九龍禮賢幼稚園K3家長請進！

瀅瀅媽咪

hi, bosze:
thank you!
妳在那裡讀英文班呢?

thk

bosze 寫道:
瀅瀅媽咪
K1時，我平時無幫囝囝報興趣班，只係星期六報佢報讀英文班，因為我覺得佢仲細，唔想攪到佢d時間咁full。黎緊K2，我會安排佢星期四下午返英文班、星期六上午返小蜜蜂，星期日上午親子音樂班。而K3會安排平時下午學多樣跆拳道，係佢自己話要學，不過就要5歲先收。

penpen

bosze,
咁好?! 又唔洗長途拔涉, 又有冷氣, 正!!  
我上個禮拜都同妹豬睇咗"大雄與風之使者", 我妹豬睇得好開心, 跟住仲去埋搭迪士尼線添!  
係呀! 不知不覺就放完暑假喇~ 我妹豬都應該收拾到心情, 因為佢日日都係差唔多時間醒既, 好彩佢醒左都會俾我訓 不過放完暑假就冇得繼續訓喇   

CF

各位媽咪你地好!!

請問大家知道九龍禮賢幼稚園何時有2006年K1既報名表派呀?
要親自取同埋交還?還事仲有其他途徑?

唔該晒!~

penpen

報名表多數都係大約十月中至尾可以上學校web site download,要留意響邊幾日可以download份form, 因為過左就冇, 交表一定要有人去學校交, 只要交齊野, 唔係親身交表都應該冇問題!!

CF 寫道:
各位媽咪你地好!!

請問大家知道九龍禮賢幼稚園何時有2006年K1既報名表派呀?
要親自取同埋交還?還事仲有其他途徑?

唔該晒!~

CF

penpen :

唔該晒你呀, 我10月中會去留意下個website, thank you~~

袓安

http://marketing.mingpao.com/p-guide/


明報又有得換小學攻略喇..........

penpen

昨天看過學校的網站, 已經沒有了黃園長的相片, 唔知點解有小小若有所失咁!!  

penpen

bosze,
咁耐唔見你上黎, 真係有d掛住你呀!

今晚見!

penpen

唔覺唔覺咁又放完暑假喇~ 開完家長會, 我覺得周老師較風趣, 鄧老師較正經, 我諗佢唔上堂果陣都幾沉黙!! 不過都可以放心將阿囡交俾佢兩個既!!  
但開學之後我哋做家長既就日日都要做功課咯~ 之前幼班都唔係多功課, 一升低班就咁多, 真係都幾突然呀!!  希望小朋友會鍾意同應付到, 唔會太吃力啦~~

愛美

penpen, 周老師係一個好好, 好有經驗既老師 (以前佢係教高班), 舊年佢做班主任, 好多時都係學校見到佢, 仲有好多時係親子活動見到佢, 都會傾好多, 大家關係好似朋友, 不過佢都係較保守d既.  
其實功課都唔算多, 不過就要好留心佢地既執筆, 同埋筆順. 仲有依經驗要隻眼開隻眼閉, 如果筆順錯就一定要擦, 如果d字醜就睇下小朋友想唔想擦, 唔好打擊佢地既信心呀.

littleeva

大家好.

暑假就快完了. 我現在每天都同仔仔講要開學啦....
等佢多些心理準備.

暑假仔仔返畫班 2個月.  (初時怕陌生有哭, 現在ok )
我都唔知比唔比佢"計" 續學.  因為返下午班.  而畫班時間係 5時半開始 即是一落車.(5時10分)  慢慢行去 畫班 (洗下手. 去下洗手間 .飲下水...)  就開始上堂.  唔知這樣會否很辛苦 . 話晒放完學. 又要去學野 ?????

我要決定比唔比錢報名. 真頭痛.  您們會如何呢 ?

愛美

eva, hi, 早晨呀..
會唔會星期六有畫班架, 因為放學番到去都好肚餓好攰架啦. 而且今年囝囝升左低班, 會有功課, 雖然得兩版, 但都要花時間同佢一齊做.  所以好似我囡囡, 平時冇十點都唔起身, 所以所有既課外興趣班都安排係星期六, 都幾忙, 但係佢都好enjoy.

littleeva

愛美

早晨

tks

我仔都係 9-10 時起身.  其實星期6 都有 一個畫班. (佢暑假返左 2 個畫班 . 唔同 地方)   9 月 要報名.  我問佢鐘意 a 畫班 or b 畫班. 學完 a 時. 佢就話鐘意 a, 學完 b 時. 佢就話鐘意 b.  如果 平時問佢. 就話唔使報啦. (仲難估過少女心)

其實真係好鬼醜. 初去畫班試堂. (2 個月前 ) 大哭.  連老師都唔想收佢. (有生意都唔做) 我花左好多心機. 和 時間 讓他適應.  到現在他可以開開心心上畫班. (最少再冇打電話 哭哭啼啼 話唔去)

現在真係難於決定. 我唔係想谷佢學d 咩. 只係 希望佢唔好咁怕羞.內向... . 多d 活動可以訓練到他的獨立能力. 和對人和環境的安全感.

唔知有冇小朋友係 放學之後又要立即上課外活動.

愛美

eva, 你囝囝做左哥哥都o甘痴身呀, 好少見wor.
唔我知我女有d同學仔都會放學去番英文班, 不過就好近屋企.  有冇諗過試下幫囝囝去join d 英文班, 試下睇下有冇d可以由親子班開始, 慢慢再比佢一個人上課.. 始終畫畫都係好個人既野, 就算成班小朋友坐埋一齊都係做自己野多, 反而搵d 好似playgroup 型式既興趣班, 好似番學o甘, 佢可以同其他人有多d溝通既機會, 可以係音樂班, 英文班, 甚至係普通話班都得架..
我囡囡都係架, 佢都好怕見陌生人, 不過大左d就好d d, 但係女仔我都冇咩所謂, 阿q d 當佢斯文怕醜囉..

littleeva

愛美

謝謝您的意見. 其實我都想找另外的興趣班. (因為佢星期 6已經有一個畫班 . 同表姐一齊上)

只不過暫時未找到其他的班. 而係唔想白白晒左 這 2 個月的 "training" 比您一言警醒.   一於留意下有冇 什麼 英文班...etc  .  不過這麼大. 好少有親子班了.

我仔已經個個星期日都有返禮賢的主日學. 但是佢仍然都係 怕陌生人. 性格真係好難改. 惟有希望有少許幫助. 已經心足.

初時返主日學. 我仔死都唔入去. 一係要我陪. 一係佢陪我在禮堂. 後來有位弟兄提醒我. 佢話見我週不時 都陪住個仔 - 其實等如沒殺了他交朋友的能力和技巧. 我越不放手. 仔仔就會更加不 獨立. 扼殺他交朋友的訓練. 和與朋友相處的技巧.  影響他 的性格 發展.

最後我硬下心. 由他哭由他" 訓"地. 又估不到不肖幾個主日.他已經不哭不吵. 還和我說再見. 感謝神

禮賢真係一所好學校. 一所真係以生命為教育的學校.

愛美

eva, 囡囡眼仔66, 好女仔樣, 靚女..
係呀, 我地真係要學識放手架, 聽你o甘講, 你個仔係仲未可以接受分離同埋無勇氣去接受新事物同人物.. 係呀, o甘大個真係冇咩親子班, 你可以試下睇下可唔可以第一堂陪佢, 第二堂就坐係出面等佢, 同佢講我係出面, 你一出黎就會見到我架啦, 然後慢慢訓練佢獨立啦, 真係咩方法都要試架, 仲記唔記得你個仔初初轉去禮賢, 你既擔心, 而家咪又安然渡過.

愛美

bosze, 你講得o岩要從小培養好習慣，自己做功課，獨立D, 講真就算初初佢等你番黎陪佢做, 過多排佢就會自己做好等你番黎比你睇, 佢會覺得o甘樣係好叻.. 不過有樣野要提提, 就算佢自己做好, 你要叫佢係張白紙寫番一個字比你睇, o甘樣先可以避免佢寫錯筆順, 提早修正.

penpen

littleeva,
bb好精伶可愛!  
我暑假幫阿囡報多咗個畫班, 現在開學, 我會照給她星期六返芭蕾舞, 畫班等佢過多個月睇睇佢應唔應付到先~  

愛美,
我同妳既方法一樣, 好注重阿囡寫既筆劃次序, 反而字佢寫到響個格入面就ok  

bosze,
我就諗住等阿囡放學番來, 沖涼, 做功課, 再食lunch, 跟住休息一陣, 再午睡, 我睇番佢哋之前d通告, 真係都幾多出外活動!!  佢實好開心!!

我有好消息呀!! CLICK HERE 一click入去就見到妹豬喇~~  

愛美

bosze, 仲有漏左提一樣,就係做功課果陣, 若然發覺小朋友寫既筆順唔係你一向既寫法, 千祈唔話佢, 一齊羅本兒歌書出黎, 番到最後, 同佢一齊討論, 有時未必我地o岩晒架, 因為我地以前邊有o甘好寫晒d筆順出黎跟架.  總知我經驗就係初初睇佢地寫字真係火都黎架, 你可以行開一下, 或者睇完一行筆順冇問題就叫佢地自己做, 當然你就坐埋一邊用眼尾裝下, 令大家都冇壓力就最好, 呢d野我都要開學後成3個月先做得到咋.

朱古力

終於明天開學喇！塱生等左好耐，朝朝都問我今日係咪返學．表妹今天第一日開學返民生，我話大姨會陪佢一齊返，塱生問我明天陪唔陪佢，我話佢大個喇！唔係BB班，佢話：咁！我會好驚喎．我答：卓盈、浩然等個個小朋友都識唔洗驚．