九龍禮賢幼稚園K3家長請進！

penpen

朱古力,
家長會當日見你囝囝都好乖, 你可以好放心呀!!
明天第一日, 會陪阿囡返去!!  

愛美,
我都係, 暑假果陣俾習作阿囡練, 都係頭兩三個字教咗佢筆劃, 之後有得佢自己寫, 用眼尾稍下佢有冇錯架!!  

penpen

你地有冇睇到校曆表, 今年上學期得一次生日會咋!!

littleeva

各位好
病了好幾天. 真係慘.  天氣不好大家真的要保重身體.

多謝您們. 囡囡真的很可愛. 現在時時都愛笑. 特別是見了哥哥. 她都幾  "林" 哥哥.  真的有可能囡囡不是叫爸or媽先. 而是哥哥先.  仔仔又成日教他講 哥哥. 我要加加油.

也很多謝大家意見. 最後我只報了星期6的畫班.  遲些再睇定先才加其他班吧. 不用急.

開學那天原想陪他. 不過病了在家休息. 反而仔仔有我在家也肯回校. 真的好開心. 希望他多些投入學校生活.

好開心我們的topic 沒有因為時間耐了,人少了而結束.  升班後仍然可以在此和大家交流學習.  真的好開心. 多謝大家.

penpen

littleeva,
見到你囝囝咁鍚妹妹真係好呀!!  相信你囝囝都因為妹妹的出世成熟了不少呢~   
我囡囡果班的各位同學都ok呀!  星期五開學當日祇有一位同學喊咋~  

tiger

各位你地好,

今日係第一日正式上堂, 我個囡囡真係唔記得交手冊同通告      , 唔知道老師會否發現, 留返第二日再問佢.
因為我無去家長會, 所以都唔多了解老師的要求去到邊, 希望佢明天記得交.

penpen

tiger,
唔緊要啦~ 有需要老師應該會問佢或搵佢書包的,你囡囡讀K2 ?!  

朱古力

各位，近排好煩，一個四歲，一個六十幾歲，我都唔知點做，手板又係肉手背又係肉，細既又未懂性，大既又唔知嬲乜，我攪唔掂喇！唯有將佢地分開喇！
原本搭5號車去竹園，今天改搭6號車去何文田，到今個月20號我公司搬去葵涌後，就再改搭9號車，我都唔想轉咁多次架，但囝囝支持唔到我搬公司喇！佢

愛美

朱古力, 我睇到你個topic, 都明白你既煩處, 唔緊要啦, e家問題都可以叫暫時解決左.   我諗你只可以做就係暫時唔好番去阿公度, 有時真係大人當細路, 佢地自己唔覺傷害左個小朋友, 所以比d時間大家先啦, o甘婆婆會唔會好d, 冇o甘野蠻呢.   仲有囝囝, 你要花多d時間比佢, 同佢講, 佢冇做錯, 係公公攰, 語氣重左, 等佢正面d去面對. 唔好怕左佢地o甘, 總知, 果個係你父母, 冇得改變, 至多見少d.    如果唔介意, 最好同囝囝班主任傾下, 等佢注意下囝囝係學校有冇咩特別既表現, 佢地會幫到你架, 如果囝囝情緒有問題可以早d發現.

朱古力

愛美,
你講得好岩，我會跟住做．

昨晚囝囝仲話好關心亞公，唔知點解亞公唔理佢，我聽到個心好痛呀！我同朋友傾計，忍唔住喊，佢叫我比佢聽，跟住講：「喂！亞姨呀！你唔好禁大聲整喊我媽咪喎！」佢以為我比人鬧．我點忍心佢日日都

愛美

朱古力, 你囝囝好乖呀.. 佢識得保護媽媽. 叻叻..
又唔好諗得o甘灰既, 當係做媽媽課程入面既一個小測驗啦. 你地一定會合格仲會羅好高分數.
唔好成日係囝囝面前喊呀, 影響佢架, 陣間又以為個個大人都有問題咪弊囉. 係唔係, 希望你都好似你囝囝o甘勇敢面對問題.

朱古力

愛美,

THANKS~

littleeva

朱古力

人老了就像小孩一樣. 知道您一定很難受. 希望時間耐了問題解決左.

您都好叻. 安排了一切. 比我可能亂晒大輪.

慢慢您仔仔一定會適應. 現在惟有盡量多d 時間陪佢. 平衡他的情緒問題. 有沒有和老師談談. 或許有少少幫助

penpen

朱古力,
老果個就算啦~ 都唔怪得咁多! 始終係你爸爸.
細果個, 有排教, 不過佢真係好生性, 我見到你話佢叫姨姨唔好整喊你諗起佢果樣,我都忍唔住眼濕濕,長遠計, 我都覺得你請人好d, 你自己都唔洗咁辛苦呀! 希望你早日請到個好架啦~~  
我囡求先食晚飯前同我講話你囝囝整親手, 冇事嘛??  

朱古力

littleeva & penpen,

我今日攪掂晒ｄ野個人都開朗番喇！我都唔想記住咯，嬲屋企人都無用喇！不過我諗可以我屋企三個都係女喇！所以佢地未揍個仔，男仔始終百厭ｄ既，唔及女仔爹一爹，就乜氣都無晒．我無嬲架喇！不過我覺得大家暫時避一避會好ｄ．

penpen,

盈盈真係叻叻，咁都留意到，係呀！因為大姨去完迪士尼返黎送左個巴斯光年既鎖匙扣比塱生，所以我幫佢扣左係書包，點知就整到手，好少事，老師都有通知我，佢叫我唔好再扣鎖匙扣係書包．

penpen

朱古力,
見到你安排好d野就好喇~ 我都放心埋, 可能之前返過去做協作, 所以都幾關心佢啦~ 加油呀!!
多謝你讚我隻嗅妹豬呀!! 係呀! 妹豬話你囝囝係俾個鎖匙扣整到架!! 我都覺得我囡囡幾識關心人架!!    

朱古力

penpen,

係呀！總算安排好晒，不過囝囝情緒唔係太好呀！我要加倍輔導佢．佢對別人無晒信心，覺得自己無人幫，只係對我一個人信心，爸爸就一半一半喇！我都唔係好知點做，只係同佢解釋．

penpen

朱古力,
咁我諗要多d鼓勵返佢多d喇~ 同埋要了解下佢返學有冇d唔同左, 若果你覺得可以的話, 我覺得將個情況講俾老師知對囝囝會有幫助, 多謝你送個頭飾俾妹豬呀!!  

愛美

朱古力係呀, 始終老師日日對住你囝囝, 時間都唔少, 真係可以的話, 搵佢地幫手, 佢地係專家, 起碼可以比度意件同提議你呀

朱古力

penpen & 愛美,

係呀！因為昨日都寫左張字條比老師，因為要通知佢今個月要轉三架校車，鄧老師昨日打過一次電話比我，不過岩岩我講緊，變左聽唔到佢電話，鄧老師只係留言，不過鄧老師話今天會再打黎，我會同佢傾下，等佢教下我應該點做．

penpen,

我唔知盈盈鍾唔鍾意呢？

penpen

朱古力,
咁我都放心d !! 妳自己都要好好保重呀!!  搞掂d野之後搵番d時間做你自己鍾意既野relex下!!  
妹豬鍾意呀!  mickey形狀, 紫色都好好, 佢好鬼多粉紅色呀!! 不過下次唔好喇~  怕你唔在行, 買貴咗嘛~