"啟思"的家長 (any branch) please come in.

盛盛媽咪

Ｈｉ　Ｃａｔ，

咁ＪＪ又幾攪笑喎．．　小朋友諗Ｄ嘢好直接架！
琴晚盛盛唔聽話．．激嬲咗我同埋姨姨（我細妹），咁佢就扮咗幾次貓叫來氹翻我．．到我肯啋翻佢時．．我同佢講姨姨仲嬲緊你喎！你快Ｄ氹翻姨姨先啦．．　跟住佢就拉開話題，　同我講第二Ｄ嘢．．　跟住我再重覆講多次叫佢氹翻姨姨，　然後佢話”唔理姨姨”　！姨姨於是扮喊佢都唔理，　跟住仲行咗出廳潻    激死姨姨喇．．　

1314

有無人去左上星期六帝堡城既家長座談會，講左D咩?

MinnieMinnie

請問有冇藍田啟思既家長可以share下？你地覺得昨日既家長交流會攪成點,有冇用呀？

寶寶mum

幾好! 大家都可以直住依個機會了解小朋友在學校內生活及認識其他家長.  起碼d家長有報料個仔早上入課室的情況我知, 因為到現在個仔還識應, 日日都吾原返學, 入課室就哭倒嘔.  真煩惱!     我見倒家教會本書內有好多節目相, 係咪該會辦, 還是學校辦架?   點樣可以參加?  因為我都好有興趣參加, 例如'中秋晚會....' 有無媽咪知呀?

1314

家長會當日無介紹埋家教會咩？每年學期初都會招收新家長入會，只要俾$100年費，以後就可以參加家教會搞既節目，我去年就參加過登高、參觀獅子會自然教育中心等，每次活動都有老師同家教會幹事幫手。

MinnieMinnie

Hi 寶寶mum,

你個仔仔是否讀藍田啟思？如果是,那麼是幼兒1班,2班或是3班呢？

藍田家教會將於22/9舉行全體會員大會,今天有通告邀請家長參加家教會,只要你填好入會form連同$100劃線支票就可以入會。之後凡通告最後如果是"主席XXX謹啟"的都是家教會所舉辦的活動,大約每個月都會舉辦不同的活動,有時間手功比賽,有時間旅行,參觀麥當勞,觀星,慈善賣物會,謝師宴等。每次有活動舉行最少一至兩星期前會出通告通知家長,如想參加只要填妥回條交回老師就可以,如太多人參加多數會抽籤。

寶寶mum 寫道:
幾好! 大家都可以直住依個機會了解小朋友在學校內生活及認識其他家長.  起碼d家長有報料個仔早上入課室的情況我知, 因為到現在個仔還識應, 日日都吾原返學, 入課室就哭倒嘔.  真煩惱!     我見倒家教會本書內有好多節目相, 係咪該會辦, 還是學校辦架?   點樣可以參加?  因為我都好有興趣參加, 例如'中秋晚會....' 有無媽咪知呀?

寶寶mum

囝囝係幼兒1班.

FeiMing1

Any parents from the Yau Yat Chuen Creative Kindergarten?  

MinnieMinnie

寶寶mum,

我囡囡係幼兒2班,希望第時有機會相遇啦!

盛盛媽咪

Ｈｉ　Ｃａｔ，
9月10日, 我淨係見到 JJ 喺課室玩, 唔見咗你喎 ??
因為嗰日盛謙瞓咗,所以我抱住佢開家長會!可能因為咁而揾唔到你啦.我見到 JJ 個樣應該大過盛謙喎... 盛謙 7月份出
世架 !! 咁 JJ 呢 ??  

Cat

Hello盛盛媽咪,

9月10日唔見我因為JJ發燒，我係屋企照顧佢呀 :cry:  :cry: JJ爸爸及婆婆有到場聽校監講野既。
下次有機會再見啦   

JJ今次低燒2日(睇左doctor)，高燒1晚；燒到抽筋(半夜去St. Paul 睇門診)，   可能之前d感冒菌未發出來，doctor見佢精神，開d輕手既anti-biotics佢啦，後來St. Paul 個doctor 開過d重手既anti-biotics至打得低d菌呀！

退燒後仍有淡綠色鼻水(發炎未好)同咳，昨日才有胃口食野同sleep到，今個week都係比佢請假抖下，下個week至番學啦！

葉老師來電問候，話老師同學掛住佢，徐澤龍指住JJ幅相問葉老師JJ去左邊...so cute    徐澤龍上個week又係請左1 week病假，我又聽過JJ話書庭病左；我諗佢地開始同細菌打仗同儲抗體啦！

盛謙瞓到比佢瞓多d，食多d kiwi /orange，保充Vitamin C呀！

我係home office既，所以JJ病照顧到佢；JJ見我擔心，佢竟鍚我一啖，然後話"kiss一啖，mami 就開心, ga ga ga ga"，我真係         JJ終於正常番啦！

原來盛謙 7月份生日，咁JJ係大好多啦，JJ02年10月(全班最大)，跟住到校長大仔林俊炫(02年12月)，再到徐澤龍(03年1月)...3個都係提子組既...

我後來至知原來開課時我陪JJ上堂，見書庭同另一小朋友係咁喊，我同佢地講:唔好喊啦，返學好好玩嫁！個小朋友就係盛謙啦！ :  : 盛謙真係繼續大喊wawawa!

Cat

1314,

多謝解釋！     
我係join左先，唔知家教會係乜既新家長。
原來有咁多參觀同活動,啱哂啦。小朋友親眼見過去過永遠比書本上看既印象深刻同有趣。

盛盛媽咪

Hello Cat,

多謝您同我分享咁多事, 我同盛謙都希望 JJ 早日康復,快D可以繼續返學. 你都要多D休息, 保重身體先至有精神照顧 JJ.
記得盛謙1歲左右因為腸胃炎入咗法國醫院,住咗5日,為咗照顧佢我足足瘦咗5磅,全家上上下下亦好緊張.

我就無你咁好記性, 我淨係記得坐喺盛謙隔離嗰位同學叫翁小申, 佢個樣同佢爸爸一個餅印.好攪笑  

原來我嗰日喺課室見到嗰個同學唔係JJ,我認錯人真係唔好意思   但係佢又坐喺JJ個位喎!

係呀..盛謙好易喊又好易笑, 而家仲好識睇風頭火勢漆.有一晚姨姨攞住盒菓汁, 佢就笑騎騎行去姨姨度 同姨姨講 "開呀! 一齊飲呀 !" 總知見到大人有咩嘢食佢就好聽話啦   

唔知下次既家長活動係幾時呢 ??  

HayBMum

各位啟思家長，
上星期五學校派了本由「國際關注教育機構」主辨的課外活動資料冊, 請問有沒有家長參加過該機構的活動？覺得導師的質素如何？

1314

HayBMum:
我個囡去年K1時報左英語小園地同創意音樂活動班，都係由學校D老師教番，因為見佢地上堂學既英文唔多，所以諗住俾佢多D接觸英文，另外因為我個囡鍾意唱遊，所以揀左呢兩個course。今年因為返全日班無時間上所以唔報了。

KLLP

FeiMing1 寫道:
Any parents from the Yau Yat Chuen Creative Kindergarten?  

Hi,  my son study at YYC CK.  Nice to meet you

Cat

盛盛媽咪,

係呀！小申係爸爸餅印，佢番學幾日就同JJ big hug,仲kiss添呀！    我同小申mami見到都好surprise同好開心！

認錯人好小事，佢地成日走位既   

小朋友易喊又易笑真係好可愛，盛謙鐘意菓汁，JJ都係!

HayBMum

1314,
多謝你的資料，是由學校老師教番的話，都放心比阿仔返去玩下，唔該哂！

1314 寫道:
HayBMum:
我個囡去年K1時報左英語小園地同創意音樂活動班，都係由學校D老師教番，因為見佢地上堂學既英文唔多，所以諗住俾佢多D接觸英文，另外因為我個囡鍾意唱遊，所以揀左呢兩個course。今年因為返全日班無時間上所以唔報了。

HeiShun_Mum

HayBMum

你囝囝打算學什麼?而我囝囝有興趣學美勞,唔知校車會不會接送呢?

1314

HeiShun_Mum 寫道:
HayBMum

你囝囝打算學什麼?而我囝囝有興趣學美勞,唔知校車會不會接送呢?

不論是平日或星期六，過了正常上課時間校車是不會接送的，所以參加興趣班要預自己接送。