2005年出世或~宏福幼兒園媽咪~(PART II)歡迎新朋友加入

pcdogxx

天藍,
吓..  乜昊藍放假先黎病呀..    我諗都係去睇多次普通醫生先啦..  如果皮膚敏感應該唔會發燒既..     水痘我就唔知點呀..  但係玫瑰疹多數都係發好高燒都埋過左藥就會燒過..  咁睇你又唔係好似..
希望昊藍快d好返..   下星期一齊齊返學啦..

鈞渝都係深果d易識d, 簡單果d教極都唔識..  而家A-Z 都仲係識幾個字母咋.. 但係d生字佢又識好多喎.. 真係激死..   

Hongmimi,
我22號果日都冇去呀...   同你傾完一陣個天都黑晒咯..  仲好大雨添..  好彩冇去者..    反而前前後後都冇乜落雨, 尋日仲出太陽添.. 淨係22號果日落狗屎咋..   真係黑仔...

講起小強我果次仲攪笑呀..   都上年既事咯..  果日我阿哥黎左, 我煮飯俾佢食, 順便留碗飯俾爸爸第日食..  我不定晒d飯同餸放左係廚房, 因為仲熱咪冇搵蓋come住囉..   點知食完飯我收碗入去, 突然見到爸爸碗飯有兩條鬚, 我心諗. 乜今晚我有煮蝦咩?   跟住就見到隻好大好大既小強係d餸上面搏晒命係咁食..   嘩.. 嚇到我死死下仲叫得好大聲.. 隻小強依然密密食唔理我..  好彩阿哥係度咋.. 佢幫我走埋去捉走佢, 點知阿哥行到埋去, 佢都仲係到密密食..  
唔通我d咖喱真係咁好食..    , 攪到佢冒死都仲要食..  哈哈..

我都發覺d小強好鍾意襯我老公唔係到先出黎, 仲要曉飛喎..  間屋除左阿女就得返我.. 所以我唯有打住冷震咁同佢搏命囉..

我仲煩梗讀邊到好呀.. 唉..   我想佢讀深d, 但係半日之後又要返奶奶到.. 我又唔想..   有咩兩全其美既方法呢..... 定係讀一年先轉呢?  唉.. 煩死我......  


ElainAiolia,
睇你咁講去左咁多地方玩.. 子聰都差唔多好返晒喇..   

我呢幾日都冇乜點出去玩, 因為爸爸日日都返工..  得我同鈞渝去得邊吖.. 咪去下青衣城咁囉..    悶悶

各位,
你地有冇睇通告呀?   唉..  又要搵咩民族服裝,  去邊到搵好呀?
同埋要做果個健康生活紀錄,  鈞渝都冇邊日係8點起身10點瞓喎.. 全部都唔tick好似好核突咁..   而家鈞渝慣左夜瞓晏起.. 今朝剷都唔起身,  真係要係呢幾日tune返佢d時間先得...  
仲有個咩北京旅行..  唔知會有幾多人會參加呢..  

聽日上大陸所以咁日好多野做..  等我出trip夜晚冇野做再上黎回覆啦...

hongmimi

天藍，
昊藍原來係喉嚨發炎，聽妳講都唔似出水痘/玫瑰疹。d紅色係咪一點點，唔會凸起既? 匡匡有時都會，但無發燒，我當佢皮膚敏感，或者就係中醫叫既濕毒，如無其他唔舒服都唔理會自然好。

$800幾蚊真係好貴呀? 妳公司有無得claim?? 係咪皮膚專科醫生? 點止飲茶呀! 直得食餐豪華晚飯~ 希望昊藍快d好番，唔好再請醫生宵夜加直落。

唔怪~ 小朋友有佢地既一套嘛~ 我見匡匡用腳爬下爬下就諗，佢咁鍾意踩單車會好快學識用腳踩，當識用用腳踩後就唔會好似而家咁爬下爬下，兩個方用既力係唔同、緞練唔同肌肉，咪由佢~

收到妳既生日會相，THANKS!

[ 本文章最後由 hongmimi 於 08-3-25 15:55 編輯 ]

626mama

天藍 ,

冇事就好喇，嘩..$80x幾蚊，
真係好貴。妳係咪去左睇皮膚醫生呀。

軒軒都近排睇得醫生多，
我上次都係叫婆婆比佢睇中醫，
復活節我都煮左三日藥。

我都收到生日會的相，THX。

原文章由 天藍 於 08-3-25 01:16 PM 發表
all,

我今早請假同仔仔睇醫生, 醫生話昊藍唔係出水痘
又唔係出玫瑰疹, 只係喉嚨發炎, 引起發燒, 病低抗力弱
所以引發起出紅點, 醫生比d藥膏仔仔搽, 再加咳藥同
敏感藥睇$80x幾蚊我肉都赤, 但健康緊要都無計 ...

[ 本文章最後由 626mama 於 08-3-25 13:50 編輯 ]

hongmimi

各位，
睇黎大家過左個愉快既復活節~

唉~ 4日偏偏係掘蛋果日落大雨，真掃慶呀~ 果日我地無去到邊呀! 都係番婆婆屋企囉~ 不過都好，我今日返工先知有個同事打去見無取消照入，入到去連$25都無俾無攞份不沙沙玩具，因為2-4歲組別比賽由開始至完結都係咁落超大大大大雨，d人只係係側邊睇，無人敢落場，佢就白行一趟囉~ 哈哈!


23號就參加左我家姐既洗禮儀式，匡匡同表姐們到另一處參加「兒童崇拜」，有大姐姐大哥哥帶住，小朋友一齊玩集體遊戲，有茶點有禮物，匡匡好開心，以後時間許可我都想帶匡匡多參加，希望可以壯闊下匡匡「怕醜仔」既性格。


我27/28號放假，因為婆婆去台灣旅行，匡爸公司又唔俾放假，唉! 得我同匡匡妳眼望我眼，大家有咩好提議呀??

626mama

各位,

我還以為今朝早可以回復晒添，點知..........

都唔知有冇攪錯，一個都唔返黎，電話都冇個，都唔知放假定病左，咩都冇講低，攪到有人打電話來問我，下午會唔會有其他人返，點知喎，答咩都唔知，人地又以為我玩佢。
咩都冇講低.........都唔知點跟，真係好煩。

唉........唔好意思各位，真係不吐不怏。

[ 本文章最後由 626mama 於 08-3-25 14:01 編輯 ]

hongmimi

pcdogxx,
妳既小強經歷講到我好似見到隻小強係我面前咁，我打晒冷震呀~ 妳都話有美咪既咖喱吸引佢飛入黎兼冒死都唔肯走，我屋企搵d食得既野都無，都唔知佢飛入黎做乜。

妳話讀一年先轉係指讀邊間? 但我諗唔係辦法。如妳讀深果間先，番轉頭救世軍實無位。讀救世軍先，深果間都歡迎K2插班，但要考過(K2插班interview時要考幾深既英文)，佢地上到K2既程度已經幾深，又驚鈞渝一下子跟唔到。

兩全其美既方法唔係無既，但唔係長遠既方法囉~ 例如搵到住我地附近/宿舍有姨姨幫手睇半日，等妳/渝爸放工後接番咁。我都明白妳既苦處，叫我個仔去嫲嫲到我都唔肯，但我地在職媽媽，唔請工人姐姐無辦法就要靠老人家幫手，加上妳公事又咁忙，成日要出trip…真係好無耐~~

[ 本文章最後由 hongmimi 於 08-3-25 14:22 編輯 ]

hongmimi

626mama,
唔緊要，妳即管呻啦~

咁佢地究竟去左邊? 唔係以為未放完假呀? 但無理由全部都記錯，得妳一個係到，唔通係妳記錯，其實今日係公司假期??? 妳搵到佢地未呀??

626mama

hongmimi,

而家都未知佢地去晒邊，公司個姨姨都問我(做兩個鐘)，
佢地去晒邊，我都係答佢，我都好想知。

翻譯可能去日本未返，佢之前都冇講過幾時返，只知佢早兩日放假，佢都係唔鐘意比人知佢D野。老細一向都唔洗話比我知，我睇下佢個木台 曆都猜到一二，另一個女朋事，佢一向都係咁唔會講佢自已放假，我同我同事到時才跟佢D野，而家我咪做緊佢的工作，自已的，一些都未做過。

最滲有係，大陸果邊有個人係咁追我要P.O.，佢用電郵炸緊我，久不久又打電話問有未，P.O.要向日本公司要，我識講就唔係而家個人工啦。

原文章由 hongmimi 於 08-3-25 02:27 PM 發表
626mama,
唔緊要，妳即管呻啦~

咁佢地究竟去左邊? 唔係以為未放完假呀? 但無理由全部都記錯，得妳一個係到，唔通係妳記錯，其實今日係公司假期??? 妳搵到佢地未呀?? ...

hongmimi

626mama,
吓! 咁都得~ 即係老細、翻譯、女同事都不嬲放假、放幾耐、幾時番都唔會話妳知。

我以為公司細細，同事感情會好d添! 我都有時唔知d同事放假，雖然我地大公司下下講程序，要入假紙，咩假都要全世界簽晒先放得。但總有人靜靜雞攞入去俾d老闆簽完唔同我講，有時真係要check人事部先知。

妳咪「盡量」幫手做個女同事d野，攪唔掂咪由佢C囉! 睇佢以後仲敢唔敢放假都唔單聲!

626mama

hongmimi,

係呀，有D人係一世都睇唔到嫁，我都好想係一世睇唔到，
咁又係，而家軒爸要工幹，或公司電腦有問題，成晚唔返，
我都訓唔到，仲有D怕果D野，我而家間屋有，仲.....
原來妳都要兩個月先習慣。

會飛同大的小強我都怕，細隻就唔怕，我細個睇電視講過，
小強怕"洗潔精"內D咩亞麼利亞。我每次一見小強，就用
洗潔精(枝)佢，佢唔會郁又唔會走就死左。跟全走人，
每次比我阿媽發現，都會驚我浪費洗潔精，因為我會用
洗潔精包住個小強。妳點解唔返入万房著返件衫，
真係怕時，未都唔記得?

妳地出面果間叫妳地去交校服, 雜費, 茶點費,
仲要俾定期票交第一個月學費，
而家先3月，咁怏要交野。


天藍,

日後大家唔同校都要保持聯絡, 我好珍惜識到你地每一位。
ME TOO我都係呀，唔係同學做朋友。繼續交流。

626mama

626mama,

日本人階及觀念好重，我最低級真係咩都唔知。除非有時聽到佢地同老細講，順便問下囉。佢地講日文。好以今次咁，冇留意到佢地講，就唔知翻譯放到幾時。

我個女同事有成29張發票等開(可能一陣仲有)，
我都係簡26前的同海外的先開，其它等佢自已攪，

我之前間公司都係咁多人，關係好好嫁，大家一早夾放假唔好撞，
邊個幫邊個做野。唔會好以而家咁。

原文章由 hongmimi 於 08-3-25 03:50 PM 發表
626mama,
吓! 咁都得~ 即係老細、翻譯、女同事都不嬲放假、放幾耐、幾時番都唔會話妳知。

我以為公司細細，同事感情會好d添! 我都有時唔知d同事放假，雖然我地大公司下下講程序，要入假紙，咩假都要全世界簽晒先放得。但總 ...

hongmimi

哈哈~妳同自己講野~~

原文章由 626mama 於 08-3-25 16:24 發表
626mama,

日本人階及觀念好重，我最低級真係咩都唔知。除非有時聽到佢地同老細講，順便問下囉。佢地講日文。好以今次咁，冇留意到佢地講，就唔知翻譯放到幾時。

我個女同事有成29張發票等開(可能一陣仲有)，
我都係簡26前的 ...

hongmimi

626mama，
呢d野就梗係見唔到最好啦~ 我都唔知我果個舊同事講既係咪真，我有時夜晚都聽到怪聲，匡爸唔信呢d野所以話我多心、唔理我。不過我舊同事果時咁講，唔多唔少心理上令我定好多，我亦明白到心無雜念，自信心大、人就會更強，「有」定「無」都係在個人心中。

我唔返入房著番件衫係因為入房要經過廁所，陣間我一行佢飛過黎我咪C火~~ 我真係好驚飛強~~

我阿妹話小強最怕白電油，佢公司d師傅維修微波爐，一打開走成群出黎，會拿定支白電油一噴，全部唔識郁，C晒~

佢初時話4月尾，跟著變3月中，我地拖下拖下，拖到3月尾，想袋耐d d錢都唔得~~

[ 本文章最後由 hongmimi 於 08-3-25 17:50 編輯 ]

ElainAiolia

626mama,
軒爸真係好脾氣:;pppp: ，去南丫島行錯路要白行多咁遠路程，都無發脾氣，你就真係無揀錯老公  。

咁24號咁好天，你o地有無去到迪迪尼呀 ？

你公司D人又幾搞鬼o番，可能你記錯，其實今日仲係放緊假 ，所以得你一個返o左工。咁你而家份工做o左幾耐，D同事又會咁冷漠o既，我o地放假通常盡量就 ，但有時真係就唔到都由佢，最多少一個半個o者 。

o下，你而家間屋有果D野 ，咁你點解決呀 ？莫講hongmimi要2個月先習慣，就算係我，聰爸返夜班or夜返，我都會開著床頭燈成晚 ，其他野我又唔會諗o番。

天藍,
昊藍咁慘又病o左呀， 都好揾到病因，雖然醫生呢餐茶真係好貴 ，但最緊要work，細路仔病真係煩過大人好多，最怕佢o地發燒 ，燒o下退o下，都唔知點搞。你o地呢個假期又真係幾黑仔o既，又落雨、又病，唯有係屋企休息多D 。希望昊藍快D好番，又可以精精神神咁玩la 。

托賴，子聰仲有D鼻水同咳，但己經好好多，起碼唔再發燒先，但自從住完傳染病房 ，佢右邊腮o既位置起o左一堆紅色粒粒，但佢話唔痕，但我就覺得好礙眼 ，所以都有同佢搽D敏感藥膏，希望快D好 。

子聰學踩單車學o左好耐，佢起初隻腳只係識向後踩，唔識向前用力，係我o地成日捉住佢隻腳用力向前踩佢先識o乍，你唔好心急，比D時間昊藍 ，佢咁o力仔一定好快識。

ElainAiolia

pcdogxx,
我諗你D咖哩一定好好味:;pppp: ，如果唔係，小強都唔會密密食到唔捨得走la 。

如果會飛o既小強係我屋企出現，睇怕要打電話求救，因聰爸都怕會飛o既小強 。

我諗鈞渝揀學校果到，你諗清楚讀邊一間就邊一間，無謂讀完一年又轉，因小朋友咁細個成日轉學校，會好影响佢o地D情緒同埋安全感，反而得不償失 。

民族服裝我都未諗到點搞 ，健康生活紀錄子聰多數夜過10點瞓，但會早過8點起身，所以都OK ，反而D相就難搞少少，因室外多反而室內少，仲有果個北京旅行，我都15、16，因怕到時請唔到假，我諗唔去居多 。

係o咼你聽日返大陸出trip，真係掛鈞渝掛C你o羅 。

hongmimi,
你27及28號放假，我都無好提議比你，因我都仲放緊假，而子聰都好悶咁係屋企or落樓下公園玩 ，今日就帶o左佢去睇契妹，或者帶o下佢去行o下街shopping，或上網睇o下邊度有好地方去 。

我唔知小強係怕白電油 ，我以為怕漂白水，因我曾經聽人講過話用溝稀o左o既漂白水沫窗及窗邊會令到D昆蟲聞到而唔飛入間屋到，唔知係o米真 。

hongmimi

626mama,
今日係咪又得妳一個?

hongmimi

ElainAiolia,
原本妳仲放梗假，咁放到幾時? 跟子聰放? 我諗會落樓食野、去下冒險樂園，shopping就唔洗諗，因為一入舖頭匡匡就拉我走，除非係玩具舖，話時話青衣城既玩具反斗城就執，所以好多野有discount，有時間去睇睇都好。另外，可能我去買送煮飯等匡爸放工番黎有得食，塞住佢把口，咪成日話我好耐無落廚，不過又驚匡匡攪住晒…

其實匡爸同聰爸一樣都驚飛強，但若果佢唔捉會俾我哦C…咁妳會打俾邊個求救??

嘩! 學校去北京旅行咁high? 而家去北京好貴好多人喎!

我係兩個月先習慣一個人瞓得著咋(都係瞓下醒下)，但要開著床頭燈+聽音樂。第日佢唔返office要on shift，我又要從新習慣，可能妳會見我同熊貓無分別，都有一對熊貓眼。

hongmimi

最新06/07視學報告

http://www.edb.gov.hk/index.aspx?langno=2&nodeID=6303

626mama

hongmimi ,

唉...........今日三個。
我個翻譯知日本公司有人找過佢，
而家鬼晒咁嘈。

原文章由 hongmimi 於 08-3-26 09:18 AM 發表
626mama,
今日係咪又得妳一個?

626mama

hongmimi,

睇睇下便資料，妳有冇興趣。27.28.號帶匡匡去玩。


分享與 0-3 歲小朋友假日好去處


DiscoverHongKong - 觀光攬勝
http://discoverhongkong.com/taiwan/attraction/index.jhtml

各區市政大廈遊戲室
http://www.lcsd.gov.hk/b5/ls_fac_playroom.php

港島區

- 山頂
- 金鐘香港公園  -全程可推車仔,兒童遊樂場有條兩層樓高的滑梯,又有沙池和挖土機,一家人坐小輪到新中環碼頭上了行人
天橋一路行到長江都唔洗落地面, 出去St.John Cathedral過去對面亞太金融, 都有天橋駁到公園門口
- 香港動植物公園 http://www.lcsd.gov.hk/parks/hkzbg/b5/map.php
- 香港仔Ocean Park 兒童皇國
- 銅鑼灣 中央圖書館既玩具圖書館 (預約電話: 2921 0386 )
- 淺水湾切沙堆&野餐&玩
- 赤柱買BB衫
- 石澳玩沙游水(有得bbq)

九龍區
- 九龍公園, 睇雀鳥+周圍影下相+玩兒童遊樂場+迷宮. 玩到+海港城+睇夜景
-        南蓮園池(志蓮靜園對面)最好日間去, 因影相靚d, 有水池環境幾好, weekend會好多人, 之後可去荷李活shopping &
食吓嘢.


新界區 - 沙田
- 沙田文化博物館（好益智）
- 沙田公園, 城門河單車徑+新城市廣場
- 彭福公園踩草地


新界區 - 馬鞍山
- 馬鞍山公園,環境幽美,可在大草地上玩(怕熱到旁邊的圖書館or體育館內的兒童遊戲室)
http://www.lcsd.gov.hk/parks/mosp/b5/index.php
- 白石俱樂部 - 有單車,風箏,bbq,攤位,手工藝/大人有麻雀,桌球, http://www.whiteheadclub.com/


新界區 - 將軍澳
- 將軍澳寶康公園(好多野玩)

新界區 - 西貢
- 清水灣大拗門 (燒烤/野餐+放紙鷂)
- 西貢海傍長廊睇狗狗
- 獅子會自然教育中心http://www.travelinsaikung.org.hk/chinese/land/lion_nature.shtml
- 西沙茶坐對面個沙灘放風爭捉蟹仔可以BBQ
-        科技大學 (LG7那層: 有冷氣canteen、噴水池(小朋友玩水都得)、草地及沙池(無人打沙灘排球時，可玩沙)
-        (G/F那層有酒樓 China Garden)

新界區 - 荃灣
- 城門郊野公園http://www.afcd.gov.hk/tc_chi/co ... cou_vis_cou_sm.html
- 愉景新城 - 有條兒童街, 有好多卡通嘢, 照相最good, 仲有shop賣童裝.(適合細b去, 因無得遊樂)
- 珀麗灣 (荃灣西西鐵站搭船去)

新界區 - 大埔
- 大埔海岸公園 (可踏單車+放紙鷂)有昆蟲館http://www.lcsd.gov.hk/parks/tpwp/b5/index.php
- 大尾督, 睇海, 踏單車, 食野, 放風箏,大埔大尾督堤壩
- 大埔鐵路博物館
- 大埔滘小白鷺餐廳 (有人類民俗館, 兒童跳彈床, 手工藝, 餵山羊...)
- 大埔大埔公路大埔滘互動自然中心1樓
- 嘉道理農場 http://www.kfbg.org.hk/
- 中文大學



新界區 - 元朗／天水圍
- 元朗偉記士多燒烤場($58閒日,$68假日任食,款式多,食物GOOD,地點正)有撈金魚攤位,有大電視,有遊戲機,夾公仔機....
- 元朗荔枝山莊 http://yl.com.hk/taitong/index.htm
- 錦田鄉村俱樂部http://www.yl.hk/ktcc/index.htm
- 元朗天水圍綠田園
- 天水圍濕地公園 http://www.wetlandpark.com/
- 元朗南生圍亦是一個好去處
- 元朗八鄉 有機農莊 www.organichk.com
- 白泥釣魚+BBQ

新界區 - 粉嶺
- 粉嶺香薰園 (燒烤+釣魚+餵羊+兒童遊樂場+香薰園+自制香薰蠟燭+stepping pond)
http://www.lavendergarden.com.hk ... se/Introduction.asp
- 粉嶺龍山寺
- 粉嶺黃帝祠
- 粉嶺綠野仙終
- 粉嶺 中國花園 揀士多啤梨 + 雲泉仙館http://www.yl.com.hk/sbg/index.html
(粉嶺火車站乘52B小巴,中途落車就到)
-粉嶺士多啤梨園
http://www.yl.com.hk/sbg/index.html
粉嶺火車站乘52Ｋ小巴到總站再行一段路.



新界區 - 屯門
- 屯門黃金海岸+沙灘

新界區 - 東涌
- 東涌東薈城商場(有factory outlets, 兒童室內遊樂場)
- 迪欣湖公園(近迪士尼公園)水上單車及野餐


離島區
- 愉景灣沙灘
- 南丫島
- 梅窩銀礦灣沙灘 (BBQ+踩單車)
- 長洲遊吓船河,行吓沙灘


神秘旅程 - 大蛇灣
http://hk.myblog.yahoo.com/anniewmau/article?mid=3193



重陽節 大澳遊


http://hk.myblog.yahoo.com/annie ... prev=3114&next=3014



黃泥涌水塘公園
地址：灣仔黃泥涌峽道黃泥涌水塘, 開放時間：每日早上9時至下午5時,
如何前往：可於中環 (交易廣場)乘坐 6、61、66 號巴士往黃泥涌峽道下車，然後再步行約5-8分鐘便可到違。
租水上單車價錢


香港親子遊
http://hk.myblog.yahoo.com/anniewmau/archive?l=f&id=106


新近落成的主題公園馬灣公園http://www.mawanpark.com/chn/home.php

[ 本文章最後由 626mama 於 08-3-26 10:34 編輯 ]