朋友的囡囡有"大腦麻痺症"，有無其他小朋友一樣？

pattsui11@yahoo

請問各位CP BB和家長，年初五(二月七日)下午3 - 5 有沒有時間到我家交流一下？

QQP

諾諾爸爸,
恭喜你喎, 諾諾同媽媽都回港長住, 咁你地可以一家人齊齊整整過新年, 有家人陪伴真係好溫暖.

哈哈, 你有關物理治療的笑話, 我個物理治療師一早就耍左我去大西洋lu, 佢話佢只係負責做物理治療, 理d手手腳腳, 個腦係咪有事, 叫我都係去問吓醫生.  不過佢都算好人安慰吓我, 話個腦有事, 多數都係冇得攪又搵唔到原因, 倒不如專心做吓物理治療, 希望佢早日識行啦.

新年前真係忙到飛起呀, 做針灸物理治療睇醫生的時間排得密麻麻, 都擔心個仔會吃不消.  但最近兩次針灸, 醫師加左針在尾龍骨, 我覺得幾有效, 亞仔坐的時候, 腰都有力左, 定左d.  我同醫師講, 有估好多野, 我哋都唔可以等發現佢有問題先去醫, 不如早d加多幾針, 加強佢其他感觀的能力, 希望可以在三歲腦部發育期做得幾多得幾多.

當然啦, 個仔次次去針, 都咸到呼天搶地, 加多幾針, 佢真係好受難咁, 我都好肉赤, 不過為佢好, 冇計啦.

大家加油呀!

QQP

咦! 多謝你的邀請呀. 好難得有咁的機會可以大家交流吓喎, 不過如果可以星期六日就更好, 因為想叫埋老公帶埋小朋友嚟, 唔知方唔方便呢 ?

諾諾爸爸

加左針在尾龍骨有用, Yeah ! 我寫低先.
你突然問物理治療師這問題, 佢地多數Hang 機. 因佢地從未深入問過自已.

但你地問一些資深的物理治療師佢應該咁答:
[ 按手手腳腳到並不是想令到手手腳腳靈活, 而是透過按摩去剌激番元兇大腦, 呢招叫隔山打牛法.]

這個point 極度重要. remember.結果一樣, 但動機不同.

Confirmed : 按摩是有用的.

原帖由 QQP 於 11-1-27 17:54 發表
諾諾爸爸,
恭喜你喎, 諾諾同媽媽都回港長住, 咁你地可以一家人齊齊整整過新年, 有家人陪伴真係好溫暖.

哈哈, 你有關物理治療的笑話, 我個物理治療師一早就耍左我去大西洋lu, 佢話佢只係負責做物理治療, 理d手手腳 ...

[ 本帖最後由 諾諾爸爸 於 11-1-27 20:05 編輯 ]

諾諾爸爸

遇著這CP BB ,唉 ,  其實我自己未放開, 老婆亦唔想相見大家, 畢竟大家的生活多數在痛苦當中, 無覺好訓, 都係唯持這關係先. 在文字上分享, 交友. 我幫得大家一定幫. 分享資料我最嗱手. Keep 住有用, 好似有用, 就報料, 同大家分享.

原帖由 pattsui11@yahoo 於 11-1-27 12:19 發表
請問各位CP BB和家長，年初五(二月七日)下午3 - 5 有沒有時間到我家交流一下？

[ 本帖最後由 諾諾爸爸 於 11-1-27 20:15 編輯 ]

atty

Hi! pattsui11, 可否預埋我!!

我好少post,因為近依一年,阿仔咩進展都無。不過返而係我自己改變左好多,又初初唔想提,到依家無人問,我都自自然然講起阿仔.

諾諾爸爸,"唔想見人"的心情我都經歷過,係好難過。我發覺多d講出來(or寫),個心情會好d.

原帖由 pattsui11@yahoo 於 11-1-27 12:19 發表
請問各位CP BB和家長，年初五(二月七日)下午3 - 5 有沒有時間到我家交流一下？

諾諾爸爸

CP BB是一隻怪獸天使, 太難頂了, 無性的. 可喊足成晚.

有冇上帝的電話? 我想求佢令諾諾好番, 或帶佢走.

[ 本帖最後由 諾諾爸爸 於 11-1-28 09:05 編輯 ]

pinkdoll

看到你們既case令很心酸 你們一定要努力振作

唔知你哋有冇聽過整全結構治療? 你們可以上網search一下有關資料

我大孖發展遲緩 2歲既時候 大孖評估結果 發展遲緩 得1歲4個月 細孖評估結果 發展遲緩加自閉 發展一歲 言語少於一歲

有個朋友的仔有自閉傾向 做完這個治療好了好多 所以我都帶咗大細孖去做 試一試啦

佢哋上年十一月頭 開始返n1 整全治療是十一月頭開始 言語治療都是十一月尾開始(一星期一次)

整全治療方面 就大細孖個case就一個月只做一次 大孖左右臉不對稱 細孖個頭太大 前後額太突(壽星公頭) 治療師話這種頭型 好多時都有問題

十二頭做完第二次後 十二月尾學校老師和我傾計時話細孖開始有啲"呀"音發出 想要某啲嘢會發出"呀"音要求 俾本書細孖睇 細孖肯坐係度睇

我就同老師講細孖去咗做一種整全治療 老師聽到好驚訝 再問我大孖是不是都有去做 因為大孖都突然唔同在 進步咗 學講既名詞多咗 發音清楚咗好多

細孖去做言語治療(第三堂) 突然合作咗好多 言語治療師都好驚訝 不停講細孖你今日好乖好合作 肯做嘢喎 講咗半堂之後 我又話佢知細孖去咗做整全治療

當然佢哋除咗整全治療之外 其他治療仍然有keep住去做

我不知道這個治療對"大腦麻痺症"既小朋友有沒有幫助 這個資料給你們參考一下

[ 本帖最後由 pinkdoll 於 11-1-28 10:40 編輯 ]

pattsui11@yahoo

atty, 當然預埋你。

QQP, 如果星期六/日，要安排很遲了，所以希望近新年，可能有些人未返工/返學。

諾諾爸爸,有關疾病資訊，可以有網頁和書本教，但有關地區性/處境性的問題則要過來人才清楚；現時香港未有CP自助組織，諾諾如何在香港可取得的社區資源，如何早些排隊，使他的路比較容易行，我覺得這次聚會可給你一些方向，當然不要勉強。

諾諾爸爸

pinkdoll,  你比我的CP BB 已好許多了. 不要灰心, 大家努力. 面對CP, AIDS 及Cancer 都可以行埋一邊.

我BB單邊[小春子]未出的切割手術, 我都cancel 埋. . 就算將來醫生可能說剪脷根亦不會做. 因問題唔係舌道.

能叫聲我 [爸爸] 已好足夠, 對CP BB 來說, 眼皮多動己給了莫大安慰, 莫講話生兒育女,  番學讀書.

原帖由 pinkdoll 於 11-1-28 10:29 發表
看到你們既case令很心酸 你們一定要努力振作

唔知你哋有冇聽過整全結構治療? 你們可以上網search一下有關資料

我大孖發展遲緩 2歲既時候 大孖評估結果 發展遲緩 得1歲4個月 細孖評估結果 發展遲緩加自閉 發展一歲  ...

[ 本帖最後由 諾諾爸爸 於 11-1-28 19:53 編輯 ]

pattsui11@yahoo

若各位有時間，請e-mail 給我，我告訴你地址，也方便我準備地方。電郵是[email protected]

pinkdoll

你都不要灰心 我明白你們的路真的很難行

或者我講多少少給你聽 整全結構治療其實是另類治療

他們是幫人去改善人體的結構 如果人的結構有問題 就會影響器官運作

其實我自己本身都有去的 我家人都有去

我最記得有一次我最麻煩的是流鼻血 陀緊bb個陣己經成日流 諗住生完bb會停 但仍然成日流 我去找他幫手 他check到我條尾龍骨因為陀bb而歪咗 幫我整咗2次 之後我就沒有流鼻血了 因為尾龍骨歪咗 結構有問題 所以影響咗啲血管 我既情況就影响咗鼻的血管 所以成日流鼻血


講返我細孖 佢個頭真係好大同好突架 骨逢位好差 個頭骨有問題 所以影響咗個腦的發展 治療師真係慢慢改變細孖個頭型 而每一次整完 細孖都會有進步

大孖有假斜視 因為大孖左右臉不對稱 所以咁樣 整咗2次 情況真是改善了

治療師講咗細孖情況差啲 所以治療要做長些 但大孖情況較好 不用做太多次

如果你有興趣 我可以pm治療師的電話 你可以自己打電話問一問有關整全治療的details

諾諾爸爸

頭好大唔會是腦績水掛? 因腦績水好大件事的. 知道一定唔關腦績水事未?

致於治療師, 過左年再說了 .thanks

原帖由 pinkdoll 於 11-1-29 14:56 發表
你都不要灰心 我明白你們的路真的很難行

或者我講多少少給你聽 整全結構治療其實是另類治療

他們是幫人去改善人體的結構 如果人的結構有問題 就會影響器官運作

其實我自己本身都有去的 我家人都有去

我最記得有 ...

[ 本帖最後由 諾諾爸爸 於 11-1-30 18:04 編輯 ]

pinkdoll

哈哈 不是 你可以留意下自閉的小朋友 有些是壽星公頭的 鼻又扁扁的

你要振作 所有cp bb既家長都要努力

諾諾爸爸

CPBB我猜每日平均$200,  每個月開支成$6000一位 !! 難頂.再請唔到工人了, 夜晚好難頂, 停了大人藥, 藥湯及游水和針疚一星期,加上天寒  , 諾諾又氣喘多了. 今天又會每日飲藥湯, 大人藥太勁, 大人藥會減至一星期二至三次

這幾天應該有空了, 新年真busy.

[ 本帖最後由 諾諾爸爸 於 11-1-31 10:14 編輯 ]

pattsui11@yahoo

我的腳拆石膏了，立即去圖書館呼吸一下，借了耀能以前出版的「如何教導孩子轉換姿勢」，很仔細地教CP BB轉身、仰臥轉至坐起來、坐在地上轉至跪著……原來有很多學問啊！我看完，假期後才可以還。書號是417.5 8004

諾諾爸爸

如果上天給我選擇 ,我情願唔中一千次, 一萬次六合彩頭獎, 而去選擇諾諾成為正常人, 寫到這裹, 只係幾隻字, 我己喊起成淚人來.

[ 本帖最後由 諾諾爸爸 於 11-2-5 10:48 編輯 ]

pattsui11@yahoo

如果有亞拉丁神燈，我會選擇第一個願望是諾諾一家都幸福快樂。

QQP

HELLO, 兔年祝大家合家平安幸福.

過年真係好鬼忙, 都錯過左 pattsui11@yahoo 初五的約會添, 你哋傾得開心嗎 ? 希望有下次, 我可以安排到時間啦.

諾諾爸爸, 希望在人間, 我都祝願你願望成真, 一家人齊齊整整, 開開心心. 我家工人姐姐今日開工, 希望可以鬆d啦.

亞仔尋日去左睇眼科, 醫生話佢的豆雞眼都幾嚴重, 希望可以帶遠視眼鏡可以攪得掂, 如果唔係又要做手術...一萬個唔想, 希望唔洗...醫生話如果唔做, 會阻住佢眼的發育, 唔知點好.

針灸都加左針係眼方面的穴位, 不過好似冇咩進展. 唔知豆雞眼成因係咩呢, 醫生又冇講, 唔知係咪因為睇電視呢, 如果係, 就好內疚, 之前耐住佢睇吓聽吓兒歌, 可以唱吓開心吓, 早知係咁, 一分鐘都唔俾佢睇.

pattsui11@yahoo

QQP,

for your information: http://www.polyvision.com.hk/hk/library/library02.htm#cat2