TKO Deborah (Part 5)

anson表妹

halaha, hinhinmom, pinkpink,
其實音小有幾好, 我真係唔知, 都係一年前我朋友同我講得先知有此間小學, 之後都係wing530講音小d information 比我知架.
我的顧慮都幾多, 津校適不適合表哥, 表哥能否承受津校的催谷(我一定承受不到, 谷佢時即係谷我 :cry: ), 因為我有倆個真係要諗清諗楚.  今次決定真係幾重要, 如果你們會點揀.

pinkpink,
今日我同事同我講, 如果入了私校好難讀回津校.  因為私校教學同津校教學非常之不到, 到時好難

jaisy

Hermanmame
有睇醫生, 脊醫叫我配鞋墊我無呀, 佢話我脊髓側彎~ :-|

表妹,
沙田都算多津校選擇, 有呂明才, 聖母無玷....

呀!!我有人工加, 但加幅同綜援一樣

wing530

>jaisy
有人工加都好啦, 我唸唸下.....我都有成8~9年都無加過人工喇~    

係呀, 星期6同hinhinmom一齊入左"烏溪沙日營"呀, 4點幾先返到黎咋, 呢間幼稚園有好多function, 我地呢2個月, 差唔多每2個星期就要請假, 連d同事都問我, 呢間咩學校黎, 又比人"炸"我型喎~     

>herman-mama
你行左去殮房??    咁得人驚? 無睇到d咩麻!      　

你做左鞋墊, 係咪即場有得拎, 還是下次再去過呀? 可以著2個碼, 我唸都可以捱到有一年掛? dr.kong話平均一年一個碼, 不過, 前年anson就一年大左2個碼, 真係好難講!        

我都聽過dr.kong講, 小朋友最好唔好著涼鞋, 最多著半小時~1小時, 唔一定要著佢地d鞋, 不過, 最好要包"腳跟"位, 同埋, 後面"腳跟"果個位, 一家要硬囉, 不過, 我係出面買嘅鞋, anson都話不及dr.kong舒服喎, 所以, 學校鞋我大多數都係買佢, 因為著得比較多同耐, 反而去街鞋就少左去買喇~    

係呀, 多謝你分享呀, 你都買左鞋墊, 咁我到時有需要的話, 我都會放心d買呀~  
   
>pinkpink
好耐無見呀!       你返工未呀? 我唸....都應該返左好耐喇, 係咪呀?    

wing530

>halaha
係呀, 我仲未比唇膏你tim, 我呢排都少左見fifi, 加上早排自己又"鬧"情緒, 唔多想講野, 又唔多想上bk喎, 真係有d病呀!          

比意見表妹, 比左啦! 我同佢講, 每間學校都有人話好, 有人話唔好, 唔一定要出名, 最主要係適合個小朋友性格, 咁.....呢間學校..就係好學校囉~   

查實....我都唔知音小適唔適合anson架, 不過, 我覺得...佢會讀得開心囉, 如果小朋友開心, 我唸...佢會對學校有歸屬感, 咁就咩都唔怕啦~     而且, 呢d都係我所想嘅, 我希望佢有個開心嘅小學生活囉!    

>表妹
我又唔認同....你講讀私校後, 好難讀回津校囉, 不過, 就真係要有個適應期囉! 另外, 又話好難搵補習社, 我就更加唔信啦, 有無錢啦, 有錢..你驚搵唔到補習社!          

不過, 我唔會搵補習社囉, 如果想要補習嘅, 我就搵傳統小學啦, 起碼呢一刻...我唔想anson去補習社, 我唔想咁辛苦呀, 我都係希望有個愉快童年呀~    

你自己唸唸啦, 你個仔適合咩? 你自己又想佢點? 其實...好簡單架咋, 唔洗咁煩架~  
   

hinhinmom

表妹,
唔使o甘煩啦, 阿Q d啦~
你問我點選? 如果我有2個小朋友, 佢又入到自己想選o既津校, 我就會比佢讀, 起碼, 最多第時真係唔o岩先轉, 你估有$無得轉呀? 係p.1 o既學位會緊張d麻~

當然比2個一齊讀間好o既直資or私校好, 但係有無諗過萬一加學費呢? 什費? or ??$$?? 越高班費用就越多, 比佢學野, 活動, 交際... ~ 兩公婆都要諗下自己退休麻~      

你o既處境唔同wing530同埋我地呀~ 你有2個b, 仲有, 你出音小返學遠嗎? 就算音小係間好野你都要諗呀~ 你老公點睇?

我覺得等埋表哥第一輪先再算啦, 反正你都交左音小留位費啦~

jaisy

hinhinmom, wing 530
你地都好明確知道自己點選學校就好, 唔使煩
你地間幼稚園好正, d小朋友咁多活動實好開心   
請假陪佢地都值得呀．　

表妹，　
想問下你係咪係比表妹跳ballet?
vanna 有件粉紅外套仔唔啱啦，　佢由２歲幾著到ｅ＋，　
如果係要我可以送出，　不過當然都有ｄ　毛粒啦唔係９成新了，　唔要就放係bk 送出去唔好浪費，　我剛買左一件都要$1xx.

herman-mame

wing530,

我一落到樓下見到殮房兩個字的大門已經嚇到個心都離埋，我即刻行返上去，可能間醫院舊，感覺特別恐怖。
鞋墊不是即時有得取的，因為是倒模做的，一般約4-5星期可以試，我決定做鞋墊是因為它每半年可以返去檢查一次不用錢，我感覺這個幾好。返學鞋我都全在dr. kong買的，感覺好似放心些。

anson表妹

wing530,
做咩"鬧"情緒, 係唔係就快做全職媽媽, 所以有全職媽媽抑鬱症.
個ws話出面d 補習老師唔識私校教法. 只係識傳統小學教法.  不過學你所講”有錢..怕搵唔到補習社”.
我暫時都係鍾意音小, 因為比我感覺表哥讀得輕鬆d, 開心d.

hinhinmom,
就是我要諗過2個一齊讀學費、什費通通都要x2 好重皮, 但另一角度來諗, 佢地讀任何津校都要比車錢飯錢什費.  但私校只比多學費(但音小好似包括學一様樂器, 現在表哥每星期兩堂小提琴都要$200, 一個月平均表哥都要比$800學小提琴) 咁諗音小又唔係好貴. 讀了我們又唔想轉來轉去, 所以現在決定好重要.
現在我們都會填form 統一派位, 等有沒有機會入到所揀學校.  

jaisy,
我及我99都想比表妹跳ballet, 但想過多半年先學. 到時唔知表妹學唔學.
如果沒有人要你先比我啦, 多謝你先.  
聖心不是我果區, 跨區機會又微許多.

All,
好日唔出去食lunch, 今日lunch 同同事出去食, 去了一間茶餐廳又貴又唔好食炒麵.  碟麵同早上在街邊買5蚊d炒麵完全沒有分別只係多了5塊好似5亳咁大的叉燒, 碟麵好難食、杯檸檬茶及碗西湯好難飲.  點知我食到一半, 一咬落d麵度好硬, 即刻吐出來, 是一粒白色三角柱體. 我們都估緊是不是玻璃, 於是叫個侍應來問, 佢成碟拎走, 轉頭回來説是d 碟 崩出來(即係玻璃) 話換過第二様

jaisy

表妹,
食到d咁既野   
吐出來影張相，　投訴佢嗎．　 :evil:  :evil:
留比你啦，　我都費是係bk 到送出又要約人交收，
下次我地見面帶比你．　本來仲有一條曾雪麗芭蕾舞裙仔，　但我覺得好cute 好懷念vanna ２　歲個樣，　所以自己keep 番

HALAHA

wing530,

Please check pm.

wing530

>hinhinmom
係呀, 讀得直資/私校呢d, 都要預洗多 d 錢, 唔同津校呀!    不過, 至於要洗幾多錢, 我自己都唔知呀, 真係要到時先知喇, 有d野真係估唔到呀~    我都唸過, 萬一到時真係無辦法供落去, 咪唔讀....轉校囉!     暫時呢一刻都仲可以

wing530

HALAHA

我今日夠鐘就鬆人喇, 趕住去學琴呀! 有咩野, 電聯再講啦~     

homingm

好耐無入來囉，係bor，仲有幾日就要交中央派位表，希望大家都心想事成，順利派到心儀的學校

升上小一，小朋友和家長都要適應，面對每日的功課和每星期的默書，小朋友玩的時間真係比幼稚園少好多呀，所以呀仔成日講：升上小一，我少了很多娛樂呀，包括睇卡通片..... :cry:

hinhinmom

今日呢面o甘靜o既?   

homingm,
好耐無見你tim~
係呀, 你講得o岩呀, 小朋友升上小一, 我地大人都要陪佢地適應呀, 但呢d又係必經o既, 無法啦~

herman-mame

wing530,
herman未懂看"殮房"這兩個字，所以他都不懂驚。
鞋墊是等她電話通知，現未知試的日期。

jaisy

hinhinmom
我係到呀 呢個星期唔見左fifi

fifi
我今朝見到你呀

fifi

jaisy,

我都係度啊，不過學wing530，無心情出聲啊

jaisy

fifi
點解呀, 係咪落雨影響心情
定選小學好頭痛
我就倦到ccccccc :cry:

fifi

jaisy，

兩樣都有d啩       

前兩日去o左大美督bbq；又去西貢玩roller同放紙鰩，都好       

homingm

fifi>>有無考私小做後備呀，有就唔駛咁頭痛囉