直資 - 李宗德

CKC

joejoelam,

唔該晒你呀, 我有時間會去睇下, 係呢, 你囡囡係咪開始要準備考試溫習呀? 是否課程深了很多呢? 我都開始有d 緊張, 因小兒都仲未肯溫習, 我又想佢自動波, 唔想成日鵝佢, 點知d 壓力變左係我度, 請問你考試的試題深唔深及有否考課外野架? 唔好意思, 咁多問題  

WW

CKC,

我囡咪又係未開始書, 只在聖誕同佢溫過英文工作紙咋, 想佢自己去溫真係妙想天開喇.  我依家打算星期六日同囡溫下, 下星期就日日夜晚同佢溫少少咁囉.  好在我叔仔借左以前佢囝囝 d 考試卷我睇過, 大約知會係點形式, 希望我囡可以應付到啦.  

羽絨背心我就係旺角太子買到綠色, 不過長袖就可能出年都會有得出.

小B媽咪

CKC, WW

我諗太多數啲小朋友都未開始温書. 我只係叫小B讀下常識課本.佢有好多字都唔認讀,如考題要讀同寫,就一定全軍覆没返來.........

WW

可否描述下你叔仔個小朋友份卷係用咩形式出呢?eg. 選擇題,是非題,填充題?

謝謝!

小B媽咪

我擒日有經過元朗嗰間羽絨店,不過無長衫袖賣啊!

不過我老公叫我唔洗買長袖羽絨,短袖就ok. 小朋友最重要係個底層打得好. 最出面嗰件要擋到風.就會保到暖.

CKC

WW,

咁你覺得d 題目比起平日的功課, 算唔算深呀?

-joejoelam

WW,
我剩係喺聖誕假同佢溫咗phonic. 諗住今個星期同佢溫,今個禮拜係溫習週,D記憶會fresh D....     

CKC

聖誕聯歡相片薄已經上載

WW

CKC,

Post 左係邊呀? 學校網頁入面我唔見喎.

CKC

WW,

我在公司部電腦都係睇唔到, 但屋企部機就一上學校個網就彈個box出黎, click入去就睇到, 但係無影到1c班架   

WW

CKC,

想問下聽日係咪考數學同常識呀, 咁星期四考咩呀?

eto

[size=small]Hello WW,

在通告寫(星期四):中國語文-聆聽(卷三)及

英國語文-聆聽(卷三)     

WW 寫道:

CKC,

想問下聽日係咪考數學同常識呀, 咁星期四考咩呀?

WW

eto,

真係唔該晒呀, 我就係唔見左張通告.

Kingswood

[size=large]各位媽咪, 恭喜發財, 身體健康, 囝囝囡囡學業進步, 聽教聽話.

唔知幾時派返D考試巻呢??

jumama

唔派考試巻個喎, 淨係叫學生寫返D分數喺手冊(寫埋滿分係幾分)

CKC

我都祝各位身體健康! 小朋友快高長大!

唔派考試巻?! 唔係呀嘛! 我好心急睇喎   

Kingswood

係呀, 琴日我放工返屋企後, 我囡囡話俾我聽已經派左考試巻, 但係老師收返, 問佢幾多分, 佢又話唔幾得. 俾佢激死.

CKC

我個仔話老師講俾佢地聽中文及數學幾多分, 中文全部錯在漢語拼音上   

Kingswood

我個囡都係呀, 漢語拼音真係好難呀, 唔知邊到有得學呢??我想俾我個囡學呀. 因為我都唔係好認敎佢拼音呀.

CKC

在溫習時都覺得無從下手, 因我本身都唔識, 但我會俾學校慢慢教囉, 都無諗過再出去搵人教, 有無發覺你地的小孩在做生活記錄時, 已用普通話讀出來, 再思想怎樣寫呢? 我個仔已經開始經常使用NICAM, 執中文書時用普通話, 有時講野又講"You know why la", 有時聽到都好開心

BrianMami

hi~~~~

大家好,祝大家
[size=medium]"身體健康", "心想事成"

小朋友[size=medium]"學業進步"  "龍精虎猛"

今年由阿仔自己溫習, 完全冇理, 睇佢實力如何.
各人吸收能力不同, 漢語拼音真係無能為力, touch wood 佢學得唔錯, p.1時中文老師曾問過佢有冇係出面學過.  其實係無~~~~証明學校教得唔錯, 放鬆d, 只學左幾個月, 漫漫長路行.......  

尋日學校有內地交流生參觀, 阿仔係學校代表之一, 全普通話對話 返黎好開心講番當日既野,

聽日會係學校整湯丸, 記得帶盒仔同叉仔.