朋友的囡囡有"大腦麻痺症"，有無其他小朋友一樣？

諾諾爸爸

好多謝你. 諾諾近來多左冷汗.

諾諾爸爸

我唔覺得睇電視是豆雞的原因, 如果係, 全世界既人都豆雞啦.

我只知道所有腦傷兒童都有不同情度的視力問題. 係腦的問題, 唔關隻眼事.

你不如問下醫生,

你 : [ 醫生, 你地做完手術, 有冇review做完手術之後的情況 ?]

醫生 : [有 , 但只係手術後果幾日, 之後復診記錄好小有時間跟, 但聽說有機會好轉, 近來好似有兩位做左好轉]

你 : [ 嘩! 咁就好了, .....咁, 失敗無變或仲差呢? ]
醫生 : [ 有99位 !]

你 : [ 咁................! 照做啦!]
:::::::::::::::::::::::::::::::::::::::手術後::::
醫生 : [你個仔手術好成功!]

你 : [咁就好了多謝醫生.....佢現在冇斜視了, 眼珠係正中間, 之但係..........點解隻眼珠唔多動既!!! ? ]

醫生 : [我地切左佢兩邊轉眼球肌肉, 咁佢米唔L會斜視law ! 佢望野個頭要兩頭think !]

你 : [ 妖!!! 咁你又唔早講?! ]

醫生 : [你又無問!]

你 : [ 醫生 , 我個仔成日抽筋點算啊 ?! ]

醫生 : [EASY ! 切左條筋就唔會有筋比佢抽架啦!:;pppp:  ]

唔好理我或人地講, 問問過住成功率吧!

西醫偏見者  諾諾爸爸 上

原帖由 QQP 於 11-2-9 16:11 發表
HELLO, 兔年祝大家合家平安幸福.

過年真係好鬼忙, 都錯過左 pattsui11@yahoo 初五的約會添, 你哋傾得開心嗎 ? 希望有下次, 我可以安排到時間啦.

諾諾爸爸, 希望在人間, 我都祝願你願望成真, 一家人齊齊整整, 開開 ...

[ 本帖最後由 諾諾爸爸 於 11-2-10 12:40 編輯 ]

QQP

多謝你呀 pattsui11@yahoo!

好彩睇左你的資料, 又引發左我去搵更多內斜視的資料睇, 睇完先去見 o個 d 忙到唔得閒答你問題的公立醫院醫生, 最後都算叫做得個明白, 都知道個仔係肋肉發育唔平衡, 造成內斜視.  不過又係冇得即時/短期根治的方法, 不外乎都係叫你做割鬆肋肉的手術.  會再考慮吓睇定 d 先, 暫時會幫佢做吓單眼睇野的練習, 希望佢睇野的角度會從內慢慢拉回中央.

QQP

諾諾爸爸,

exactly, 除左做手術, 西醫都別無他法, 而家都係靠做吓針灸, 同埋再試吓幫仔仔蓋住一邊眼, 等佢多用斜視的眼睛, 睇多d 角度, 希望可以練番 d 肋肉啦.  不過知道都唔係一時三刻就會好.

pattsui11@yahoo

我曾在圖書館看過幾本訓練眼睛肌肉的書，幾好玩的，不仿一看。

諾諾爸爸

諾諾今天已覺得在地球好悶, 上午上左天堂陪上帝過情人節去.

我在這forum 的分享亦到一段落, 唔會再post.

傻妹

諾諾爸爸,

節哀順變,祝願你一家人都勇敢地面對前面既生活,忘記痛楚.早日再開心地生活....你既努力令諾諾感受到無限的愛,你是一位好爸爸,諾諾只係唔想見到你咁辛苦所以寧願去搵父天照顧佢.

我都好傷心........你亦不要太難過了!諾諾絕對唔希望見到你地喊GA...要堅強呀!

原帖由 諾諾爸爸 於 11-2-14 13:47 發表
諾諾今天已覺得在地球好悶, 上午上左天堂陪上帝過情人節去.

我在這forum 的分享亦到一段落, 唔會再post.

pattsui11@yahoo

原帖由 諾諾爸爸 於 11-2-14 13:47 發表
諾諾今天已覺得在地球好悶, 上午上左天堂陪上帝過情人節去.

我在這forum 的分享亦到一段落, 唔會再post.

gcleung

Rest in Peace

原帖由 諾諾爸爸 於 11-2-14 13:47 發表
諾諾今天已覺得在地球好悶, 上午上左天堂陪上帝過情人節去.

我在這forum 的分享亦到一段落, 唔會再post.

諾諾爸爸

阿...我有樣野應該要做, 我要consolidate 我所知的, 將佢整為一個pdf file, 雖然我個case 是失敗的, 但不是所有的東東都是由失敗而起的嘛? 連勁出名的[格連.杜曼]亦多次多次失敗. 因為好多新入來的腦傷爸爸媽媽都好驚. 每個腦傷程度都不同, 我希望諾諾的生存, 能帶給後世快快的參考指引.當作諾諾曾生存的意義.

好多所謂的專家, 根本唔了解腦傷爸爸媽媽的實際情況, 他們只用一般正常的BB去看, 去估! 從來未照顧過腦傷BB超過24hrs, 而我地就不同, 天天對住, 例如, 睡在BB旁我100%支持不要做, 但冇人會真真正正走去了解過....腦傷BB是不同的, 我好了解你地. 一放低BB就喊, 一般人就話....[你唔好抱咁多啦..由佢喊, 喊多些.] 唉..鬼唔知咩.

[ 本帖最後由 諾諾爸爸 於 11-2-15 19:57 編輯 ]

QQP

祝願諾諾在天國安然喜樂.
祝願諾諾爸爸媽媽身心祥和.

諾諾爸爸,
雖然唔可以講好高興在這裡見到你, 但因為大家的不幸造就大家在這裡開放的分享, 令大家都有所得著, 真的好感激.  冇錯腦傷的bb真係問題多如繁星, 小病雞毛蒜皮都磨你一頭幾個月, 大病生離死別都話唔埋, 唔係過來人, 真係無法明白.  地球的生活並唔平坦, 希望大家日後就算遇到咩難題都有同路人, 能互相開放分享, 互相扶持.

諾諾爸爸

如我將來有$的話, 我一定成立一個CP基金, 一個細細2000尺的環境, 平價收費或免費, 裹面有物理治療師, 滑梯, 千秋, 起碼大家煩小樣.

講真, 我相信好多CP家長可能想BB死去就算, 冇錯, 這兩晚真的比平地時冇咁累, 但死左亦好傷心, 眼淚流到爆廠.

留係世上都冇用了 , 睇唔到, 聽唔到, 講唔到, 行唔到, 唉....., 但似終是骨肉.

原來,  眼淚流到爆廠叫喊的時候. 只會看到及聽到大約兩尺的距離, 周圍是一片黑色!

[ 本帖最後由 諾諾爸爸 於 11-2-16 19:14 編輯 ]

QQP

cp 的小朋友問題實在多原化, 中/西醫, 物理/職業治療, 針灸/推拿/按摩, 中藥/營養....範範都關事, 都要做.....大家加油呀!

我最近開始俾有音樂治療 (專門: 腦頂葉工能 - 肢體創造/知覺/辦識/操作/理解) 的 cd 俾小朋友聽, 係朋友送的, 見到這裡都有人講起, 出去做一次音樂治療, 都幾貴, 希望朋友送的, 可以在家裡常常聽, 又可以聽耐d, 如果真係 work 再同大家分享.

諾諾爸爸

留意下 Kid's Christmas Carols 系列的CD, 睡覺聽幾好, 我CP BB 聽左靜心好多. 但在網上我找不到 link. 佢有好多隻.

BELLFOK0318

諾諾爸爸媽媽: 節哀順便~

諾諾爸爸

因之前揍BB 揍得太累, 我前日以為諾諾要我落去陪佢, 在公司做做下野, 我的心跳突快, 以為爆血管, 但blood pressure 又正常, 入左醫院都唔係好掂咁, 最後都冇事, 個胃因食冇定時又過量, 結果個胃傷了, 現在都未好番.

老婆就去左推拿, 周身痛處, 尤其下身.

BELLFOK0318

你們2人小心自己身體 , 別這樣~~~

原帖由 諾諾爸爸 於 11-2-19 09:05 發表
因之前揍BB 揍得太累, 我前日以為諾諾要我落去陪佢, 在公司做做下野, 我的心跳突快, 以為爆血管, 但blood pressure 又正常, 入左醫院都唔係好掂咁, 最後都冇事, 個胃因食冇定時又過量, 結果個胃傷了, 現在都未好番.
...

諾諾爸爸

講真, 我當時真的以為就咁就死了, 從未試過這感覺, 個心離一離氣, 腳浮一浮, 清醒但頂住, 越留意聽住心跳仲PK, 越聽越驚, 嚇死! 重打電話比老婆說:[老婆, 你找別人家再嫁了 !] 跟住己冇力講.

[ 本帖最後由 諾諾爸爸 於 11-2-19 21:22 編輯 ]

Mandy23

保重 諾諾爸爸

我囡囡都在初九時突然抽筋, 抽了2-3個鐘, 醫生給了很重的藥才止了抽.  跟隨就昏睡了3-4日才醒. 我都怕她有什麼事.醫生建議我給回她長期吃抽筋藥, 我拒絕了.  我跟醫生說我一定會慢慢減回因這次入院給她吃的藥.

原帖由 諾諾爸爸 於 11-2-19 21:16 發表
講真, 我當時真的以為就咁就死了, 從未試過這感覺, 個心離一離氣, 腳浮一浮, 清醒但頂住, 越留意聽住心跳仲PK, 越聽越驚, 嚇死! 重打電話比老婆說:[老婆, 你找別人家再嫁了 !] 跟住己冇力講. ...

諾諾爸爸

昏睡了3-4日?? 好擔心你地, 講真, 只有我地明白大家.