03年出世準備考大學~~~埋位啦!

chrischeung

回覆 happylogin 的帖子

數學連吾記得咩科一齊考,好吾公平,其實考快dd有咩意思,吾變仲好,改黎把鬼,仲話六月考吾到dse就取消個年,睇到心煩

qkhui

回覆 happylogin 的帖子

BA 同中史前後考又真係辛苦.  我估依家最重要係先沈澱一下自己. 重新調整溫習時間表. 調節心態好重要.
我相信要再改O既機會不太大.

昨天在網上見到有人POST 出三句. 我覺得都幾好. 互勉之

  ** 最新備戰策略調整 **
1. 停止埋怨考評局朝令夕改.
2. 停止後悔投放時間於巳取消的部分
3. 抓緊時間. 博盡無悔


加油 !!

大笨鐘

Thank you for Charlotte_mom’s and miriam’s sharing

silvia_ng

31/8晚，我同呀仔講左一D報導上既所謂消息，話有機會取消中文SBA，完全打亂我地奪分部署。我地中文科目標訂定係攞3，只要中文SBA做到最好 (佢之前修改過好多次先交)、背熟+深化範文、再加口試 (佢本身都係中英文DEBATE TEAM成員)，應該有機會做得到。當時佢就話預左最壞既打算，佢會再加多D時間比中文科。當晚亦即時搵左一篇範文做語譯筆記，希望亡羊補牢。

好啦，到1/9，我自己看著直播，得知仲有10%，但取消了口試，我真係又喜又悲。喜既係，叫做仲有10%打底分有得博攞到唔知幾多個% + 少左兩篇範文，悲既係，有把握既口試冇哂了、IES少左分、中文SBA少左分、少左三份一實體課堂時間但只少兩篇範文。

完左記者會，我覺得好傷心，好質疑究竟當局、比意見既老師校長，係咪已經考慮哂所有方案為學生著想呢?

語文科SBA，由中四已經開始做，點解要CUT分數? 真係兩份/三份閱讀報告都交唔到出黎嗎? 為何英文SBA又可以繼續呢?

語文科口試，英文由SBA取代 (都係做SPEAKING既野)，為何母語口試唔可以繼續呢? 口試，真係唔一定要GROUP DISCUSSION，想當年我地考會考都唔係咁啦! 有冇考慮過，請考生到考場，各自入唔同房間對住電腦去GROUP DISCUSSION又如何? 改為單對單朗讀文章後答一些提問又如何? 為何一刀切取消了? 口試真係會佔好多教學時數嗎?

通識IES，我唔知道究竟有幾多學校未做完，因為記者會上竟然係冇實際數字提供。如果「有D / 有個別」未做完，那要其他已完成的同學同佢一齊犧牲嗎? 佢地老師之前用左教學時數，去教左佢地學生通識課內容而冇做IES教授，咁即係佢既時數多過已做完學校?如果考評局可以公開佢收集到既數據，比應屆考生同家長知道，過半數學校係未完成，我相信大家都會理解好多。

呻完一堆我都知道冇用，就算係教育持份者又如何? 都係冇SAY的。唯有鼓勵自己個仔，改變不了事情，就只可以改變心情，繼續自強不息。

2003年的孩子，註定不平凡。希望這班仔仔女女在艱鉅未知的過程中，鍛鍊好日後面對逆境中不同的挑戰！

silvia_ng

happylogin 發表於 20-9-1 20:47
我女話時間重組左，佢話ba同中史前後日，真大鑊。之前有1個星期溫，E+痴住。
...

我仔科CHEM反而早左考，變相少左時間溫 (因CHEM真係多野溫到癲)，佢D學科安排改哂，冇之前果個時間表咁好

silvia_ng

chrischeung 發表於 20-9-1 21:04
回覆 happylogin 的帖子

數學連吾記得咩科一齊考,好吾公平,其實考快dd有咩意思,吾變仲好,改黎把鬼,仲話六 ...

應該係M1/M2果日，同日會考宗教及音樂，如果同時修讀呢D科既學生，都真係會好甘.....
我都覺得唔改好過改，睇返學校校曆，佢地咪同以往既LAST DAY SCHOOL一樣，考MOCK時間一樣，冇話上課日數多左架喎! 之後要學生自律的STUDY LEAVE，唔係COMPULSORY，唔自律既，比多左時間佢都係唔會有咩幫助。自律開既，又唔覺差果兩星期

qkhui

回覆 silvia_ng 的帖子

2002-2003 年出生O既小朋友事實真係唔簡單. 由沙士到依家疫情.  我相信這兩年的小朋友一定係最可以抗疫O既小朋友

我諗依家真係要好好去部處點溫習.  那些科目可以用少O的時間去預備. 中英2科作文可以拉到好多分. 盡量做好這兩PART. 作文有得操的. 要了解自己寫咩題目O既文章有信心可以取得高分. 背熟晒格式, 唔好被扣分.

要對自己有信心. 依家可以改O既只係自己心態, 可以掌握O既係自己O既時間. 我記得我今年考DSE. 心情起伏好大. 最記得臨開考前一星期的星期六. 他在房間走出來話一陣會講推遲一個月考. 我都唔相信. 隔一陣電視就講, 因疫情要推遲一個月開考. 當時亞仔都好嬲. 好忟. 佢話佢地噉樣一講, 真係會咩都唔記得晒. 好大打擊. 其實聽到亞仔噉講都真係想喊. 因見到佢地用幾多時間去預備. 好短時間之內改好多野. 接受完一樣又一樣. 當時唯有叫仔先HEA 2天. 唔係真係好難捱落去. 成績一定有影響. 但佢地其實適應力好強. 只要佢地自己肯堅持. 更艱難都可以克服.

大家做家長O既互相支持. 可以同朋友傾下. 因我地O既表現都好影響佢地. 加油 !

happylogin

qkhui 發表於 20-9-2 14:42
回覆 silvia_ng 的帖子

2002-2003 年出生O既小朋友事實真係唔簡單. 由沙士到依家疫情.  我相信這兩年的小 ...

我女中作有60幾分，但英作只係40幾，都唔知點可以提升番，成日比呢科拖低。

chrischeung

回覆 miriam 的帖子

真系嬲嬲朱,sba分數仲好高,又冇左說話,我仔話起碼跌一個gd

TwinWong

回覆 qkhui 的帖子

無錯呀, 我囡一聽到推迟考,
心情大受影響, 之前TURBO 迖盡了,
完全無日機好耐, 日日用結他調節自己心情,
好在中/英作文高分, 只拉高正体成績, 算不過不失

2003 年DSE 生, 家長/子女好好加油呀

silvia_ng

miriam 發表於 20-9-2 15:44
你篇千字文講左好多家長想講既野.............

真係落場係佢地, 我地只可以背後支持, 要咩 backup 好似補 ...

冇機會同啲官講，就可以在網上發下up風，實在谷到爆。。。而家個情況就好似罰緊啲勤力嘅學校同學生，web learning安排較遜嘅就冇咩代價咁。

silvia_ng

happylogin 發表於 20-9-2 22:26
我女中作有60幾分，但英作只係40幾，都唔知點可以提升番，成日比呢科拖低。
...

我仔中作通常4X-5X，好危

silvia_ng

chrischeung 發表於 20-9-3 10:42
回覆 miriam 的帖子

真系嬲嬲朱,sba分數仲好高,又冇左說話,我仔話起碼跌一個gd ...

same 但我仔冇咩下跌空間。。。恐怕要睇定副學士了