有無K1C (KENT RD) 家長

siufo

放完假後大家都咁靜既？haha, 可能天氣凍, 我都懶懶唔想郁呀, 年頭又要交費, 工人又要續約, 好多野都未做添

亞仔呢幾日都痴實張被, 下星期返學都唔知佢點算

boygirl

原文章由 siufo 於 08-1-3 19:07 發表
放完假後大家都咁靜既？haha, 可能天氣凍, 我都懶懶唔想郁呀, 年頭又要交費, 工人又要續約, 好多野都未做添

亞仔呢幾日都痴實張被, 下星期返學都唔知佢點算 ...

講開工人，我要預備換工人，我真的幾羡慕你們，工人可以續約！你們知不知道邊間僱傭公司好呀？

chingchingb.ma

係呀,我都好懶,因為呢輪我地玩到好喪,上星期六、日去長隆,前日大棠,今日全日Ocean Park,已經"支力"到散左,冇能力支持到上BK,遲d再詳細報告。話時話,大棠果日真係好正(雖然有d),亞囡玩得好鬼開心,當晚同"女麻""女麻"佢地食飯時係咁show個DC比人睇d相及video,重對每一個人講"我下次帶你地去騎馬,我下次帶你地去餵馬仔"。

siufo,真係好多謝你o既推介及安排,下次outing都要問下你呢個consultant意見至得。

亞囡呢幾日都係痴實張被,又晚睡遲起,下星期返學真係大煲啦!

原文章由 siufo 於 08-1-3 19:07 發表
放完假後大家都咁靜既？haha, 可能天氣凍, 我都懶懶唔想郁呀, 年頭又要交費, 工人又要續約, 好多野都未做添

亞仔呢幾日都痴實張被, 下星期返學都唔知佢點算 ...

graceshumwy

無錯呀! 妮個假期真係玩到顛晒, 唔單只係小朋友, 大人都一樣顛晒, 去咗好多地方玩同慶祝.
講開chingchingb.ma都去完ocean pk, 我廿八號都去完嚟, 嗰日都幾熱, 今次我算醒目, 帶咗兩部bb車, 等兩個仔唔使fight, 我地又唔使要抱住兩個, 算係去咁多次旅行, 最唔辛苦的一次, 嗰日算係樣樣都玩過晒, 無浪費. 兩個仔都玩得好開心, parco真頭連晏攪都無瞓, 佢驚瞓咗睇唔到show, 足足由十一點玩到八點半先走...簡直低玩.

下星期就要返學啦...大家要快d收拾心情, 等待返學來臨!

不過parco都仲掛住玩, 日日都同佢講就快返學喇, 要早d瞓早d起, 但佢都當我無到, 仍然一起身就問: 媽咪今日去邊度玩呀? 呵呵!真係比佢激親.

graceshumwy

各位:

新一年開始...最緊要大家都身體健康! 小朋友開開心心! 聰明伶俐! 聽教聽話! 快高長大!  大朋友都一樣開開心心! 工作順利! 心想事成! 無憂無慮!

恭喜恭喜!

siufo

boygirl,
你工人仲咩呀？我第一次係搵海盈架, 感覺係中介公司囉, 好貼身既服務就冇咩, 主要靠自己眼光去揀, 但手續上既野就好OK, 星期六日有course可以免費叫工人去上, 姐姐黎到係有brief過及train過, 唔會話咩都唔識, 本來兩年約滿我打算想換, 但再上去時睇唔0岩心水, 後來有朋友介紹左個agent, 本想打電話約見, 係電話度佢已經問我仲咩換工人, 咁我講左其實姐姐都ok, 只係粗心d及做野有頭冇尾, 佢就好詳細咁分析左我聽要點做, 工人先做得好, 仲叫我唔好換人, 因為d工人質素越來越差, haha, 佢有生意都唔做, 我覺得佢幾service in heart, 如果經佢請人, 到港後都會follow及有training, 雖然今次我會續約, 但下次有機會我都會搵佢既, 我pm佢電話俾你喇, 有興趣可以試下！

原文章由 boygirl 於 08-1-3 23:49 發表


講開工人，我要預備換工人，我真的幾羡慕你們，工人可以續約！你們知不知道邊間僱傭公司好呀？

boygirl

原文章由 siufo 於 08-1-4 19:14 發表
boygirl,
你工人仲咩呀？我第一次係搵海盈架, 感覺係中介公司囉, 好貼身既服務就冇咩, 主要靠自己眼光去揀, 但手續上既野就好OK, 星期六日有course可以免費叫工人去上, 姐姐黎到係有brief過及train過, 唔會話咩都唔識, ...

siufo，
其實我都不大想換，因為都唔知下個會係點，但又不知是否仲可以接受佢？其實她對小朋友都好好，好錫佢地，但竟衰做事粗心大意，當我不在時，又時時煲電話粥或者偷懶不做D清潔，早排暑假攪到我個廚房引哂d 螞蟻來，又成日無記性，反轉頭要我提佢做乜做乜，著多件衫....好似要我仲要看多個人咁(屋企有兩個小魔鬼已夠我辛苦！) 做錯事又總會搵籍口，自己買的食物又總會擺埋係自己D衣柜到，我丟的東西又偷偷地收埋，這些一切一切的原因都使我有意慾換了她，所以我都不知是否應該要換！

v.lo

新一年開始,都祝大家身體健康!開開心心!

放左個多星期假,雖然無同阿女出外旅行,但係香港都每日周圍去,淨係去playground佢都好開心,因為平日放工返屋企好夜,呢十幾日就日日同佢去玩,所以佢好開心,不過我今日放完假第一日返工就OT到9:30pm嘞

講開ocean park, 我同阿女2 jan都去左玩,原先約埋個朋友同佢個女,點知朋友病左,淨得我同阿女兩個去,已經專登揀weekday去,點知都好多旅行團,多人到海洋劇場都full左睇唔到 ,兩隻panda又掛住瞓覺......好彩睇到海獅威威show,同埋阿女係兒童王國玩到唔想走!我同阿女講下次同佢睇番dolphin show,同叫埋佢d朋友仔一齊玩!我地買左annual pass同埋外婆係南區住,我地返外婆度,去op好方便,所以各位如想一齊到op玩,我地無任歡迎!!!

graceshumwy

boygirl

其實最緊要係工人對小朋友好, 有愛心, 錫佢地, 家務做得到應付到唔dirty, 煮飯方便又ok就叫做唔錯喇, 講真請賓賓好難請到真係好好架, 我嗰個都叫做ok就算喇, 唔可以太執著. 唔係下個都未必好, 到時又會埋怨, 早知用啦!
好似我親戚咁, 請咗個會偷嘢又係死, 之後換咗另一個而家又大肚, 你話係咪煩呀...

原文章由 boygirl 於 08-1-5 00:55 發表


siufo，
其實我都不大想換，因為都唔知下個會係點，但又不知是否仲可以接受佢？其實她對小朋友都好好，好錫佢地，但竟衰做事粗心大意，當我不在時，又時時煲電話粥或者偷懶不做D清潔，早排暑假攪到我個廚房引哂d 螞蟻來，又成日無記性， ...

graceshumwy

smilefinn

今日parco話自己整親隻手呀? (我都見唔到有傷痕)...跟住我問佢點解? 阿仔話同tiffany打交呀...我聽落都覺攪笑, 我話你隻手都無事, 邊有同人打交呀, 你仲要係boy, 竟然同個girl打交, 唔得架...跟住佢就笑笑口話, 我講笑咋...
真係唔知佢真定假...比佢激死呀

boygirl

原文章由 graceshumwy 於 08-1-7 20:23 發表
boygirl

其實最緊要係工人對小朋友好, 有愛心, 錫佢地, 家務做得到應付到唔dirty, 煮飯方便又ok就叫做唔錯喇, 講真請賓賓好難請到真係好好架, 我嗰個都叫做ok就算喇, 唔可以太執著. 唔係下個都未必好, 到時又會埋怨 ...

Graceshumwy，
咁係咪你都覺得我不應冒險，還是替她續約呀！其實看了你們的意見，也真的恐怕到時再請另一個傭，又不知是怎樣了！但其實我都無問個她肯唔肯留低，好似我上一個也是不肯留低呀！

siufo

boygirl,
我相信粗心大意、講電話呢d每個工人都係必然囉, 亞仔講親電話都係用膞頭夾住個聽筒, 一睇就知佢係學邊個喇, 我地個姐姐平時係d好靜唔出聲既人黎, 但都講電話, 所以再請過第二個都一樣咋, 粗心呢樣又係通病, 亞仔屋企用既學習筷子前後唔見左我三對, 匙都唔見左我四隻, 仲有其他野, 尋日又唔記得帶湊放學咭及身份證, 攪到學校打俾我, 你講得0岩架, 好似湊多個囡咁, 成日要提佢呢樣果樣, 所以最近開始, 唔見野要扣佢人工, 一段時間都冇再唔見野就比返佢, 屋企野想佢做得好, 就要常常check, 除左抹地燙衫每日工作外, 抹窗洗被單之類係要到時到候就指定佢去做, 始終自動波會主動做野又有愛心既工人真係難求, 當然如果你工人唔聽話又黑面既話, 就無謂忍佢喇！

原文章由 boygirl 於 08-1-7 22:54 發表


Graceshumwy，
咁係咪你都覺得我不應冒險，還是替她續約呀！其實看了你們的意見，也真的恐怕到時再請另一個傭，又不知是怎樣了！但其實我都無問個她肯唔肯留低，好似我上一個也是不肯留低呀！ ...

graceshumwy

boygirl

我都覺得若唔係太大問題可以繼續用佢囉, 因再請可能一個不於一個, 又要由頭講過d嘢比佢知, 又未必合你心意, 佢做咗兩年大至上都一清二楚, 何況係要照顧兩個小朋友呢, 好似我個咁, 初初做都覺得佢麻麻地, 慢慢開始又覺...算啦! 請另一個又未必好啫. 都係不過不失就算咯, 唔敢要求咁高. 以前第一次請我要求好高, (可能係第一個仔) 樣樣都好緊張, 少少事就話佢, 攪到佢兩年後都唔再做囉, 今次妮個我都好少話佢, 佢做到基本要求就算, 佢都曾經試煲lon嘢, 又試過唔記得關水掣等等...到現在為止, 我都打算若年尾同佢續約, 若佢肯留低的話. 我都怕再請會唔好. 因佢都係要照顧我兩個仔, 此終照顧兩個小朋友都係辛苦d, 我仲有一隻狗, 又要打理屋企, 都好多嘢做, 所以都好難請個好好工人.

原文章由 boygirl 於 08-1-7 22:54 發表


Graceshumwy，
咁係咪你都覺得我不應冒險，還是替她續約呀！其實看了你們的意見，也真的恐怕到時再請另一個傭，又不知是怎樣了！但其實我都無問個她肯唔肯留低，好似我上一個也是不肯留低呀！ ...

graceshumwy

妮兩日返學唔知係咪成日教 this is a...
我見parco妮兩日成日講, 喺屋企見度如: table, fish, chair, aeroplane...佢話會話This is a table. This is a fish...
可能學校而家教緊都未定?

boygirl

siufo, graceshumwy,

聽完你們的意見，原本都諗住算啦，與她續約！但點知今晚問她會唔會留低，她話唔會 ！她話會回國先，再番HK代替她家姐現在的僱主，因為她家姐要結婚！ 講真真的有些失望，但又有些扯火，去幫她家姐個僱主？那是一個九十多歲的老婆婆，我想工作一定比現在照顧兩個小哇鬼，服侍Madam同sir舒服得多！但阿QD咁諗，咁佢也不是與小朋友有太深厚的感情，否則她也不會轉僱主啦！:( :( ，睇來現在要積極搵工人了，你們認為菲傭好還是印傭好呀？

graceshumwy

boygirl

吓! 算啦...唔使扯火啦, 佢唔用係佢損失啫. 你估照顧老人家好易咩, 係就係無咁辛苦, 但我聽我以前個工人講, 佢話從來都唔搵照顧老人家, 怕要同佢沖涼, 餵佢食飯, 夜晚瞓唔到搵佢傾偈.
你而家用緊賓定印呀? 我就用賓賓, 我覺得賓賓識講英文, 叻d, 醒目d, 人無咁貪心, 話晒個個都係大學生出生, 但就會精d, 可能樣樣都會計得好清楚, 法律嘢乜都識, 無嘢係唔識.
而印我就無用過, 不過好多朋友都試過, 就覺得唔係太好, 因未必識英文, 比較窮, 偷嘢機會大, 同佢地衛生程度都唔太好.
但我又覺得無論請賓或印都好啦, 請個未黎過hk, 而又喺其他地方做過有經驗的工人, 同埋最好係有老公有小朋友要養家, 比較好d, 一佢會有經驗先, 二就人生路不熟, 可以由頭灌輸一套你方法比佢做. 三就要養家會比d心機做, 唔係年青嗰d出去比人攪大個肚都唔知, 四就自己有小朋友都唔會點對人地小朋友差, 佢都係母親嘛. 五應該會聽話d.  

原文章由 boygirl 於 08-1-9 00:20 發表
siufo, graceshumwy,

聽完你們的意見，原本都諗住算啦，與她續約！但點知今晚問她會唔會留低，她話唔會 ！她話會回國先，再番HK代替她家姐現在的僱主，因為她家姐要結婚！ 講真真的有些失望，但又有些扯火，去幫她家姐個僱 ...

chingchingb.ma

boygirl

希望你快d搵到個好姐姐。

chingchingb.ma

我諗亞囡放假玩得顛得滯,星期日同佢講話要返學,點知佢話唔要返學,到星期一叫佢起身重諸多借囗,又話眼訓又話凍要訓多陣(早一晚已經8:30pm訓到c豬咁)。到起左身之後又話唔著sportswear,佢到宜家都重係鍾意著裙多過sportswear,攪掂出門口去到school bus,點知又唔見左Miss Mak跟車,真係一波三折,最後扭計上school bus收場,不過總算快收聲,昨天已回復正常。


呢幾日都唔見Miss Mak跟車,以為佢......,但亞囡又話返到K1C見到佢,細問之下原來Miss Mak有左bb,短期內唔會再跟車,真係恭喜晒!!

graceshumwy

可能妮個階段小朋友多多少少都有d情緒, 我阿仔第一日就好開心, 一叫就起身, 仲話自己好耐無返學, 好掛住同學仔同miss ma, 第二日就己經話好眼瞓唔想返學lu, 扭計喊唔願起身.

原文章由 chingchingb.ma 於 08-1-9 08:54 發表
我諗亞囡放假玩得顛得滯,星期日同佢講話要返學,點知佢話唔要返學,到星期一叫佢起身重諸多借囗,又話眼訓又話凍要訓多陣(早一晚已經8:30pm訓到c豬咁)。到起左身之後又話唔著sportswear,佢到 ...

Kangaroo

Jeffrey is exactly the same, he refused to go to school, said  he wanted to sleep somemore. Yesterday morning, he cried and we almost misssed the school bus. I was very angry yesterday . Today, he woke up early, but when he got onto the school bus, he suddenly cried seriously. I think he has played too much during the holidays.

原文章由 chingchingb.ma 於 08-1-9 08:54 發表
我諗亞囡放假玩得顛得滯,星期日同佢講話要返學,點知佢話唔要返學,到星期一叫佢起身重諸多借囗,又話眼訓又話凍要訓多陣(早一晚已經8:30pm訓到c豬咁)。到起左身之後又話唔著sportswear,佢到 ...