旺角基督教服務處雋匯幼兒學校

lioxi

waiwaichu2003,

講出黎就算gala!!!我唔會擺係個心架!!!

我明既唔好恨會好Ｄ!!好似開學初期,仔仔冇喊,我又恨人地Ｄ小朋友痴媽咪爸爸,到自已仔仔喊,我又嬲又忟!!!

    

fionkwok

lioxi,


好似開學初期,仔仔冇喊,我又恨人地Ｄ小朋友痴媽咪爸爸,到自已仔仔喊,我又嬲又忟!!!

     [/quote]

呢句說話, 身同感受呀 !!!     

fionkwok

waiwaichu2003,

而家係咪你自己揍返學呀? 咁咪好早囖? 尋日都仲見你家姐揍仔仔放學呀? 仲有, 你家姐係咪好鍚你仔仔架?

waiwaichu2003

仲乜食完lunch返黎唔見晒人既,你地去左邊呀?

twins,
公司係咪仲係好忙呀?
忙還忙,千祈唔好忘記天日個約會呀!

fionkwok,
我都覺得阿囝lee個禮拜定左好多,好多野都好主動左,除左食同瞓,當然la,食"糖"係例外既,好似着衫,着鞋同"咩"書包咁佢會幾自動自覺去做,仲有,前晚,佢成晚用兩隻手圍圈比我地睇,我都唔知佢做乜,你知la,佢又未識表達,到尋日睇番日誌先知原來係指"月亮"先生,原來佢係不知不覺中吸收左唔少野係我地唔察覺得到;尋日我仲乘機問佢月餅係邊度呀,佢即刻指住拜神隻碟,個月餅係我前晚至擺落去,我又從未教過佢月餅係乜,咁都識,咁表示佢係學校唔係剩係掛住玩,都真係有d野學到ga!

waiwaichu2003

fionkwok,
嘻嘻,打打吓又做左一輪野先post,好似有d唔貼題,希望唔好介意呀!
我lee排都係自己揍阿囝返學,最遲8:35要走gala,如果唔係就到我遲到,所以好多時我寧願早d同佢返學,睇佢換埋鞋,入埋課室玩,再睇多一陣先捨得走,唔到最last minute都唔肯走;係呀!我家姐係"超級""非常"緊張我囝囝ga,基本上,佢係好照顧全家大大小小,一句講晒非常顧家個隻!

Twins

Hello All,

我好眼訓呀, 因擒日又去左see doctor, 食左藥又wing過.

waiwaichu2003,
放心我一定記得我地既約會, 咁難得
咁我地夜晚果轉仲有冇節目架?

zimba,
真係開心終於可以同你見面啦

lioxi,
我想問本兒歌同唔同本手冊咁大架?

waiwaichu2003

Twins,
咩病呀?係咪仲係上次d感冒未清呀?咁你今日有冇返工呀?lee幾日我部門d人都keep住請病假,希望你快d好番,快d"龍精虎猛"la!
如果唔舒服,天晚梗係"冇"節目喇!
本兒歌書係"肥"過本手冊小小ga!

fionkwok

twins,

咩事呀? 你又病過呀? 我諗係你上次清唔曬呀! 小心d啦! 又到星期六啦! 唔好野個女呀! 快d睇好佢啦! 希望明天見到你已經冇事啦!!!

仲有, 明早我可能冇時間上來架啦! 我要整好曬屋企d野至出得來, 有咩事可以直接call 我啦! 另外, 明天lioxi 會先去攞位, 我地要多謝佢啦! 佢真係唔話得啦!  thanks!!!     

明天見!!!      

waiwaichu2003

早晨呀,今朝真係好忙呀,又要"鄧"腳!

唉!今日真係唔係咁開心,一上黎就見到單"老師罸一個3歲既小朋友去黑暗既地方幾分鐘"既post,我覺得一個3歲既小朋友錯極都不至於要咁懲罰佢啫,雖然唔識佢,但知道後我覺得好心"up"! :cry:

fionkwok

早晨呀,

waiwaichu2003,
我仲諗住今朝緊入唔來, 原來都ok既!!!
你係咪朝朝都兩公婆一齊送仔仔返學架? 真係恩愛啦!
    仔仔咪好開心囖? 有daddy & mami送返學?

我都睇咗個post啦! 真係好過份呀!       
個小朋友得3歲咋! 點可以咁對佢架? 就算係小學生都唔可以啦! 可況佢仲係個大bb咋! 嚇到佢第日就算去第2 間學校讀都有陰影呀!!! 好在我地d仔女呢間學校唔會咁啫! (暫時都冇聽過) 可能我地間學校係教會學校, d老師都比較有愛心啦! 其實個間幼稚園都應該幾出名架? 都會咁? 唔鍾意小朋友就咪教幼稚園啦! 離曬譜!!!      

fionkwok

yenchan呀!!!

你仲未返來呀? 今晚會唔會見到你呀? 你會唔會去家長會?     

waiwaichu2003

fionkwok,

唔傾住la,我走la,一陣間見la!
see you later!

YENCHAN

我返左黎喇~~大家好嗎?黎左好多位新成員喎!!你地好呀!!我係YENCHAN呀!!

點呀~~fionkwok,今晚真係見到我呀!!哈哈!!不過已經2點喇...你應該同周生幽會緊啦...嘻嘻!!

你係咪講緊10月7日既家長會呀?我都好想去呀!!不過...要睇下個日有冇人幫我睇舖先得...我老公就會去既...你地可以同我老公相認下先既...嘻嘻...盡可能我都想黎架~~想同大家見見面!!到時我真係可以出席既話通知你地啦!!

YENCHAN

嘩~原本你地約埋一齊去tea呀!! 冇我份既~~
嘩~仲約埋去買 食送 tim呀~~    又冇我份既~~

聽日我呀仔會帶個龍騎電燈籠呀!!聽朝去街市睇下有咩新鮮水果...我想買水晶梨呀!!阿仔like呀!!

唉...我就慘喇...三更半夜自己一個人走上黎自言自語...
不過我決定左遲下買部電腦放係舖頭喇~咁我就可以日日見到你地喇!!哈哈!!

我阿仔依家返學坐校車架...通常7點幾比佢食埋晚飯...之後由佢大伯接佢放學...帶佢黎我到囉...冇計啦...我都唔想...不過我又行唔開...又冇煮飯,又唔想佢跟我係出面食,所以咪延展係學校食埋晚飯law,話晒有湯有水果有營養丫麻!!我都有諗過請工人...不過...又唔放心...想等阿仔再大dd先~~ 都唔知點算好呀?阿仔返學咁長時間我都覺得唔係幾好...有咩好計呢?

好喇~周公子call我喇~後會有期喇!!

waiwaichu2003

YENCHAN,
你終於同我地團圓la,好開心呀!
e!已經settle-down晒d鋪頭野la,今係咪要好夜先收得鋪ga?係咪兩公婆一齊做呀?
祝你間鋪"生意興隆,財源滾滾來!!!"
希望係10月個家長會會見到你la!

lioxi

早晨!!!

waiwaichu2003,

sorry呀!尋日我唔記得俾返的士錢你tim!!今日下午我會俾返你家姐啦!ok??

twins:

我都唔記得問你要唔要包書膠??如果要,我放學俾你家姐!!

waiwaichu2003

lioxi,
吓,我冇諗過要計番bor,唔好計la,如果要計咁我咪又要計番包書膠錢比你,太煩呢!
奇怪la,點解今朝fion咁耐都未見人既,去左邊呢?如果佢見到yenchan返黎,佢實好開心啫!

lioxi

我諗佢快黎la!!佢可能煲緊湯啩!!

waiwaichu2003

唉!今朝都唔係太精神,可能尋晚搞下搞下成12點幾先瞓,加上鼻敏感又番發,個人好c倦,你地尋晚返到去d囝囝囡囡係咪已經瞓晒la? 原來阿囝成10點先瞓咋,我老公話由佢氹阿囝瞓係咁上下喎,你地果個係咪又係咁呀?  
總之,希望下次d家長會可安排早d同近d啦!
係la,唔知尋日整個月餅好冇食呢?你地諗住幾時食呀?

lioxi

我果個仔仲衰,尋曰我10:30返到去,佢先啱啱食緊奶,又未冲涼,又未食葯。搞掂晒Ｄ野,我都成12點la!!!今朝仲爭Ｄ遲到呀!!
我見今日下午茶係食月餅同飲茶喎...可能今日係食尋曰整果個月餅喎!!!
我今日都有Ｄ作感冒呀!!有Ｄ喉痛,又有Ｄ眼澀呀!