比華利幼兒園.

littleeva

hi iron & hktt

3/4 我ok.

唔知hktt 呢.

hktt

hi iron & littleeva,

今日唔係咁舒服，所以遲左返工。

3/4 我唔得，約第日可以嗎?

hktt

littleeva,

pls. check pm.

IRON

hi littleeva & hktt,

喂~~~妳地呢排好多節目丫?? 都唔多見上黎既?? 妳地仔仔女女呢排學左d咩呀??

IRON

hi littleeva & hktt,

呢排都落雨, 本來想同仔仔去南丫島都無去到, 頭先打電話book左玩具圖書館2號去玩, 我見妳地都同仔仔女女去過我地都未去過, 果度都幾好可以俾爹地媽咪一齊陪入去玩, 希望傲楊鍾意啦, 咁又多過去處, 同時又可以同佢同年紀既小朋友玩多d.

littleeva

iron

toys library 唔錯嫁.  

e 排都沒有什麼節目.  咁我地幾時出來chat 下.  比d japan phote 您睇下.  

hktt

收pm>  

littleeva

iron & hktt

剛剛MISS LAU 來電  24/4 家長日.  
我的時間是 9:00- 9:15分.
之後會見埋英文老師

您們得唔得閒. 跟住帶小朋友去玩又好. 去TEA 又好. 去toys library ..... 最主要都係睇下家家有空嗎?

IRON

hi littleeva ,

我地得喎, 去邊都ok無所謂 ^_* 最緊要係大忙人hktt啦, 呵呵呵, 約黎約去都未成事......如唔得我會去母乳媽咪聚會, 岩岩見佢地都係搞24號.

hktt

hi littleeva & iron,

我地都係 9:00 - 9:15 呀，Miss Lau 唔知見唔見得切呢?可能我地會見倒面喎，到時見。

唔好意思我唔得閑啦!不如你地去玩啦，唔洗理我啦!

有幾忙姐，咪又係湊女，有邊度去呀，唔係你地我邊有咁多節目呀!不過咁岩我地大家撞期姐，都係 littleeva 好，就哂我地。

踏入四月將會好忙啦，可能會少左上黎，如再有其他節目請 tel 我啦，唔該、謝謝大家。

hktt

littleeva,

我無約埋見英文老師呀，因自己英文唔好，驚失禮，你可否幫我問埋囡囡的情況呀，唔該。

IRON

hi littleeva & hktt,

今日同仔仔去玩具圖書館, 玩得好開心呀, 成日入屋仔出屋仔, 無人同佢爭, 不過上樓梯仲差兩步就上到閣樓, 有兩個女仔要落, 佢即刻拿拿臨落返黎等人地落左先再上, 我同老公叫佢唔駛啦上埋兩步啦佢都唔制, 果兩個女仔又無話唔讓佢, 但佢都係細膽到死, 唉. d職員都好醒目, 同我地傾計問我地係咪第一次黎, 又話仔仔都幾高大唔似2歲幾, 乙水到老公幾開心; 其他人好似係熟客一入去就借玩具, 我地傻下傻下唔識去借, 借到果d都壞壞地(有d制貼住壞左); 夠鐘仔仔同屋仔講bye bye, 我問佢佢話好得意好玩, 下次再黎, 呵呵, 又多個好去處.

hi littleeva,

24號去唔去丫?? 玩完可去後邊紀律部隊會所食飯, 有泊車.

hi hktt,

妳忙咩呀, 湊女唔出得黎咩?? 見miss都要littleeva幫?? 第時點讀根德園, 嘻嘻.

hktt

hi littleeva & iron,

做乜咁內無發言呢?我就話唔得閑姐!

好慘!!!!!!!!!!!!!! 囡囡又入了醫院呀!!!!!!!!!!!!!!!!!

今次係甲形流感，又係發高燒而入院的，好煩呀!!!請指教有d咩會導致成日容易發燒的?

IRON

hi hktt,

之前我講過我姐同姐夫係美國返黎住我度呀, 所以呢幾日都唔得閒囉, 今日老公返工佢地自由活動, 我同仔仔先休返日喳.

女女點樣啦?? 入左邊間呀?? 哎, 自從仔仔無返都無病過呀(touch wood先) 不如唔好返等9月返幼稚園啦. (呢句老公講既)

littleeva

HKTT & IRON

又一個月. 要埋數. 所以比較busy . 要在 easter 前做完.  放假回來. 就會得閒d.

hktt

您囡囡如何呀? 真係另人擔心. 希望她早日康復. 您有冇幫囡囡打流感針呀? 我仔打左.

anyway 祝您囡囡盡快康復. 身體健康.  您都要小心身體.
要訓多d. 食多d 野.  小朋友入了醫院. 做媽媽一定好辛苦. 您 一定要take care 自己呀.

遲d再找您啦.

iron

24/4　 如 hktt 不join 我們是否一齊去 玩具圖書館 & 食　ｌｕｎｃ ｈ

ｏｒ　等埋ｈｋｔｔ．　我冇所謂．都希望見到您和您仔仔．

︿ｏ︿

hktt

hi iron,

入左浸會，計埋今日便第四啦!!

我都有諗過唔比佢返學，但還有三個月便畢業，點好呢?好煩!!!!

hktt

hi littleeva,

琴日已退燒，但有其他囷，醫生話住多幾日喎!!

我e+好眼訓呀!

你地唔洗理我，玩得開心d啦，第日大把機會一齊玩啦。

IRON

hi hktt,

女女好返未呀?? 今日先得閒上網喳, 保重身體呀. 住咁多日咪好貴?? 妳買邊間保險賠得足唔足呀??

hi littleeva,

24日如book到就去啦好唔好?? 我今日都book左16號去玩; 呢幾日同仔仔日日都出街玩佢都幾掂喎(食野方面), 不過我地兩公婆就倦到散晒啦, 因架車唔夠坐無帶工人, 希望呢兩個月可訓練仔仔ok啦.

hktt

hi iron & littleeva,

多謝大家關心，囡囡好番啦，今日比左佢返學啦，本來都想佢休多幾日，但問極佢都話要返學，重成日問我係唔係聽日返學呀?

iron, 未比保險呀，所以都唔知陪唔陪得足。

IRON

hi hktt,

女女好返就好啦, 我尋晚仲同老公講唔知紫晴好返未, 真係令人擔心, 妳都要休返下呀, 媽咪仲辛苦.

hi littleeva,

妳去左邊呀~~~~~~24號去唔去架?? 去就過幾日要book喎; 係呢子軒張car seat最後賣左幾多錢呀?? 傲楊都要去買張3歲坐果d, 妳買左未??買左咩牌子好唔好呀??(想羅料, 呵呵)

hktt

hi iron,

多謝關心。

囡囡都有張 car seat 呀，e+就留番比表妹用，乜有3歲用的 car seat ?請問係邊度買嫁，等我去睇睇。