"啟思"的家長 (any branch) please come in.

YanTung1

寶寶mum 寫道:
囝囝讀k1, 還未能渡過適應期, 我每天都親自帶佢返學, 雖然都有摟計哭, 但見佢一天比一天進步 (不是進一大步, 只是小小步 ), 不過老師都話佢有進步.  其實, 我同老公都覺得囝囝未習慣, 對於學校還產生恐懼感, 每晚一叫佢訓覺就哭, 一早起身話返學又哭..... 我們見佢訓吾講野但吾合埋眼, 好像好多野想, 好耐先訓著, 眼仔都有黑眼圈啦!    好心痛!

我女2.5歲時, 次次問佢返學好唔好, 佢實喊住答唔好, 我要係屋企同媽咪一齊, 我過陣時都好擔心阿女8月點返學. 后尾我個個星期六都帶佢去幼稚園玩一個鐘, 我會帶佢入課室睇書及玩玩具. 每睌同佢講故事時好刻意地提返學有好多玩具玩, 學校有老師講故仔, 有同學一齊玩, 但係冇爸爸媽媽, 爸爸媽媽要返工. 攞以前家姐幼儿班啲書同佢睇. 一個月后, 唔使我問阿女想唔想返學, 係佢成日同我講: 媽咪, 我聽日返學架喇.
小朋友嘅感受係最直接的. 突然來到個陌生環境, 仲要對住個唔識嘅人幾個鐘, 如事前心理輔導唔足, 喊一定會. K1派咗本主題書<<上學去>>, 不妨返到屋企抽多些時間同佢睇, 講多啲返學係幾咁好玩, 千期冇講負面的說話, 如: 你唔返學, 就會……., 試多用同理心及稱贊嘅方法去引導. 例如, 早上唔愿返學, 試吓同佢講, 媽咪知你好想同我一起, 學校有好多玩具玩嘅渦(要講出佢忠意過啲), 你想唔想玩, 媽咪陪你去玩.
佢肯踏出門口就要不停贊佢.

唔知以上可否幫到你.   

盛盛媽咪

各位"啟思"的家長,
我個囝讀 N1, 啱啱開學嗰幾日喊到喉沙, 唔肯食茶點同而家比較已經有好大進步喇.我真係好開心呀.. 喺呢度,好多謝 D 老師/嬏嬏, 佢哋好有耐性同好有愛心. 每日都有電話聯絡, 令我好放心.雖然囝囝都仲有D扭計, 尤其上保姆車... 不過相信來緊幾日... 呢個情況會好快唔會再出現架喇...   

HeiShun_Mum

下星期五學校開生日會, 囝囝是主角,好緊張,有生日蛋糕外,唔知道還有怎麼東西吃呢?

TSZCHINGMA

HeiShun_Mum ,

生日的小朋友會有一頂生日帽,生日CARD,一份小禮物(文具)...雖然學校有提供生日蛋糕, 但係我就自己買了一個寫了名和歲數的生日蛋糕給囡囡, 順便叫老師幫我影相(可以同老師和同學仔一起影, 幾好呀)

盛盛媽咪

你哋就好啦... 咁快就可以開生日會... 我個囝要等到學期尾(差唔多係散學禮) 先至有得做主角呀  

寶寶mum

多謝各媽咪先前提供經驗交流....   生日會通常係幾時開?  每月一次/全級一起/一班一個蛋糕?  點樣架?  希望囝囝星期一返學會進步多d啦!  下星期返左兩個星期了吾知係咪加時1.5小時到2小時呢?

1314

啓思既生日會係每班每月舉行一次，為該月生日既同學仔慶祝，通常係每個月最後一個禮拜幾（唔記得），無咩特別，因為當日照常穿校服上課，只係茶點時間切蛋糕。

HeiShun_Mum

TSZCHINGMA,

多謝你的意見.

寶寶Mum,
生日會通常逢月尾星期五開,每月一次      
至於全級一起/一班一個蛋糕就不清楚,我都好想知   

candytl

我大女話過個月生日嘅小朋友舊蛋糕會大份啲.   

請問茶點係咪今年先開始可自備? 你哋會自備or跟學校?

1314

candytl 寫道:
我大女話過個月生日嘅小朋友舊蛋糕會大份啲.   

請問茶點係咪今年先開始可自備? 你哋會自備or跟學校?

舊年已經可以自備茶點，不過我見差唔多全部都係揀學校供應既。

candytl

1314 寫道:
[quote]
candytl 寫道:
我大女話過個月生日嘅小朋友舊蛋糕會大份啲.   

請問茶點係咪今年先開始可自備? 你哋會自備or跟學校?

舊年已經可以自備茶點，不過我見差唔多全部都係揀學校供應既。[/quote]

我都會, 費時日日諗啦.

Cat

Hello盛盛媽咪,

你好！近來忙d，而家至有時間上BK.
真開心係度遇到囝囝同班同學既MAMMY!!  

我囝囝係提子組既梁仲言，得個高字唔生肉果個就係啦，我囝囝都係搭保姆車既(海怡-深灣軒)。你囝囝係邊個呢?? 仲有冇喊呢？

温園長真係好耐性又好力呀！我上星期一(15/8)有去學校裝囝囝上堂，見佢可以一隻手抱一個喊緊既小朋友，有時抱兩個，有時抱一個拖一個，總之慢慢氹！！！抵讚！！！

Peggy_Chan

我今年選K1比阿仔. 下年讀. 有打算報 "華景" 的 Creative. 想問此間的環境好唔好? 我想星期六去參觀一下.

TSZCHINGMA

DEAR Peggy_Chan

你有無上過啟思的綱址睇下, http://www.creative.edu.hk/school-primary.html
有所有分校的資料, 我之前都係讀華景這間分校, 平均老師的年齡都比較年輕, 但因小女都讀全日, 所以都差不多接觸過好多級別的老師佢到好有愛心和耐性, D姐姐(即係嬸嬸)都幾親切...環境方面都幾好(個個課室都有大WINDOW)早上都會開WINDOW通下氣, 9:00才開泠氣...有個溫室自然場...

盛盛媽咪

Hello Cat 媽咪,

我都好開心! 終於有個識得既人傾吓喇. 我囝囝係區盛謙 (又瘦又細粒嗰個呀)..  真係唔好意思, 我對你無咩印象! 咁你又認唔認得我呀...   遲D我哋應該有機會見面 ...  
我囝囝都仲有扭計, 硬係唔肯上保母車.... 不過佢而家就肯食茶點 ... 初初淨係飲兩啖水咋...陰功...返到屋企又鬧情緒唔肯食飯... 淨係要瞓覺, 無計啦... 要比時門佢去適應呀痳...係呢... 我囝囝係撘 21 號車架.. 你呢 ?  

Peggy_Chan

TSZCHINGMA,
想問D姐姐乾唔乾淨呀? 如玩具同D杯杯碟碟是否洗得乾淨?
因我阿媽話知道有D幼稚園D姐姐洗野好求奇, 我好驚呀!

Cat

Hello盛盛媽咪,
原來你囝囝係區盛謙, 等我第日留意下先!
我地適應期唔同一時段，可能緣慳一面啦。遲D應該有機會見面    

JJ放學好開心，但同你囝囝一樣，係返到屋企有小小鬧情緒同唔願食飯。其實佢好餓，但扭眼瞓唔願食麻，太累啦！
最高紀錄午睡4小時！！      佢地番學好累嫁！！！晚飯食番多d！ 你囝囝要瞓覺好正常，比佢瞓醒再食啦！

我囝囝係撘 7號車架。
我而家日日問佢係學校做過d乜？佢都講d唔講d，我要問好耐至知發坐咩事！好似估歌遊戲甘！你囝囝又有冇講番學校做過d乜你知呀？

Cat

TSZCHINGMA,
我見d玩具幾乾淨。
小朋友飲水杯同毛巾盒係自己每日帶返學，每日帶返屋企洗既。囝囝讀深灣軒新校，所以學校好新淨呀。你可以安排參觀，了解下麻。

TSZCHINGMA

Peggy_Chan,

我見d玩具都無塵都ok 呀, d 杯杯就係自己帶, 不過去適應日時見佢d茶點碟碟都幾清潔呀, 不用太擔心的...

盛盛媽咪

Hi Cat 媽媽,

我嗰個未係一樣, 放咗學就瞓覺, 又係唔肯食飯.. 亞婆成日話佢"你去担泥呀"... 咁眼瞓.... 不過唔緊要... 瞓完先食囉... 至於喺學校方面又係同你個囝一樣... 問佢有無玩車車/聽故事....佢都話"係呀.../ 有呀..."