05年入讀主流小學的障礙兒童家長~請進!!

kmwun

stellacl

咁我地到底係有緣定無緣呢  

stellacl 寫道:
kmwun

可能係喎, 甘啱既 ???
佢就係話比我聽有個家長想調早上班, 所以問我仲想唔想調去下午班, 我話ok...原來係你...

我上次聽佢地講, 下午班會夾一d 小二生, 而上午班就會多數係小一生wor...唔知到時啱唔啱仔仔上...

kmwun

stellacl

你點知我鍾意聽粵曲嘅  

stellacl 寫道:
kmwun

有緣千里能相會, 無緣對面不相識...

    

bandband

STELLA,

有時間去圖書館睇吓書真係唔錯架!好過去隔離M記啦~!!我覺得嗰度咁近M記唔係咁好,個仔一放學就要去食雪糕,唔俾個仔個仔又喊到煩哂喎,但又無益,真係難搞~~~!!!

你提醒咗我添!等我一陣包書嗰陣睇吓點摺至無咁尖角!費時整親個仔啦!你真係辛苦咯,叫工人幫吓你手嘛,寧願一齊去湊仔女放學都好過自己一個湊兩隻曳貓仔吖!我剩係湊一隻曳豬,已經夠我忙一日喇~~~!!!

stellacl 寫道:
bandband

希望佢地快d適應啦 ! 你仔仔可能有d緊張+攰, 所以你多d同佢傾下計, 舒緩下佢d情緒.

阿仔放3點8, 阿女放4點半, 中間時間唔知點算, 我又係打算去圖書館消磨一粒鐘至去接個女...

尋日一個人 (無叫姐姐去) 去接晒2個, 2個書包 +自己一個手袋, 仲要拖住2個唔受控既馬騮, 副眼鏡跌到落個鼻到都無手托上去, 成個c9甘...唉...

我已經包晒佢地d書喇, 用左4卷包書膠呀(短果隻) !!!  爸爸同姐姐話幫我手, 我reject左, 因為佢地唔識包, 會包到隻角好尖, 吉到隻手好痛架...但係可憐我比d新書界到隻手損晒... :cry:

夠鐘去接仔仔喇  

joey媽媽

各位 早晨   
   我專登今日早半個鍾起身同大家講講呀仔情況 呢幾日成日都想留言,但~~~~~ 真無時間 好喇!廢話唔講,而家開始慢慢~~ 打字出黎       


  因頭幾日都是老師幫他寫手冊,我向社工講佢識寫但唔願意做,所以呀仔星期二返學要佢寫手冊,佢唔肯寫不特止仲撕手冊.仲係課室內大發脾氣,終於比社工捉佢出來 ,肯好,當日星期二早上我同時約左社工及輔導老師傾計,所以我同老公都見到當時仔仔鬧情緒情況,未即上前協助囉
最攪笑個仔仲用佢有限語言同我地講要返屋企 當然~~
最後都要佢上課室寫完手先走得啦 其實呀仔當日大脾氣一年都無幾次咋 可能呀仔係挑戰老師呢
   
   到星期三即是昨日,呢日開始係返全日,仲係學校食埋飯,3:45先放學 好緊張又好心急~~~~ 呀仔會唔會喊住出黎呢 終於見到喇!老師拖住佢排第一,看佢都ok仲同我們揮手(當然係我地主動先啦)
  跟住班主任同社工主動走過來同我地講,昨日和我們商討如何協助仔仔之後，今日已開始掌握到d位，而且呀仔今日表現都幾好，要他寫完手冊先有飯食，輔導老師同佢上堂都好ｏｋ，暫時都可以，不過今日初時都想發脾氣唔肯寫手冊，但後來佢地掌握我建議嘅方法之後好好多了     

　　原先我想比仔仔留校做託管補習班去到６：００，但昨日搵佢教會上尉傾過之後,決定由今日比佢開始試兩星期先再看看情況 希望呀仔ok啦 因我要返工搵$$$$ 所以今日佢會再晏d放學 我諗都得卦，之前佢讀幼稚園都是６：００先接佢，不過我今日會５：３０接佢

　　[size=x-small]而家學校可比仔仔協助有：每日一堂40分鐘個別輔導,
一星期一次個別言語治療或兩星期一次,默書考試叫我可放心,可個別同他做,溝通方面會有一本為仔仔而設嘅通訊簿或致電及e-mail方式.呢個社工話佢會跟貼d

mrsphcheung

Dear all,
All of you are wonderful and tough moms.     

bandband

joey媽媽,

你囝囝咁大膽貓响度挑戰老師呀?!!!    不過我個仔都唔弱,今日老師同我講話佢噚日已經開始借啲二撞人喇~~~!!!唉...呢個仔真係唔知點教好,我有諗過係咪佢噚日唔夠瞓所以至咁多手多腳...因為噚日晏晝放學番到屋企,由兩三點佢就大昏迷到夜晚七點幾,仲要係我隻佬响度揼嘢至嘈醒佢咋~~~!! 噚晚佢瞓到夠,今朝係明顯精神同開朗咗好多!再睇埋呢幾日係咩情況啦,如果今日佢又是搞搞震,我就以賞罰嚟對付佢,睇佢仲知唔知驚~!

一陣我都要煮飯準備送飯去學校俾囝囝食喇!唔知個仔會唔會乖乖地食呢...同埋今朝佢又醒目咗一次!佢主動問我攞錢番學校,佢話小食部嬸嬸話要俾錢至有得買嘢食,我問佢要幾多蚊,佢即刻話要五蚊就夠喇,咁我問佢五蚊可以買到咩野食,佢話小食部啲嬸嬸話五蚊已經可以買到朱古力食(衰仔...又朱古力... )~!咁我咪俾咗個五蚊佢袋响衫袋度,千叮囑萬叮囑佢叫佢唔好立亂攞出嚟,費時俾同學攞咗去,叫佢去到小食部買嘢至攞個五蚊出嚟,仲要提佢記得找錢...      唔知佢識唔識得找錢呢...希望佢識啦...原本我係諗住無咁快俾錢佢番學校買嘢食架...但見佢又咁熱衷,我又想佢快啲接受同享受學校生活,同埋佢試吓自己俾錢買嘢,佢又可以學吓計數呢...所以今次我至破例俾錢佢咋~~~!!真係擔心c我...唔知佢搞唔搞得掂自己添架...............     

joey媽媽 寫道:
各位 早晨   
   我專登今日早半個鍾起身同大家講講呀仔情況 呢幾日成日都想留言,但~~~~~ 真無時間 好喇!廢話唔講,而家開始慢慢~~ 打字出黎       


  因頭幾日都是老師幫他寫手冊,我向社工講佢識寫但唔願意做,所以呀仔星期二返學要佢寫手冊,佢唔肯寫不特止仲撕手冊.仲係課室內大發脾氣,終於比社工捉佢出來 ,肯好,當日星期二早上我同時約左社工及輔導老師傾計,所以我同老公都見到當時仔仔鬧情緒情況,未即上前協助囉
最攪笑個仔仲用佢有限語言同我地講要返屋企 當然~~
最後都要佢上課室寫完手先走得啦 其實呀仔當日大脾氣一年都無幾次咋 可能呀仔係挑戰老師呢
   
   到星期三即是昨日,呢日開始係返全日,仲係學校食埋飯,3:45先放學 好緊張又好心急~~~~ 呀仔會唔會喊住出黎呢 終於見到喇!老師拖住佢排第一,看佢都ok仲同我們揮手(當然係我地主動先啦)
  跟住班主任同社工主動走過來同我地講,昨日和我們商討如何協助仔仔之後，今日已開始掌握到d位，而且呀仔今日表現都幾好，要他寫完手冊先有飯食，輔導老師同佢上堂都好ｏｋ，暫時都可以，不過今日初時都想發脾氣唔肯寫手冊，但後來佢地掌握我建議嘅方法之後好好多了     

　　原先我想比仔仔留校做託管補習班去到６：００，但昨日搵佢教會上尉傾過之後,決定由今日比佢開始試兩星期先再看看情況 希望呀仔ok啦 因我要返工搵$$$$ 所以今日佢會再晏d放學 我諗都得卦，之前佢讀幼稚園都是６：００先接佢，不過我今日會５：３０接佢

　　[size=x-small]而家學校可比仔仔協助有：每日一堂40分鐘個別輔導,
一星期一次個別言語治療或兩星期一次,默書考試叫我可放心,可個別同他做,溝通方面會有一本為仔仔而設嘅通訊簿或致電及e-mail方式.呢個社工話佢會跟貼d

kmwun

joey媽媽

我仔仔的輔導老師建議我地買部digital recorder，大概五百幾蚊，輔導老師除咗星期二要見教育心理學家無錄音外，由星期一開始每日報告仔仔喺學校嘅情況，好似尋晚就聽到仔仔選唔到英文組長又喊，好彩兩分零鐘就收聲。錄音慳時間唔使寫，老師可以詳細啲品吓發生咩事，又可以聽埋語氣傳神好多，又唔使就時間講電話。我有事都會錄低說話俾老師聽。你不如建議吓學校試試。我星期日可以帶埋部機俾你聽吓。

joey媽媽 寫道:
　　[size=x-small]而家學校可比仔仔協助有：每日一堂40分鐘個別輔導,
一星期一次個別言語治療或兩星期一次,默書考試叫我可放心,可個別同他做,溝通方面會有一本為仔仔而設嘅通訊簿或致電及e-mail方式.呢個社工話佢會跟貼d

bandband

stella,

俾你咁提一提,我都要買番包糖叫個仔聽日請同學食吓先~~~!!!就算未識到朋友,至少都叫做打好啲關係嘛...!!!

我個仔啲數學仲未掂架!加減數都計唔到(2+3等於幾多都唔識)...所以趁佢有heart响學校小食部自己買嘢食,咪俾佢玩吓食吓之餘仲有得學吓計數嘛~~~!!! 唔知隻貓仔買咗啲咩嘢食呢~~~~???真係有啲擔心...

我囝囝間學校又無幫啲學生申請圖書証噃...我都係諗住等我換咗張智能身份証,到時我幫佢借書睇咋~~~!!!話時話m記隔離間書店真係幾正!有時我都會入去睇書甚至忍唔住手買書睇架!同埋嗰度都幾舒服...我都幾鐘意入去逛...

講真,嗰陣我小學已經係全日制,仲要係番7點55分放四點添!!!嗰陣我都覺得好辛苦好眼瞓架!仲要係臨近中午時,肚餓到成日胃痛,但嗰陣又唔知嗰啲痛已經係叫做胃痛,所以搞到依家個腸胃唔好,成日胃抽筋~~~!!!好苦~~!!其實我地啲貓仔已經算乖算叻仔架喇~!想當年我由小一喊喊喊喊到小二都未喊完,係咪都喊,老師叫我地交功課,我又喊;老師講書講大聲咗,我又喊...仲知乜都驚一餐啦!anyway,希望我地啲仔可以順順利利咁融入到小學既生活啦!識多幾個朋友仔就正喇!!!     

kmwun

stellacl

仔仔都幾好，輔導老師話好多常規提多幾次就大致跟到，抄手冊可能係小一班訓練有素，問題唔大，不過我睇佢啲字就睇得好辛苦   我覺得老師唔只照顧仔仔，重照顧埋我地兩老嘅感受 老師都選咗坐仔仔旁邊的小朋友做其中一個班長方便照顧佢。輔導老師重幫我地約十月見教育心理學家。昨日開始上全日，最大問題反而係睇時間表，上午跟Day A至Day E輪，下午跟番星期一至五。尋晚至俾仔仔捉到我攪錯。今個星期六返早期攞報告又可以update吓老師。

stellacl 寫道:
kmwun

digital recorder 呢個提議真係好好 ! 我本來都打算問下班主任, 不過見呢幾日自己接放學, 直接同班主任傾到幾句, 佢都話阿仔ok, 所以最後都唔敢提出住, 等遲d有機會先再建議下

你仔仔適應嗎 ? 選唔到組長喊2分鐘唔緊要啦, 安慰下佢就無事啦 呢d普通小朋友都常見既, 我覺得你間學校都好包容, 希望我地所有小朋友都遇到好老師 !!!

我仔仔尋日放學返屋企, 我見到佢本宗教書, 每頁寫左一個年份 緊係上堂無心機, 係度發夢, 畫花本書 :evil:
班主任放學同我講, 其他老師贊仔仔叻, 上堂雖然唔專心(左望右望), 同埋眼神接觸少, 但老師都接受到, 好在預先備案比份profile佢地睇者 , 佢仲安慰我話好多小朋友都係甘架, 讀國際幼稚園果d小朋友入黎仲遊魂得緊要喎
班主任安排左個好乖既班長坐係仔仔隔離及實佢

bandband

你地就好啦!啲老師咁TAKE CARE到你地囝囝需要,反而我囝囝就無咩特別...唔知係咪我唔夠積極同老師傾呢???...我都唔知依家咁樣好定唔好,我又想試吓俾學校當佢係普通小朋友咁教,有問題至搵我,但到家吓佢地都無問任何關於我個仔既嘢...有啲擔心添...!!! 個班主任都仲係好被動吓...今朝都係我主動問佢顯霖噚日點,佢至講俾我知佢開始搞人...但查實間學校已經叫啲家長唔會跟入嚟學校(番學),都唔知聽朝仲可唔可以捉到個老師講嘢添架....     

joey媽媽

[quote]
bandband 寫道:
joey媽媽,



佢主動問我攞錢番學校

[size=x-small]好犀利呀!我個仔一定唔會叫我比$$佢返學,因為佢呢個概念真係好弱,我見到學校有果汁機,我都怕佢唔知會唔會有日搶人野飲

joey媽媽

[quote]
kmwun 寫道:
joey媽媽

我仔仔的輔導老師建議我地買部digital recorder，大概五百幾蚊，老師可以詳細啲品吓發生咩事，又可以聽埋語氣傳神好多，又唔使就時間講電話。我有事都會錄低說話俾老師聽。你不如建議吓學校試試。我星期日可以帶埋部機俾你聽吓。

[size=x-small]呢個建議都好好,你星期日比我睇下,等我同社工講下呢個方法,何況我遲d可能放學都見唔到老師問個究竟？？呢個方法真好直接，但唔知學校用唔用[size=x-small]仲有，可唔可以分段錄音ｇａ   

joey媽媽

[quote]
stellacl 寫道:
joey媽媽 :

終於見你報告喇   
仔仔學校都比好多支援佢喎, 又有個別輔導, 又有言語治療   

[size=x-small]其實呢間學校是開辦第5 年,佢話我仔仔是學校收的第一個A仔亦是唯一一個,所以老師經驗上及處理可能不太好,不過,會盡量配合我需要[size=x-small]如果校方做得不好,叫我們可直接出聲比意見,大家溝通多D[size=x-small]所以暫時我都放心,至於班主任我沒有真正同佢了解,但社工已同佢地聯絡,所以呢幾日放學佢地都有講下仔仔情況．現階段來說：老師經驗好似未有，但佢地比我感覺好似好用心好肯幫呀仔，我諗暫時ＯＫ啦

joey媽媽

[quote]
stellacl 寫道:
bandband

我都係準備同佢去圖書館消磨1粒鐘至去接個妹, 仔仔小學仲幫佢地申請圖書証添呀, 暗示每個學生都必須一定要有圖書証

[size=x-small]我都想同仔仔去圖書館,但佢有時大叫,比管理員話,所以少去.唔得搵日都要試下再去先