有關和小兒在學習和打機及電子媒體使用上的時間爭議

洋蔥頭媽咪

stanleypyk 發表於 17-3-18 09:38
問題是他有沒有興趣做，如果他對這樣無興趣，那樣無興趣，又唔嘗試去做吓！到時又是留在家裏hea!
...

樓主唔好介意，好想問你一個問題，其實你有冇真正了解過兒子鍾意啲咩？唔好用你嘅思維套在兒子身上，比機會佢自己㨂？其實佢喜歡打機，理應對電腦有濃厚興趣，樓主本人亦從事IT相關行業，理應可與兒子有很多共同話題，但相反你用了你懂得嘅技術去封鎖兒子，至令佢唔會再同你表達佢嘅喜好，在佢心中無論想點都未必被你認同，我相信這才是他採取放棄態度嘅主因。

stanleypyk

洋蔥頭媽咪 發表於 17-3-18 10:58
樓主唔好介意，好想問你一個問題，其實你有冇真正了解過兒子鍾意啲咩？唔好用你嘅思維套在兒子身上，比機會 ...

他自中一有電腦科後便年年電腦科都肥佬，所以打機和對電腦有興趣不是必然的，所以他對電腦的知識是簿弱的，用電腦只是尋求娛樂，反而很少看資訊性的網頁！

洋蔥頭媽咪

stanleypyk 發表於 17-3-18 14:46
他自中一有電腦科後便年年電腦科都肥佬，所以打機和對電腦有興趣不是必然的，所以他對電腦的知識是簿弱的 ...

嗯，明白，我相信佢現在讀嘅選修科亦非其所愛，放棄心態多少都來自佢嘅學習態度。不過事實已不能再改變，樓主現在唯有同兒子盡量保持良好關係，幫佢搵多d資訊讓佢選擇，VTC又好IVE 又好學門手藝，多些溝通與支持，條條大路通羅馬，孩子最終會找到啱自己行嘅路。

samhongkong

你由小學放縱他打機開始，已經註定在佢係學業上既失敗，學業上你已經幫佢唔到。除非有一些特別原因，另佢醒覺，例如喜歡上成績好既女生，為追求而發奮，好似《那些年》咁。

你現在唯－可以做係同佢保持友好關係，但要比佢跌多Ｄ，在成長路上陪伴，等佢做個正當既人，其他野已經無能為力。

stanleypyk

samhongkong 發表於 17-3-23 20:15
你由小學放縱他打機開始，已經註定在佢係學業上既失敗，學業上你已經幫佢唔到。除非有一些特別原因，另佢醒 ...

我也是這樣想，雖然不再打電腦on-line遊戲，但經常用住手機，這週是下學期測驗，佔下學期3成分數，但有超過一半以上空閒時間用手機，温習都是聽住歌温，無心向學，我相信他荒廢學業太久，已有點力不從心，今年是否可升班也成問題！

洋蔥頭媽咪

stanleypyk 發表於 17-3-23 20:59
本帖最後由 stanleypyk 於 17-3-23 21:00 編輯

我也是這樣想，雖然不再打電腦on-line遊戲，但經常用住 ...

S5 學校為應付dse  科目會有 SBA ,所以未必會比留班，多數試升多。

stanleypyk

洋蔥頭媽咪 發表於 17-3-24 08:18
S5 學校為應付dse  科目會有 SBA ,所以未必會比留班，多數試升多。

但他有一選修科明年中五會停開，所以留班變成少一科，到時唔夠科計分！

洋蔥頭媽咪

stanleypyk 發表於 17-3-25 09:18
但他有一選修科明年中五會停開，所以留班變成少一科，到時唔夠科計分！
...

如果只有4 core +2 就唔可以再 drop ，你兒子呢個情況學校未必會比佢留級。

stanleypyk

中五下學期初考派成績單了，拿50.5分剛合格，希望他大考時保持不低於50分便可順利升班，他温習得很少但也合格，已令他覺得自豪，他真是容易滿足，不好聽便是不思進取。近來沒打機，花較多時間跟媽咪學股市投資，總算比以前有所改進！

洋蔥頭媽咪

stanleypyk 發表於 17-4-27 23:34
中五下學期初考派成績單了，拿50.5分剛合格，希望他大考時保持不低於50分便可順利升班，他温習得很少但也合 ...

不要再 focus 在學業上，與兒子從新建立關係，孩子年紀漸長會明白父母的，多溝通協助孩子找尋可行嘅路，明天會更好。

emmafish

stanleypyk 發表於 17-4-27 23:34
中五下學期初考派成績單了，拿50.5分剛合格，希望他大考時保持不低於50分便可順利升班，他温習得很少但也合 ...

咁都好吖，有進步，肯跟媽咪學野~

MrBeast

打機彷彿只是年輕人消磨時間的玩意，不務正業，耗費青春。

然而，隨着電子科技愈漸普及，男女老幼能輕易接觸電子遊戲，打機同時變得專業。

「電子競技」的興起，令不少人開始對打機另眼相看──究竟電競團隊工作是怎樣的，又有什麼能耐成為了一項有數以千萬計觀眾的運動項目？

https://www.hk01.com/sns/article ... utm_campaign=buffer

emmafish

MrBeast 發表於 17-5-2 08:19
打機彷彿只是年輕人消磨時間的玩意，不務正業，耗費青春。

然而，隨着電子科技愈漸普及，男女老幼能輕易接 ...

打機打出頭，萬中無一，機會率低過讀醫科。
唔係樓主唔鼓勵個仔參加電競，係叫佢去佢都唔去，話只想輕鬆打機玩吓咋。
如果決心接受電競規律訓練，其實唔係差

MrBeast

emmafish 發表於 17-5-2 10:58
打機打出頭，萬中無一，機會率低過讀醫科。
唔係樓主唔鼓勵個仔參加電競，係叫佢去佢都唔去，話只想輕鬆打 ...

not my intention 去鼓吹電玩，不過若不能再返轉頭，向興趣發展也不防一試，若自己興趣都冇passion，價值觀問題咁大個好難搞，睇下能否遇到高人了

samsam123321

仲未搞掂？

little_yolky

stanleypyk 發表於 17-4-27 23:34
中五下學期初考派成績單了，拿50.5分剛合格，希望他大考時保持不低於50分便可順利升班，他温習得很少但也合 ...

你唔好成日話佢不思進取啦！佢點都叫做努力合格到丫, 讚下佢得唔得啫, 叫佢下次保持啦。下下話住晒, 係人都唔鐘意啦。

stanleypyk

下週一考試了,還有一星期,仍是經常拿著手機打遊戲,本來兩週前他曾說過在家中不打手機遊戲,但上週仲出去買遊戲點,6點回家就一直用手機至8時許,食完飯就看電視,9點半後溫了一陣便睡覺,真不知他怎應付今次考試升中六。

TwinWong

stanleypyk 發表於 17-5-28 22:34
下週一考試了,還有一星期,仍是經常拿著手機打遊戲,本來兩週前他曾說過在家中不打手機遊戲,但上週仲出去買遊 ...

我個個都係咁 仲要到尋晚無開始過
我只會同佢講後果自負

stanleypyk

各位家長的高中子女,有無好似我兒子咁,一邊聽歌(很Rock那類),一邊溫書,間中又掉低書本打手機遊戲咁温習,因為今年無得留班,升不到就要求佢出外工作,本來這暑假要求他出去做暑期工,但他說在家試吓投資炒投資商品,我當然話不可以,投資只是需部份時間,大部份只是用手機、聽歌、看電視,成個宅男咁!

1998Ruby1998

我讀中學都係鍾意打機，因為阿媽一直都好嚴格，完全唔畀玩，NDS 同 PS2 阿爸同事送，但係阿媽全部掉曬。所以見到人玩就心思思想玩，就用盡方法試圖網上 download emulator、ROM 等等免費玩（多數失敗但係有時候成功）越係唔畀玩，我就越想玩。

之後去左外國升大學，因為銀行戶口筆錢係自己管，所以就可以買電腦遊戲。我以為自己一直鍾意打機，大學又少堂又自由，應該會玩到癲，結果玩左 3 日（每日大概 3-4 小時）就玩厭唔想玩，走去讀書或者做其他野。感覺好似依家買左個遊戲，幾時玩都得，同埋玩到遊戲盡曬就唔會想再玩。考試我都有玩，不過只限星期日可以玩全日，其他日子要溫書。

不過我除左一邊溫書一邊聽歌（我鍾意聽慢、民歌、古典、外語歌），我都會聽 White Noise，呢個可以令我專心溫書，太靜我會坐立不安。

我由細到大都鍾意睇股市，小學一年班已經跟阿爸睇 Bloomberg（以前朝早明珠台 6 點），如果學校半日返到屋企就睇 Now 333 同埋明珠台繼續睇外匯，睇到香港收市先開始做功課。