢都話係老師擺既。老公又百份百相信阿囝講既說話。而我就半信半疑。如果比你會點做

CanKan

唔經唔覺k2上學期快將完結，好快就下學期，跟住升k3，跟住選小學。

初初入讀幼稚園，見一班有成三十幾人禁多，對小朋友既照顧一定冇小班教學禁好，但亦由於人數夠多，亞女可以認識多 d 朋友，每一日都係熱熱鬧鬧，每個月既表演亦會有一定既觀眾。

蘇浙小學似乎唔錯，雖然聽講都谷得幾犀利，唔知自己頂唔頂得順；但我係度諗既係佢一年級只係得一班，重好似得廿幾人，會唔會少得滯？學校係社會既縮影，係社會并唔會只需要同禁少既人溝通！但另一方面，我亦好欣賞佢既全普通話教學，若果只係讀三年就離開，會唔會得唔倒原先既效果 - 學好普通話？雖然可以繼續幫小朋友搵普通話 playgroup，但每日個零鐘點及得上全日係果個環境入面禁好，究竟應唔應該幫佢考多幾間？抑或係疊埋心水直上蘇小就算？

你地有咩睇法呀？

CANKAN

十月媽咪

vanustat,
我都信你個仔既講法! 雖然阿女無試過插左支飲管落益力多, 但就畀老師插過飲管落維他奶, 然後響大家都無為意既情況下, 阿女自己放左盒已開既維他奶落書包, 結果同你仔個書包一樣啦, 黐笠笠!

仲有老師試過畀半條蕉阿女拎返屋企, 結果係點, 可想而知!

原文章由 vanustat 於 07-12-13 16:42 發表
十月媽咪:
     尋晚激c我。阿囝放學返黎個書包痴立立。打開睇吓原來裹面支益力多倒哂出黎。但係就好奇怪點解枝飲管會插左o係支益力多到。跟住我就問阿囝點解會咁，問佢係咪你飲唔哂支益力多所以放番係書包到。佢又話 ...

十月媽咪

cankan,
公文數係d日日要做,日日要操, 由低做起既數學, 講趣味性, 韓數一定有趣過公文數, 想知多d, 下星期四見到你, 有時間再同你詳談!

至於蘇小, 以我所知, 今年有三班小一全日班 & 一班小一半日班, 每班唔超過三十人, 算唔算係小班教學?

我出年既策略係...K3上學期我已經會留位蘇小, 然後響下學期尾再報一D較出名既女校 (私立學校, 即管睇下個女同果D學校有冇緣兼睇下佢有冇咁既能力去面對果D面試), 同期間, 我亦會參加政府大抽獎, 心儀學校已經選定, 但派到既機會率近乎零, 只為一搏運氣!

原文章由 CanKan 於 07-12-14 13:15 發表
唔經唔覺k2上學期快將完結，好快就下學期，跟住升k3，跟住選小學。

初初入讀幼稚園，見一班有成三十幾人禁多，對小朋友既照顧一定冇小班教學禁好，但亦由於人數夠多，亞女可以認識多 d 朋友，每一日都係熱熱鬧鬧，每個月既表演亦會有 ...

yyoo

十月媽咪:
你好，記得我嗎? 我囡囡真的考到協恩。不過是下午(pm)
她日日都要午睡, 我怕佢無得瞓會無心情返學，　依＋真的有D煩
到底讀KCS(am) or Heep Yunn (pm)昵？因為都好想佢學好普通話，　但協恩又係一間好學校．　唔知你有無ｄ意見卑我呢？
Thanks.

mimi1102

下 ? d 老師咁搞笑geh ? 半條蕉都比人攞番屋企 ?

原文章由 十月媽咪 於 07-12-14 18:44 發表
vanustat,
我都信你個仔既講法! 雖然阿女無試過插左支飲管落益力多, 但就畀老師插過飲管落維他奶, 然後響大家都無為意既情況下, 阿女自己放左盒已開既維他奶落書包, 結果同你仔個書包一樣啦, 黐笠笠!

仲有老師試過 ...

joeytcy

各位....WAH..呢版好齊人喎

下星期四我都希望可以去到啦....


兩樣都係要不斷重覆練習.......公文主攻計算速度......至於韓數有一半係邏輯思考有關...

joeytcy

原文章由 十月媽咪 於 07-12-14 18:44 發表
vanustat,
我都信你個仔既講法! 雖然阿女無試過插左支飲管落益力多, 但就畀老師插過飲管落維他奶, 然後響大家都無為意既情況下, 阿女自己放左盒已開既維他奶落書包, 結果同你仔個書包一樣啦, 黐笠笠!

仲有老師試過 ...

依...甘樣講法...會唔會有時D老師因有D原因唔夠時間上堂...所以想縮短茶點時間最佳方法就係用有善態度去催促小朋友快D...飲唔晒就一野擺落小朋友書包度...唸住放學時叫番學生拿出黎飲埋佢...當然..最後不了了之....(等我都問下阿女先..索下有無料八)

joeytcy

原文章由 CanKan 於 07-12-14 13:15 發表
唔經唔覺k2上學期快將完結，好快就下學期，跟住升k3，跟住選小學。

初初入讀幼稚園，見一班有成三十幾人禁多，對小朋友既照顧一定冇小班教學禁好，但亦由於人數夠多，亞女可以認識多 d 朋友，每一日都係熱熱鬧鬧，每個月既表演亦會有 ...

蘇小我多數唔上LU......成3000個大洋.....好仰貴GER 呢

十月媽咪

yyoo,
嗯...下午班...不過我都衷心恭喜你囡囡考到協恩 , 在我唻講, 考到協恩好過中六合彩, 因為協恩中小學&幼稚園既口啤都係非常好, 佢地d學生亦非常有自信, 自信得唻又唔多寸咁樣好! 可惜既係協恩幼稚園唔保證上班協恩小學, 而協恩小學既畢業生亦唔保證上到協恩中學, 家長要愁幾勻兼煩幾勻, 呢個亦係一個要考慮既問題!

不過下午班, 響安排小朋友午睡&課外活動方面, 就真係比較頭痕, 同埋d時間真係唔多見用, 上午班就真係方便好多! 如果你真係好鍾意普通話教學, 無疑蘇幼係唯一既選擇; 但培養小朋友各方面平均發展, 我會選協恩!

原文章由 yyoo 於 07-12-14 23:08 發表
十月媽咪:
你好，記得我嗎? 我囡囡真的考到協恩。不過是下午(pm)
她日日都要午睡, 我怕佢無得瞓會無心情返學，　依＋真的有D煩
到底讀KCS(am) or Heep Yunn (pm)昵？因為都好想佢學好普通話，　但協恩又係一間好學校．　唔知你有 ...

十月媽咪

mimi1102,
因為我向來都千叮萬囑個女唔好響學校食蕉 (原因係好多時d蕉都未熟透, 我女有氣管敏感, 一食呢d寒涼野就會病), 所以阿女知道要將條蕉拎番屋企畀我過目過, 佢至可以食or唔食! 但果次, 可能老師唔鬼記得左畀條完整既蕉佢, 切開左都照畀佢, 佢又照放落書包, 咁就"賴"野啦!:evil:

原文章由 mimi1102 於 07-12-14 23:37 發表
下 ? d 老師咁搞笑geh ? 半條蕉都比人攞番屋企 ?

十月媽咪

悠媽,
係呀, 好少可咁齊人呀!

嗯...都可以咁講, 公文係主攻計算速度, 但隨左要計得快, 仲要計得準, 名副其實係要做到快而準, 因為每個level都有20份worksheets, 每份worksheet有二十版 (大約一份有120-150條數), 每份worksheet既完成時間唔多於20分鐘, 完成20份worksheet之後, 要做一個評估, 而每個評估都有指定時間, 能夠響指定時間內快而準地完成份評估, 至可以升level, even好快做晒, 但錯好多or啱晒但做得好慢, 都要再重複做多次d worksheet, 做到快而準為止!

原理係要訓練小朋友既專注力&思考能力, 專注力低既話, 做一份二十版既功課, 係無可能響廿分鐘內完成既, 小朋友做果陣擔天望地, 扭扭擰擰, 講野多過做野, 嘥晒d時間, 點會做得快! 至於思考能力方面, 小朋友係要訓練到一望就知道個答案, 而個腦一諗到個答案, 就要輸送畀隻手寫出唻! 雖然佢地無話特別訓練佢地既邏輯思考, 但最近我發覺, 其實響做數期間, 亦訓練左阿女既推理技巧...呢樣又係另一驚喜&得著!

不過我見好多家長都係buy韓數多過公文數架, 一唻韓數無咁死板, 二唻韓數唔會block左小朋友既思維咁話喎! anyway, 做家長既都係想搵一套適合自己小朋友既方法啫, 只要果個小朋友學得好既, 就條條大路通羅馬既! :D

原文章由 joeytcy 於 07-12-14 23:38 發表
各位....WAH..呢版好齊人喎

下星期四我都希望可以去到啦....


兩樣都係要不斷重覆練習.......公文主攻計算速度......至於韓數有一半係邏輯思考有關... ...

[ 本文章最後由 十月媽咪 於 07-12-17 07:04 編輯 ]

yyoo

十月媽咪:
Thank you for your advice. I am now considering which kindergarten I will let my daughter in . I reallly like KCS for its Putonghwa teaching. How do you feel of English teaching in KCS? If it is good at both Putonghwa and English , I will choose KCS, otherwise I prefer Heep Yunn more.By the way , where does your daughter learn Kum Man Maths?
If I also want my daughter to learn it ,  how old should she attend this class? Thanks.

原文章由 十月媽咪 於 07-12-15 08:16 發表
yyoo,
嗯...下午班...不過我都衷心恭喜你囡囡考到協恩 , 在我唻講, 考到協恩好過中六合彩, 因為協恩中小學&幼稚園既口啤都係非常好, 佢地d學生亦非常有自信, 自信得唻又唔多寸咁樣好! 可惜既係 ...

十月媽咪

yyoo,
蘇幼除左每日都全普通話教學之外, K1每日都有大約15-20分鐘由外藉老師教英文, K2大約30分鐘, 聽講K3就大約45分鐘, 全部都係由外藉老師教! 響英文堂既數量方面, 的確係多過好多幼稚園的! 另外, 佢地K1已經開始學PHONICS既字母發音, K2依然繼續學, K3好似都有的! K1已經教晒Book 1 至 Book 3 既朗文英文教科書, 而Book 3 已經教簡單既英文對話; K2上學期到現在為止, 已經教完Book 4, 開始左Book 5, 除左新既單字之外, 亦有對話 & 句子 & 造句, 例如 I like _____. I can _____. 等等...
好似係K3下學期開始, 就會用小一既朗文英文書, 小一上學期, 已經用小二既英文書! 響英文程度方面, 其實我覺得唔錯既, 但我個女就係成日都唔肯講, 亦唔敢講, 呢樣我係唔知點解既, 但如果你畀本書佢, 佢可以一句一句咁讀番晒出唻畀我聽的, 但如果就咁叫佢講, 佢係啞口無言既! 而家佢既情況係, 認字讀字佢就VERY GOOD, 但ORAL就VERY POOR, 而LISTENING就中規中距!

至於協恩每日有幾多堂英文, 係咪由外藉老師教, 程度如何, 你就要問番佢地既家長喇!

另外, 阿女係響調景嶺果間公文式教室上公文數的, 由於係新開既關係, 老師好有耐性, 亦比較親切友善, 不過亦有家長覺得佢唔多夠經驗; 但在我唻講, 而家阿女學既野都係比較淺, 只要老師懂得點樣教識佢果D數學CONCEPT, 我唔介意老師經驗淺!

我女係今年七月開始上公文的, 當時佢大約係三歲九個月, 而公文無論學中文, 英文OR數學, 都係要足三歲至收既, 但我覺得唔駛心急, 因為年紀越細既小朋友, 就越會由低LEVEL開始, 即係話家長畀既錢會越多...接近四歲至開始學, 就有機會好似我女咁, 畀小兩個LEVEL既錢! 而最淺果兩個LEVEL, 大約係畀三至四個月學費, 即係1500-2000蚊啊!

原文章由 yyoo 於 07-12-15 13:09 發表
十月媽咪:
Thank you for your advice. I am now considering which kindergarten I will let my daughter in . I reallly like KCS for its Putonghwa teaching. How do you feel of English teaching in KCS? If i ...

CanKan

原來蘇小今年有成4班，禁比我想像中好，蘇小真係令我亦愛亦恨；亞女近排係屋企會同我講英文，有時會同我講普通話，當然我亦會以英文同普通話答返佢﹝其實我 d 英文同普通話都係一般，希望唔會對佢有唔好既影響﹞，有時我 d 普通話講得唔係好正，佢仲會糾正我添，所以我相信學好普通話，蘇小既功勞最大，因為我并無同佢搵其他既普通話活動。

我而家會開始睇番 d 小學既資料，好似培正、民生等，先至再決定同唔同佢報第二間，事關我怕到第二間收既時候，要諗餐懵選擇邊一間。

cankan

joeytcy

昨日隔離屋嫁女.....阿女走去開門擔張凳仔睇左好耐...HAHA

十月媽咪

悠悠梗係想像緊自己將來出嫁果陣個樣喇! 哈哈! 話時話, 咁佢噚日個樣係咪好冧咪羡慕咁呀?

原文章由 joeytcy 於 07-12-17 19:47 發表
昨日隔離屋嫁女.....阿女走去開門擔張凳仔睇左好耐...HAHA

十月媽咪

cankan,
今日收唔收到胡太畀kelly張通告呀? 你畀唔畀kelly參加果個評估考試呀? 我問過胡太, 佢話就算唔考, 出年夠秤都一樣可以升班的, 而升班既裙係要買過晒, 只係佢地要預早咁多訂衫喎! 你考唔考都單聲我知丫, 我仲考慮緊呀!

原文章由 CanKan 於 07-12-17 14:05 發表
原來蘇小今年有成4班，禁比我想像中好，蘇小真係令我亦愛亦恨；亞女近排係屋企會同我講英文，有時會同我講普通話，當然我亦會以英文同普通話答返佢﹝其實我 d 英文同普通話都係一般，希望唔會對佢有唔好既影響﹞，有時我 d 普通話講得 ...

joeytcy

原文章由 十月媽咪 於 07-12-17 19:55 發表
悠悠梗係想像緊自己將來出嫁果陣個樣喇! 哈哈! 話時話, 咁佢噚日個樣係咪好冧咪羡慕咁呀?

佢好好奇....去飲佢就去過...但過門...睇D兄弟係門口比D姊妹玩..又帶假髮又唱歌...佢覺得好新鮮.....

yyoo

十月媽咪：
Thank you so much for your briefly explanation.
Wheneve what we ask, you will also give a very satisfly reply. Really thanks a lot. I think you are a very helpful and nice person.
It seems KCS also provide a good English training for the kids. I have to think over these two kinders (KCS and Heep Yunn) I think I will let my daughter to have KumMan Maths next year in the summer holiday. It's better to learn when she is 3 and half years because she is a very active girl.

原文章由 十月媽咪 於 07-12-17 07:01 發表
yyoo,
蘇幼除左每日都全普通話教學之外, K1每日都有大約15-20分鐘由外藉老師教英文, K2大約30分鐘, 聽講K3就大約45分鐘, 全部都係由外藉老師教! 響英文堂既數量方面, 的確係多過好多幼稚園的! 另外, 佢地K1已經開始 ...