比華利幼兒園.

littleeva

BabyHazel


全日時間表
我仔返半日. sorry 不知道全日的時間表.

程度
都幾深嫁. 英文也不錯. 有 2位西人老師 1 個教 1.3.5. 1 個教 2.4. (即是日日都有 英文老師.) 另外1 位 教國語.
我仔仔開學後好快就識唱 英文歌.
每個星期都會教一首英文歌.


雜費
1 年 2 次. 掛. ok , 唔貴.

選此學校利幣!
其實幼兒班. 最緊要還是讀得開開心心. 如果間學校好深.好多野學. 而小朋友唔鐘意番學,  幾好都冇用啦.

此校老師會好樂意解答您的問題. 通常我都會隔一段時間打電話去學校問下仔仔在校情況. 老師都好樂意解答
您可以至電學校安排參觀校舍 (多數安排在星期六) 主任/校長會給您安排


揀德寶 & 英皇!

英皇好似在bk 沒有什麼人提及. 見過有媽咪post 不過冇人答. 所以唔知好唔好. (我就唔選)

德寶 都唔錯. 同比華利差不多. 課程/校服/書包..... 都 差不多一樣. 最好就您自己住處. 兩間都去參觀下.

我當日選 "比" 係因為近我家多d. 另外 "德" 近mtr .好似會多d人讀. (我喜歡小班教學)  另 "比"的history 耐d. 經驗多d., 兩間都唔錯.


一於親身去睇下啦. 您問 老師質數好難講. 間間學校 的校長/主任. 一定會賣花稱讚花香.   而且間間學校都會有好好老師. 也會有中等老師. 個人覺得好講緣份. 可能好好老師會係您囡的班主任.  但當然也會唔係.  

不過"比" 的校長是會天天註校.  天天早上迎接學生上學.
我曾在一篇教育文章裡睇到選校的標準. 其中一個point 是 校長能夠長時間註守學校. 關心老師學生. 家長可以成日接觸校長.  我覺得"比"做得到.  起碼有校長成日及實. 學校不論在行政上,教學上都會有所control.

(hehehe 即是好似我地打工咁, 老闆經常不在. 我地都會作反...)

littleeva

hktt

我還未請假. 今早叫左仔仔自己同miss lau 講. 佢話識講.
不過我話佢一定唔記得講.. 我一陣會打電話比老師

IRON

hi BabyHazel,

之前我同老公研究過入學天書, 比較校舍師資及各樣, 最後係簡左比華利同德寶, 再分析地點後(德寶近地鐵反而多新移民)選了比華利, 因仔仔係10月插班緣故miss們都多關注仔仔(其他小朋友已適應), 令仔仔由不肯到適應, 由適應到喜歡, 過程中睇到miss們都好盡力; 唯一是返學後仔仔經常病, 當然呢個係必然過程, 但而家仔仔都時不時羅學校d書出黎睇, 有時又講何主任, michelle(英文老師), 有時又唱國語歌, 總括黎講, 如果唔係有其他原因我都會俾仔仔讀呢間, 希望幫到妳. ^_&

hi littleeva & hktt,

明日去旅行囉喎.......真係開心啦 ^_*

尋日財爺話可自選車牌, 我諗住整返個"HUGO7701"俾仔仔做禮物, 唔知幾時實施呢, 呵呵呵.

hktt

hi littleeva,

咁叻仔自己識請假，都請囝囝叻嫁啦，呀囡就..........!

hktt

hi iron,

你唔好講啦，又唔同我地去!唔開心呀!

hktt

hi BabyHazel,

其實我唔係一個細心的媽咪，因當初報比華利，係因為貪佢地方大，又近屋企。我係係最後一天先報名 (佢地重係家長日)，報名當日先知星期一已正式返學，所以臨時先去買鞋襪。

現在囡囡係學校讀得開心之餘，又學倒好多野。不但學倒書本上的文字，最緊要係學倒自理、禮貌等，都係我想要的東西，呢d都係學校老師的功勞。

hktt

hi littleeva,

未約實係邊度等呀?你問左你老公帶唔帶叉電器和水煲呢?或者可以 tel 嫁!

BabyHazel

All mama,

All your experience are important to me.

Thanks for your sharing!Thanks a lot!!!

                                    BabyHazel :idea:  

IRON

台柱去晒旅行~~~~~~要閉關tim~~~~~ohhhhhhh

littleeva

iron

我地返來啦......

好玩BUT 好辛苦.

時間好快過. 如果可以的話係應該去多2.3 天 (會抵D)
第一天 到 日本時 已是 晚上.  食飯行下街
第二天  去 Disney 玩了一天.  所有小朋友好開心. (只是大人覺得倦)
第三天  去了 hello kitty land.   玩到唔想走.
第四天　自由活動. 2時半坐車去機楊 回到香港 11時. 回家已是 12時左右

我今日返工倦到死死下.  冇比仔仔返學. 明天才返.  


做小朋友真係好開心.  

IRON

hi littleeva & hktt,

返黎啦, 玩得好開心呢......不過真係非常佩服妳地, 尋日我地同仔仔去海洋公園, 只係11點幾至5點幾, 仲帶埋工人(諗落好彩俾多果百幾蚊, 如果唔係我兩公婆仲死), 我今日腰酸背痛, 仔仔起左身之後我要再訓多一粒鐘, 家下手腳仲好倦......如果好似妳地一去去幾日都唔知點算, 第日仲話返工, 哎.

行程同酒店正唔正?? 下次聚會記得帶相俾我地睇呀!!!

hktt

hi littleeva & iron,

成個旅程好彩有 littleeva & littleeva 老公 & 我同事照顧我地兩母女，如果唔係一定唔掂。事關囡囡係第二日已水土不服，肚柯兼咳，係我太老定唔帶水去，失敗!!!!

返黎未好番，本想去便醫生到 check 吓有無咩病 (我找不到吳文x醫生)，跟住前晚重埋發燒tim，囡囡平時病都會唱吓歌仔周圍走的，但琴日一反常態，好倦及成日訓覺，幾驚呀!!即刻call老公帶她出去睇，好彩無事。但琴晚又發燒，好擔心!!!!!

今次又煩到媽咪，又令佢好擔心!!因囡囡又要係媽咪到住幾日啦!所以呢個禮拜都唔返學了。

總括今次旅程都唔算辛苦 (因有好多人幫手)，但如下次去旅行 (總之要帶埋囡囡) 都一定要同老公去。

IRON

hi hktt,

梗係要搵埋老公去啦, 有時轉下手都好丫......我兩公婆尋晚先講, 家陣精力大不如前, 好多時力不從心, 以前行山行成日都無事; 我係度諗緊遲下過美國點算......或者都係call定家姐叫佢搵定個part time幫手.

祝紫晴早日康復!

littleeva

hktt & iron

您們好. 旅行回來都比較BUSY

HKTT您囡點呀？　您找不到吳醫生又唔ＣＡＬＬ我. (唔夠FRIEND 喎...) 希望她早日康復.
其實小朋友去旅行 我是建議飲 DISTILLED WATER
我仔第一天食的奶  (晚上 & 早上 ) 都係 加左自己帶來的水.

上次我姪女(細果個) 跟我們去 旅行 都係有飲 DISTILLED WATER.  唔LAZY 得嫁.


HKTT & IRON

我幾 曚. 原來今天學校生日會. 我仔還著了校服TIM.. 可能通告手冊在上星期5派. 剛好去了旅行.

唔知仔仔會否覺得自己與其他同學與別不同.

hktt

hi littleeva & iron,

下次不再lazy了!!

琴晚囡囡重柯左係片度，半夜要同佢洗 pat pat !!!

何主任都有同我講過今日開生日會，但囡囡重柯緊 (唔知點解食左止柯藥都重柯) 無比佢返law。

IRON

hi littleeva & hktt,

紫晴好返未呀??

尋日俾個工人激死我地.....尋朝我係廚房食早餐, 老公係梳化睇報紙, 仔仔係high chair食面, 工人坐仔仔右邊餵, 突然老公大叫, 出去睇原來仔仔用支水筆劃左邊面同耳仔, 成半邊面同耳仔入邊都係藍色, 都唔知有無整到耳膜, 用水洗又唔得, 用酒精又驚唔受得(耳仔入邊), 真係嚇死!! 我問個工人點解坐係旁邊都睇唔到仔仔用筆插入耳, 佢解釋話先頭見有筆套既, 唔知幾時個套跌左, 我話就算有個套都唔可以俾仔仔插入耳架, 佢即時黑起塊面, 咁岩仔仔又整倒碗面, 佢即刻將全部野收入廚房倒晒, 仔仔都未食晒(仲有小半係度); 後黎我地約左人飲茶佢又同老公講唔出去, 要自己留係屋企......唉, 工人真係信唔過, 而家都未到期(5月尾)佢已經心神恍惚, 有乜理由坐係旁邊都睇唔到, 個心都唔知去左邊!!! 我同老公講真係要自己跟到實, 最激氣就係佢仲要黑口黑面俾面色我地睇, 真係唔知佢係工人定我地係工人, 我地出去打工做錯野都會俾boss炸型啦, 唉..... 今日我同佢講下個月佢生日俾佢放多一日假, 佢又好開心話多謝, 我話不過妳要細心d照顧仔仔, 唔可以好似尋日咁, 哎, 希望下一個好d啦.

hktt

hi iron & littleeva,

囡囡重有幾聲咳，今日無返學，休多幾日先!!!

Hugo睇左醫生未呀?可大可小嫁!!

上次係你屋企，你問我點解咁惡對工人?你可能會覺得我好似好過份，其實因為工人時常好像發夢、遊雲咁，連囡囡叫都聽唔倒。有時你見佢地係度照顧小朋友，但其實個心唔知走左去邊!!!!!

IRON

hi hktt,

祝紫晴快d好返晒!!!

傲楊無事, 老公用特強電筒(佢地入火場用果只)照過入邊無藍色, 好彩~~~~~~

我個工人以前唔係咁架, 可能就到期卦, 不過妳果個岩岩黎就差勁d啦, 哎, 我講下笑者, 邊有話妳惡丫, 嘻.......

hktt

HI IRON,

Hugo 無事就好啦。

無乜特別意思嫁，你唔好唔會呀!

littleeva

HKTT

您囡好返未. 返學未 ? 昨天問仔仔.佢話您囡囡冇返學.