09/10 K1家長

noelyip

我唔係想轉工人，我果個都係聖誕後至續左新約，不過佢已經係第三個約啦，亦即係之後要俾長期服務金，但我見佢咁錫彤彤，份人又好醒目，好快手，（好少印印有佢咁聰明醒目）但有佢陪住彤彤最少可以令我唔駛擔心，咁所以都暫時唔會換住，縱使佢都有時都會偷懶同黑面俾我睇，不過我會當睇唔到既！嘻！  

原帖由 josesinmicki 於 10-3-6 08:35 發表
我屋企個姐姐係菲傭,我覺得兩者有好有唔好,印傭就會聽話D.但係就無菲傭咁醒,而菲傭就會同小朋友講英文,但係又會比面色你睇,所以都好難講邊個好.不過菲傭就真係會對小朋友D英文有幫助,起碼小朋友唔會抗拒英文,同埋平 ...

noelyip

其實我都有不時鼓勵佢，（佢有時甚至會識得鼓勵番我添！）亦從來唔會笑佢或者話佢做唔到既野，甚至乎佢話畫唔到既線條我都會握住佢隻手去劃，但偏偏佢就好細膽去試，甚至有時我知佢係懶得去嘗試....

原帖由 stephanielum 於 10-3-6 09:55 發表
迦迦又無咁既情況出現喎, 不過唔可以一概而論, 都要睇小朋友既性格. 我估彤彤應該係對自己要求高, 所以有d野無信心做好就怕同抗拒, 你要比多d鼓勵說話佢, 同佢講唔識做, 做錯或做唔啱唔緊要架, 下次再做過囉, 下次就 ...

noelyip

想問吓上星期有份親子手工，係未唔洗交番學校嫁？

noelyip

點解依度次次轉頁都去唔番果板既？

stephanielum

迦迦話唔駛喎, 我都再三問佢係咪唔駛架, 佢都話係! 我同佢講話如果林老師要就先帶回去啦! 所以佢無帶番學校呀! 你唔記得老師話要相信佢地講野咩?

原帖由 noelyip 於 10-3-9 11:52 發表
想問吓上星期有份親子手工，係未唔洗交番學校嫁？

noelyip

個傻妹無同我講呀～　

不過姐姐叫我唔好帶住，佢話如果要交但未交既，老師放學會同佢講喎！

原帖由 stephanielum 於 10-3-9 16:06 發表
迦迦話唔駛喎, 我都再三問佢係咪唔駛架, 佢都話係! 我同佢講話如果林老師要就先帶回去啦! 所以佢無帶番學校呀! 你唔記得老師話要相信佢地講野咩?

...

josesinmicki

各位媽咪早晨,好耐都無上黎八添,今日唔洗返工,所以可以上黎講下.(因為今日要去覆診)
個親子手掌昨天已經帶了返學校,因為澄澄話老師要佢地帶喎,昨晚回來書包入面已經唔見了,可能老師收起了.
迦迦媽,你今個星期日得閒嗎?不如約去Play Town玩呀,跟住晚上去跑馬地食翅(在跑馬地街市上面,都幾抵食,最緊要係價錢都ok,唔貴),若果彤彤媽有時間都可以一齊去..

[ 本帖最後由 josesinmicki 於 10-3-11 09:27 編輯 ]

stephanielum

早晨呀! 澄澄媽, 真係好少見你咁早上嚟喎! 你無乜事嗎? 點解聽你咁多次話回覆診既

係呀, 昨晚迦迦話林老師叫佢地帶番隻手仔返去喎! 我估唔知係咪要比幾日時間小朋友有無完成到做好心, 幫助人既野後貼好心心先交回去呢!

正! 有得玩有得食, 你安排咁好節目呀!  等我番去問下我老公先, 明日再話你知呀!

原帖由 josesinmicki 於 10-3-11 09:23 發表
各位媽咪早晨,好耐都無上黎八添,今日唔洗返工,所以可以上黎講下.(因為今日要去覆診)
個親子手掌昨天已經帶了返學校,因為澄澄話老師要佢地帶喎,昨晚回來書包入面已經唔見了,可能老師收起了.
迦迦媽,你今個星期日得閒 ...

[ 本帖最後由 stephanielum 於 10-3-11 11:27 編輯 ]

noelyip

今日林老師都有同姐姐講話要帶隻愛心手仔番學校呀！好彩無整爛或污衊啫！   妳地有無同隻手仔油顏色呀？

彤彤爸尋日發燒請左半日病假，今朝至番得工，不過都等我今晚番去同佢商量吓先！

各位保重！因為近日真係好多人中招病左，天氣忽冷忽熱，保重保重！

[ 本帖最後由 noelyip 於 10-3-11 17:23 編輯 ]

noelyip

早晨呀！

尋晚已經問左彤彤爸，佢既感冒同咳嗽仲未好番，見到佢個樣仲係cc吓咁，今晚都係同佢去睇吓中醫至得，唔好意思！咁樣我地今個星期唔去得玩啦！ 妳地玩得開心D啦！

原帖由 josesinmicki 於 10-3-11 09:23 發表
各位媽咪早晨,好耐都無上黎八添,今日唔洗返工,所以可以上黎講下.(因為今日要去覆診)
個親子手掌昨天已經帶了返學校,因為澄澄話老師要佢地帶喎,昨晚回來書包入面已經唔見了,可能老師收起了.
迦迦媽,你今個星期日得閒 ...

stephanielum

個天氣又升又跌, 真係比佢玩死呀! 所以各位大小朋友都要小心身體, 有充足睡眠, 均衡飲食呀!!

我覺得有感冒睇完西醫點都要去中醫飲哂一兩劑茶清清個底, 唔係清唔好又好快會嚟過.

原帖由 noelyip 於 10-3-12 11:11 發表
早晨呀！

尋晚已經問左彤彤爸，佢既感冒同咳嗽仲未好番，見到佢個樣仲係cc吓咁，今晚都係同佢去睇吓中醫至得，唔好意思！咁樣我地今個星期唔去得玩啦！ 妳地玩得開心D啦！



...

stephanielum

澄澄媽 : 星期日個度去唔到住呀! 個日又唔知有乜重要賽馬喎, 所以下次再約過啦! 其實我地like星期六去玩, 一來可以玩夜d, 二來第二日又可以瞓晏d嘛, 不如下次約星期六啦!

josesinmicki

我都鍾意星期六,因為第二日唔洗返工,但係小朋友要學野,如果學完先去會好晏,唔夠時間玩,
我想問下.迦迦學完普通話幾點?,如果四點學完,約五點到Play Town,玩到八點,再去跑馬地會唔會好夜.可能要成九點先食飯喎,食完再返屋企可能成十一點,.不過我都ok.今個星期六得唔得?

stephanielum

我地幾夜食飯都無問題, 因為我地成日都通街找野食既, 同埋我地星期六去街通常都成十一,二點先番屋企, 因為星期日唔駛返學返工, 去夜d都無所謂, 迦迦學完普通話要4:15喎, 如果你地等埋學完先去, 咪要等成兩粒鐘囉, 不如你地同澄澄去玩住先, 我地去到再找你啦! 今個星期六應該無問題, 如果你地OK就去啦!

彤彤媽 : 你地有無興趣join埋一齊呀!

原帖由 josesinmicki 於 10-3-14 17:34 發表
我都鍾意星期六,因為第二日唔洗返工,但係小朋友要學野,如果學完先去會好晏,唔夠時間玩,
我想問下.迦迦學完普通話幾點?,如果四點學完,約五點到Play Town,玩到八點,再去跑馬地會唔會好夜.可能要成九點先食飯喎,食完再 ...

[ 本帖最後由 stephanielum 於 10-3-15 11:50 編輯 ]

stephanielum

澄澄星期六好叻呀, 我去到個時無見佢喊喎, 仲笑得好開心潻! 我個fd話佢剛剛嚟到都有喊, 仲拉住姐姐唔比佢走, 點知Ms.Wu拉咗澄澄一邊, 唔知同佢講乜, 之後就比姐姐出門口, 仲好開心上堂潻! 你今日要讚下佢嘞!

noelyip

妳地係未講緊英文班呀？

原帖由 stephanielum 於 10-3-15 11:49 發表
澄澄星期六好叻呀, 我去到個時無見佢喊喎, 仲笑得好開心潻! 我個fd話佢剛剛嚟到都有喊, 仲拉住姐姐唔比佢走, 點知Ms.Wu拉咗澄澄一邊, 唔知同佢講乜, 之後就比姐姐出門口, 仲好開心上堂潻! 你今日要讚下佢嘞! ...

noelyip

彤彤仲未上完個英文play group呀！佢要五點十五分至放學，妳地去玩住先啦！我地下次再參加！

原帖由 stephanielum 於 10-3-15 11:15 發表
我地幾夜食飯都無問題, 因為我地成日都通街找野食既, 同埋我地星期六去街通常都成十一,二點先番屋企, 因為星期日唔駛返學返工, 去夜d都無所謂, 迦迦學完普通話要4:15喎, 如果你地等埋學完先去, 咪要等成兩粒鐘囉, 不 ...

stephanielum

唔係講緊英文班, 係星期六ballet, 現在澄澄除了srl之外, 英文同ballet都係同學仔嚟架!

原帖由 noelyip 於 10-3-15 12:16 發表
妳地係未講緊英文班呀？

stephanielum

咁好啦! 我地下次再約啦!

唔記得咗你係咪27號個PTA旅行都會去架



quote]原帖由 noelyip 於 10-3-15 12:24 發表
彤彤仲未上完個英文play group呀！佢要五點十五分至放學，妳地去玩住先啦！我地下次再參加！



[/quote]

stephanielum

今日下午收到林老師電話, 話今日帶去個泥膠玩具唔得喎! 老師話要攞d玩具嚟開玩具店, 小朋友會攞去玩潻, 佢怕泥膠玩到手指仔好dirty好難處理, 所以叫我再比另一樣玩具迦迦帶回去! 我之前都叫迦迦唔好帶泥膠玩具, 因為個d泥膠玩具好多濕星野, 個衰豬又話要又話林老師話帶乜野玩具都得.

[ 本帖最後由 stephanielum 於 10-3-15 14:53 編輯 ]