95區家長大都會

hayamama

yeeli,alkyng,
我昨日收到第一個叩門回覆;原校嘅小學部通知地明日下午去見校長...因為要面試,所以我又開始緊張起來 ~ 仲慘過派位嗰日!都唔知仲要煎熬多幾多次先知結果....

tokyleung

hayamama,

加油!!! 唔好放棄呀. 希望你叩到心儀學校.

alkyng

hayamama:

緊張實會架喇 , 不過真係恭喜你先, 咁快就有學校回覆, 咁你今日就同個女準備下喇, 聽日面試完來bk講下情況如何, 我地一定支持你0既      

我尋晚發夢呀:cry: , 個女去面試, 點知同我地面試0既人係幼稚園校長 , 校長仲問我拎番之前寫比我封推薦信, 但我搵來搵去都搵唔到, 個心好急, 跟住就扎醒左    , 依家想起都得啖笑, 點會幼稚園校長面試架 , 我開始有d精神錯亂

hayamama

alkyng
我一定會返嚟同大家分享!
你都唔好太擔心,而家我地咩嘢都可以無~千其唔可以無精神!我發覺如果連續幾晚失眠,個人好唔掂!好忟憎又樣衰,仲好容易中招生病,其實我都感冒咗成個星期,咁啱呢幾日又要叩門又要搵樓,日日係條街到幾乎熱到中暑!我星期一去到黃永樹交表時成個'汗人'咁款;話時話,間學校幾鬼熱,都唔知啲細路返學時係咪都熱到死...
我今朝好激氣!!!我個老公呢排放假;咪諗住叫佢幫吓手去一間KlnTong學校交叩門信,點知個懞佬連啲正本都比埋人地! 我火滾到不得了,事關今朝已經千叮萬囑叫佢執起啲正本;淨係交副本比人,都唔明點解啲男人可以咁唔上心!   

alkyng

hayamama:

我老公同你老公真係差不多呀 , 所以我通常攪掂晒先交比佢地架, 如果唔係佢連比左邊個分分鐘都會唔記得架. :evil:

reneemama

reneemama

tabotabo,

    我會去呀! 你會去嗎? 你是否住茵怡

yeeli

hayamama

咁快有消息,真係好既開始,緊張都正常架,要比心機温下間小學既理念同目標,可能有d小學會考家長架.加油加油.   
alkyng

點解個個老公都係咁架,我老公同你地既間直一樣,返工又唔見佢地咁幪喎. :evil:  :evil:  
你唔好緊張,如果一緊張就係心到唸經,咁個心好快就定晒.
    
睇PM

catbabycat

MIHOLO,

如果你中意宣基真係可以試下去叩門, 今年我小朋友的同學仔有好多第二志願都入咗, 我都好奇怪點解今年咁易入, 係不係真係出世率低的問題呢? 定係他的受迎程度已經大不如前呢?

tabotabo

reneemama,
我會去呀 =)

reneemama 寫道:
tabotabo,

    我會去呀! 你會去嗎? 你是否住茵怡

yy02

catbabycat 寫道:
MIHOLO,

如果你中意宣基真係可以試下去叩門, 今年我小朋友的同學仔有好多第二志願都入咗, 我都好奇怪點解今年咁易入, 係不係真係出世率低的問題呢? 定係他的受迎程度已經大不如前呢?

但我o地果邊有個媽咪都係選第2宣基,但係入唔到
不過無可否認今年真係易中好多law

alkyng

yeeli / miholo:

我個女間幼稚園終於訂左6月25日畢業禮呀, 班主任仲打電話比我, 想我同老公錄一段唔超過一分鐘0既說話, 大致內容係講比班畢業生聽作為父母對佢地呢3年幼稚園生活感受, 其實唔止我地, 應該仲有其他家庭都會講架, 我當時口快快答應左, 不過想來想去都唔知點解呀 ...今次真係幣

MIHOLO

alkyng

沒問題, 妳只要用妳的心及對妳囡囡感覺去講便成
看妳協助各位家長分析小學就知妳沒有問題 .

MIHOLO

catbabycat

是嗎 ? 這麼多人第二志願入宣基    唉!這就是命運囉 如到我們選的時候就會有所改變.  
我想現尚德這邊的學校很平衡, 因有循道 , 田家x ,將天, 黃x樹,宣基 等都是很受歡迎. 只時選次序及當時氣氛決定. 真thks妳告訴我     

alkyng

MIHOLO:

平時對住個女講, 點講都得, 但要播出來比咁多人聽, 特然個腦又覺得一片空白 , 不過都會盡力試, 都想比番個女有個回憶, "原來阿媽當年都有為畢業禮出過力"

MIHOLO

yeeli

我最想兩樣都有得唔得呀 自己也想了, 我會仍會選讀書風氣好的學校, 因小學是用6年時間培養出來, 我希望用同學力量影響慢慢地學習, 活動又開心當然好但讀書風很難有的.
我們又返工又同仔仔温習都好辛苦, 但這是必然要做的事.
我想現在辛苦些好過將來他辛苦找工作. 我希望仔囡都有自己發展空間,不用像我們比較少選擇權. 將來他喜歡做什麼都可多選擇門口.   

alkyng

yeeli / miholo:

我今日都去左梁註冊喇, 學校仲比左一堆通告, 係有關買書簿及校服0既野, 個位小姐(唔知係唔係老師)都好有心機講解比我地聽, 學校仲會響今個星期日開一個學生家長會, 再詳細解釋佢地學校0既理念及課程, 小姐仲話如果聽左星期日個講座發覺, 梁唔適合自己小朋友讀的話, 想拎番張註冊証都無問題, 只要就咁通知就得, 唔駛寫信咁麻煩.

yeeli

MIHOLO

你都想得好清晰,我同你既想法相同,我地做家長當然想比最好既小朋友,我都係咁同仔仔講,宜家用功讀書,大個就會多好多機會比你去選,唔係人選你,  

yeeli

alkyng

其實你想返佢k1個時就會有好多感想,好似好快咁,轉眼要升小學, 我估你會一路講就一路流眼淚, :cry:
聽你咁講,梁都幾好喎,老師咁好心機講,我去馮x問多句佢都係只講會寄信比你架, 我重咩都無,買書簿及校服全部都唔知, 有d覺得佢地太多學生好似唔緊張咁,希望我feel錯啦.

alkyng

yeeli:

今日去到梁感覺真係唔錯, 奈何我對將天太專一喇, 所以動搖唔到我, 希望我對將天0既feel都無錯啦. 反而睇左今期親子便x入面有介紹tko播x書院, 個心有d怪怪地, 因為我最初其實揀左播x比個女的, 後來要考慮經濟問題(依家兩姊妹, 可能仲會再生多個), 所以先轉移到將天.