06年9月入讀蘇淅幼稚園K1既家長, 入唻交流下啦!

yyoo

Hello CanKan:
Do you live in Hang Hau?
Can you tell me the time that your kid get on the
school bus and the get off time because I also live
in Hang Hau .
My daughter will be in K1 next year in KCS.
Can you give me the telephone number of Mrs Shu
Thank you!

原文章由 CanKan 於 07-10-24 14:16 硐表
Hello!  Everybody!  I am back!!!!

cankan

十月媽咪

yyoo,
唔駛客氣, 最緊要我地做家長既, 揀到適合既幼稚園畀小朋友讀!

至於姆褓車, 係呀, 胡叔叔係畀家長跟車架, 呢個亦係我揀胡叔叔架車既主要原因, 當然仲有最緊要一樣, 就係胡叔叔架車, 維景灣畔返學係尾站呀! 放學係頭站! 嘩, 真係去邊樹搵, 可以晏少少起身,又可以早少少返到屋企食飯, perfect!

不過其實我唔係日日跟車既, 我主要係跟開學果陣頭一個月, 之後跟唔跟車, 就視乎自己得唔得閒啦, 阿女有冇要求啦, 學校有冇特別活動啦(例如萬聖節, 生日會, 聖誕節之類), 又或者學校有戶外活動果陣, 老師有冇叫我幫手做義工啦! 又或者有d時候, 覺得個女既行為表現有唔同左, 例如係差左, 又或者講埋d衰野, 咁我就會連續跟幾日車, 睇下究竟係姆褓車既小朋友教佢, 抑或係學校有小朋友係咁, 佢就學埋學埋...跟住再搵老師傾, 咁我都會跟車返學校的! 不過我每個月平均都起碼跟兩三日既!

如果我跟左佢返到學校, 放低佢之後, 我多數會響北角食下早餐, 又或者落灣仔太原街行下, 有時又會坐叮叮去康怡吉之島shop下平, 夠鐘至坐叮叮返學校接番佢, 然後再坐胡叔叔架車返屋企囉!

原文章由 yyoo 於 07-11-5 23:36 硐表
Thank you very much.
It is very kind of you to give me so clear explaintaion
about the shool bus and the kindergartenot
Thanksa lot. http://forum.baby-kingdom.com/images/common/back.gi ...

gxjl02

十月媽咪,

I also live in OS. And my boy has been accepted in a pm class for K1 next year. Can you pm me the phone number of 胡叔叔? Does he run for afternoon too?

Thank you very much!

原文章由 十月媽咪 於 07-11-6 07:14 硐表
yyoo,
唔駛客氣, 最緊要我地做家長既, 揀到適合既幼稚園畀小朋友讀!

至於姆褓車, 係呀, 胡叔叔係畀家長跟車架, 呢個亦係我揀胡叔叔架車既主要原因, 當然仲有最緊要一樣, 就係胡叔叔架車, 維景灣畔返學係尾站呀! 放 ...

十月媽咪

gxjl02,

check pm please.

原文章由 gxjl02 於 07-11-6 08:42 硐表
十月媽咪,

I also live in OS. And my boy has been accepted in a pm class for K1 next year. Can you pm me the phone number of 胡叔叔? Does he run for afternoon too?

Thank you very much!


...

olima

十月媽咪，

你好，之前我都問過你關於蘇浙的一些問題，你也十分樂意回答，小兒終於成功考到明年下午班，還有若干問題，不知可否解答︰

1. 學校每天有約30分鐘英語時間，那其餘所有教學語言均用普通話﹖包括數學﹖
2. 學校有沒有教phonics﹖
3. 有沒有其他家長付費的課外活動呢﹖
4. 本人住藍田，請問如搭胡叔叔的車，是不是較前的站﹖估計需時車程若干﹖像你般間中跟車，額外收費多少﹖

對不起，實在太多問題...唔該晒﹗

原文章由 十月媽咪 於 07-11-6 07:14 硐表
yyoo,
唔駛客氣, 最緊要我地做家長既, 揀到適合既幼稚園畀小朋友讀!

至於姆褓車, 係呀, 胡叔叔係畀家長跟車架, 呢個亦係我揀胡叔叔架車既主要原因, 當然仲有最緊要一樣, 就係胡叔叔架車, 維景灣畔返學係尾站呀! 放 ...

gxjl02

十月媽咪,

Strange that I didn't receive your pm message... Could you please resend it to my email [email protected]? Thanks so much.

十月媽咪

olima,
恭喜晒你呀, 我都記得你問過我野呀, 除左考蘇浙之外, 仲有冇考其他幼稚園呀?

K1英文堂係無30分鐘咁多架, 大約係15-20分鐘左右, K2 & K3至有30-40分鐘既英文堂, 由外藉老師教授! 除左英文堂之外, 其餘時間全普通話教學, 當然, 有時真係講極唔明果陣, 老師都會加一句半句廣東話輔助的! 但呢個情況好少, 可以放心!

其實暫時唻講, 佢地無一堂講明係數學堂的, 亦未開始教加數, K1果陣佢地會教小朋友用普通話讀數目字, 1-10係肯定有教的, 而我響K1果陣已經額外教阿女用普通話, 廣東話&英文由1數到100, 而家阿女可以用廣東話數到300, 但用普通話數呢, 數數下就亂, 好搞笑的!

學校有教phoncis的, 不過我見亦有家長額外會替小朋友報phoncis班, 所以都視乎個別家長既要求&需要! 我自己就無額外報phoncis班, 不過都有報d英文playgroup, 等阿女放膽講多d!

蘇浙除左每個月要交860蚊學費 (出年可能要九百幾蚊學費, 事關可能會加價), 以及每個學期交一次既840蚊茶點費之外, 基本上其他活動都係唔駛錢既! 不過聖誕聯歡表演果陣, 個別班級可能要畀少少錢買服裝for上台表演用, 但都係講緊一百幾十, 唔會太貴! 而k2打後既戶外學習or活動, 暫時都係免費既!

至於胡叔叔架車, 如果你住藍田, 咁尾站應該係你地喇, 而放學果陣, 亦應該係放低左你小朋友至入tko的, 不過詳情都係要問番胡叔叔, 事關上年同今年既上午班, OS都係尾站, 我唔清楚藍田係點呀!

胡叔叔畀家長跟車, 但無額外收費的, 只係每個月1080元, 但因為我成日跟車, 所以我怕唔好意思, 自己畀夠齊頭1100元啫!

原文章由 olima 於 07-11-6 09:19 硐表
十月媽咪，

你好，之前我都問過你關於蘇浙的一些問題，你也十分樂意回答，小兒終於成功考到明年下午班，還有若干問題，不知可否解答︰

1. 學校每天有約30分鐘英語時間，那其餘所有教學語言均用普通話﹖包括數學﹖
2. 學校有沒有教phoni ...

十月媽咪

gxjl02,
check email啦!

原文章由 gxjl02 於 07-11-6 09:29 硐表
十月媽咪,

Strange that I didn't receive your pm message... Could you please resend it to my email [email protected]? Thanks so much.

yyoo

十月媽媽;
Thank you.
I am considering to move to 維景灣畔 because I can save much time on the school bus if I let my daughter study
in KCS.
How do you feel of this area ?
Is it convenience to live in?
But I think its a little bit expensive than here(Residence
Oasis)

原文章由 十月媽咪 於 07-11-6 07:14 硐表
yyoo,
唔駛客氣, 最緊要我地做家長既, 揀到適合既幼稚園畀小朋友讀!

至於姆褓車, 係呀, 胡叔叔係畀家長跟車架, 呢個亦係我揀胡叔叔架車既主要原因, 當然仲有最緊要一樣, 就係胡叔叔架車, 維景灣畔返學係尾站呀! 放 ...

yyoo

Cankan:
Can you send me the telephone number of Mrs Shu
(the school bus for KCS)
my e-mail:
[email protected]
Thanks a lot.

原文章由 yyoo 於 07-11-5 23:43 硐表
Hello CanKan:
Do you live in Hang Hau?
Can you tell me the time that your kid get on the
school bus and the get off time because I also live
in Hang Hau .
My daughter will be in K1 next year in KCS.
...

olima

十月媽咪,

好多謝你咁詳細的回覆。

我囝囝而家係九龍塘一間英普並重的國際學校讀bb班。多謝上天，他的語言能力都算幾好(但在其他方面有很多缺點)，所以好想佢繼續讀英普並重的幼稚園，但佢性格唔適合IS，加上金錢的考慮，所以黎緊會考好多幼稚園，蘇浙強調普通話教學的，當然在我們名單之上...

剛才睇左小小你舊年同COREYMAMI的CHATTING，又對蘇浙加深左小小認識。你對女兒年多以來在蘇浙滿意嗎﹖會否考慮蘇浙小學﹖

由於蘇浙只收了囝囝下午班，所以我想去信要求轉上午。當然最終要看其他幼稚園的面試結果及能否在蘇浙轉上午班等。

原文章由 十月媽咪 於 07-11-6 09:49 硐表
olima,
恭喜晒你呀, 我都記得你問過我野呀, 除左考蘇浙之外, 仲有冇考其他幼稚園呀?

K1英文堂係無30分鐘咁多架, 大約係15-20分鐘左右, K2 & K3至有30-40分鐘既英文堂, 由外藉老師教授! 除左英文堂之外, 其餘時間全 ...

十月媽咪

yyoo,
維景最唔方便果段時間 (即只得一條私家路, 未有調景嶺站果陣), 我地都捱過了, 回想當年, 因為被維景既廣告吸引 (用好多bb著住動物衫既廣告, 你知道是那個廣告嗎?), 心想...若然搬進這裡, 我個bb都係一樣咁可愛就好了! 幸好, 我地總算心想事成, 哈哈!

你也是全職媽咪嗎? 如果係, 我會建議會跟胡叔叔架車, 最主要係可以自己跟車, 而又無額外收費, 以我所知, 舒太返學果程係唔畀跟車的, 唔知而家有冇變到, 放學就可以跟車, 因為放學果陣佢地會有位剩!

講番維景, 而家開左都會, 又有天橋連接彩明街市, 買餸買日用品係唔成問題既, 如果你揀維景三期就更方便, 因為最近地鐵站嘛, 買完野都唔駛拎餐懵, 我住維景一期, 拎住好多餸行番屋企果陣, 大熱天時, 都幾索氣!

但環境真係好正, 如果你唻過, 你會發覺我地呢度好好風, 大型室外池有兩個, 室內池有一個, 冬天有暖水, 一年四季都可以游游游...每期都有兒童遊樂場響平台, 亦有室內bb房(三歲以下)一個, 室內兒童遊戲室一個, 設施算係非常足夠!

至於呎價, 我就唔太清楚, 不過應該over 4000蚊一呎, 我曾經想遊說隻佬搬番近我媽, 但睇唻睇去, 都係覺得維景好, 基本上而家已經打消左搬番近阿媽既念頭, 而家最想係買埋隔離間屋, 然後打通佢變大屋, 不過而家樓價貴, 無咁多錢買住, 所以只可以發下夢先!

原文章由 yyoo 於 07-11-6 14:37 硐表
十月媽媽;
Thank you.
I am considering to move to 維景灣畔 because I can save much time on the school bus if I let my daughter study
in KCS.
How do you feel of this area ?
Is it convenience to live in ...

十月媽咪

olima,
唔駛客氣啦, 知多d至可以幫囝囝搵間適合既幼稚園嘛!

不過我想提醒一樣野, 如果你囝囝本身響國際學校讀bb班, free開既話, 讀KC果陣, 適應上可能要長少少時間, 因為KC既老師真係幾嚴的, 佢地好著重小朋友既秩序, 行為等等...難聽D講句, 佢地唔多容許小朋友響課堂上搗亂, 亦唔畀小朋友走唻走去, 係真係要坐定定聽書果種, 答問題要舉手答, 唔可以隨便響自己個位度鍾意點答就點答的! 其實我對國際學校無乜研究, 不過就成日聽到人地話國際學校會比較寬鬆, 小朋友既自由度比較大, 但KC肯定唔係呢種!

至於英普並重呢個問題, 又要視乎你想囝囝英文叻D定普通話叻D, 如果想英文叻D, 當然係揀蘇浙既國際班, 咁就所有野都係英文教, 但就調番轉, 有一堂普通話堂 (詳情都要問番學校), 不過學費就驚人好多, 國際班學費係5000蚊一個月, 無得用學券, 而主流班(即普通話班), 就1860蚊一個月, 扣除每個月1000蚊既學券, 即係每個月只需要交860蚊, 經濟好多! 不過亦有家長畀小朋友讀晒主流班&國際班的, 視乎各家長既要求&需要!

蘇浙小學係我地考慮之列, 亦正因為只要交左留位費畀蘇浙小學, 就一定會有書讀, 所以我地亦無後顧之憂, 可以放擔去幫個女報一D高難度一D既小學, 例如GH, DGS, SFA等等既私校, 至於直資則不作考慮之列, 因為直資收左又留埋位既話, 就無得大抽獎喇! 當然...如果好好彩, DGS收左, 咁無得大抽獎都無打緊喇, 不過又咁, 收既機會應該好微, 因為我女無乜特別長處, 考DGS呢類學校, 都係見識見識咋!

至於阿女響蘇浙讀成點, 我滿唔滿意...嗯...坦白講...我K1學期尾果陣, 真係幾唔滿意的, 因為老師某D處理手法令到阿女既情緒, 行為等等出現一D問題, 我響果段時間, 亦曾經好積極咁考慮同個女轉校, 後尾諗深一層, 其實班主任都有幫手解決問題, 只係個女未適應到果種情況, 所以至會咁...暑假期間, 我要經常開導佢, 抒解佢既情緒...幸好...暑假尾, 阿女開始回復正常, K2開學至今, 我暫時都仲好滿意...希望K2學期尾, 阿女唔好又再發神經!

你寫信去學校申請轉上午班啦, 寫多幾封信, 一定有機會轉到上午班的, 如果真係轉唔到, 而你囝囝又有其他更好既學校收左佢讀上午班, 咁我就一定係揀上午班既學校, 因為我總覺得下午班放學之後好多野都做唔到, 想畀佢學多D野, 嘗試多D野, 都要放晒響星期六日, 搞到無晒family day, 而我係好著重family day的, 所以下午班既學校一定不在我考慮之列!

原文章由 olima 於 07-11-6 17:39 硐表
十月媽咪,

好多謝你咁詳細的回覆。

我囝囝而家係九龍塘一間英普並重的國際學校讀bb班。多謝上天，他的語言能力都算幾好(但在其他方面有很多缺點)，所以好想佢繼續讀英普並重的幼稚園，但佢性格唔適合IS，加上金錢的考慮，所 ...

[ 本文章最後由 十月媽咪 於 07-11-7 09:35 編輯 ]

mimi1102

十月媽咪,

多謝你的資料, 因為蘇浙都剛收左我個女讀下午班, 所以我都15 16, 一方面我好鍾意佢以普通話為主要教育語言, 一方面又唔想佢讀下午班.

而且小女係屬於活躍型, 雖不致於好naughty 果隻, 但係都係冇時停同好多野講, 睇完你個msg, 有d 擔心小女唔可以習慣傳統的教育方法. 你個女係k1有情緒上的問題, 係唔係同依樣野有關呢 ? 你介唔介意話比我聽係咩野令到你個女咁呀 ? 你可以pm 我 .. 謝謝!

原文章由 十月媽咪 於 07-11-7 09:27 硐表
olima,
唔駛客氣啦, 知多d至可以幫囝囝搵間適合既幼稚園嘛!

不過我想提醒一樣野, 如果你囝囝本身響國際學校讀bb班, free開既話, 讀KC果陣, 適應上可能要長少少時間, 因為KC既老師真係幾嚴的, 佢地好著重小朋友既秩 ...

chanshukheung

十月媽咪,

I live in Metro Town. Can you pleased pm 胡叔叔 tel no to me with much thanks.

十月媽咪

mini1102,
其實今年六七月果陣, 我都有響度講過阿女既情緒問題的, 不過為免要你地搵餐懵, 我簡略講下點解會咁...

我女係屬於乖乖聽書果種, 根據班主任所講, 佢地三位老師都好錫阿女的, 亦因為佢比較乖, 所以被編去同一d比較活躍&坐唔定既小朋友一組, 希望佢可以做個好榜樣畀果d小朋友睇, 當然啦, 一組十三個小朋友, 唔會只得我個女係乖果種, 以佢果組為例, 大約係一半乖一半較為頑皮, 而呢一組, 班主任就安排左個比較嚴厲既助教去教導佢地!

阿女既情緒問題就係在於...佢做野比較慢, 例如油顏色果陣, 佢會有要求, 唔出界, 咁自然油得比人地慢, 但老師就成日都催佢地, 又會"鬧"果d亂咁油既小朋友, 所以阿女為免被鬧, 都會對自己有要求! 當然, 佢有要求我都好欣賞, 但問題又唻喇, 佢對自己既要求過高, 當做唔到果陣, 佢會好唔開心, 會喊, 會無自信, 當做錯左果陣, 佢又會好緊張, 話畀我知: 你快d幫我擦左佢啦, 咪老師會鬧架! 我個女係好緊張, 好怕畀老師鬧果類型既學生, 為左唔畀老師鬧, 佢會好努力做到佢自認為最好!

我見呢個情況大約響五月尾六月頭出現, 於是就幾乎日日都跟阿女返學, 睇下究竟發生乜野事, 又同班主任傾, 話畀佢知阿女有咁既情況...初頭班主任以為係隔離同學仔影響佢, 就調走佢隔離d同學, 換個第二個落去, 但情況無改善, 佢依然無乜自信, 又緊張, 又易喊, 於是又再同老師傾, 今次我直頭話畀老師聽, 阿女話好驚畀老師鬧...但班主任好surprise, 仲同我講, 我地三個從來都無鬧過佢呀, 係鬧都只係鬧頑皮果d, 但我同班主任講, 可能因為老師一鬧果陣, 係成組咁鬧, 阿女聽埋聽埋, 以為老師係鬧埋佢!

於是, 班主任最後將佢調去跟佢果組, 遁遁善誘, 幫我手開導佢, 例如油顏色果陣油得慢, 就叫佢唔駛咁緊張, 今日油唔晒, 聽日再油過等等, 學期中阿女係好主動舉手答問題的, 但學期尾就變得被動, 我知阿女可能係怕答錯會畀老師鬧, 而班主任同我傾完, 知道阿女問題所在, even阿女唔舉手, 都主動邀請阿女出去答問題, 根據班主任所講, 其實佢好多野都識的, 但就唔知點解變得唔主動, 所以唯有鼓勵佢多d!

暑假期間, 阿女都仲係無乜自信, 同親佢去上暑期班, 佢都要我響門口昅實佢, 超煩, 有時又會借尿遁, 要老師call我返唻同佢去廁所, 真係救命...但經過暑假, 我密密同佢心理輔導, 話畀佢知, 老師唔係鬧你, 老師係大聲d話果d曳既小朋友, 如果你無曳, 你唔駛驚的, 老師唔會鬧你的...又要話畀佢知, 老師日日要教你地好多野, 你唔好成日都慢吞吞, 咪老師&同學仔唔會等你架, 你要專心d做, 做快d, 咁就無問題...

好彩既係, 佢開學之後, 好似忽然開竅咁, 而家有時我問佢, 老師有冇鬧你呀? 佢都會話: 無, 梗係無啦, 我咁乖! (畀佢吹漲) 咁老師有冇惡呀? 佢會話: 嗯...都有少少啦, 不過都唔係鬧我, 所以我唔驚喇! 佢鬧阿邊個邊個之嘛...

響蘇浙, 我覺得無論幾活躍既小朋友都好, 經過老師一輪既訓練之後, 都會變得有規有矩的, 只係太活躍果種, 可能會經常收到老師電話投訴, 又或者間唔中畀老師話下咁啫, 做家長既, 如果唔怕畀老師咁教法, 其實都無乜問題既! 以我所知, 由於有d小朋友係家中小霸王, 萬千寵愛在一身, 都專登揀蘇浙, 等佢地既小朋友畀老師訓練訓練, 起碼響學校學識點樣禮讓, 點樣分享...返到屋企仲做唔做到就唔知道, 起碼響學校佢地要咁做!

至於你小朋友又係被編去下午班, 我都係果句啦, 而家時間尚早, 肯定會有上午班既小朋友最後決定唔讀的, 所以你而家開始寫信轉上午班, 寫得幾封, 佢地一有位就會畀你轉架喇!

原文章由 mimi1102 於 07-11-7 12:27 硐表
十月媽咪,

多謝你的資料, 因為蘇浙都剛收左我個女讀下午班, 所以我都15 16, 一方面我好鍾意佢以普通話為主要教育語言, 一方面又唔想佢讀下午班.

而且小女係屬於活躍型, 雖不致於好naughty 果隻, 但係都係冇時停同 ...

十月媽咪

check pm please.

原文章由 chanshukheung 於 07-11-7 14:38 硐表
十月媽咪,

I live in Metro Town. Can you pleased pm 胡叔叔 tel no to me with much thanks.

yyoo

十月媽咪,

Thank you, I want to know how much is the management
fee for 1 foot. I have work in the afternoon from 3:00pm
so i prefer uncle wu"s bus in order that i can follow the
bus, 不過現在有些擔心我女女是否適合這所學校，因為女女
is so active, I am afriad she didn't like this shool. But i
like this shool is teaching in Puntungwa. Is the teacher
always punish the kids? I also want to know why
your daughter being strange in her behavior during
the end of K1. If
you don't mind , can you also pm or e-mail to me
[email protected]
Thanks!

chanshukheung

原文章由 十月媽咪 於 07-11-7 14:47 硐表
check pm please.

十月媽媽,

Thank you very much.  But I not yet receive the PM. Do you mind to e-mail me at [email protected]  again.  Thank you very much.  

十月媽咪

yyoo,
乜野1 foot?????? 你係咪想問我維景既管理費幾多錢一呎呀? 其實exactly幾多錢一呎我真係唔太清楚, 因為供樓&管理費都係我佬全權負責, 印象中大約係1.5元一呎!

其實都唔駛太擔心既, 蘇浙有d老師都比較善良的, 但每班都要有一個比較惡既老師存在的, 有時試諗下, 一班39人, 如果三個老師都咁善良, 果d頑皮既小朋友, 又點會聽老師支笛丫, 混亂既場面真係諗下都暈呀! 有個比較惡既老師響度, 有時唔駛出聲, 只要個老師登一登對眼, 班細路都醒爬喇, 係咪? 你地都知啦, 而家d細路係好識睇人眉頭眼額架嘛, 邊個老師蝦得, 邊個老師唔蝦得, 佢地最清楚啦!

反而我諗你地要考慮既, 係你地怕唔怕呢類型既學校, 抑壓左你地既小朋友啫, 因為佢地好多野都係要跟隨老師既指示做, 未必可以好似國際學校咁, 任由佢地自由發揮的, 所以莫講話你小朋友要重新適應, 我地做家長既, 都要重新適應!

就好似阿女讀坑口翠茵n1果陣, 班主任成日會打電話畀我同我傾下阿女當日上堂既趣事, 但蘇浙既班主任, 除左阿女病左無返學, 會打唻問下咩事之外, 其餘時間都無打過電話畀我的, 不過聽今年k1既家長講, 有d老師都好主動打電話畀家長, 所以都好視乎個別老師做法! 而我就自我安慰, 無電話即係阿女響學校無乜大問題, 未嘗唔係一件好事啊!

至於阿女既情緒問題, 其實都唔可以賴晒老師的, 回想番, 點解其他小朋友(even真係被罵果個小朋友) 都無呢d問題, 而阿女有呢? 諗深一層, 其實我女都幾煩, 因為佢由細到大, 都好怕人地大聲講野既, 稍為大聲d, 或者語氣重d, 佢都會覺得人地鬧佢的, 所以當老師語氣重d咁話其他小朋友果陣, 佢好自然會覺得係被鬧既一份子, that's why我要心理輔導佢, 又好彩...佢四歲喇, 心智似乎成熟左d, 亦都開始識得點樣分辨咩係鬧, 咩係話, 咩係唔關佢事, 所以今年情況改善左好多喇!

原文章由 yyoo 於 07-11-7 14:52 硐表
十月媽咪,

Thank you, I want to know how much is the management
fee for 1 foot. I have work in the afternoon from 3:00pm
so i prefer uncle wu"s bus in order that i can follow the
bus, 不過現在有些擔 ...