將軍澳95區小學交流站

yeeli

原文章由 MIHO.WAH 於 07-12-20 13:29 發表


YEELI & hayamama

我仔仔昨天都好得7788, hayama 妳都小心d 近日天氣真的不太好多飲溫水.

我仔仔從升小一至今都一直給我一個難題 , 就是要改一個簡單易寫的英文名 , 妳們可以提供一些給我嗎 ? 4-5 ...

MIHO,

點解話你仔仔有讀寫問題?學校老師有意見比你呀?
改英文名你可以入去睇下http://www.cycnet.com/englishcorner/background/malename.htm

alkyng

ALL:

各位媽咪.....好呀..... , 我今晚有少許時間可以上來傾下, 呢輪真係好忙呀 .....先是阿女考試, 之後又要忘搵裝修師傅, 接著學校考試後又有一連串活動要攪, 因為我係家教會會員, 所以有時間就返去幫手, 而且可以同d高年級媽咪交流下 , 重最要係我奶奶已經搬左入來我屋企住, 所以我身心上要慢慢適應, 攪到都無乜心機上網:cry: .

阿女尋日已經放假喇, 不過呢個假期都唔敢太放肆....玩, 因為老師已安排好放假後有中文背默及英文默書 , 英文又要作一個故事, 要自己畫圖寫字 , 最後來多份常識專題研習 , 仲要佔下次測驗5分架...., 加上一月尾又要測驗, 所以有時間都想同阿女溫下書.

miho:

你仔仔好轉中就好喇, 前排我個女個班勁多人發燒呀, 有一位最熟男同學仔(k1已識), 仲燒到要入院唔返得學, 我個女不知幾掛住佢呀, 好彩佢依家都好番晒, 所以小朋友一病真係令人好擔心, 唯有教你個仔響學校小心d, 有同班同學唔適服, 自己最好避開少少:)

lily2003:

你好犀利wor, 你打算買晒所有書來比阿女讀定先呀.... . hehe...響呢間學校讀書睇來d家長真係會好緊張小朋友d成績, 好似你朋友個case咁, 平均分考到80幾都係得20幾名, 比我都會擔心 . 其實今次我個女都考得唔錯 , 平均分係91點幾第九名, 但以我同kiukiubb所知, 如果只計我地個班, 分分鐘考第一個位同學仔平均分會係98-100分tim, 所以我地都唔敢掉以輕心, 盡量令小朋友keep住一個中上水平, 如果唔係就........

ALL:

我突然想到一樣野呀....我地大家成日響bk呢到傾計, 咁大家有無想過約埋出來見下面呀, 如果想的話, 不如響過年0既假期帶埋小朋友出來玩下丫....

hayamama

alkyng,
我都贊成可以出嚟一齊吹吹水 ,雖然我同呀tabotabo嘅小朋友係同校唔同班的,但我地已經相認咗啦 !一陣我帯女學芭蕾舞,然後自己過藍田交外傭稅,你有無興趣出嚟食午飯或tea呀?可以call我，電話號碼一陣pm比你...

原文章由 alkyng 於 07-12-22 00:48 發表
ALL:

各位媽咪.....好呀..... , 我今晚有少許時間可以上來傾下, 呢輪真係好忙呀 .....先是阿女考試, 之後又要忘搵裝修師傅, 接著學校考試後又有一連串活動要攪, 因為我係家教會會員, 所以有時間就返去幫手, ...

alkyng

hayamama :

真係唔好意思呀 , 我今日等到依家先得閒上bk咋, 因為我老公個邊d屋企人殺上來我屋企做節呀... , 我要安排大細20人0既晚飯再加拜神呀........, 佢地仲玩到成11點先走.... , 真係做死我....

不過我已經記左你個電話喇, 我一有時間就會call你, 因為我來緊都會好忙....要收樓攪裝修.

hayamama

alkyng,
咿...咩你唔係住三期咩?搬去邊呀?
嘩!你都好勁啫 !20人嘅晚飯真係唔易做喎,分享吓食咩得唔得呀?我尋晚就外家食;今晚就去99到食...
我呀女一月中先考試，可以趁聖誕假期溫吓書，不過我諗節日氣分大過考試氣分；都唔知讀唔讀得入腦...

原文章由 alkyng 於 07-12-22 23:46 發表
hayamama :

真係唔好意思呀 , 我今日等到依家先得閒上bk咋, 因為我老公個邊d屋企人殺上來我屋企做節呀... , 我要安排大細20人0既晚飯再加拜神呀........, 佢地仲玩到成11點先走.... , 真係 ...

tabotabo

alkyng,
好提議
我又報名呀   

原文章由 alkyng 於 07-12-22 00:48 發表
ALL:

各位媽咪.....好呀..... , 我今晚有少許時間可以上來傾下, 呢輪真係好忙呀 .....先是阿女考試, 之後又要忘搵裝修師傅, 接著學校考試後又有一連串活動要攪, 因為我係家教會會員, 所以有時間就返去幫手, ...

alkyng

tabotabo :

好呀...等我一有時間就擇番個好日子 , 到時大家帶埋小朋友出來見下面丫.

haya:

其實尋晚餐晚飯都好簡單..., 因為要拜神, 所以一早去買現成0既雞及燒鵝, 另外係2條烏頭魚, 兩舊豬腩肉(自己蒸代替燒肉), 到左夜晚就煮埋"東姑炆海參", "蜜糖腸仔", "蠔士生菜", "芥蘭", "煎十隻九菜果", 細姑奶0既天富羅"炸蝦" 最後就係一大煲"東瓜"湯...

不過最辛苦都唔係煮野食, 而係成屋有成九個小朋友, 我間屋比佢地玩到反轉咁滯.... .

hehe...其實我好多時, 好想食0既野, 都會上網搵食譜架...跟住來煮雖然無自己0既創意, 但煮出來0既味就好穩陣, 同出面舖頭食到0既差不多

HALAHA

ALKYNY,

你真係好勁呀, 識整咁多嘢.

我果晚好夜才見到你call我, 所以都不敢call返你. 點呀? 呢排好忙呀, 成日不見你.

DEAR ALL,

MERRY CHRISTMAS!!

alkyng

all :

Merry Christmas!!!

halaha:

原來個日下午要去律師樓簽野, 所以幫唔到你, 我想打比你話你知. 其實呢排都係忙新屋d野, 又要安排裝修師傅及傢俱師傅去度位, 聽日我又要安排接駁番d水,電,煤,同埋將d信轉地址 , 阿女有兩份功課都仲未做(專題研習及英文作故事), 加上又要溫中英文默書, 所以呢個假期真係忙....死.....人....

Q太郎媽咪

Hi Lily2003
我囝囝係將天讀小二，你係咪想搵將天小一既教科書呀???除左science，我有成套上下學期教科書呀，有興趣可以拎去參考。

原文章由 Lily2003 於 07-12-17 15:26 發表
KIUKIU:alkyng


以下將天小一用書本, 請問我有無漏, 我打算搵比個囡睇。


My pals are here 教育出版社
English for Hong Kong 教育出版社
中國語文新編啓思  ---啟思出版社
今日互動數學 教育出版社
朗文常識
...

MIHO.WAH

DEAR ALL


聖 誕 快 樂  !

Lily2003

hi, Q太郎媽咪

我囡囡係明年會讀小一將天, 想借你小一既教科書參考。
無限感謝。謝謝你了。
Please check your PM.

原文章由 Q太郎媽咪 於 07-12-23 23:19 發表
Hi Lily2003
我囝囝係將天讀小二，你係咪想搵將天小一既教科書呀???除左science，我有成套上下學期教科書呀，有興趣可以拎去參考。

Lily2003

alkyng

我們雖然素未某面, 但你呢幾日比我感覺好勁, 科科皆能, 好細利。

真想見見一位咁能幹的媽咪。




Dear All,

'Happy' Christmas and 'Merry' New Year


Q太郎媽咪, alkyng
雖然我好有心裁培個囡, 可惜, 佢天性資質底, 今次選將天, 其實係比最後機會個囡同自己, 如果佢成績追唔到, 會選擇轉較淺的學校吧。我想個囡先參考將天書本, 係想佢有dd 自信心。唔洗衰到貼地。

aceland888

致：alkyng'''''

可否寄磨牙中醫既資料給我呀？我搵左你幾次都無覆…pls check the pm

打擾其他版友…抱歉！

謝謝！

Lily2003

alkyng, kiukiubb, Q太郎媽咪,

幾位將天前輩, 想請教將天是否兩測兩考 ????

將天是否不許小朋友用拖拉有轆書包 ??

將天明年是否 cut 學位, 由每班35 cut 至 33個位 ????

我好想做義工家長, 但又怕女人堆多事非, 可否比些意見。

謝謝幾位將天前輩指教我呢個新手小一家長。。


Q太郎媽咪, 真係多謝你送我囡囡小一書。我會好好利用。放完假我會再與你聯絡。你的寶貴意見, 另我畢生受用。

alkyng

Lily2003 :

你唔好咁樣贊我啦 , 我真係受唔起呀 , 只因我係全職媽媽, 先至有時間去安排D野.

幾位將天前輩, 想請教將天是否兩測兩考 ????
我地今年係2測3考呀, 上學期佔左兩測一考, 下學期就兩考.

將天是否不許小朋友用拖拉有轆書包 ??
唔係, 只係話最好唔用有轆, 因為比一般書包重D, 但我都見好多小一生用.

將天明年是否 cut 學位, 由每班35 cut 至 33個位 ????
我本人暫時就未聽過.

我好想做義工家長, 但又怕女人堆多事非?
hehe....我都參加左家長義工, 但就唔覺有乜是非, 我接觸個批都係全職媽媽0既家長義工, 所以傾起上來都岩傾d, 而且又可以響佢地身上知道唔少學校事

alkyng

Lily2003

你唔好咁話你個女啦, 其實每個小朋友能力都唔一樣, 而我個女其實都唔好得去邊, 日日都要我話佢, 有時都幾擔心佢0既將來, 所以我依家盡我自己0既能力教佢, 但最終得唔得真係睇佢自己, 另一方面開解自己睇開d, 萬一唔得都仲可以搵注好人家嫁出去 .

另外可以提提你, 最好趁你小朋友讀緊k3有時間, 可以比佢學左phonics先, 上到將天都唔怕一大堆英文默書, 仲有就係背下乘數表, 因為小一下學期要背

你個小朋友讀邊間幼稚園架?

Lily2003

Alkyng,

謝謝你解答我的問題, thank you.

邊有咁好彩咁易搵注好人家嫁出去 , 個囡又唔係天姿國色。 又矮又醜又蠢就要靠自己, 唔可以靠男人 。


我囡囡去年已學 phonics, 但佢無記性, 成日都要提佢, 口水都用干了, 我會繼續努力提佢。

嘩, 小一下學期要背表 , 其他小朋友小二上學期才教的, 我買咗乘數表cd 同 dvd 可能好快就用得著了。

我囡囡讀保良局幼稚園。

原文章由 alkyng 於 07-12-25 01:43 發表
Lily2003

你唔好咁話你個女啦, 其實每個小朋友能力都唔一樣, 而我個女其實都唔好得去邊, 日日都要我話佢, 有時都幾擔心佢0既將來, 所以我依家盡我自己0既能力教佢, 但最終得唔得真係睇佢自己, 另一方面開解自己睇開 ...

kiukiubb

Lily2003

       學校內的好多重點alky都講晒比你聽 , 我只係想補充句就係趁住呢段時間叫小朋友睇多d課外書會有幫助的 , 同埋將天會有好多的閱讀報告 , 好似今個假期都有3份 (中,英和常識的專題研習), 所以你都要有心理準備日後都要同小朋友一齊做呀 !

Lily2003

謝謝三位將天家長 alkyng, kiukiubb, Q太郎媽咪, 指教, 我實在得益良多。

alkyng, kiukiubb, 請問你位小朋友是否讀'一敏'班嗎 ?????  聽聞教一敏班的張老師非常好, 勁好。你們孩子由她教嗎 ?????

請問小朋友自己唔識解題, 測驗時是否死硬 全部零光蛋

請你們 三位  alkyng, kiukiubb, Q太郎媽咪, 指教,