香港創價幼稚園

Imysze

各位家長,

請問妳們每天都會幫小朋友更換, 洗校服及燙直嗎?
有這樣的需要嗎?

預習班雖然是一位老師照顧5位小朋友, 但到正式
階段, 是否會改每一組由一位老師看10位小朋友?

初期是否都是和小朋友玩遊戲, 玩玩具 講故仔?


IMYSZE

KelvinMaMa

放學後我問個仔今天情況怎樣? 他不停說我見到幾多號巴士, 他非常enjoy看巴士, 還說老師比佢棉花糖,不過之後再打比佢, 佢都已經上左床訓覺, 佢第一次坐校車, 希望佢快d適應啦!
今天老師沒有聯絡我, 或許明天吧! 你們呢?

Imysze,
當然天天更換, 洗校服及燙直, 佢地爬地你都唔知啦!

Imysze

KelvinMaMa,

老師會打電話給每一位家長嗎?

會否有情緒問題, 才打電話?

IMYSZE

KelvinMaMa

Imysze,

昨日問老師, 佢話會致電報告學習情況, 不過剛剛個仔話係學校凍之後, 我都急不及待致電學校, 不過佢地正在開會, 要遲d覆.

KelvinMaMa

老師回覆話亞仔今日好定兼好開心, 至於佢話凍的問題, 最好教佢表達比老師聽!

**亞仔粒棉花糖跌左 所以我食飯時已經買定一包比佢

codychan

好開心，我仔仔今日搭校車居然無喊喎!我地跌晒眼鏡啦!
放學接佢落車佢又無喊，重show閭個棉花糖比我睇添。
剛剛忍唔住致電學校，薛老師話我仔仔今日無乜特別，又無喊。.我成個人鬆晒，寄望明天會更好。   

龍馬媽媽

你地就好, 小朋友識話你聽有棉花糖及餅乾食, 我女女嘜都唔講, 剩係話老師有話佢靚, 因我女女好貪靚, 不過佢放學好開心咁, 我都安心好多啦!

Sandy媽

IMYSZE：我地同一組又係PART 1，咁應該見到你WOR 香蕉組得2個boys，你仔仔是否叫榮榮，又或者你係咪take view cam果個  我著住返工衫裙昨日hold view cam架，記得冇

亞女今日未上車見到姨姨已cry，可能我地成村人去送佢撘車，見到佢喊個心有d忐忑:cry:後來跟車姨姨比粒糖佢就攪掂     

YIYIKO

Hi 各位媽咪﹕
今天我仔仔不開心 :cry:

事緣奶奶帶仔仔去搭校車﹐但架校車不是停在正街﹐卻停了在橫街處﹐司機聯絡不到他們就開走了﹐我奶奶又聯絡不到個司機[可能她緊張將個電話按了鎖﹐又不懂開番﹐]後來有位好心人幫他們聯絡到個司機﹐個司機要將其他小朋友送回學校才回來車我仔仔﹐擾擾攘攘在街站了一個多小時﹐我仔仔又不肯比爺爺抱﹐仔仔可能已很倦加上成架車得他一個小朋友﹐去到學校又是他最遲才到﹐所以我致電回校﹐老師說Feel到他不開心但就無喊﹐好彩他隔了一會兒就投入番﹐我都開心些
回到家他吃了2件蛋卷[好似好肚餓咁﹐但他說老師比他添食餅餅﹐我都唔知點解他會咁餓 ]
可能他過了一個又緊張又新奇的一天﹐之後他就大字形在地上睡著了

他說今天在學校玩了2個滑梯

珍珠媽咪

mariachn~~
hehe~~睇下你幾時搵到我! 我個仔仔今日都係好開心上校車呀!
龍馬媽媽~~
你都係返part one 呀?我都係呀!唔見你既QQ囡囡呀!有機會見下呀!
chityumama~~
你個仔今日上校車有冇喊呀?我send左嘢係你既私人信箱度呀!

囡囡媽

各位媽咪好!

今天我囡囡第一天坐校車返學，佢好開心，原來返學及放學的校車都有兩個跟車保母，唔知係唔係頭幾日先係咁樣呢？

放學時問囡囡早上回到學校見唔見校長站在門口(因昨天黃校長同我個囡講明天校長會在門口等你地返學呀!)，佢又講有呀! 問佢係學校玩物野，佢起初話"唔知"，跟住問佢有無講故事，佢又講無喎! 問佢有無做運動及玩"面粉"，佢有話有呀! 佢仲講老師說明天再見啦! 不過我發覺佢放學落左校車之後好似好肚餓呀! (因為嫲嫲買左兩個breads比佢食，佢都急不及待要一路行一路食呀!) 我問佢係學校有無食茶點，佢又說有食餅干及飲水呀!

另外，校服我會天天洗，不過唔會燙囉!  

龍馬媽媽

我個女起初都係嘜都話無, 但我睇完你地留言後再套佢講, 佢就話有餅干食及水飲, 有得玩鞦韆及滑梯, 無講故仔, 有做運動, 佢講出來時都好雀躍好興奮, 而且佢話好鍾意學校, 現在放心啦! 不過佢就無好肚餓, 工人姐姐餵佢食粉, 一小時先食左三匙, 可能女女係學校添左好多餅餅啦, anyway, 係一個好的開始

校服我都係日日洗, 不過就無燙

hi YIYIKO,

我都膽心校車上車問題, 因我大仔之前都有遇過, 所以今日我都送左女女上車先返工, 女女放學我都打左好多次比工人, 知道工人帶左女女返到屋企先放心, 其實都不用太界懷, 你囝囝比別人多了一個好特別的幼稚園開學回憶!

YIYIKO

Hi 各位媽咪﹕
我有個問題想問問妳地的意見﹐學校咪安排了一入課室就換鞋﹐但小朋友個個入到班房才換鞋﹐咁咪會將污糟野帶入課室﹐而課室的椅子有限﹐很多小朋友是坐在地上著鞋的﹐咁咪會整污糟校服﹐而且個地下都變得不乾淨﹐咁其實換鞋的作用都不大﹐加上他們年紀咁細很容易在換鞋過程中隻手掂到鞋底﹐若無即時洗手再掂玩具﹐咪很容易將污糟野傳來傳去。
對嗎

珍珠媽咪

YIYIKO ~~
我個仔返到屋企又係勁吃嘢,佢話好肚餓呀,媽咪! 我係放學時間等校車遲左20分鐘,我好驚會飛站,打俾司機先定左d!

YIYIKO

龍馬媽媽 寫道:
你囝囝比別人多了一個好特別的幼稚園開學回憶!

希望他不會怕了搭校車啦

YIYIKO

Hi 囡囡媽 & 珍珠媽咪 ﹕

點解我地三個小朋友會咁肚餓既
可能他們在學校很活躍﹐消耗了太多體力﹐所以急需補充

virginia_chau

Hi all,

我噚晚都有問阿囡係學校時開唔開心 -> 佢答開心; 做過d乜 -> 唔記得,有冇做運動 -> 有; 有冇講故仔&唱歌 -> 有;跟住佢又同我講有其他小朋友喊, 佢冇喎.  

smartiew

Hi all,

I recorded some movies of my daughter's school day, pls go to the following website to view la !
http://gallery.mymoviestar.com/heiching/heiching/

Smartie

ruru

YIYIKO 寫道:
Hi 各位媽咪﹕
我有個問題想問問妳地的意見﹐學校咪安排了一入課室就換鞋﹐但小朋友個個入到班房才換鞋﹐咁咪會將污糟野帶入課室﹐而課室的椅子有限﹐很多小朋友是坐在地上著鞋的﹐咁咪會整污糟校服﹐而且個地下都變得不乾淨﹐咁其實換鞋的作用都不大﹐加上他們年紀咁細很容易在換鞋過程中隻手掂到鞋底﹐若無即時洗手再掂玩具﹐咪很容易將污糟野傳來傳去。
對嗎

我都覺得好污糟,因我陪呀女上課時,見佢除完鞋,跟手換鞋,老師都無叫佢洗手,咁係咪唔換仲好的呢?

liwoodma

smartiew 寫道:
Hi all,

I recorded some movies of my daughter's school day, pls go to the following website to view la !
http://gallery.mymoviestar.com/heiching/heiching/

Smartie

0係第二個topic見到你....祝你囡囡有個開心的校園生活...