2005年出世或~宏福幼兒園媽咪~(PART II)歡迎新朋友加入

pcdogxx

唔該晒你..  其實我唔係特別要考返私小,  其實都想係返我地呢邊, 荃官果d咋..  唉.. 我都係要做下功課先得...  我都未知揀邊d小學..

原文章由 hongmimi 於 08-3-20 17:04 發表
妳講到小學，想順帶一提妳要諗埋第日想鈞渝讀邊類型小學，對妳揀咩KG有幫助。例如妳會考私小，讀d深KG好d。

上小學辛唔辛苦睇妳揀咩小學~ 好似我家姐個大女，佢依家間小學係活學教學，之前讀間鬼咁深既KG，上到小學後 ...

pcdogxx

天藍 / Hongmimi
我打算果邊都訂左野同寄埋張期票學費先, 頭先打去問過總之7月1號前書面通知退學都可以全部退返唔收手續費, 留左先好過陣間想返轉頭冇彎轉

hongmimi

pcdogxx,

撞鬼...打完篇野俾妳無晒~

荃官校網係#62，我地屋企係#65。唔同網機會又低好多~

官立學校受校網限制，自行分配學位(只可選一間)and統一派位甲部(最多選3間)除外，學校只預留10%學位予統一派位甲部申請。

唔緊要，一齊學囉! 我都係學習中.... 暫時只知道匡匡得人人都有既basic 15分，自行收生無乜希望。等統一派位又驚無luck(我不嬲都無乜luck)，陣間派左去山卡拉就C火，所以到時都要考定d私小保障下。

[ 本文章最後由 hongmimi 於 08-3-20 17:54 編輯 ]

hongmimi

都好既...多d時間考慮下...

原文章由 pcdogxx 於 08-3-20 17:36 發表
天藍 / Hongmimi
我打算果邊都訂左野同寄埋張期票學費先, 頭先打去問過總之7月1號前書面通知退學都可以全部退返唔收手續費, 留左先好過陣間想返轉頭冇彎轉 ...

ElainAiolia

hongmimi,
聰爸話你真係有心 ，但而家一切已安頓好晒，無謂勞煩你，若真有需要，我o地就唔客氣la 。

你遇小強個經歷 ，我都試過，果時仲係葵芳住，隻小強size同你果隻不相伯忡 ，我驚到連毛巾都攞唔切就跳o左出o黎 (好彩果時子聰未出世，又未有印印o者 )，果時聰爸係屋企，佢仲話我係o米眼花 ，因我除o左隱形眼鏡入去冲涼，我話唔會睇錯，果隻黑色o野一定係小強，如果唔幫我搞掂佢，我一定唔行番入厠所 ，聰爸先入去睇，confirm係小強之後，o米攞個花灑開熱水碌死佢，跟住執埋條C掉入厠所，我要佢足足冲o左厠所5次，我先行番入去冲涼，仲要好快咁冲，因為我驚仲有其他小強o麻 。

因住你個新抱仔去o左第二度讀書，賣甩你個仔o乍 ！

想問o下，私小收o左係o米唔會影响派位o架 ？咁D人去晒私小度報名o米唔憂派唔到好學校o羅？


天藍 / hongmimi,
多謝關心，佢今日情况都OK ！

ElainAiolia

626mama,
子聰係尋日出o左院，尋晚都再無發燒:;pppp: ，但瞓得唔係咁好，可能尋晚比較咳la，今日已返o左去私家醫生跟進病情，醫生話佢大致上OK，但政府醫院比果隻收鼻水藥對佢個病情幫助不大，所以佢再開過D收鼻水藥同化痰藥比子聰，應該會無乜事o架la 。

契媽同契妹而家出院回家去，但契妹好懶，唔肯埋身食人奶，每次食幾啖覺得無料o黎 ，佢就發脾氣 ，就算再比奶粉佢食，佢都唔食 ，契爺話佢“懶”有性格，睇佢餓多幾餐，仲會唔會咁高竇la 。

有關D通告，真係唔該晒你 ，今日pcdogxx已幫我回學校取了。

天藍 / 626mama,
你o地感覺到果D 野我又未試過o咼 。

ElainAiolia

pcdogxx,
恭喜晒鈞渝成功入o左間學校 ，Yeah！你又可以慳番筆錢用係其他方面 。

都o岩o既，留o左位先，慢慢再考慮，嘩，間學校咁好可以全數退番D錢，起碼唔使蝕，咁梗係留la 。

唔該晒你呀 ，我已去o左信箱度攞o左，都幾多o野o番，另多謝晒張VCD。係呢，你今日咁晏返工o既 ？

hongmimi

pcdogxx,
我問左個friend，佢咁講：

佢女果班有32人，另外果班好似33人，每班有兩個老師同嬸嬸幫手。

So far佢覺得學校ok，老師嬸嬸都好nice。

而家女女K1下學期都未要寫字，要用筆都係劃線油顏色。

K2開始先有外籍英語老師(SORRY我唔幾得問幾耐一次)。

可以申請延展服務：最早早上八點、最遲黃昏六點。八點半返到去就有早餐食。

佢家中有工人，不過覺得女女紀律唔好，工人唔識攪，不如全日俾人教。亦因為有工人，女女照正常四點幾放學接走。佢擔心妳放工太晏，有時可能O下T，六點趕唔切接佢，其實都要搵到個老人家幫手接放學先得。

學野佢就覺得同普通KG差唔多，普普通通咁。

佢老公係小學教師，係荃灣一幾好小學教，但佢話唔想個女係果間讀，只當back-up。佢想女女讀出面好d既津校，但都驚一下子小學深跟唔到，所以都諗緊K3轉唔轉間深d KG。(妳明點解我問妳想讀邊類小學)

係問左咁多喇~ 妳再有咩唔明白我再打去問，唔洗客氣，希望幫到妳!

hongmimi

ElainAiolia，
妳咪咁講啦! 我都無幫過妳野~

子聰又好番d，真好! 繼續努力呀!

契妹咁懶食奶奶，媽媽d奶奶咁正都唔識欣賞，同匡匡BB時一樣唔識貨。

嘩! 葵芳個廁所咁細，咪好近距離囉! d小強都唔知食乜會咁大隻，又偏偏係怕佢既人前先出現。舊年係而家我地住梗呢到都出現過幾次，細隻又唔識飛果d我都硬著頭皮單獨面對，拿起殺蟲水勁噴，有時都C係我手上，不過周圍就要大規模消毒清洗，搵自己苯，不過我已經覺得我好大膽。上次係廁所個隻真係超大，我頂唔順。就黎夏天啦，我都驚又見到阿強兄d兄弟。

我個新抱仔要走我都無辦法嘛!

如果私小收左都可以參加統一派位，即妳可以鍾意既就去考，收就俾晒留位費先，幾多間都得，若果真係派得唔好都有back up。私小要俾學費，一俾俾足六年。

不過，如果考到直資，就會失去統一派位資格，因為直資係政府野，唔能夠享有雙重著數。學費都要俾，間間唔同，相差可以好大。

[ 本文章最後由 hongmimi 於 08-3-21 01:48 編輯 ]

hongmimi

ElainAiolia,
pcdogxx話可以全數退回唔收手續費既係同我同天藍一樣出面果間呀~ 因為佢最近叫我地去交校服, 雜費, 茶點費, 仲要俾定期票交第一個月學費~

原文章由 pcdogxx 於 08-3-20 17:36 發表
天藍 / Hongmimi
我打算果邊都訂左野同寄埋張期票學費先, 頭先打去問過總之7月1號前書面通知退學都可以全部退返唔收手續費, 留左先好過陣間想返轉頭冇彎轉 ...

hongmimi

各位，
哈哈~最終因為天文台中午既雷暴警告，我地無去到參加愉景灣掘蛋~

ElainAiolia/pcdogxx,
妳地呢? anyway，唔該晒~

ElainAiolia

hongmimi,
唔該晒你話我知原來pcdogxx可以全數退回手續費果間學校唔係20/3去IN果間 ，一場誤會，真係失禮C人呀 ！

今日我o地都無去到掘蛋，因落雨關係 ，而子聰D咳同鼻水都未好番，費事佢又再冷親手尾長，o米等佢係屋企休息一日o羅 。反而尋日 (21/3) 我o地同表姐及表妹佢o地三家人入o左長洲行，順便比佢o地踩單車，子聰好開心 ，玩到攰晒咁返屋企 ，仲瞓得好好o忝。

聽日 (23/3) 朝早如果無落雨，會帶子聰返大澳拜山 (因印印放假，無人睇 ) ，順便行o下先返出o黎，希望唔好落雨la，如果唔係，又要係屋企發“毛”la 。唔知你o地呢個假期又有乜o野節目呢 ？

626mama

各位,

嘩...有咁多留言....返工新追喇。
我21號去了南丫島，點知去去錯碼頭，軒爸抱軒軒行山路，行足成個鐘，之後食過雪條才行軒軒自已才行埋果一半，軒爸真係滲，不過佢一句都有冇講過辛苦。只係叫我地唔好講野，行怏d。我大肚後冇入過去，裡便完全唔同晒樣，仲勁勁勁多人，街又窄，好以多人過長洲，仲有好多好多狗，仲超大隻，隻狗仔坐係度，仲高過軒軒，我當然係痴牆行啦。不過真係好好玩，軒軒坐船要企係度睇海，坐都唔坐下。

這兩天冇街去，本來22有地方去，天黑黑又落雨，取消了，
天藍咁妳有冇入迪迪呀，我一起身見天黑黑，估妳地三個唔入去愉景灣，假期下雨真掃與。明天好天就去迪迪，希望好好天啦。

祝大家復活節繼續怏樂。

[ 本文章最後由 626mama 於 08-3-23 20:13 編輯 ]

天藍

626mama / all,


你地個個復活節咁好節目, 我就慘啦!
我好慘! 我本來咪諗住22號入disneyland點知個日
落大雨, 諗住入去都唔點咁大雨, 咁改23號先入, 點
知23號個日仔仔一早起身發燒, 又有兩聲咳, 又要取
消那那聲去睇醫生, 睇咗醫生仔仔下午退咗燒, 醫生
只係話仔仔喉嚨有少少紅可能引起發燒, 但我發覺仔
仔臉仔起咗有少少一粒粒紅色既點, 但當時睇醫生我
問埋醫生會唔會係出水痘, 醫生話咁輕微好難確定,
但要我留意, 但今日仔仔又無發燒, 下午個頭又好似
興興地又幫佢探熱, 又少少燒, 但已無咳, 但臉好似
d紅點無散, 唔知係敏感定係出水痘? 因又無水泡,
但我諗諗下會唔會係出玫瑰疹, 但個身又無, 好煩...
因早排仔仔兩隻手背敏感, 睇咗皮膚科已好番兩個
星期, 已家臉仔又咁但有時有燒, 我都睇埋明天d紅
點點樣有無退唔係都要再睇醫生, 但最煩我唔知認
該睇皮膚科個醫生定係睇番兒科個個醫生???
所以仔仔唔舒服我, 今個復活節只係係屋企休息, 同
之前到青衣城行下去下圖書館咋! 之後個幾日都係屋
企。

ElainAiolai,


子聰好番好多真係好, 加油! 仲入咗長洲玩真係好,
活動下個人無咁悶。
講起踏單車, 昊藍真羞到以家昊藍都未太識用腳踏踩
單車, 成日好似係學校玩單車用隻腳爬, 我同印印都加
緊訓練仔仔踩單車, 因我屋企有兩部單車一部三輪, 一
部有附咗輪兩輪車, 如仔仔未識踏有排先踩到個部兩輪
車
亞仔好奇怪我覺得有時好容易既野佢好學好耐先識, 但
有時我覺得比較深既野佢又會好快學識, 真係好奇奇怪
怪, 可能個個小朋友學野同吸收都唔同!

原文章由 626mama 於 08-3-23 12:06 發表
各位,

嘩...有咁多留言....返工新追喇。
我21號去了南丫島，點知去去錯碼頭，軒爸抱軒軒行山路，行足成個鐘，之後食過雪條才行軒軒自已才行埋果一半，軒爸真係滲，不過佢一句都有冇講過辛苦。只係叫我地唔好講野，行怏d。我大肚後 ...

天藍

hongmimi,

你無同匡匡去到掘蛋, 咁有無去邊到玩???
check pm.

626mama / ElainAiolai / hongmimi / pcdogxx,

check e-mail我send咗d相比你地

candyhui77,

我無你e-mail 你pm比我, 我想send D相比你。

原文章由 hongmimi 於 08-3-22 16:45 發表
各位，
哈哈~最終因為天文台中午既雷暴警告，我地無去到參加愉景灣掘蛋~

ElainAiolia/pcdogxx,
妳地呢? anyway，唔該晒~

[ 本文章最後由 天藍 於 08-3-25 00:20 編輯 ]

626mama

各位,

放完假喇，
今日要加油努力工作。
唔知大家今日仲得唔得閒上來。
因為假期後通常大家都忙。

626mama

有排追

hongmimi

岩岩想傾計，老闆又che chu咁轉，晏少少再黎....

原文章由 626mama 於 08-3-25 09:11 發表
有排追

626mama

撞鬼囉 .....11點幾，全公司得我一個人。

天藍

all,

我今早請假同仔仔睇醫生, 醫生話昊藍唔係出水痘
又唔係出玫瑰疹, 只係喉嚨發炎, 引起發燒, 病低抗力弱
所以引發起出紅點, 醫生比d藥膏仔仔搽, 再加咳藥同
敏感藥睇$80x幾蚊我肉都赤, 但健康緊要都無計, 為
有希望仔仔快d好番, 唔好再請醫生飲茶

原文章由 626mama 於 08-3-25 11:18 發表
撞鬼囉 .....11點幾，全公司得我一個人。