06年9月入讀蘇淅幼稚園K1既家長, 入唻交流下啦!

十月媽咪

我見你響我地06 & 07既TOPIC都問相同既問題, 你好擔心如果畀你小朋友讀蘇浙既話, 將來唔知應該讀咩小學嗎?

我原本一直覺得應該畀個女響活動教學中, 開心愉快既環境學習的; 但見個女響蘇浙都適應得唔錯 (唔計早幾個月發神經), 加上睇番佢平時學習其他課外野, 我同隻佬都發覺佢係適合讀傳統學校的! 所以將來就算唔讀番蘇浙小學, 我地都會同佢考D傳統既私立學校...跟住再大抽獎抽間傳統名校, 嘿嘿...希望我心儀果間畀我抽到, 咁就真係還得神落咯! :loveliness: :loveliness:

原文章由 25660859 於 07-11-15 00:41 硐表
我想問下大家有無考慮過BB上什麽小學啊

vanustat

原文章由 joeytcy 於 07-11-14 22:22 硐表
如對韓數有D興趣...比個e-mail我....scan幾版比你地睇...

joeytcy & 十月媽咪 :

好多謝你哋既回覆 !!無言感激

joeytcy 就麻煩你email 比我 : [email protected]

十月媽咪:

我見公文呢輪有賣報紙有幼兒免費試讀課程啱K1-K3。我打左去問報名，點知佢又額滿。同埋又話3歲零太細唔會挑選可以免費試讀。咁佢又話K1都可以 。唯有等下次啦。

前天收到學校"聖誕聯歡聚餐"通告，想請問你舊年有無參加好唔好玩，我覺得價錢太貴。

十月媽咪

vanustat,
唔駛客氣啦, 難得發掘到小朋友有某方面既長處, 我都想你搵到適合仔仔既course唻讀架嘛!

公文話就話for三歲可以開始, 但其實要一個三歲既小朋友坐定定完成一份習作, 係有一定程度上既困難的, 除非本身果個小朋友真係好成熟, 專注力好高, 咁就可以考慮!

我女 (03年10月) 個朋友仔, 細阿女四個月 (04年2月), 我地都係一齊響今年七月開始讀公文數, 當時我個女係三歲九個月, 朋友仔係三歲四個月, 阿女既starting level係5A, 朋友仔係6A, 最低LEVEL係7A, 6A係由數點點開始, 5A係由連線開始, 阿女四歲一星期就升到3A, 朋友仔升到4A無耐, 就激到佢阿媽彈彈下, 做一份習作要做十頁共廿版, 佢做兩版都做一粒鐘, 一路做一路就話眼瞓, 一時又話要痾臭, 一時又話肚餓, 總之又呢樣又果樣, 真係標血, 就係咁...佢媽響4A果陣, 放棄唔畀佢讀...做公文你真係要有心理準備, 唔係個個小朋友都可以好有耐性咁完成一份習作的! 況且公文每年都會有一至兩次呢D免費試學, 今次額滿唔緊要, 遲多半年左右至畀阿仔試啦, 到時佢又定性D, 學起上唻都事半功倍啊!

至於阿女, 5A果陣都係用好長時間做一份習作的, 因為我女屬於完美主義者, 連每一條線都要求自己唔好出界, 但其實老師係要求連得到就OK, 所以明明一份15至20分鐘內做起既習作, 佢就要做成45分鐘, 連公文老師都話, 估唔到佢可以咁有耐性做咁耐, 我地都服左佢啊!

升到4A, 佢依然係做得慢, 4A已經開始寫數字, 當時蘇浙至開始寫123之類, 但阿女已經可以由1寫到220, EVEN中間漏空D格要佢填番個數字落去, 佢都可以100%準確, 呢個係公文操練既成果! 至於做習作既速度, 佢由初初做成半粒鐘, 至後最快最專心果陣, 係十分鐘就完成!

上個月已經升左3A, 開始左加數, 開始時係加1, 呢個加數概念, 我地響佢未開始3A之前, 已經教佢, 但教極佢, 佢都唔明, 點不知, 公文老師一講, 佢就開竅, 仲要求老師一日畀兩份功課佢做, 即係共做40版, 所以老師原本預計加1要學兩三個星期, 點知一個星期就搞掂, 之後學加2, 慘咯, 佢唔明咩叫加2, 好挫敗...連續教左佢兩晚, 佢都唔明, 喊晒口...後尾我諗起佢學琴果陣, 老師都教佢一度二度, 即係C既一度就即係彈完C就彈D (加1), C既二度就係彈完C再彈E (加2), 我就嘗試用呢個彈琴既概念教佢加2, 撞鬼...一講佢就明, 早知一早就教佢呢個CONCEPT! 卒之加2既習作, 佢一明左就好快可以完成! 而家做緊加3, 又好奇怪, 佢明左加2之後, 加3都容易PICKUP得到, 希望遲D做加4 & 加5果陣, 佢唔會腦閉塞啦!

丫...仲有要提一提, 我當初揀公文, 其實係因為嫌蘇浙太少功課, 而將來我地又打算畀佢讀傳統學校, 所以想佢自細培養專心做功課, 自己解決問題呢個習慣, 而公文既理念係合符我地既要求, 我地唔係想佢響幾短時間內超越學年, 而係想佢培養專注力&耐性&重覆練習呢個習慣, 而上左幾個月公文...佢由當初要我地提佢做公文, 到而家自動自覺定時定候主動話做公文, 係一大進步!

仲有做左公文之後, 佢練琴都勤力左, 在我地唻講, 公文係沉悶的, 練琴亦都係沉悶的, 我地會覺得, 好多野要成功就要勤力練習, 就算幾悶都要練習再練習, 唔可以樣樣野都三分鐘熱度, 慶幸阿女響做公文既過程中搵到樂趣&滿足感, 亦都慶幸佢響學習公文既過程中, 連帶練琴都勤力左, 雖然練琴果陣會間揭性玩野 (例如唔跟譜唻彈, 明明兩隻手要分開彈, 佢就懶醒兩隻手一齊彈, 真係唔知好嬲定好笑), 但起碼佢每日都會主動埋琴練15至30分鐘, 除左練該星期老師教既新歌之外, 仲會練番老師之前教過既歌!

咁細個小朋友上公文, 當中係要好多鼓勵, 家長同小朋友都要畀好多耐性的, 唔好諗住佢一上公文就會自動波, 同埋響做既過程中, 佢地有時無心機果陣, 會反問番你點解要佢做公文, 點解人地唔駛? 你要諗定答案隨時回答佢地呢D問題...總之決定畀小朋友做公文之前, 家長本身亦都要做好晒心理準備, 響過程中係會有好多挑戰, 好多挫敗, 甚至處理得唔好, 會破壞親子感情&關係的, 就好似我女個朋友仔, 媽咪FINAL為左唔想破壞親子關係, 最後都要妥協, 小朋友成為贏家, 家長變得無耐&唏噓, 睇住佢地既情況, 我都無言...:( :(

原文章由 vanustat 於 07-11-15 10:33 硐表


joeytcy & 十月媽咪 :

好多謝你哋既回覆 !!無言感激

joeytcy 就麻煩你email 比我 : [email protected]

十月媽咪:

我見公文呢輪有賣報紙有幼兒免費試讀課程啱K1-K3。我打左去問報名， ...

十月媽咪

vanustat,
答漏左你有關聖誕聚餐既問題添, 講真, 呢個聚餐在我唻講, 太貴喇, 二百幾蚊一個人, 三個都八百幾蚊喇, 我寧願用呢八百幾蚊, 再加多少少錢, 帶阿女去一轉迪士尼, 當係獎勵佢平時用心學習好過! 食左佢...嘿嘿...我唔捨得啊! 仲有就係...去到果度, 三九唔識七, 都唔知做乜? 咪玩喇! 所以上年我無參加, 今年亦唔打算參加!

原文章由 vanustat 於 07-11-15 10:33 硐表


joeytcy & 十月媽咪 :

好多謝你哋既回覆 !!無言感激

joeytcy 就麻煩你email 比我 : [email protected]

十月媽咪:

我見公文呢輪有賣報紙有幼兒免費試讀課程啱K1-K3。我打左去問報名， ...

joeytcy

十媽媽
前幾版個D你咪寫得重詳細.....哈哈

joeytcy

YYOO...


坑口間係9月1日正式開.....我個女係9月15號開始返.....上次我見到有位家長入去問....佢個仔仔都係3歲....我好記得個老師都問一問個小朋友坐唔坐得定.....最後有無報名我就唔知....
而坑口呢間係一個大課室...兩張大台.....幾個老師負責...一個鐘一堂......所以同阿女坐的..未別同LEVEL...


比我感覺...好似補習...入去派兩本習作....唔識可以問...當然之前亦解題教點做.......好似有版有兩個數字要你圈出大個個........阿女一望就知要圈野....跟住見到上條問題寫左BIGGER..(which number is bigger?).佢就知要圈大數字.

[ 本文章最後由 joeytcy 於 07-11-15 21:13 編輯 ]

25660859

原文章由 十月媽咪 於 07-11-15 09:41 硐表
我見你響我地06 & 07既TOPIC都問相同既問題, 你好擔心如果畀你小朋友讀既話, 將來唔知應該讀咩小學嗎?

我原本一直覺得應該畀個女響活動教學中, 開心愉快既環境學習的; 但見個女響都適應得唔錯 (唔計早幾個 ...

真系唔該曬,因為我個女女正在選學校,蘇浙我都好喜歡,但我唔想佢入蘇浙小學,之後選其他小學我又怕入唔到好的啊,我住在北角,如果選衛理堂入衛理小學學不用煩了,但我覺得她無國語學啊

甘點選啊

十月媽咪

嗯...我覺得如果你真係一心一意想小朋友將來係讀衛理小學既話, 咁無疑幼稚園揀衛理堂係不二之選, 但如果你諗住衛理小學只係backup, 將來都想搏一搏出面d名小學既話, 我就會揀蘇浙!

畢竟普通話教中文係大勢所趨, 早少少畀佢地接觸普通話, 對佢地亦有好處, 我唔知衛理堂幼稚園有冇普通話堂, 但就算真係有, 我畀盡佢至多都係半粒鐘, 同蘇浙相比, 一日聽足兩粒幾鐘, 係天淵之別!

所以如果我係你, 我會諗下究竟有小學backup重要d, 定係學好普通話重要d, 在我唻講, 有小學backup當然係好啦, 但學好普通話, 呢樣係終身受用的! 而蘇浙不但有小學backup (當然佢地既小學, 唔係個個頂得順, 功課量多之餘, 測驗考試默書亦多, 親子關係隨時會因為呢d野而破壞得體無完膚), 佢地既普通話教學亦都係得到認同的! 將來出去考直資or私立小學果陣, 相信亦唔會輸蝕! 就算你話...丫...真係唔好彩, 將來無其他直資or私立小學取錄, 要讀番蘇浙小學, 佢地既小學派位亦都非常唔錯, 被名中學取錄既學生亦大有人在! 再唔係, 你話我真係頂唔住蘇浙小學既傳統教學方式, 咁even你留左位畀蘇小, 但你依然可以參加政府派位&大抽獎, 兩手準備, 何樂而不為?

原文章由 25660859 於 07-11-16 00:54 硐表



真系唔該曬,因為我個女女正在選學校,蘇浙我都好喜歡,但我唔想佢入蘇浙小學,之後選其他小學我又怕入唔到好的啊,我住在北角,如果選衛理堂入衛理小學學不用煩了,但我覺得她無國語學啊

甘點選啊 ...

十月媽咪

丫, 你個悠媽丫, 你知我個人無無聊聊, 做好家務, 阿女瞓左, 我就好得閒架喇嘛, 咁當然可以寫得詳細啦, 但你唔係嘛, 你好忙架嘛, 但你都可以寫得咁詳細, 咁我係咪要讚下你先, 哈哈!

我上網睇過韓數d習作, 其實佢有部份好似公文數的, 只係佢地多左邏輯推理呢一part, 同埋韓數好似多d公仔, 而公文上到4A, 就全數目字&算式, 相比下, 公文確係比較悶啊!

不過學你話齋, 做呢D數, 無論咩數都好, 都真係要坐定定, 專心做, 如果小朋友覺得係被迫既話, 咁就真係大人細路都辛苦了!

係喎, 你仲未答我, 韓數駛唔駛日日做功課架?

原文章由 joeytcy 於 07-11-15 20:50 硐表
十媽媽
前幾版個D你咪寫得重詳細.....哈哈

vanustat

原文章由 joeytcy 於 07-11-14 22:22 硐表
如對韓數有D興趣...比個e-mail我....scan幾版比你地睇...

Joeytcy,

我仲未收到你email，是否send 錯電郵。
email address : [email protected]

Thank very much!!

joeytcy

原文章由 vanustat 於 07-11-16 09:42 硐表


Joeytcy,

我仲未收到你email，是否send 錯電郵。
email address : [email protected]

Thank very much!!

vanustat & yyoo

sorry...HEHE..比D時間我...我會儘快SEND...因我個位無SCANNER....所以我搵一個好時機去另外個同事到攪...哈哈

joeytcy

原文章由 十月媽咪 於 07-11-16 08:50 硐表
丫, 你個悠媽丫, 你知我個人無無聊聊, 做好家務, 阿女瞓左, 我就好得閒架喇嘛, 咁當然可以寫得詳細啦, 但你唔係嘛, 你好忙架嘛, 但你都可以寫得咁詳細, 咁我係咪要讚下你先, 哈哈!

我上網睇過韓數d習作, 其實佢有部 ...

十月媽....每次派個兩本家課.....我個女做完就算...我亦無分開比佢每日做.....因佛時星期六唔記記帶番來.....

joeytcy

十月媽....公文對你個女有效喎....有收獲...有時辛苦D都值.....

[ 本文章最後由 joeytcy 於 07-11-16 22:41 編輯 ]

joeytcy

至於聖誕節個聚餐我都無唸住去............

另講個笑話比你地聽...

話說前兩個星期六..係坑口東港城...有個小丑係到扭波波比小朋友....但係要小朋友排隊...而且佢派左幾個就唔會派(其實係去第二度再派)....呢轉我個女有份.....扭完之後我地走左.....買完野又經番呢度.....我個女見度小丑又係度扭波波比小朋友....甘就出現以下對白:

悠 : 依...個小丑哥哥頭先又話無晒GER...點解依家又有...係到扭   比小朋友..???
我答 : 因為小丑哥哥每次只可以扭幾個波波比人....如果太多小朋友黎攞...會驚小朋友撞親...甘小丑哥哥就要比人抄尤魚...
悠 : 下...甘哥哥咪會死囉..
我 : 唔洗甘嚴重....無工做遮....
悠 : 抄喎!!!!!煮佢黎食喎.....
(呢個時侯我已經笑到唔識出聲)

[ 本文章最後由 joeytcy 於 07-11-16 22:58 編輯 ]

joeytcy

原文章由 25660859 於 07-11-15 00:41 硐表
我想問下大家有無考慮過BB上什麽小學啊

25660859

有唸過...重一路研究緊....暫時只得兩個字...."頭痕"

vanustat

:tongue: joeytcy,

喂唔該哂你呀!你可唔可以比個地址我。因為我香港區呢邊搵唔到韓數讀。或者會考慮吓報你囡囡讀個間。
你囡囡講野真攪笑，因為之前都有睇到你講關於佢d事，佢講野真係好鬼成熟。

joeytcy

原文章由 vanustat 於 07-11-17 11:29 硐表
:tongue: joeytcy,

喂唔該哂你呀!你可唔可以比個地址我。因為我香港區呢邊搵唔到韓數讀。或者會考慮吓報你囡囡讀個間。
你囡囡講野真攪笑，因為之前都有睇到你講關於佢d事，佢講野真係好鬼成熟。 ...

你應該收到mail.....但yyoo個mail 彈番轉頭.....
你住香港邊度呀....

yyoo

Thank your for your reply. How old is your daughter?
She seems very clever to answer the question.

原文章由 joeytcy 於 07-11-15 21:02 硐表
YYOO...


坑口間係9月1日正式開.....我個女係9月15號開始返.....上次我見到有位家長入去問....佢個仔仔都係3歲....我好記得個老師都問一問個小朋友坐唔坐得定.....最後有無報名我就唔知....
而坑口呢間係一個大課室 ...

yyoo

Joeytcy:
I haven't receive the mail, i give you another one:
[email protected]
Thanks:) :)

原文章由 joeytcy 於 07-11-17 13:29 硐表



你應該收到mail.....但yyoo個mail 彈番轉頭.....
你住香港邊度呀....

joeytcy

原文章由 yyoo 於 07-11-17 13:54 硐表
Thank your for your reply. How old is your daughter?
She seems very clever to answer the question.

yyoo

k2.....重有個半月就5歲.....所以係班裡面係大女.....

唉...其實依家D小朋友....乖時候就係smart guy.....衰GER時候就會激到魚都要反轉呢游水.....


我星 期一先SEND到比你喎....個FILE 係公司個腦到....

[ 本文章最後由 joeytcy 於 07-11-17 18:28 編輯 ]