TKO Deborah (Part 5)

jaisy

hermanmame
露天面包店我估係個間, 攞晒出門成日有人叫佢地收檯,
又有pizza??

herman-mame

Jaisy,
我唔記得是不是有pizza食，但我最喜歡食它的菠蘿包，和一般的面包舖不同的，它的cake都幾好食。

hinhinmom

all,
我老公頭先買左部 "wii"遊戲機呀, 好正呀, 佢d網友極力推介呀!!! 我都係!! 宜家同老公玩緊tennis, golf 同埋boxing... 真係好正呀))) 你地老公有無話買呀? 我發現部機仲可以有減肥作用呀!!       

聽日同wing530入日營, 肯定佢見到隻panda!   

wing530

>herman-mame
下次去西貢, 我都想試下你地講嘅松記車仔面呀!      

大飛係咪..即係快艇呀?     我唔驚架, 小兒科啦!     果次仲同anson一齊坐, "片"住去, 好快就到喇!      

>hinhinmom,
聽日係咪有panda睇呀?        可能唔止一隻tim呀~     

我老公睇左map, 原來聽日去嘅日營, 就係.......舊年小bee去過果個呀!      

"wii"遊戲機..我唔繞喎~   

anson表妹

wing530,

昨日唔記得叫你, 代我同你老豆講聲"生日快樂"
公司有流感針打真係唔知, 上次BBQ 都沒有同我講啦.

pinkpink,
點解你唔選擇津校?我都想8下. 因為我現在都係十五十六, 好煩     

jaisy

ANSON 表妹   
我都唔係太記得, 要請佢上來傾下先.

WING530 & HINHINMOM
今日入咩營呀? 係呢HINHINMOM你奶奶個到無事啦, 好番

HALAHA

jaisy,

Good Morning !

星期三我係坑口地鐵站見到你下車, 唸住叫你, 但你好似不識我咁, 跟住地鐵門就關咗, 所以無叫到你.

pinkpink呢排係不係無上bk呀? 我send咗pm給佢, 見佢好耐都無覆呀.

anson表妹,

你又煩呀, 其實如果你有心儀津校, 點解不照抽呀? 等個天幫你決定.

jaisy

[size=large]我無見到你呀, 幾時早上定放工呢??

可能個日我心不在焉呀, VANNA 個日唔開心嗎~~~~ 返學喊咁樣好影響我心情.  

個個都咁掛住佢, 等我打去叫醒佢上來先.

HALAHA

jaisy,

係放工.

你同我一樣, 成日給wingwing的喜樂左右我的心情. 我老公同我講咗好多次要改.

pinkpink依家返學未呀?

我嗰啲好少事, 可以叫你代問.

jaisy

HALAHA
打左比佢啦, 佢BUSY 湊仔唔開機啊,
佢無ON LINE 隱, 比我就唔得了.
你唔介意PM 比我幫你問完再答你.

至於唔抽個到, 佢話唔想要等到6月先知, 同最大問題係無信心抽到心儀學校, 與其係咁就唔博, 還有路程太遠唔想EUNICE 辛苦, 其實遠近既問題真係好難取捨   

HALAHA

jaisy,

Please check PM.

anson表妹

Jaisy,
Thanks.

Halaha,
我們都照抽睇天意. 但我個心都係十五十六, 抽到又點決摘好(暫時我like 音小多d) ????????? 總之煩啦. 因為今次決定好影響表哥, 因為不是錢可以解決的問題.

HALAHA

anson表妹,

抽到才煩啦.

其實我地個個都一樣, 驚做錯決定, 因為如果選擇錯咗不多不少會影響到個小朋友. 但係就算人地講到點好, 一日未到開學, 自已親身去體驗, 都不知啱不啱. 所以我地都要睇開啲.(我依家都不敢煩咁多, 因為好多白頭髮 )

我覺得你依家個心態係驚抽到多過驚抽不到.   

anson表妹

HALAHA,

你講得岩親身去體驗, 都不知

HALAHA

anson表妹,

睇來呢件事真係幾困擾你喎. wing530有無給意見你呀?

pinkpink888

jaisy:

我終於開機啦

halaha:
pls check pm

表妹:
我本來都係十五十六，抽到心儀津校梗係好，但第一輪實冇行，要等到六月先知，又好折磨。本來都可以等吓，因租約本來會係暑假左右完，若真係派到心儀津校，就會舉家搬到學校附近(我一直都係咁諗)。點知個業主突然話要收樓，打亂哂我的陣腳，搬出去，又怕eunice返幼稚園煩(始終重有成幾個月)，加上萬一派唔倒，咪失哂預算，所以惟有放棄大抽獎，等自己唔使兩頭唔到岸。

hinhinmom

jaisy,
今日係st andrew's o既"基督小幼苗"入日營玩呀... 呢間幼稚園都真係幾多活動, 我d假都真係預留同hinhin去學校o既活動多, 學校o既老師, 校長, 真係無得頂呀!!!      

我奶奶?! 我無乜採佢wor, 佢自己就成日想扮無事, 撩返我地講野!

anson表妹,
其實選小學呢樣野, 個個自己本身處境都唔同, 宜家有"音小"呢間好野收左表哥, 已經有個back up啦~ 我自己宜家都放開左, 擔心o甘多都係無用. 正如宜家自行收左, 再wait st paul's co-ed, anyway, 隨緣啦~  

herman-mame

wing530,
我今日去寶血醫院第一感覺間醫院很舊，好似回了7、80年代咁 ，上到4樓足部矯形中心才感覺好些，因這邊新很多。我們登記完跟住個矯形師王小姐就幫herman check，check的方法和dr. kong差不多，但她解釋得很詳細，她話herman右腳後足外翻都幾嚴重，所以我決定做鞋墊(她都沒有勉強我們一定要做的)，她話一對鞋墊可以著到兩個碼的鞋，即是話現在herman著27號咁這個鞋墊可以用到他著29號的鞋，收費是980元，這包括100元檢查費，之後約半年一次檢查費全免，直到現有的鞋墊不合身重新做過為止，另開初著鞋墊的時候，她們會跟進小朋友的進度，是否願意著呀，直到做到一個適合為止，我姑奶話政府都要收幾佰元價錢的，所以這個價都ok。妳下次去做完檢查時如果行樓梯走要小心些，因為我今日走時，行錯路呀，我們有樓梯就落，落到最尾見有一到閘，閘上貼了此門一定要關上的，但我們見到沒有鎖上，咁咪跟住落點知原來再落是殮房呀，嚇死我

all,

我聽王姑娘講原來小朋友真的不須要著健康鞋的，只要對鞋是有鞋繩或魔術貼綁緊及管實腳跟位就可以，即是話不要著涼鞋，另布鞋都是不適合的，她話小朋友咁細真的未知是不是有扁平足的，妳見小朋友著腳好似腳板沒有弧度扁平咁，其實有機會這只是baby fat來的，小朋友的肌肉一路發展咁，妳著健康鞋好似話是幫他防止有扁平足，但其實有機會是阻了小朋友的肌肉發展。

jaisy

hermanmame
咁你有無整到鞋墊? 我呢排右腳腳跟都有d 痛, 唔知係咪左腳扁平影響到右腳跟痛呀, 個鞋墊係點樣呢, 我著boots or 高跟鞋唔知有無影響

pinkpink
真係難得見到你上來

herman-mame

jaisy,
不是我看腳呀，是herman呀，他有做鞋墊，之前我見到他行路又沒有什麼，所以都沒留意他的腳跟位，跟住個日個矯形師叫herman企直，我才知原來他外翻得幾嚴重，不用度都見到，矯形師話是因為肌肉發展都不是太好，現在唔理到他大時行路會痛及容易倦，至於要著幾耐鞋墊她話不可以答我一個日期，因為鞋墊只是一個外來的輔助， 一定要個小朋友自己每日做腳部運動才得，一個人有做運動和沒有做運動個差別很大的，做鞋墊不是個個人都一樣的，要看妳的腳情況來決定要做那些物料的鞋墊，她給個鞋墊sample我看，看上去和一般的鞋墊沒分別，但感覺是硬些，她話這些鞋墊開初只要著半日就可以，跟住到適應了才加長著的時間。
妳隻腳痛有沒有看醫生？我細妹以前隻腳都是成日痛，跟住看醫生才知原來有一些骨突出左，之後她在政府醫院排期做了削腳骨手術，現在隻腳才沒痛，可以著返高跟鞋。