分享:凡夫俗子在直資女校生存之道

YolandaTam

終於考完，感恩尚算順利。
以下係年輕人對今年 DSE 自己有修各科嘅分享。

YolandaTam

YolandaTam 發表於 22-5-4 22:08
終於考完，感恩尚算順利。
以下係年輕人對今年 DSE 自己有修各科嘅分享。
...

中文卷一：深係意料中事，但估唔到咁深！周國平嘅兩篇文夾雜住翻譯詩固然難明，文言文出到莊子更加
中文卷二：竟然玩復古 「xx的自述」，一見即走，三題都「惡寫」
中文卷三：算比較正常

學校操練教學：實在太多嘢做，令佢呢個理科人甚感吃力

YolandaTam

YolandaTam 發表於 22-5-4 22:08
終於考完，感恩尚算順利。
以下係年輕人對今年 DSE 自己有修各科嘅分享。
...

英文卷一：難度算正常偏深，PartA 合理，PartB 係一篇相當精彩嘅文章，但對於文科人有啲不利。
英文卷二：還好，尚且揀到題目。
英文卷三：必須再讚一次學校聽取民意，年輕人自己曾透過班主任及考評局向校方反映對禮堂回音嘅憂慮，亦有同學家長致電校方反映，終於音效真係大大改善。呢份卷難度中等。
校方英文教學：要教嘅嘢初中其實已教晒，高中無為而治都無可厚非。

YolandaTam

數學及 M2:真係無諗過仲深過 2020！Compulsory Paper 1 第19題難到飛起，年輕人用咗成個鐘頭去「招呼」呢題（目前為止已知 part a，b 都啱），有兩個 fd 無做呢題 。M2 好少 SectionA 會有嘢 kick 住，今次有少少，確實深。
學校教學：初中數學教學極有改善必要，對大部分同學嚟講教淺考深只係令佢哋知其然而不知其所以然，靠 map題型，如果遇到今年 DSE嘅情況就死梗。呢兩年幾，至少有一兩成時間係用嚟搞返清楚本來初中已識嘅概念。

vestzs

多謝分享

YolandaTam

通識：Paper1 第二題問東京奧運如何促進各國之間友誼，好難答。Paper2 三題各有各難。
校方教學：佢嗰組老師好有經驗，大部分時間都係帶同學討論同埋教佢哋點睇啲關鍵字同答題技巧，factual嘢同學自己課餘時間要多留意。問返啲朋友，佢哋老師又唔係咁教，可能係「精英組」同一般組嘅分別啩。年輕人話佢自己就頗喜歡同適合呢種教學方法。

YolandaTam

化學：算淺（Paper1 佢剩 45分鐘，Paper2 剩 20分鐘），因為同學校出卷模式極相似。但真係考同學明唔明，如果靠背嘅可能中伏。
學校教學：校本筆記絕對係寶！！！老師「地獄式訓練」亦令同學做題速度快好多。不過真係捱得辛苦，no pain no gain

YolandaTam

經濟：問嘅嘢算大路，essay 亦無出古怪嘢。
校方教學：可能因為老師係科大畢業，非常之 exam oriented。年輕人無補習，屋企亦無人問（佢父親大人係工程畢業，我就本來讀經濟但讀唔掂），靠老師都有望攞 5，校方教得算唔錯。

YolandaTam

物理：抱住「死就死啦」，「豁出去」嘅心態上試（戰）場。但又好似反而比平時有心機做。今年 Phy算難，有啲題目問得奇怪，lens 嗰題又問啲唔係咁 straight forward嘅嘢，再加一題「死梗」嘅實驗題（佢哋只做過一次實驗）⋯⋯算啦，搏盡無悔。
學校教學：嚴重錯 fo

Bluegene

YolandaTam 發表於 22-5-4 22:52
物理：抱住「死就死啦」，「豁出去」嘅心態上試（戰）場。但又好似反而比平時有心機做。今年 Phy算難，有啲 ...

錯 fo 係指咩？

Bluegene

YolandaTam 發表於 22-5-4 22:08
終於考完，感恩尚算順利。
以下係年輕人對今年 DSE 自己有修各科嘅分享。
...

Congratulations

YolandaTam

Bluegene 發表於 22-5-5 09:35
錯 fo 係指咩？

無論講課定出卷，重要嘅少提，無關痛癢嘅就常見。題型亦同 DSE 完全唔同。

ksli312

YolandaTam 發表於 22-5-4 22:08
終於考完，感恩尚算順利。
以下係年輕人對今年 DSE 自己有修各科嘅分享。
...

你就好，我女讀文科，今日考 BAFS ，下星期四仲要考中國文學，考埋下星期六嘅 History 先至考完，仲有一個星期要努力

YolandaTam

ksli312 發表於 22-5-5 11:01
你就好，我女讀文科，今日考 BAFS ，下星期四仲要考中國文學，考埋下星期六嘅 History 先至考完，仲有一個 ...

加油，十日好快過。

AgnesBB

多謝師姐分享!!
祝師姐考獲佳績!!

Bluegene

YolandaTam 發表於 22-5-5 10:26
無論講課定出卷，重要嘅少提，無關痛癢嘅就常見。題型亦同 DSE 完全唔同。
...

我諗起我中學啲 physics老師，個個好叻，仲出書。老師覺得自己叻，一定教書叻，聽唔明係你的問題，唔係老師的問題。學校用的課本、考題也同公開試脫節。

YolandaTam

AgnesBB 發表於 22-5-5 11:21
多謝師姐分享!!
祝師姐考獲佳績!!

有心

YolandaTam

Bluegene 發表於 22-5-5 13:38
我諗起我中學啲 physics老師，個個好叻，仲出書。老師覺得自己叻，一定教書叻，聽唔明係你的問題，唔係老 ...

係呀，佢哋真係好有個性。

mimi1102

多謝分享

YolandaTam

今日收到科大 RMBI 面試通知 ，正式邁向新階段。