旅港開平會小學

2fungs

me too!
到時請kitty 幫我睇住thomas，唔好打人，做下二五女先!

2fungs

我幫thomas 搵緊 課餘託管 (9月起)
找到以下資料，有暑期全日託管，响學校隔離。
$3000 （全個暑假)
又係有興趣班+戶外活動。

平日 $1200/月，3-7pm，接放學，有茶點。
我都諗緊...$$

服務單位名稱 長沙灣課餘托管服務
營運機構名稱 浸會愛群社會服務處
地址 九龍長沙灣幸福街1號1樓
電話 2360 0055
傳真 2728 4530

Kittymummy

其實放學後去托管都好,起碼吾會日日在家睇電視.
今個暑假專搵全日託管比kitty, 就係吾想佢暑假40幾日在都睇電視,真係令人好頭痛,到時9月開學都吾知點算. 好似之前x'mas十幾日, 佢真係玩足十幾日,我又無可能放咁多日假睇住佢.

另外,ywca梁姑娘今晚9:30打左比我, confirm收左kitty.
叫我在6/20~6/26交7月份學費.你收到佢電話未?

2fungs

我都收咗confirmation啦!
都好呀，20/6先交費，其間仲可以搵下有冇其它選擇。
佢話，响單張上寫的戶外活動，有位是預比託管學生報名，到時6月先派表格，所以明天的會員報名(已抽纖的)可以唔駛報嗰d活動。

你覺得嗰度d環境點?

Kittymummy

我無睇過環境點, 只去過library. 我諗應該吾差掛.
不過$1400/month 真係出面搵吾到.何況ywca應該吾差,等佢地聽下d聖經故事,對佢地心靈上都有d幫助.我個囡囡幼稚園時都係番ywca. d老師好有愛心,教佢地吾少道理. 佢地全部都係駐冊社工,應該無問題.

2fungs

我就係驚私家課餘託管d導師搞唔掂我個仔d脾氣，所以prefer 有社工d 中心，佢地有愛心同經驗d。

kitty有冇返主日學? 都有好多活動比小朋友。
thomas有返，不過o向沙田。

Kittymummy

千萬吾好去私家課餘託管, 我好多年前, 識得有個friend係青山道開託管保習社... 佢地吾會照顧d小朋友,任得佢地玩,打架....
kitty無返主日學, 我都無咁早起身. thomas去到沙田咁遠,係吾係個個星期都要番?

2fungs

我老公話 恒生 樓上o個間是 $800。我都係唔放心。
thomas 返我以前中學間church，佢好鍾意返，通常係佢叫醒我返，搭車一程過，都好快。

agneshwh

嘩！妳地咁快就揾定暑期託管，我都冇諗過。我只打算比佢join D summer course，因剩低妹妹一個喺屋企會好悶，所以一定唔會全日託管。

近排，亞女差不多日日返學都比班長'集名'，唔係一個就二個，老師都話女同學比班長'集名'都算少數，就嚟比佢激死！！

2fungs

Agneshwh,
冇見咁耐，去咗邊? 好忙??

上個月轉咗班長呀!
之前嗰個狼狽為奸，好離譜，炒咗!

2fungs

Agneshwh,

我覺得星期六個"頌親恩"幾好睇。本來以為學校個 跳舞班 只係柴娃娃玩下，但看完表演發覺d小朋友跳得好好睇，好靚，我諗第日alki 都可以一齊表演。
係未校外老師教?  

agneshwh

2fungs,
我都覺得嗰日D舞蹈好好睇！我最鍾意第一同第三隻舞，希望Alki 第時都可以跳得咁好！！
Thomas 都幾有表演天份喎！做司儀都幾定

2fungs

Agneshwh,

初時我以為ALKI 表演跳舞，但搵唔到佢。
於是睇下敲撃樂，又搵唔到，可能佢响後面，個老師又遮住...

THOMAS 有表演慾，佢做過幾次司儀，所以唔驚。


ALKI睇完今次SHOW, 一定會比心機學好DANCING.

agneshwh

其實，我都一直以為Alki 表演 dancing，到星期六，我先知佢係敲撃樂而唔係跳舞。我都有問佢表演嘜嘢，但佢話唔知，比佢激死！！   

kinmom

你地今天就好啦, 有咁多家長上黎傾計, 我個仔舊年在旅港開平讀小一時, 我上網開極topic都很少有反應,

我個仔讀完小一轉校了, 因為我住葵興,想搬近d屋企, 同埋呀仔成日投訴搭校車頭暈,

有得比較下, 發覺旅港開平小學雖然不大出名, 但校長和老師都好有誠意, 熱心搞好間學校, 去學校旅行老師都會同埋小朋友玩, 真係好warm 架,
    

Kittymummy

Hi kinmom, 你個仔仔轉左校之後點樣呀?
你都吾算住得好遠, 我地住屯門. 但係我囡囡讀得好開心, 佢話點都吾轉校... 寧願早d起身!     

2fungs

kinmon,
你好!
另外，你對兩間學校的功課、程度...方面有冇咩嘢分响下呀?
我最近聽補習老師講，如果小朋友响呢度讀，想入band 1，要讀得辛苦d，同埋要考30名以內才有機會，而其它學校(如善導)，考70名都有機會入band 1...
kittymumy，agneshwh，
你地有冇擔心過呀?

Kittymummy

2fungs, 但係開平都有54%入band 1, 吾係140人 x 0.54= 約75人左右咩. 我估佢話30名以內係講緊升開平中學,吾係指全部band1.
我現時都吾太擔心住, 反而我擔心佢會學壞多個讀band幾.
我打算佢5年班搬屋,但我又吾知搬去邊好? 諗起都覺得好煩.
如果仍然住屯門, 我都打算過兩年後吾做. 但係如果搬出黎的話, 又要做多十年嘢...

2fungs

kittymummy,

我陀第3個仔時，老公都話搬大間d屋，我而家屋企得400尺要住成7個人，但我極力反對，因為而家供多5年樓就供完，到時thomas P.6, 後2個仔就P.1，唔洗供樓可以留返D錢比佢地補習...etc.. 但如果買大d屋，學你話頭，到捱多成10年，到時咩光境都唔知，到時成40勾難搵工，萬一冇嘢做，成家坐艇，點算...

於是，我地將間屋全部裝修過，做o左兩個look架牀，而d細路日頭成日响學校，係d大人晚上返齊屋企開飯迫d，其余都冇咩問題，亞女話而家住得開心，唔覺迫，咁未睇多幾年睇下d仔讀書讀成點至算啦! d細路讀書緊要過住大屋，我以前住公屋都3xx尺住6人未又係咁樣大...

好采冇買屋，而家老公話個仔好難control，叫我唔好做湊仔，不過社工都叫我3思，佢話因為1)經濟 2)唔係個個女人都適合做全職主婦 3) 佢見到d小朋友父母要返工係獨立d
我都同意，可能我唔做，都d小朋友冇咩大幫助...

thomas 由mon 開始去補習啦! 不過做完功課已經冇時間溫書, 佢而家做嘢好慢... 不過起碼返屋企煮/吃完飯唔洗幫佢對功課，就可以溫下書。

kittymummy, 點解一家要搬屋? 校網係跟學校喎! 到時kitty 大個咗，自己出入放學都應該ok la~
我個女返學都响沙田...

Kittymummy

2 fungs, 點解一家要搬屋? 你都知我住得遠, 我就係吾想kitty日日返學咁辛苦.話比人聽住咁遠,好似好慘咁. 佢由1.5years old起，都係咁返學．可能習慣左拉，佢話一ｄ都吾辛苦．不過, 我都有問過佢, 如果搬去長沙湾好吾好, 但係佢就極力反對. 我都係仲有三兩年就供完層樓．學你話頭，我都係怕到時搬左屋，是但一個無嘢做就.．最慘吾係我吾想做，係公司吾比我做．唉！話慘又吾只係我，我個邊都有大把小朋友番長沙湾，小學又有，中學仲多．亞媽話日日坐車返學吾係吾好，其實可以鍛鍊一下ｄ小朋友, 反而住得近咪日日last moment先起身．不過聽完你咁講我都舒服ｄ．
Many tks!