一呂現家長 / potential 家長會

candytl

Homama,

修辭中借喻與借代的分別>>>>我也弄不清, 要查一查先得.

唔知係咪全港的學校中文科普遍要求都高咗, 我朋友講佢仔仔間學校今年中文也深咗好多, 我開玩笑話, 咁即是要求我哋家長齊齊同小朋友一齊讀書升班.

Homama2004

claudiaho,
多謝您關心. 我咳好好多,但就無氣講嘢! 好彩考完試可以不用講嘢! 多謝你的資料,可以用來看門口,我家姐住近淘大花園那邊.

Homama2004

Candy,
朋友講佢仔仔間學校今年中文也深咗好多, 我開玩笑話, 咁即是要求我哋家長齊齊同小朋友一齊讀書升班.
>講得好對呀!!!我覺得好似中學程度咁....

今日睇am730, 施永青寫佢細女篇文, 我好認同佢的觀點, 話宜加學生讀書太多功課, 冇自由時間, 係不利已, 專為人(學校).
>>我剛看了.亦很認同,沒有太多功課,而家長又在旁扶一把,提供一些適當的指導,學到的東西便廣濶很多.

昨晚啲囡囡看哈利波特dvd第二集(在dangdang買的)幾精彩,現在整套DVD齊晒!戲和書有很多不同,而中文譯版和原著英文版又不同,妹妹問點解有些重要的會不翻譯出來,我便答佢所以要看原著.(我老公便笑我真識利用機會...     )

妹妹已看緊英文版第四集(又是在dangdang買HK$7x,書局賣$12x,想不到dangdang有英文書賣,多謝candy介紹),我笑佢好似拿著本黃頁電話簿. 想不到看那幾本哈仔對今次考英文有幫助,考卷中有些生字出現:unexpected & emperor & previous,好似有些要問埋解釋,妹妹話都係看哈仔書中(估)學識這幾個字.昨天還拿了黃頁回校小息看,今天我就不讓她拿了,咁重.....人已經不高

candytl

homama,

剛在yahoo找到的.是中三程度的要求呀.

借代:
不是比喻，是與本體有密切關係的事物(借體)代替本體的修辭方法。
不直接說出要說的事物，而借用與它有密切關係的事物來代替，或用事物的局部代替整體，就是借代。借代可使語言簡潔、生動、形象化，喚起讀者的聯想。

例子(1)：
巾幗不讓鬚眉。
(以「巾幗」借代女人、「鬚眉」借代男人。)

例子(2)： 朱門酒肉臭，路有凍死骨。　《自京赴奉先縣詠懷五百字》杜甫
(以「朱門」借代富貴之家、「死骨」借代屍體。)

例子(3)： 過盡千帆皆不是。　《夢江南》．其二 溫庭筠
(以「帆」借代帆船。)

例子(4)： 黃髮、垂髫，並怡然自樂。　《桃花源記》陶潛
(以「黃髮」借代老人、「垂髫」借代小孩。)


例子(5)： 她希望長大後當白衣天使。
(以「白衣天使」借代護士。)

借喻:
是比喻的一種，本體和比喻詞都不出現，直接以喻體代替本體。
不少成語或諺語，如放在句子中就是一個借喻：

有麝自然香，他的才華不怕沒人欣賞！

學生總愛臨渴掘井，這幾天圖書館座無虛席。

老師又教訓了我們一頓，真是恨鐵不成鋼！

我們不要只見樹木不見森林，撿了芝麻卻掉了西瓜。

alicetong

今日未問仔仔成績如何...???心中已有數,
亦唔想比佢太大壓力.

candytl

想不到看那幾本哈仔對今次考英文有幫助,考卷中有些生字出現:unexpected & emperor & previous,好似有些要問埋解釋,妹妹話都係看哈仔書中(估)學識這幾個字.>>>>>越到高年班, 要求不單止書本知識了, 你細囡肯睇英文書真係好好!!

claudiaho

Homama & candy
Please check PM

Homama2004

Candy,
謝謝您的資料.是朋友問我,朋友仔仔讀KTS六年級便要考這些   而我看到妹妹派回來的中文筆記(修辭)都詳列比喻(明/暗/借)及借代等等修辭,所以我相信下次考試可能都會考到.已scan email給她了.我亦已email給你們各位.

Claudia,     謝謝您!!

Alice, pls check pm.

candytl

請各位check pm.

claudiaho,

收到. 多謝!!

Homama2004

Candy, 謝謝您的資料

我想算係好消息哇! 家姐報告了成績.
中文罕見地好,我讚佢但佢話佢班都有幾個拿9X分, 中聆(很差呀) 10/20 好彩佔分不多!!相信考試時發緊夢
聖&常都有9字頭.....

比我想像中理想很多很多呀!     中文終於有個A-比人見,五年級時係6-7X分   .相信大多六年級同學都考得好好. 就算家姐的成績去不到band 1 報直資中學時都好睇啲.....希望英文&數學能有8字頭

alicetong

Homama,
已收到妳的e-mail..謝謝妳.


今晚返去睇完仔仔分數再話比大家聽.....係時候要總括弱點有咩要改善,再請教各位應該點樣去幫小朋友..

Candy,
謝謝妳,今年我情況係顧得掂d功課沒有時間做習作呀？暑假書展買回來的習作不知點算好？

candytl

我女派咗卷, 英文, 數學我有啲失望, 先前唔睇好嘅中文反而冇事. 其中數學創下歷史考試新低. 唉......, 一多計數題, 佢就有難. 英文就太輕敵, 温習時態度唔認真. 今次係個好教訓.
等佢知道做任何事都來不得半點馬虎.

candytl

alice,

今年我情況係顧得掂d功課沒有時間做習作呀？暑假書展買回來的習作不知點算好？>>>>我通常到考試温習時就拎出來, 平時做完功課就算.

alicetong

我未派晒卷呀？比想象中ok啦...係英文科較退步
中文 77.5(我諗住唔合格,算好0拿)
中默 100 (從來未試過..喜出望外)
中聆 18/20
中作 73
英文 76 (以前9字頭退步了..大部份同學仔都係,深左)
英聆9/10
writing (未派,希望合格)
數學 (未派)
常識 88.5(班裡最高分89分)
聖經 93

現在希望惡補英文..keep住中文希望上返8字....
大家有咩好方法呢？...
(希望明天派埋兩科有好消息啦... )

Homama2004

Alice,    你仔仔成績都好好喎! 希望佢來年入到精英班.pls check email

Candy,你囡囡的成績算很不錯了! 中文能有佳績已很不錯 pls check email

妹妹那班中文好似最低50,那小朋友很慘,小息時躲在洗手間喊,我問妹妹有沒有安慰佢,佢話有安慰佢"講一次成績不代表你失敗,放眼將來,前面還有很多機會"(<-這句話係我同佢講打定底,怕佢不合格).那小朋友很慘,可能今次會考全班最尾.....中文老師安慰佢哋話就算拿了0分都不打緊,最重要係來學校學習...佢都好好沒有奚落成績不好的同學,但如不用擔心中學派位就當然不用擔心分數.......

昨晚有妹妹同學媽咪打來,話讀了4年從未試過會咁擔心自己小朋友的成績,我話我都係,從來沒想過會擔妹妹在小學階段會驚有"不合格"的出現.....     同佢講了半句鐘電話,互相安慰一番....

Homama2004

Alice & Candy
我今次改了以往溫習模式.唔係一味叫佢哋做補充,因大家都好累(佢要做我要改),而係一早抄晒答案,同佢哋一起看文和研究答案,如這篇文係甚麼體裁等等.英文就看那些範文有甚麼特別字眼.暑假時就有時間改,但一開學就很多功課,所以只有時間睇文....現在希望家姐英數有8字頭.咁有少少可能入到band 1,因聽到佢啲同學今次成績好似都比佢低咁,有些中英都得6字頭....而似乎這個溫習模式,啲囡覺得無咁累,而中英閱讀理解佢哋當故事書咁睇,不用做佢哋無咁抗拒,今次出來的成績好似這樣溫習都work喎!

candytl

Homama, alice,

你哋仔仔/囡囡成績都不錯 alice仔仔中文有進步, 繼續努力!

Homama,

我一直都係用你講嘅方式同我女温習, 一路做一路對一路講解. 中英可能得, 但數學因做得少, 所以運算較弱. 做得慢且易出錯. 不過, 我都唔會改這種温習方式, 理解上冇問題就得喇.

Homama2004

聽好多老師/叻學生,練數學唯一方法係做多些
有一朋友教,每天在指定時間內做5-10題補充,可以練到速度,因不是太大量,小朋友大多接受的.你囡囡應付功課量一向沒問題,可以試試這方法.因越高年級就越多題目,運算速度慢可能會差少少....有媽咪心水清話數學成績對總平均分&名次影響很大,因中英都有其他部份拉分,但數學就一卷定生死,而上次4年級拿成績表老師都係咁講.而升中呈分中英數佔的比重一樣.

alicetong

Homama,Candy,
今朝早同d家長傾計..四年級好多同學仔英文以往由9字頭低落7字頭,當然我仔仔都唔例外..考0既多係課外0既野？得出結果係要識解題,閱讀理解..就一定要睇多d英文課外故仔書,Candy妳要盡早培養女女成為習慣.到左4年級功課係由以往4/5樣變8/9樣..都要適應呀？不過相信妳女女一定無問題,佢考得好好呀？真替妳開心...

Homama,唔明點樣
《一早抄晒答案,同佢哋一起看文和研究答案》..?
我發覺我都一樣係無咩時間叫佢做習作...開聲好似傷感情一樣？見佢平時已經好多功課...男仔唔定性0黎講都算好努力架0拿？

Homama2004

Homama,唔明點樣
《一早抄晒答案,同佢哋一起看文和研究答案》..?
>>即是我/老公抄晒啲標準答案落中&英補充問題內.我們都犧牲很多晚上看電視的時間...我們喜歡看明珠930/1030的劇集.

Alice,你仔仔的成績已好好囉!男仔可能要到中學才"開竅". 同家姐一起學樂器的男仔今次呈分試,中英都僅僅合格60分左右,剛才同佢媽咪傾電話,佢媽咪話昨晚佢老公鬧到個仔仔死死下   話一年內不准個仔用電腦,佢仔仔就答話咁不如撞頭埋牆死咗去... 我勸佢不要咁"激"咁鬧,如仔仔放棄便更沒救...唉!