大家要keep住聯絡呀!一齊努力一齊進步!

bigheadgirl

Hello,姊妹們,好多嘢想講....

Ivy, I am really really sorry about your father-in-law's news. 有時做人真係好無耐,明知"生老病死"係必經階段,但真係嚟到身邊嘅時候,就算有哂心理準備都好,都會好難受 ;我有個好朋友,原本舊年放暑假時(佢係老師)買哂机票去歐洲,点知歐洲去唔成,臨出發個日去左法國(医院),仲話係血癌:cry: ,佢打电話比我個陣我仲以為佢玩嘢,好彩佢依家都OK,佢仲將佢病發到而家,一一寫係blog,你得閒入去睇吓丫,希望你&楠爸都有所得著
http://hk.myblog.yahoo.com/loveyou-all/

By the way, 27/12亞朗11am去咗STEP上張姑娘堂,張姑娘話12pm係楠楠上,仲諗住可以見吓你地,点知話楠楠病左,有冇事呀?要take care呀;你知唔知張姑娘唔做LA?

[ 本文章最後由 bigheadgirl 於 08-1-3 00:59 編輯 ]

bigheadgirl

續........
Brenda, 亞朗同廸廸一斉攪birthday party都好喎,不如咁啦,有冇興趣黎多次都會駅吖?不過我只可以19号晚(Sat),20号(Sun),26(Sat)&27号(Sun,亞朗正日)得閒,我記得廸廸應該係2月頭birthday,如1月尾攪埋介唔介意?

另,以下有D課程睇吓有冇興趣:
26/1 (Sat) 3pm - 4:30pm  "如向從營養著手-加強孩子的學習能力"         
by 協康會  for 初生至6歲家長
Venue: 旺角西洋菜南街111号中華基督教會望覺堂啓愛學校
費用: free  報名:23937555 陳姑娘

23/2 (Sat) 2:30pm - 4:30pm  "正面管教策略"
by 小童群益會   for 2至6歲家長
Venue: 灣仔駱克道3号1樓礼堂

29/3 (Sat) 2:30pm - 4:30pm  "親子運動工作坊A"
26/4 (Sat) 2:30pm - 4:30pm  "親子運動工作坊B"
24/5 (Sat) 2:30pm - 4:30pm  "親子運動工作坊C"

工作坊A&C係彩虹邨藍鏡路11号聖本德中學礼堂,工作坊B係灣仔駱克道3号1樓礼堂,係for家長&3-6歲小朋友
如參加"管教"講座+1個工作坊 $50/1對親子, +2個工作坊 $80/1對親子, +3個工作坊 $100/1對親子,報名电:25279121 ext227小童群益會

bigheadgirl

再續....
X'mas & New Year都無去邊,我同老公都好怕多人(兩個都自閉 ),X'mas day只係同姑奶一家食飯(係大馬返USA,過境HK),亞朗就最happy,可以同表姐表弟玩,癲哂!

好耐無上黎嘅原因就係我同亞朗都病左,亞朗開始果陣有D鼻水,睇左医生食左藥好D,無鼻水後就咳,真攞命,又唔係咳得好緊要,但我樣樣都試過(西藥,海底椰,川貝,燉橙etc),都好似唔係好得,唔斷尾,今日試緊猴棗末,希望OK啦:-|

至於我,至從上次gathering後,就一直肚痛,一食野就痛,又唔似胃痛,總知成日好似有大便唔清咁,但其實係無嘅,睇個兩個医生都話無事,之前無幾耐做左body check又正常,直到上個礼拜再睇医生,医生問我係咪精神緊張,返工有壓力,我話我唔使返工,但最大嘅壓力就係亞朗,佢有事我就好緊張,其實生完佢後有depression,我一路都只係見医生,唔使食藥,到佢1歲度就叫做好番,唔使再見医生,但逢佢有頭暈身慶,我就好緊張,最衰果次就緊係兩歲係容X書做assessment,話佢咩咩咩,仲比個医生指住黎話啦 ,果次我簡直以為depression番發,喊到豬頭炳咁,又食唔到野,又瞓唔到覺;点知今次不停咁肚痛,直到医生咁講,我先醒覺到應該係心理因素,原因?就係就黎亞朗又做assessment囉,上次同你地提過評估中心打比我約期,我推左,話遲D先,佢話:"之後我唔知幾時比到期你架,好忙架我地."我頂!:tongue: (對唔住,我真係好嬲佢地,雖然呢個字好粗俗,但請原諒我)佢地X'mas前差唔多每隔三,四日就打黎,問呢日得唔得,果日得唔得,最後我話:"真係唔得,遲D無所謂,我唔心急."佢話:"X'mas後D期我唔知幾時比到你架,都好滿架."卒知過左X'mas假後兩三日打黎,而家約左21号;由我收到佢地D追魂call開始就不停肚痛,到而家confirm左邊日,無收到电話後就無痛LA.

講開肚痛去厠所,亞朗好攪笑,有一次佢見我係厠所好辛苦,我話mummy有屎屎但係疴唔出呀,佢諗左一陣,話:"咁奇怪,叫佢搭lift落黎啦."
今日放學同佢去食野,有張"飛仔"等攞嘢食,張飛79号,佢話:"mummy,係nine呀,調轉係six喎!"我話:"係呀,只係nine同埋six會係咁架炸,第二D數字唔會架."佢再調轉張飛,話:"唔係呀,個seven会變做L呀."咁都比佢諗到

[ 本文章最後由 bigheadgirl 於 08-1-3 02:25 編輯 ]

brenda0505

hello irene & 其他姊妹, 新年快樂呀!
我呢個月真係可以用個忙到死黎形容, 可能irene會知道我準備過年前搬屋, 有時買野擇野都係好煩既事, 尤其係得下午時間同交通繁忙既12月份, 簡直令人心煩氣燥.   不過好彩今個聖誕都同迪過得非常開心, 雖然冇朗咁醒識7調轉 係L(我老公話簡直係天才), 但起碼同佢出去野外BBQ+放風箏(山頭郊野公園個隻同坐卞卞仔船去碼頭釣魚),佢都無失控通山跑.  有時真係要叫係我地姊妹放手帶多D佢地出去, 佢地未必咁差...

另, 朗X迪生日PARTY方面, 再攪都會駅當然冇問題, 咁靚既會所緊係想再去啦, 不過我就想攪27號, 原因有3個:
(1)迪爸放假,(2)朗正日同迪生日CLOSE, (3)將近農曆新年會開心D..但最後都睇下各姊妹既選擇啦.... 希望快D回應啦! :loveliness:

P.S. Irene, 注意身體啊, 有時你同我都係太緊張個仔, 攪到depression都無補於事, 不過我都知係講就易, 做就難.  我近排去剪頭髮, 個stylist話我頭頂有少少脫髮, 佢話同壓力有關, 可能我半年前開始因迪放棄工作令心情底落有關

原文章由 bigheadgirl 於 08-1-3 01:24 發表
續........
Brenda, 亞朗同廸廸一斉攪birthday party都好喎,不如咁啦,有冇興趣黎多次都會駅吖?不過我只可以19号晚(Sat),20号(Sun),26(Sat)&27号(Sun,亞朗正日)得閒,我記得廸廸應該係2月頭birthday,如1月尾攪埋介唔介 ...

[ 本文章最後由 brenda0505 於 08-1-4 02:08 編輯 ]

llcathy2004

哈哈~~我啱啱睇到"咁奇怪...叫佢搭lift落黎啦"都暗叫一句天才！irene,評估中心又係係咁打比我約期，可能遲你一個星期至去．
生日會梗係就兩位壽星仔，我無問題．
我都祝大朋友新年快樂，小朋友新年進步！

原文章由 brenda0505 於 08-1-4 01:48 發表
hello irene & 其他姊妹, 新年快樂呀!
我呢個月真係可以用個忙到死黎形容, 可能irene會知道我準備過年前搬屋, 有時買野擇野都係好煩既事, 尤其係得下午時間同交通繁忙既12月份, 簡直令人心煩氣燥.   不過 ...

[ 本文章最後由 llcathy2004 於 08-1-4 22:59 編輯 ]

bigheadgirl

Brenda,
呢排少左好多姊妹上黎呀,不如咁,我明or後天去check吓27号有冇位先,有就book住先(過一,兩日先pay),希望其它姊妹快D回應

另,我絕對明白搬屋嘅苦況(我就係因為亞朗滿月即刻搬屋,忙到一頭煙,一腳踢,仲要湊仔,攪到depression加劇 ),所以你千其唔好忙壞自己,盡量揾工人姐姐及其它人分担,有需要嘅話,要出聲呀

Cathy,
希望亞朗&傑傑都唔好遇到個衰医生

Maria,
之前見你問有冇人join louis program,我有買本書呀,你想唔想睇吓先決定join唔join?

llcathy2004

傑傑會見番第一次見果個張醫生(佢唔算衰,我之後要求做聽力測試同見心理醫生佢都話ok),如無意外佢地會安排番之前個醫生見阿朗,如果你唔想最好打去要求轉第二個睇下得唔得.(梗係唔好用覺得個醫生衰呢個理由啦)

原文章由 bigheadgirl 於 08-1-4 23:59 發表
Brenda,
呢排少左好多姊妹上黎呀,不如咁,我明or後天去check吓27号有冇位先,有就book住先(過一,兩日先pay),希望其它姊妹快D回應

另,我絕對明白搬屋嘅苦況(我就係因為亞朗滿月即刻搬屋,忙到一頭煙,一腳踢,仲要湊仔,攪 ...

ccfj

各位姊妹﹕

係新嘅一年首先祝大家新年快樂，身體健康，各位小朋友活潑精靈、進步神速。

雖然逢星期日下週鋒鋒都要上ST，不過有得參加生日party咁好玩開心，如果大家27日都OK的話，我會同佢請假一次 。Irene，又要麻煩你book場啦﹗Thank you.

呢排比較開心嘅事係鋒鋒肯乖乖被我拖住去街，自己行唔使我抱，真係甩難啦，同埋個人比較定點點，出街食飯又可以坐耐點，唔知係咪同上咗感統訓練有關呢?

原文章由 bigheadgirl 於 08-1-4 23:59 發表
Brenda,
呢排少左好多姊妹上黎呀,不如咁,我明or後天去check吓27号有冇位先,有就book住先(過一,兩日先pay),希望其它姊妹快D回應

另,我絕對明白搬屋嘅苦況(我就係因為亞朗滿月即刻搬屋,忙到一頭煙,一腳踢,仲要湊仔,攪 ...

samanthat38

原文章由 brenda0505 於 08-1-4 01:48 發表
hello irene & 其他姊妹, 新年快樂呀!
我呢個月真係可以用個忙到死黎形容, 可能irene會知道我準備過年前搬屋, 有時買野擇野都係好煩既事, 尤其係得下午時間同交通繁忙既12月份, 簡直令人心煩氣燥.   不過 ...

Hi every sister,

好辛苦寫完篇message,又無晒!!!

Anyway,首先多謝各位關心,我爸爸於2/Jan 已順利完成6 hrs 切除腎狀及輸尿管 (微創)手術,現暫時都尚算精神不錯.但切片化驗repot ----- 看癌細胞是否擴散及屬何期(早期,中期 or 末期). Anyway, 感謝上帝總算己過了第一關.

另宥宥當然不可以到医院探公公,昨晚到公公家,宥宥望住公公床(平時公公躺在床上)不斷說:公公唔見吭咗!! (Around 十幾二十次),我們說公公去e院,他仍然說:開門,公公唔見咗!! 他好似若有所失的"端起咀",於是婆婆和姨媽問他是掛住公公,他唔識答,於見她們說:公公去街.宥宥問:去边到? (雖然不是討對答如流,但總算有文路.)

近來,宥宥多了講學校的事. eg : 某某(同學名)打我,某老師錫,某某玩滑梯,踏單車...etc.
又唱完生日歌後扮吹candle, 講mcdonald, 多啦a夢,切旦糕--- All is the brithday part of 宥宥last year (Aug), he really can remember and I havnt hear before. I am happy.

Sat 社交班後問佢玩什麽? 佢話:楊姑娘釣魚,玩波波,車..etc (當然要提示和引導)
佢的表達動機進步咗,心情好仲不停講,但唔想講時,就惜字如金,咀咀好似有膠水咁郁都唔郁.勉強地哄佢,最多扮口型.  
Anyway, 都算糸有進步.

新一年祝大家,children and family as tvb 節目 --- 最緊要健康,
最緊要開心,最緊要進步.


Irene, Brenda,

唔好比自己太大pressure, 否則適得其反. 小心身體!! And 08 the first gathering + brithday part in 都會駅:
27/Jan : 宥宥和我都一定参加!!
But 26/Jan : 下午: 宥宥 tainning, 夜晚 : 我公司團年, so we cant join it.

Irene,

朗朗真是很聰明又攪笑. 搭lift 都俾佢想到--- 妙極!妙極!!! 簡直是佳句   

Irene, cathy,

I wish you should have a postive 評估result (你想的report)

Samantha

podi

to all 媽咪,
昨日日朗去東區醫院做左個評估, 由臨床心理學家負責.  成個評估做左1.5hrs, thanks God, 結果係 -- 日朗並無自閉症, 言語, 認知各方面都OK, 約23.5個月大!!  我問醫生, 我個仔成日都唔望人, 叫佢叫人早晨, 佢會做但唔會望住人講, 就算呢個醫生起初叫佢個名佢都唔會望, 但醫生話唔望唔緊要, 最緊要佢同人會有互動, 同埋醫生話當佢稱讚我個仔時, 我個仔有望佢, 眼神OK唔係浮, 只是佢選擇性望人.  3月份醫生會同我詳細講番個結果, 我個仔唔似有自閉症, 叫我唔好擔心.  昨日係我同老公結婚5週年, 呢個消息, 對於我地2公婆來講, 真係一份好好既禮物!

podi

Irene,
阿朗咁識講野, 同埋咁有想像力, 好似似天才多d wor 唔駛擔心, 佢咁叻仔, 阿朗一定無事, 放鬆d啦!

Samantha,
希望你daddy早日康服, 一關過完又一關.  

新的一年, 我希望各小朋友聰明伶俐, 健康活潑, 開開心心!

[ 本文章最後由 podi 於 08-1-5 15:03 編輯 ]

samanthat38

原文章由 podi 於 08-1-5 14:48 發表
to all 媽咪,
昨日日朗去東區醫院做左個評估, 由臨床心理學家負責.  成個評估做左1.5hrs, thanks God, 結果係 -- 日朗並無自閉症, 言語, 認知各方面都OK, 約23.5個月大!!  我問醫生, 我個仔成日都唔望人, 叫佢叫人早 ...

samanthat38

原文章由 podi 於 08-1-5 14:57 發表
Irene,
阿朗咁識講野, 同埋咁有想像力, 好似似天才多d wor 唔駛擔心, 佢咁叻仔, 阿朗一定無事, 放鬆d啦!

Samantha,
希望你daddy早日康服, 一關過完又一關.  

新的一年, 我希望各小朋友聰明伶俐, 健康活潑, 開開 ...

Hi Podi,

Thank you very much!!!

llcathy2004

podi,呢個真係好好好好嘅消息!恭喜晒!!(係我實開心到喊)
samantha,希望你／你daddy都有好消息啦．

原文章由 podi 於 08-1-5 14:48 發表
to all 媽咪,
昨日日朗去東區醫院做左個評估, 由臨床心理學家負責.  成個評估做左1.5hrs, thanks God, 結果係 -- 日朗並無自閉症, 言語, 認知各方面都OK, 約23.5個月大!!  我問醫生, 我個仔成日都唔望人, 叫佢叫人早 ...

podi

Cathy,
其實我個仔評估時, 個醫生問佢:  呢個係咩來架? 仔仔答:  支筆, 醫生再問:  支筆用來做咩架?  仔仔答:  用來寫字.  當時我同老公都不約而同對望, 估唔到個仔其實識咁多野, 其實呢d事對於其他小朋友來講係好小事, 但我就開心到有少少淚光.....我地成家所付出的努力真係無白費.

原文章由 llcathy2004 於 08-1-5 23:14 發表
podi,呢個真係好好好好嘅消息!恭喜晒!!(係我實開心到喊)
samantha,希望你／你daddy都有好消息啦．

bigheadgirl

Hello, 姊妹們,
趕住走,先update吓
已book都會駅27/1(Sun)1pm-5pm,同上次一樣,現根椐之前大家的留言報名先 (希望舊mummy優先,Veron, May, Ivy, Amon, Maria, Rebecca等等,快D報名啦) maximum30人

1.  Irene x 3
2.  Brenda x 3
3.  Cathy x 2
4.  Joyce x 2
5.  Samantha x 2
6.  Podi (???)

[ 本文章最後由 bigheadgirl 於 08-1-6 12:34 編輯 ]

podi

Thanks Brenda's arrangement.  等我幫手update下先:

日期:  27/1 (Sun)
時間:  1pm-5pm
地點:  都會駅

人數如下:
1.  Irene x 3
2.  Brenda x 3
3.  Cathy x 2
4.  Joyce x 2
5.  Samantha x 2
6.  Podi x 3

暫時有15人

其他姊妹快d報名啦

amon28

podi
恭喜你, 日朗好叻,你終於可放下心頭大石,自理方面唔需要太大擔心,慢慢來,千其唔好比自己咁大壓力呀

原文章由 podi 於 08-1-5 14:48 發表
to all 媽咪,
昨日日朗去東區醫院做左個評估, 由臨床心理學家負責.  成個評估做左1.5hrs, thanks God, 結果係 -- 日朗並無自閉症, 言語, 認知各方面都OK, 約23.5個月大!!  我問醫生, 我個仔成日都唔望人, 叫佢叫人早 ...

amon28

日期:  27/1 (Sun)
時間:  1pm-5pm
地點:  都會駅

人數如下:
1.  Irene x 3
2.  Brenda x 3
3.  Cathy x 2
4.  Joyce x 2
5.  Samantha x 2
6.  Podi x 3
7.  Amon x 3

brenda0505

Podi,
首先恭喜你係2008你帶俾我地1個咁好既消息.  有時我唔係安慰自己同大家.  我覺得我地整體小朋友大部份都係感統問題而令到言語慢. 起碼我覺得佢地既眼神跟你評估醫生話"唔係浮同冇焦點".

CATHY,
多謝你關心, 因我己將迪情況話俾邁步聽, 佢地幫佢做咗各項評估, 再集合俾阿頭心理學家. 佢都覺得可以轉I, 所以我都聽佢地意見行事.  希望我呢個決定係啱.  

另, 其他MUMMY我試下SMS或見面時通知佢地27號活動啦!

原文章由 amon28 於 08-1-6 16:47 發表
podi
恭喜你, 日朗好叻,你終於可放下心頭大石,自理方面唔需要太大擔心,慢慢來,千其唔好比自己咁大壓力呀