比華利幼兒園.

hktt

hi littleeva,

多謝關心，如無意外明天返學。

hktt

hi littleeva & iron,

囡囡琴日終於返學啦，不過返黎有些少鼻敏敏!今日唔知有無事呢?

星期五的聚會不如改出去食呀?唔知大家意見如何?

因怕放工買餸太急趕，而叫工人買又怕她買d唔靚的餸 (如海鮮等食物)，大家有無更好的提意呢?

如真的想到我寒舍，我提意不如改星期六 or 日。

唔好意思煩倒大家!

littleeva

HI HKTT & IRON

去邊都冇所謂. 只要見到大家.

IRON

hi hktt,

紫晴無事真係好啦.

係呢我都想話不如星期六, 一來妳唔駛咁趕, 二來可以早少少等小朋友們玩下, 就妳屋企啦(夠晒大嘛), tony講得岩, 趁天氣仲凍凍地好打邊爐啦, 呵呵.

好彩老公個假唔批, 如果唔係我地去左澳門又落雨真係掃興.

hi littleeva))))))))))))))))))))))))唔見左???

好神奇呀~~~~~一打妳就浦出黎

hktt

hi iron & littleva,

你兩個約埋一齊出來呀?成日唔見你地係度遊?

hktt

IRON,

你想邊個星期六呀?有乜提意，請講!

IRON

hi hktt,

就黎緊呢個星期六好唔好??

littleeva請表態!

主人家hktt請決定!!(仲有呃下妳老公一齊聚會啦)

hktt

hi iron & littleeva,

呢個星期六剛約了同事唱 K，後來我家 bbq ，唔好意思!!!!

4/4 OR 5/4 公眾假期都可以，IRON，你老公有無得放假呢?

IRON

hi hktt,

sorry la......兩日都唔得, 只有4月3日(星期六)得, 因4號老公返工, 5號我家姐&姐夫美國返黎住我度, 10號先走, 之後先得閒.

littleeva

HKTT & IRON

confuse 啦....

咁即是點呀.明晚見嗎.
不如唔好改來改去.
明晚照舊.
好嗎.

littleeva

hktt & iron

好唔開心呀.... 昨晚老公夜訓. (3點幾) 佢今早不想起身.  
但係仔仔係都要他. (因仔仔見到爸爸時一定要爸爸送他返學.) 我出門口返工時.(8時半) 仔仔已換口校服. 食了奶.
咁我就照常去返工, 老公都起左身.  

點知到 9時 05 分時. 老公來電話今天不返學了. 仔仔唔想返學. 我心裡知道是老公唔想送他. (想再訓) 而仔仔又唔肯跟工人返學. 我知他好TIRED. 我只是話您自己決定啦. 不過您怕唔怕仔仔知道可以話唔返學就唔返學. 咁會唔會下次唔想返學又話唔返學.

好無奈..... 剛打電話回家. 老公訓著左.仔仔玩緊.....

雖然是小事. 不過是原則的問題.  但我唔想同老公吵.
他已然時常覺得我太正義死板, 真係唔想再同他吵.

惟有在這裡申一申.

TKS 大家.

hktt

hi littleeva & iron,

我諗你老公真係太倦了，所以無車囝囝返學，唔緊要啦唔返一日半日，咪當休息吓。

我諗佢地重細未識用籍口來話唔返學的，我囡囡就係啦!因她較頓!

其實有無其他方法令囝囝肯跟姐姐返學呢?同姐姐傾吓!

IRON

hi littleeva,

嘻嘻, 妳真係幾講原則架喎, 有時男人既野嬲都無謂, 講得多可能仲覺妳煩, 況且講左都唔會聽, 係咪! 不如同仔仔做多d"思想工作"仲有效啦, 妳申完就算啦, 唔好傷夫妻感情. ^_* 今朝我同老公去百佳入貨, 走時老公楂車又係唔跟箭咀去出口, 我就講笑咁話點解你次次都唔跟指示架, 重話做紀律部隊......我都知講左都無用, 不過講既語氣要好似講笑咁囉.

hktt驚好趕呀, 係咪呀???

IRON

hi littleeva & hktt,

今日去左個bk母乳媽咪聚會, 識左幾個媽咪同bb, 好開心呀, 見返d幾個月既bb, 同老公又諗起仔仔開頭果幾個月既情況, 真係又辛苦又難忘, 唔經唔覺仔仔就黎3歲啦; 個個都話我勁呀(餵人奶餵咁耐) 呵呵呵, 有個媽咪(好後生)仲生左3個, 嘩!

呢幾日俾盒裝"保利"奶仔仔飲, 希望可以去旅行時代替鮮奶, 佢有d懷疑但都肯飲(我只係午睡後果次俾佢飲), 而且又無乜問題, 訓練2個月應該ok卦! 老公成日擔心仔仔去旅行食唔慣, 所以而家隔2-3日中午果餐就同佢出去酒樓食, 等佢習慣下.

係喎, 我地呢個topic已超過1000啦!!! ohhhhhh ^_*

hktt

hi iron,

驚好趕呀, 係咪呀???

唔明?

hktt

hi iron,

你就好啦，成日咁多節目，又可以同老公 & 囝囝一起去玩，真係羨慕!!!!!!!!!!!!!!!!!!!!!!!!!!!!!!!!!!!!!!!!!!

呢個topic已超過1000，咁要唔要慶祝呢?

littleeva

iron

您好叻. 我好佩服您的胸襟. 真奇怪我都唔知點解對其他人我的容忍度好大. 但對著老公就顯得特別差. 我好唔明為何有雙重標準???

夫婦相處之道真的不易.  不知道自己性格是否有問題.
當單對單時硬是外剛內柔. 每次吵架完了.心裡一定會後悔

可能物以類聚. 我和老公實在太似了. 自尊心又強又要面又敏感又小氣. ......這些性格當我們二人獨處時就一一出現了.

老公就期望我聰慧些. 技巧些 , <丘>默些. 山去表達不滿.
但我實在做不到. 可能我比較蠢沒有什麼說話的技巧....
而我又期望他溫柔些體貼些總之大家一聽到對方的<敏陣>就會不奇然的武裝起來. 跟住就......
....呵呵...相處真的不易.

IRON

hi hktt,

前幾日littleeva話唔好改黎改去就果晚哇, 我諗妳會話放工仲要去買送會好趕囉, 係咪??!!

過1000係好難得架, 真係要慶祝我地友誼長存, 呵呵呵!

hi littleeva,

依稀記得林子祥有首"舊居中的鋼琴"其中一句係"年少那會懂得共渡一生的朝與暮"(唔知有無記錯), 我唔係有廣闊既胸襟, 而係經驗既累積. 仲記得年輕時有個互相都鍾意既, 可惜就係年少氣盛, 一埋身就起晒"鋼", 雙方講野都要針針見血, 鬧完各自走頭又後悔傷心, 久而久之大家個心都"花"晒, 最後都係分開, 諗返轉頭好多時都係大不了既事, 唔知點解就係互不相讓, 互插至死! 而家我既處理方式係去沖個香熏浴消消氣; 另外早排我同幾個閏中密友聚會, 佢地都同意話出外工作既女人係會唔經唔覺講野大聲左, 可能係認為有份出去搵錢共同負擔屋企既關係, 唔知妳自己又有無留意下呢?? 而屋企湊仔既女人雖然表面上溫婉d, 其實都有自卑心作祟, 覺得問老公羅錢好無面, 嘈起黎都好大鑊. anyway, 以我自己黎講, 因為老公既職業危險所以我好珍惜同佢相處既時刻, 而我本身有積蓄亦令自己無以上講既自卑感, 所以暫時都無乜問題; 父母, 夫妻, 子女相處之道都係好大既學問, 希望我地一齊努力, 共同分享/分憂. ^_*

littleeva

IRON

多謝您.
我會再努力. 珍惜眼前人.

IRON

hi littleeva & hktt,

請問4月3日(星期六)是否聚會?? 如不是我地將安排節目啦. ^_*