Super 教育乜都 talk!!

danniewo

goodboy,

個寶盒有聲氣未呀? 幾時面世呀? 如果香港開多間分店就好啦...佢地gc搞d 班都係晒九龍,有大有細真係難搞d....

danniewo

Smarties,

你係唔係叫我twokidsmum呀!如果係我要澄清下啦.. 我係mr . danniewo....老豆來播...

danniewo

wwc,

o華!昕閱真係好利害,一晚睇兩本picture reader,咁好耐性,我諗佢真係好定呀! benny仔就無咁定啦,男仔真係好百厭,我阿媽都話我好百厭...睇怕又係遺傳啦 ....benny仔最叻係大隻講,成日唔停咀....可能都係遺傳啦....hahahaha....你唔好成日讚佢呀! 昕閱仲叻啦....都係遺傳啦....hahaha.....我老婆成日話wwc係好勁呀!你一定係一個好有方法同耐性o既人....我地都係撞彩又撞正貴人..誤打誤撞先學人教細路, 自問真係無你咁細心,諗到咁多方法...我地真係好彩o架,唔係上bk識o左d mummy分享,  鬼知有咁多好o野,咁多方法教..今日我同老婆幫個囡改o左個名叫"天恩"你地話好唔好聽,因為我地覺得個天恩賜個仔比我地咁好湊先夠膽咁快生多個囡o架,原本我地開頭諗住五年後先生o架....wwc,我老婆話叫個昕恩欣都係特別好聽...以後想唔記得你都唔得啦....hahahaha....

ZoeTse

jackie_lau2000 :

我收到你的PM啦,但我唔係太明白你的問題喎,可唔可以講得具體點??

ZoeTse

danniewo :

囡囡幾好嗎??係咪食得又

wwc

jackie_lau2000 :
第日bb大個記得講比佢聽這個驚心動魄的過程,一來是要知道要愛惜生命,因為生bb真是揾命博.二來要叫佢鍚多d媽咪....

wwc

danniewo:
講開又講,kimi滿月la是嗎?祝佢快長大,聰明過人....
'天恩'都唔錯呀...,那我未變了'昕恩欣.....姨姨'lu.....

mrs danniewo:你唔好客氣,我都是在這裡先學到好多野,有d媽咪真是好勁,其實我只是平凡的女子,可能某次你在街上見到有人打囡o個個就是我來la....有時都覺得自己好似個傻婆一樣.但對著個囡就要把自己的EQ小宇宙提升,唔提升都唔得la...因為之前有一次打過亞囡一次因為個工人放假,佢就放肆,先推倒了個抽濕機,轉個頭唔點解個口入面有個兩蚊,所以我恨恨的打了她的手幾下教訓了她一番....結果...........哎!!佢現在自己一有小小唔對路,如食唔完支奶,掉玩具...佢就話打自己..打肵悅.死未.有時叫我們但我冇即時應佢就又話打媽咪,真是冇佢符....

仲有你唔以為我個囡是坐定定看完兩本picture reader,佢個o個兩三分鐘就好定,跟著當佢睇到本書提到什麼佢就會全屋去尋寶,揾晒d野出來,e.g otto the cat,佢會跳上自己張床話,my bed.唔係你想像的坐定定,但佢起碼都會知道跟著有找什麼同講得出個字,所以先玩一本又一本書.玩玩下又會出了唔知邊度,但一收埋本書又知道講到去邊,比佢激死.

我星期一個會打電話訂套picture book了.我都會join個讀書會,到時大家可以相認了..

moondream3003

danniewo,

"天恩" 好聽呀. 正呀!

wwc

moondream3003:
仲見到你????

jackie_lau2000

ZoeTse

真係唔好思意嘞!  我的表達能力真是有問題, 我老公時常都寸我話唔知我講乜嘢! 我都要認真檢討一下, 如果唔係第時個囡都唔知點算..

好啦! 等我慢慢講..開始時, 我每天都中文做3次,沒有問題. 後來加埋數學時, 就出問題, 一次做10張佢會完全唔望..但中文25張依然沒有問題..所以後來暫停幾日後, 重頭開始只做數點(但直到現在只可做5張, 做6張就唔望).  咁現在只做5張數點及中文25張...有乜嘢方法令佢可以做多些數點.. 佢平日可以坐得好安靜自己現玩具都可以..所以想請問一下睇下佢乜嘢方法可以令佢睇多些數點呢?  因為我知道你係閃咭高人, 所以向你請教..

    

moondream3003

wwc 寫道:
moondream3003:
仲見到你????

係呀! 係呀! 睇來都係要催生lu, 最緊要係0吾好開刀, 想呀B做全人奶B呀.

danniewo

ZoeTse,

乜piano ? 請再send比我,可能miss o左....sorry ! sorry !
亞囡食得有訓得,三個鐘到食一次奶算ok啦,琴晚開始六個鐘先起身食夜奶,我老婆終於可以訓翻覺長d....

danniewo

wwc,

湊大一個小朋友真係唔簡單,我直頭覺得我係萬能俠,我簡直覺得神符其技,我聽到你咁講都唔咁抵估kimi,因為佢家陣已經周身郁,仲想學人轉身,真係有d誇....你都加入讀書會...咁睇怕真係有機會見啦...不過都係見到我老婆多啦...dd大女人宣言聚會,我地d小男人點敢出席....講下笑.講下笑...hehehehe.... 亞媽話千祈唔好得罪女人....會不得了,各位靚媽......hehehehe....有時間一定要出席啦...鄭太話佢會親自操刀,唔去我怕蝕底呀!hehehe.....天恩其實真係幾有意思o架!我覺得越叫越好聽.....\

moondream3003,

多謝讚賞,你個b改o左名未ah~~~

ZoeTse

danniewo :

check Pm

ClementBB

Hi goodboy,

你知唔知道幾時開倉呢?我有好多野想買呀!
thank you very much!

goodboy 寫道:
各位,
情報 : gc 又就o黎開倉, 請各位儲定彈藥去掃貨

moondream3003

danniewo,

改左lu, 2003年年尾改架, 中文名我Honey改, 英文名我改.

囝囝:陳

goodboy

jackie_lau2000,
阿 b 換o左新相喎, 睇住佢長大就乜都抵番, 第時等佢大d話返俾佢聽媽媽生佢係幾咁辛苦, 等佢好好珍惜自己&你  

goodboy

danniewo,

個數學寶盒鄭太話大概3月尾到貨, 皆因佢想個供應商 lor 埋個安全證書 (咁上下..), 大約來貨100套左右, 咁好玩我諗 benny 仔會好鍾意

d 班如果o係佐敦 or 尖沙咀, 我都方便, 但如果係旺角就差少少, 因為坐車要兜路,不過咁多會員都就唔到咁多個, 今期d班應該唔參加 lu, 但就對將會開辦o個d ... 例如右腦學習, 邏輯思維更加有興趣

goodboy

ClementBB,
未知確實開倉日期, 之不過上個星期上去gc時鄭太提過

goodboy

wwc,

請問你會買中文版 or 英文版繪本語言呀 ??

其實我對住 goodboy 都好煩惱, 返o左學之後學識打人, 可能見過小朋友咁樣保護自己 d 玩具, 後來教佢唔好打人, 結果佢又走去打自己, 又打人又打自己, 好煩呀 !!! 點算 ????