仁立紀念小學家長區 (2)

wp-bn

囝囝今次考卷分數, 我覺得都應該保持到的, 但今日派成績表,班名次創了新低,  好彩級名次仲可以保持(高了少少) , 正明佢嗰班的小朋友成績進步了 老師仲安慰佢添.

原文章由 csy_ma 於 08-5-6 18:22 發表

真係喎！成績表好似係全校一齊派 ?
多謝報料

wp-bn

安柱都係我哋目標之一, 李兆基近年好似幾好, 所以都係等到隻仔小五嗰時, 睇下佢成績同學習態度, 先至準成啲.

原文章由 csy_ma 於 08-5-6 18:14 發表


係呀，安柱都係。幾年前響青衣城聽一位同檯食野既路人講，佢個囝響安柱讀得勁開心，有好多課外活動。我地聽安柱畢業既老公同事講，安柱校風都幾OK

葵青區有六間英中：林護，李兆基，安柱，兩間女校：蕭明同保祿六世，仲有間 ...

cookie

係呀, 呢次好多人退步左, 真係唯一全級第一個個(好似係D班)保持到, 勁呀.
我囡囡話佢個班第一都係全級第5喎

wp-bn

係呀, 我都覺得自己EQ高咗好多! 不過, 我在想, 係米我放鬆咗, 所以佢的學習態度就差咗? 唔big佢,就話唔洗one

原文章由 kswiss 於 08-5-7 18:51 發表
我個女既成績係讀咗兩年以來既新低點呀!

佢同我講既時候,佢話好差好差,我叫佢講,跟住我話OK啦!咁你下次知道要小心啦!我唔會責罵你,因為你都好唔開心,係唔係,下次努力啦!其實我地今次同以前都係咁溫書,只不過太多唔 ...

cookie

唉, 我囡囡就係懶得戚話無乜溫書都好過上次喎, 不過當我同佢講, 佢好似叻左, 係因為佢可以保持不變而其他人就差左之嘛, 跟住佢都好有自知之名, 話期考可能會差, 因為次次都係0甘喎

黃巴士

原文章由 cookie 於 08-5-8 11:11 發表
係呀, 呢次好多人退步左, 真係唯一全級第一個個(好似係D班)保持到, 勁呀.
我囡囡話佢個班第一都係全級第5喎

全級第1小朋友, 囝囝話佢英卷一有100分, 好勁呀!!!

黃巴士

黃巴士

今年YMCA出左本靚靚暑期班季刊, 有好多暑期COURSE!!!
你地會安排小朋友悠長暑假玩D麥呀???

黃巴士

wp-bn

在那裹可以取得這本季刊呀? 我都仲未幫隻仔報暑期班!

原文章由 黃巴士 於 08-5-8 13:25 發表
今年YMCA出左本靚靚暑期班季刊, 有好多暑期COURSE!!!
你地會安排小朋友悠長暑假玩D麥呀???

黃巴士

黃巴士

原文章由 wp-bn 於 08-5-8 16:48 發表
在那裹可以取得這本季刊呀? 我都仲未幫隻仔報暑期班!

wp-bn,

上網只有4-6月, 囝囝由於係member, 所以佢寄左月刊來.
你可以電分址, 睇吓有無月刊攞.  葵盛都有分址, 不過唔知有無小朋友暑期班.
荃灣 : 24133111 石圍 : 24029609
好玩果d course都幾多人報名!!!!!


囝囝近年暑假join左佢都有2年, 見荃灣YMCA都幾新同CLEAN(最好係唔 貴, d小朋友都ok!!! 囝囝話D興趣班都好好玩, 好似以前家居小博士, 設計吓D燈, FAN, 音樂門燈.....

因為以前JOIN過荃灣明愛, 地方好殘, 裝修左都好舊, 唔太好!!!

游水囝囝就必學, 由於私人(幾個小朋友一齊)教, 都幾貴!!! 其實一
般學游水都幾貴吓!!!

黃巴士

csy_ma

原文章由 wp-bn 於 08-5-8 11:26 發表
係呀, 我都覺得自己EQ高咗好多! 不過, 我在想, 係米我放鬆咗, 所以佢的學習態度就差咗? 唔big佢,就話唔洗one

讀書，最終都係靠小朋友自己既，所以俾小朋友經歷吓"挫折"，都未嘗唔係一件好事。

之前係另一些欄目度，我見過一些另類家長既分享，佢花好多時間，放響培養小朋友既中英文閱讀興趣同能力果度，反而唔係好在乎子女一時既成績排名，結果，佢女兒今年升中，排位肯定可以升上英中，結果為父卻為佢挑選了間好中中，為的是俾女兒有更多自由時間可以進行佢更感興趣既閱讀同學習……

在小學階段，大概係打基礎既期間，我諗除咗培養小朋友既基本語文及數理邏輯能力外，培養佢地一兩樣興趣活動，可能影響更惠及終生。畢竟，十隻手指有長短，要同人比較，總會碰到以己之短比人之長既機會，但係有興趣就會花時間去留意同鑽研，漸漸摸索到求學既道理，大概更適合將來到更複雜既社會求存。

其實，我就幾欣賞曲奇女女既學習態度，因為果d成績係佢已有既實力，唔係靠一兩個星期密集惡補出黎既。有咗咁既基礎，將來遇到更大既挑戰時，可能都自己知自己事，加碼再努力。

我諗，kswiss既小朋友下次會更小心答題，咁唔係難求既經驗咩？

csy_ma

原文章由 黃巴士 於 08-5-8 13:25 發表
今年YMCA出左本靚靚暑期班季刊, 有好多暑期COURSE!!!
你地會安排小朋友悠長暑假玩D麥呀???

黃巴士

學業：舊年暑假既經驗係，報咗d什麼預習坊，中心姐姐俾好多野佢地做，學唔切，最後都淪為copy cat，上堂學抄黑板（暑期先上果十堂八堂，老師剩係要熟小朋友個底，都要花好幾堂啦，幾難旨意佢幫到手，除非跟開就唔同）。所以今年冇報學術性既任何活動，但會同囡囡約法三章，希望可keep到以下既野：

數：去年keep到做約卅日百子格既經驗發現，做最簡單既運算，可有助改善佢既集中力，做數既準確度同速度都提高咗少少。今年希望考試後可以恢復此習慣，令佢準備好面對下一年既千位數。

中：佢話到假期想寫返日記，同埋想學吓寫人物（本讀寫樂書仔，真係好有系統咁教佢地寫人物既方法，非常多謝老師響呢方面既心思 ）。

另外，由於我囡既幾位同學仔都一齊參加佢舞蹈老師既音樂劇+舞＋創意畫班，之後都會返晒我屋企等家長黎接，我地打算齊齊練吓數，玩吓語文遊戲咁。所以會請小朋友各自預備本中英文生字簿，在閱讀時間時，請佢地揀三個字出黎填上，作/改寫一句例句，然後在show time時演繹其中一句/三句連埋既果段，再一齊投票選出當日冠亞貴，以累積分數贏禮物。

英：都係幾位小妹妹一齊開CD /上網聽古仔，用簿記低生字，玩吓遊戲咁，又或睇英文VCD等，都唔知睇唔睇得切P3果隻碟添？

常識：魔法校巴真係幾有教育性，連我都可以溫故知新。

今年，我地打算一齊策劃阿囡第一次既自由行外遊。總覺得，行萬里路長見識，係要包括之前既策劃同旅途中既實踐互動既，所以素來唔係好贊成參加旅行團（陪長輩例外）。參團團費雖或可能會平過樣樣要慳既自由行，但所得既肯定都唔係好一樣。
我唔係好想小朋友日後除咗向人show相外，對所到過既地方一無所知（可能最有印象既係間酒店d設備同有乜賣），而香港d小朋友一般都係太富足了，加上銀兩有限，我地今次應會進行艱苦遊

csy_ma

黃巴士：

學游水最緊要唔只係學，仲要不時俾佢玩多d水

我囡勁鍾意玩水，五月屋苑泳池開，佢自5月3日起已經日日去玩，功課都盡量響學校做，突然積極咗好多（擒日爸爸明令唔跟住既weekdays唔準去，做功課速度就慢咗好多 )

因為咁，佢學游水既速度都快咗d，前年學咗五堂半（有時因水太凍學唔足一堂），就＂差少少＂就學識，可惜跟住就夾唔到排期好密既教練時間學多堂。結果舊年又要再黎過，好多野唔記得，不過加埋前年既堂數，佢都係學咗九堂就學識蛙式（教練同我都唔係好贊成一年學超過一式，以免小朋友搞混）。

學游水響呢個年紀應該係最適合。之前細，未必識聽教練指令，大個d，仲未識游既話，怕水既心理可能更重。預祝您囝囝今年變飛漁

csy_ma

其實上黎係想分享學校體育科既計分方法，點知去咗大話西遊添

有高年級女飛漁家長曾說，佢囡囡水運會幫學校攞咗幾個金牌（今次葵青區水運會，我校成績好似相當出色 ）但體育成績唔知點解，都唔係Ａ既？我囡今次成績再次得C+，但今年佢明明好鍾意個體育老師，學習態度應該幾唔同，所以趁返學見到黃Sir，就順便問吓。佢話體育計分大致分為以下部分：

技巧，佔60%左右，大概係涉及當年教既體育內容。
常識及態度，兩項加埋約佔20%。
體能，佔20%。體能係每次評估既內容都唔同既，今次係考手握力，老師話連好多小二既男孩子都未必達標，所以體育成績被拉低唔係太出奇，佢仲俾個貼士我話：

下次小二體育係考仰臥起坐，各位家長有閒時，不妨請小朋友練定先

黃巴士

原文章由 csy_ma 於 08-5-9 11:09 發表
其實上黎係想分享學校體育科既計分方法，點知去咗大話西遊添

有高年級女飛漁家長曾說，佢囡囡水運會幫學校攞咗幾個金牌（今次葵青區水運會，我校成績好似相當出色 ）但體育成績唔知點解，都唔係Ａ既？我囡 ...

我果肥囝囝體育上次同今次都係c+.
仰臥起坐, 係米sit up呀??? 慘啦!!! 上星期我叫佢做sit up減下果大肚dum, 佢都做得1-2吓, 跟住就話"唔得啦!!好攰呀!!"


黃巴士

cookie

csyma,
哎呀, 您過獎喇, 我囡囡真係好鬼懶架, 又硬頸, 佢既嗜好就係食, 打機, 瞓同睇電視.
講開課外活動, 囡囡學既都係唔洗用腦同係佢自己揀既, 我都好少理佢.
佢已經由星期一至五既日日笙歌到而家剩係星期一, 三同四, 因為佢話二五既好悶喎...
黎緊暑假我已經報左路德會既讀書樂無窮, 囡囡玩左兩年好鬼開心, 因為有符玩有得食, 每星期返3個上午恆常課, 跟住有一日outing, 第一年去廸廸尼, 第二年去海洋公園,今年又去廸廸尼, 囡囡不知幾開心呀..

講番囡囡既讀書方面, 有時我都頂佢唔順......
佢既思維真係唔同一般人, 好似佢成日計數同諗野係用佢自己既方法, 我有時問佢點解0甘計, 佢解左好多次我先明, 因為佢係用非一既諗法.
可能我好早已經交番哂個波俾佢, 好多時同佢講自己的事自己做, 佢由初初既矇成成成日賴我呢樣唔幫個樣唔幫, 成日俾老師寫手冊同罰, 後來知道做好哂野有交帶就唔會俾人罰同有好多私人時間,就開始變得有記性同有交帶, 雖然間唔中都要人提......
不過我都好安慰, 因為佢知自己有幾多料, 知道付出幾多得幾多, 佢亦都知點樣會入到同入唔到精英班, 佢係唔想入, 我唔知佢係有意定無意, 次次都係係入精英班既邊沿.....佢既硬頸有時都會變成為支持既動力....

佢而家對自己都有少少要求, 底過70分就麻麻地, 有80分就對得住自己, 高過80分就會問我攞獎賞.....
我好早期已經睇開左好多, 只要佢知自己學緊做緊乜, 一家要明哂教過既野(有時佢識我唔識, 俾佢寸番轉頭), 唔係太差唔好跌出100名以外就夠架喇.
好多時佢都會自己搞掂哂功課, 到真係唔識先問, 佢多數係學校做哂,0甘就可以係姨姨屋企好開心0甘一路睇電視一路食野, 就係0甘佢既身驅一日一日長大......
我都好多謝囡囡, 因為佢成日唔洗我理佢, 我終於有番0的時間約人食飯, 唔洗成日趕住返屋企

不過, 九月細囡就小一喇, 希望細囡都係唔洗我點理就好羅.......
其實我都係一個好鬼懶既媽咪, 呵呵呵.....

黃巴士

原文章由 cookie 於 08-5-9 11:54 發表
csyma,
哎呀, 您過獎喇, 我囡囡真係好鬼懶架, 又硬頸, 佢既嗜好就係食, 打機, 瞓同睇電視.
講開課外活動, 囡囡學既都係唔洗用腦同係佢自己揀既, 我都好少理佢.
佢已經由星期一至五既日日笙歌到而家剩係星期一, 三同 ...

Cookie,

你囡囡真係好早熟, 唸D嘢有文有路. 好老積, 好懂事!!!
我囝囝就仲係BB型D, 好多嘢都懶理!!!

黃巴士

黃巴士

原文章由 csy_ma 於 08-5-9 10:53 發表
黃巴士：

學游水最緊要唔只係學，仲要不時俾佢玩多d水

我囡勁鍾意玩水，五月屋苑泳池開，佢自5月3日起已經日日去玩，功課都盡量響學校做，突然積極咗好多（擒日爸爸明令唔跟住既weekdays唔準去，做功課速度就慢咗好多:ham ...

cys-ma,

你屋苑就好啦!! 泳池咁快開.
囝囝上年學得較快 (前年只係游到幾下), 可能係撞著好教練, 起碼都游到, 唔會浸親, 不過內力同技巧性真係要再學至得.
我都想囝囝變做FIT嘅飛魚, 而唔係肥嘅"雞泡魚"  
我成日笑佢嘅肚BALL 好攪笑.

我都問緊屋苑泳池幾時開?? 因為我都想玩吓水呀!!!

黃巴士

csy_ma

原文章由 cookie 於 08-5-9 11:54 發表
csyma,
哎呀, 您過獎喇, 我囡囡真係好鬼懶架, 又硬頸, 佢既嗜好就係食, 打機, 瞓同睇電視.
講開課外活動, 囡囡學既都係唔洗用腦同係佢自己揀既, 我都好少理佢.
佢已經由星期一至五既日日笙歌到而家剩係星期一, 三同 ...

可能上天俾家人都係互相補足既，我見過有d做野好有安排既媽媽，佢個小朋友反而有了依賴，烏吓烏吓。懶媽媽之前似乎都付咗好多耐心同空間去俾果女去試試碰碰喎

假如你囡囡咁都叫唔駛用腦，咁佢梗係學無招勝有招既武學境界既天才？