始終要TSA

shadeslayer

原帖由 ronniedad 於 15-12-13 發表
你講黎講去咪舊史嘅坊間，我地一直講緊嘅係現在嘅坊間，梗係唔同啦。就算係現在個陳生佢都係大大聲話佢接觸 ...

你想用「坊間」來推倒教育政策？我的「坊間」想推倒你的推倒。

shadeslayer

原帖由 skmibb 於 15-12-13 發表
加深課程，一教二程度吧，我都已認為係「操」的定義。

加深課程？你點知加深課程係因為TSA？

Sumyeema1

原帖由 ronniedad 於 15-12-13 發表
你講黎講去咪舊史嘅坊間，我地一直講緊嘅係現在嘅坊間，梗係唔同啦。就算係現在個陳生佢都係大大聲話佢接觸 ...

路過搭下咀，我女今年六月先考完 tsa, 學校從無派過 tsa 功課，也冇加堂操練，做完份試卷，個個小朋友話淺……我女玩開的一班朋友仔，讀幾間唔同學校（港島，官、津、私校），也冇人投訴過 tsa 操練問題。





所以有人話 tsa 是教育問題之源，我不太理解……



到阿仔今年升小一，學校上星期派咗一份 13 頁的 tsa 英文練習，我才感到驚訝……




從我家小朋友例子睇，操練與否，真的是學校自己決定……

Sumyeema1

原帖由 Sumyeema1 於 15-12-13 發表
路過搭下咀，我女今年六月先考完 tsa, 學校從無派過 tsa 功課，也冇加堂操練，做完份試卷，個個小朋友話淺 ...

阿女班朋友仔，放學去補習社、去學興趣班、操練一體一藝也花很多時間……聽過一個最嚇人 case, 返全日，放學後去操水兩小時，再過海踢足球1.5小時，功課、食飯 sip 時間做……學校屋企在港島……呢D係家長的選擇……

Sumyeema1

原帖由 Sumyeema1 於 15-12-13 發表
路過搭下咀，我女今年六月先考完 tsa, 學校從無派過 tsa 功課，也冇加堂操練，做完份試卷，個個小朋友話淺 ...

補充，學校派這 13頁 tsa 練習，是學校假期連 weekend, 放4日假，我覺得功課量可接受……

Sumyeema1

原帖由 Sumyeema1 於 15-12-13 發表
阿女班朋友仔，放學去補習社、去學興趣班、操練一體一藝也花很多時間……聽過一個最嚇人 case, 返全日，放 ...

我女 case, 考試邊科成績弱，搵補習社補，成績追到中上就停……現時最多 free time ……………………………………




最難反而係搵中文老師，樓下補習社全部普通話老師，我女學校是廣教中，成為少數，難找老師，唯有我自己上……

skmibb

原帖由 shadeslayer 於 15-12-13 發表
加深課程？你點知加深課程係因為TSA？

唉......都話老師話囉

MASAYA

Sumyeema1 發表於 15-12-13 21:29
我女 case, 考試邊科成績弱，搵補習社補，成績追到中上就停……現時最多 free time ………………………… ...

睇黎真係有好方法唔需要學校操練, 聰明既學校將操練轉嫁畀補習社, 自己樂得個唔操練既名頭

shadeslayer

原帖由 Sumyeema1 於 15-12-13 發表
補充，學校派這 13頁 tsa 練習，是學校假期連 weekend, 放4日假，我覺得功課量可接受……



  ...

多D你這些現身說法，給一些實在的細節，不流於口號，才是養份。

skmibb

原帖由 MASAYA 於 15-12-13 發表
睇黎真係有好方法唔需要學校操練, 聰明既學校將操練轉嫁畀補習社, 自己樂得個唔操練既名頭 ...

係架!
但我堅持唔去補習,唔會為追分數去惡補。因部份試卷題目已脫離該級的能力(基本上書本所教就一定識,轉幾十彎嘅唔識我唔怪佢)

palmchristy

shadeslayer 發表於 15-12-13 20:35
加深課程？你點知加深課程係因為TSA？

現實情況, 加深課程係要幫學生打好基礎, 應付將來升中派位的挑戰.  雖然咁做不值得鼓勵.
至於TSA對升學無關痛痕, 只是不值一提的小菜一碟; 卻被有心人誇大, 為它巧立各種罪名, 去欺騙一些未有相關經驗的家長, 令他們擔驚受怕, 被動地去支持有心人的缺乏事實根據的口號.

作為有真實經驗的家長, 就是要拆穿有心人的醜惡面目, 以正視聽, 免得初小家長被人利用, 幫助爭取, 實質只令有心人得益.

香港教育問題固然很多, 教育局處事也很有問題, 但總不能把焦點轉移到不相關卻被渲染的議題上.

palmchristy

skmibb 發表於 15-12-13 22:22
係架!
但我堅持唔去補習,唔會為追分數去惡補。因部份試卷題目已脫離該級的能力(基本上書本所教就一定識,轉 ...

最理想的情況, 就是父母按孩子的進度, 給予支持和幫助, 而不去依賴補習.

有些孩子, 很有鬥心和能力, 父母反而要為他們減壓.

但也有根基打得不好的孩子, 令父母擔心, 有能力當然最好自己教.

ronniedad

原帖由 Sumyeema1 於 15-12-13 發表
路過搭下咀，我女今年六月先考完 tsa, 學校從無派過 tsa 功課，也冇加堂操練，做完份試卷，個個小朋友話淺 ...

操練嘅操作當然會係在學校進行，但而家已明確顯示左呢個根本係一個考試目標，並唔係一個評估。那教育局已自己踢爆左佢自己原先話呢個係低風險嘅評估的說法。那目標範圍及內容既然已定，及已分左小一至小三，小四至小六兩階段，那要跟蹤或評估學校教學效能，睇番佢地每年每級的測考，會睇唔到想要嘅數據？是學校課程問題、師資或資源分配等問題，在平常視學會無發現？只睇呢兩點都未能找到問題，去想辦法幫助學校改進？（每間學校所面對的問題一定唔會一樣，點可能單睇一個成績及得一種方法，令間間學校都適用。）定根本就乜都無做？只係攞TSA成績去向學校施壓，要學校自己諗辦法去提升成績去交數。如情況係咁學校除左加強操練仲有咩辦法？之前還會向學校公佈有關數字，個人會認為在面子問題上，邊個想係同業內顯示自己領導的不濟。另公開得即唔會係秘密，街外得知後，那該校收生的難度（有質素或有較多家庭資源的學生）就會不斷增加，咁換轉你係校長，你唔加強操練，仲可以做乜。
另一點，我地嘅小朋友如受谷可應付無問題，但是否反映到其他每個小朋友都能接受呢？會否因為壓力而令到佢地對學習失去興趣？（如產生左呢個現象，可以話斷送左佢一生。）要知道每個人都係不同的個體，資質亦唔會係一樣，點可能用一個劃定的目標去強加於佢地身上。單以香港大學的學位，只約唔夠五份一人有資格入讀，即有大部份人需另謀發展。如由初小階段已將佢對學習的興趣及動機燃燒殆盡，完全失去，及由細到大都係在操練形式下成長，只懂用考試技巧去搵答案，唔識真正思考問題，那問題有多大可想而知。

Sumyeema1

原帖由 MASAYA 於 15-12-13 發表
睇黎真係有好方法唔需要學校操練, 聰明既學校將操練轉嫁畀補習社, 自己樂得個唔操練既名頭 ...

呢個 post 我由頭睇到尾，依家寫出自己小朋友現況……冇添加，冇做假……..……




小朋友考試成績不理想，有的家長放任之，不理會，靠小朋友自我磨練……而我，想幫一把，自己先試下做下輔導，唔吸收，再搵補習社……




不過，你終於承認有D學校聰明，不操練學生…………相對的，有D學校過份操練

palmchristy

skmibb 發表於 15-12-12 23:33
我沒有說非取消不可，只是唔想小朋友再為因學校經當局官員到訪而調深了課程而考試考唔到高分，所以只要求佢 ...

學校自己有自己的盤算.

TSA全不影響學校得到的資源, 也不影響學生將來的升學, 2014起仲學校TSA表現仲唔駛見人,  咁操來做乜, 學校根本就無為左TSA而去操練學童的誘因. 學校有教學團體的支持, 真係會頂唔住教育局官員的問候(如有的話)? 咪傻啦.

但實際真係有部份學校操練學生, 有無諗過點解?

就是因為有部份根基不足的學童在學校, 佢地跟唔上日常學習進度, 再讀上去要升中時, 呢班水平不足的學生, 會很大程度影響學校的升中結果, 例如派往頭三志願的學生比率, 升讀中學的名單等等.  呢D對學校先係大件事.  升中成績靚, 自然有更多有要求的家長為子女慕名報讀, 咁就從根本解決了收到差學生的問題, 亦都有助校譽.

所以, TSA正正可以成為學校操練學生的藉口, 做多幾本TSA名字的練習, 點都會對學童的成績起了表面的作用.

咁你會話, 既然係咁不如取消TSA啦, 咁學校咪唔會再操練學生囉! 但又錯了.  由於學校真正希望見到的, 是學生分數上的進步, 以及將來升中派位要見人旳結果, 只要呢個真正操練的誘因仍在, 學校對學生的操練是不會停息的. 到時真係唔知點解要取消TSA時, 學校只須搵令一個合理原因, 起用非TSA名字的練習, 續操可也.

無左TSA, 學校無須面對評核, 教學更自主, 校長老師少左行政工作, 你話幾好, 邊個得益好清楚.  你諗返下邊班人叫取消TSA叫得最大聲, 咪就係教師工會的政治機構囉.

做家長的, 做乜要幫佢?

ronniedad

原帖由 Sumyeema1 於 15-12-13 發表
補充，學校派這 13頁 tsa 練習，是學校假期連 weekend, 放4日假，我覺得功課量可接受……



  ...

呢點係你覺得可接受，當你唔去諗其他人感受，但你有無諗過，個小朋友是否接受，及有無俾個其他模式過佢選擇？特別要諗嘅一樣野，教育係乜野？特別係初小嘅基礎教育係乜野，應該要做d乜？頭三年就要去開始操練？現在一眾嘅要求正正就係要求取消小三TSA，其他兩個TSA需檢討。最後唔到任何人唔承認，考核內容確係越來越深及已嚴重超出應有學齡的能力，那什麼是基本能力？會短短十年間會有重大改變？

Sumyeema1

原帖由 shadeslayer 於 15-12-13 發表
多D你這些現身說法，給一些實在的細節，不流於口號，才是養份。

你葉問上身，一個對幾個，人家擺個八卦陣，依嗡嗡，依嗡嗡，跳上跳下……我都睇到頭暈……


依家朗尼的爸爸又打一大篇，扯去入大學，考試技巧…………我即時  meet 下大脾，我們是在同一時空，討論  tsa 嗎？  

Sumyeema1

原帖由 ronniedad 於 15-12-13 發表
呢點係你覺得可接受，當你唔去諗其他人感受，但你有無諗過，個小朋友是否接受，及有無俾個其他模式過佢選擇 ...

朗尼的爸爸……你……你……是否又要扣我一頂無同理心的帽子？  

Sumyeema1

原帖由 ronniedad 於 15-12-13 發表
操練嘅操作當然會係在學校進行，但而家已明確顯示左呢個根本係一個考試目標，並唔係一個評估。那教育局已自 ...

真心佩服你……電話都可以打咁長篇……

我只識手寫（我手寫我心）

palmchristy

我不時都會強調要聽吓過左小三TSA, 最好過埋小六升中的家長的意見.

因為初小家長, 基於經驗所限, 根本未必有宏觀的視野去看到高小以及升中的情況, 佢地的目光無可避免只能停留響相對狹窄的視野.  如果佢地經常只係留意其他同屬初小家長的討論, 大家互相鬥嚇, 就自會得出相對狹隘的論調, 簡化了問題, 最終得到簡化了的答案.

大家初小家長諗返下, 面對K3家長問升小的問題, 會留意到佢地無可避免有不少誤解的地方.  呢個唔係佢地的問題, 而係無經歷過就比較容易誤解.