仁立紀念小學家長區 (2)

csy_ma

[size=130%]別讓媽媽知道
[size=130%]
[size=130%]刊登於07/4/2008 (星期一) 星島日報師家版(F08)

[size=130%]星期天早上，我閒坐在公園的長凳上，看遊人來來往往。有一家三口經過，為首的媽媽帶着男女各一，大概是初小或幼稚園的年紀。忽然，男孩子跌倒了，擦傷了膝蓋和手掌；做母親的回過頭來，馬上罵個不停。只見那個男孩垂頭喪氣地跟在後面，似乎在哀悼自己的雙重不幸。

[size=130%]這是每天都在重複上演的小事，卻也正是這些小事不斷在塑造我們新一代人的性格。那個不幸的男孩跌倒了，是故意的嗎？不。已經受懲罰了嗎？是的，那手腳上的傷痕都是明證。有教育家叫這做「自然後果」，勸做父母的不必動氣，因為大自然已經代勞了，正常的話，孩子自己會想辦法避免再次跌倒。現在的問題是，大自然已經出手了，那位母親還要在旁邊多踩一腳！
[size=130%]
於是，那個男孩子不知不覺地學了更多———我想，他還明白了掩飾真相的實際需要———擦傷了已經夠糟糕了，但如果跌倒後可以馬上爬起來、如果妹妹沒有聲張，媽媽就不會回頭罵人了。所以，重要的是，別讓媽媽知道！

[size=130%]久而久之，跌倒，別讓媽媽知道；「肥佬」，別讓媽媽知道；給人家欺負，別讓媽媽知道。一切一切媽媽希望知道的，都千萬不要讓她知道。

[size=130%]十年後，做媽媽的再不會知道，孩子的掩飾習慣原來是她親手從小培養出來的！
[size=130%]
[size=130%]文章來源：http://www.creativehk.edu.hk/校長葉建源部落格

[ 本文章最後由 csy_ma 於 08-4-8 13:53 編輯 ]

黃巴士

原文章由 csy_ma 於 08-4-8 13:50 發表
別讓媽媽知道

刊登於07/4/2008 (星期一) 星島日報師家版(F08)

星期天早上，我閒坐在公園的長凳上，看遊人來來往往。有一家三口經過，為首的媽媽帶着男女各一，大概是初小或幼稚園的年紀。忽然，男孩子跌倒了，擦傷了膝蓋和手 ...

哈哈哈!! 很有趣的文章!!!

黃巴士

csy_ma

原文章由 黃巴士 於 08-4-8 23:30 發表


哈哈哈!! 很有趣的文章!!!

黃巴士

黃巴士：
近排呢度好似靜咗好多，好彩仲人您出現

擒日見到學校人行果條路，加咗三個去水位，響去水位果行又鋪咗幾行磚，睇黎會幾有效咁解決咗交通雨天積水既問題．加上學校而家每日都開埋籃球場近學校既門，就算遇到要緊急疏散既時候，都唔駛靠晒到另一度泊車既門，真係出入方便好多

黃巴士

HI!!

我覺得LONGMAN果WEB幾好, 按課文教, 又有教指示作句方式及
要點, 又有默書...... 唔錯!!!:)

http://ple/ilongman.com/index.php

囝囝中文老師話佢地班中文小測有進步.
我覺得教左"除數"后, 囝囝乘數更熟左.    不過就多左唔小心計錯數.


黃巴士

csy_ma

原文章由 kswiss 於 08-4-11 10:02 發表
A good passage & reminder to us.

好多父母忍唔住都要出句聲,係因為認為小朋友未能從中學到功課,自己又去教埋一份.

我都成日叫老公唔好改阿囡既功課，不過佢總係忍唔住
我都係 ，見到佢寫D字唔整齊就幾孟，所以盡量都唔會睇佢做功課

不過話時話，有D功課如果家長唔教佢做，佢地真係未必識
就好似英文功課響日子前要揀in，on同at，我問囡囡，佢根本唔知個基本概念，呢d好似上次考試都考過，真係唔知佢冇留心上課定係老師出既課外題

不過既然老師又叫佢地做，大有可能會響考試度出，大家要留意

csy_ma

原文章由 黃巴士 於 08-4-11 11:44 發表
HI!!

我覺得LONGMAN果WEB幾好, 按課文教, 又有教指示作句方式及
要點, 又有默書...... 唔錯!!!:)

http://ple/ilongman.com/index.php

囝囝中文老師話佢地班中文小測有進步.
我覺得教左"除數"后, 囝囝 ...

今朝因為應承咗去做故事媽媽既替工，開唔到工，於是帶咗部腦去圖書館，諗住上黎傾吓偈
點知唔記得叉電，講講吓野，部腦就熄咗
好彩放學返黎插返電，d野都仲響度

黃巴士：多謝您既推介，個英文網我地上過，但迷咗路，好似見唔到有乜好玩，冇幾耐就走咗
既然您咁講，要搵個時間再去睇睇

話時話，今次小測d野都好似偏淺咗？
有d媽咪話，通常小測測過既，總測時未必會出番，所以小測淺既時候未必值得恭喜 好似數學咁，上次考試已經淺過舊年好多，要轉彎既題目先得一條。今次小測好似剩係有一條要諗既，總測唔知會唔會仲深d？

不過，數學似乎係考人小唔小心多d。我囡對除數仲唔係好掌握到，反而小心咗同錯少咗。佢有個同學仔認為小測題目超淺，大意下成績反而退步咗。所以，考數似乎都係講運

咁多科我囡成績最好係中文，但我地向來只係溫中默，其他都靠天 (不過有家長話，原來中文都有得溫，佢話全本書睇一次，有d野會出番，但我地未必可能實行到 )。
小測卷派返黎後，我地最擔心既，反而係英文

csy_ma

今朝因為做替工唔知掟，搞錯咗時間返學校，所以要響圖書館蒲咗好耐
原來(我地學校既英文圖書又多又新又靚 (我囡好少借書，更少借英文書 )，其中oxford reading tree好多個版本都有，近窗位置，光猛又舒服，記住叫囝囝囡囡去借  

講開oxford reading tree又記得講：我地假期冇去第度玩，又唔想周圍去玩搞到心太散，但要我囡全程響屋企溫書又不過係奢望，所以果時去咗教協，諗住入d圖書俾佢虛耗

之前已有家長down聲，話一套響三聯等書店賣over$200蚊既oxford reading tree，教協75折，約$180蚊。一套6-8本，加埋同等數量既workbook，平均黎講唔到$20本書(書本身全彩，24頁，練習雙色，8頁)，再加上有音效+朗誦既CD，真係影印都唔只咁既價。真係好好好抵買

我後來翻資料搵返學校叫我地買既書，人手一本傳閱既係oxford reading tree既green book。但我囡話之前佢響學校老師講咗幾本blue book，死都要買。

blue book就真係淺咗d，之前囡囡讀私校既朋友仔，p1已經睇blue book再上既green book了。呢兩套書最大既好處，係仲係用緊現在式，小朋友應較易吸收。

但家有男孩，就極力推薦買orange bk，因為套書既講恐龍，又講小朋友誤墮遊戲機games既冒險，就算已經係過去式，但都唔算深。我囡讀私校既朋友仔，舊年睇咗套學校都有揀黎考試既green book成年，真係回晒本，各位不妨考慮吓

另外，我跟united english個古仔網址，去咗：http://www.go4english.com/ffk/
個網都有好多歌同古仔聽，有空可以多逛逛

cookie

csyma,唉, 我囡囡依然唔肯溫書, 終於成績差左,迫又迫唔到, 真係要靠佢自己醒覺了...我已對今次小測打定輸數...反而我想佢今次考得唔好, 0甘佢就知道再係0甘唔得, 那麼尾考就會上心0的啦..........

原文章由 csy_ma 於 08-4-11 20:19 發表
今朝因為做替工唔知掟，搞錯咗時間返學校，所以要響圖書館蒲咗好耐
原來(我地學校既英文圖書又多又新又靚 (我囡好少借書，更少借英文書 )，其中oxford reading tree好多個版本都有，近窗位置，光猛又舒服，記住叫 ...

黃巴士

原文章由 cookie 於 08-4-12 00:19 發表
csyma,唉, 我囡囡依然唔肯溫書, 終於成績差左,迫又迫唔到, 真係要靠佢自己醒覺了...我已對今次小測打定輸數...反而我想佢今次考得唔好, 0甘佢就知道再係0甘唔得, 那麼尾考就會上心0 ...

我插咀講句. 有無問吓老師或者學校社工, 話灑佢地都有學過小童心理, 可能會了解佢地多d呢??  可能佢地會有另類意見呢.

黃巴士

csy_ma

原文章由 cookie 於 08-4-12 00:19 發表
csyma,唉, 我囡囡依然唔肯溫書, 終於成績差左,迫又迫唔到, 真係要靠佢自己醒覺了...我已對今次小測打定輸數...反而我想佢今次考得唔好, 0甘佢就知道再係0甘唔得, 那麼尾考就會上心0 ...

曲奇：

我囡上周六一起身，就去玩公仔，完全感覺唔到佢介意今日既總測，後來俾我炳一輪後，分別都唔大．周六繼續上課外活動，周日應酬完我地一輪後，又走去畫畫．．．小朋友對測考唔上心，可能都幾普遍．

記得您講過，您囡數學成績最好．通常，數學好即反映佢智力發展正常，或稍前少少．數學，靠既係平日運算，與其叫佢溫，不如俾佢地早d瞓，等考試精神d好過．

至於中英文，低小既中英文考既偏淺，尤其中文，多考課外，溫唔溫，都係分別唔大．反而係培養佢地既閱讀興趣重要d，呢d就係點解有d小朋友到高小時默書9字頭，卷一卷二攞唔到80分既原因．
我俾其他學校既校長醒得多，已放棄咗叫囡囡做補充練習之類好耐，但我囡睇中文書已漸進自動波，中文好似又真係好咗，起碼小測成績攞到佢既新高．培養閱讀興趣既好處，係佢雖然學緊野，但係完全自願／爭取返黎既，唔駛父母死咁多細胞．

至於英文，重要係要明，我地就覺得囡囡唔係好明，所以都幾擔心．長遠黎講，都係要培養閱讀興趣，或者肯睇英文VCD，先搞好聽講讀寫既第一步，可能會省事D．

不過，家長指導既手法，可能不過響低小時work，到咗高小，都係要佢地肯投入至得．您個囡可能不過係提前進入呢個階段（有高年級家長分享，通常到小四開始自己緊張學業，已算不錯）．您個囡好似係真俾d挫折佢，先至會吸收到教訓既人（我諗大部分既小朋友都係咁，擒日我嫌煩，問阿囡要唔要自己默中文第六課，我話唔想默就算，但唔好好似小一第一學期咁，默得果60分，轉頭埋怨我地唔幫佢溫．提咗佢既淤事，後來佢都肯自動波背默果課），您將溫習責任交番俾囡囡既政策，可能反而有更多空間讓佢自己思考，自己成長  ，亦未嘗唔係一件好事．

過晒鐘接囡了，KSWISS，等我佢再做下功課，下次先再介紹圖書館內既其他英文書種

cookie

csyma, 係呀, 我個囡真係軟硬都唔得, 所以我都無迫佢, 全部都要靠番佢自己, 好似今日佢自己唔記得執寫字簿就俾老師係手冊到寫欠交, 又因為預默差, 俾老師罰小息唔准食野, 佢都知係因為自己衰.
呵呵呵, 唔知點解我心反而有0的開心, 佢終於知有因必有果喇...
好似最近英默唔合格, 中默又係得個桔, 佢都好似唔知死, 仲好得戚講[全班有3個唔合格,  我係其中一個] 嘩, 我聽到呢到, 真係要shake white flag lar......但我會同佢講 [您要記著, 您學唔學到野係靠您自己, 唔好話我唔理您唔幫您, 係您自己話唔洗既, 您要記著, 唔好同人講話媽咪唔幫您!!] 佢就剩係講 [得喇, 得喇...]

不過, 我發覺自己今日既EQ高左好多, 就係佢頭先發哂癲死都要睇電視, 佢喊哂口我都好少理, 從容不迫0甘叫佢講番英文範圍學左0的乜先有得睇, 初頭佢好谷氣亂0甘答, 我就繼續好像如入無人之境叫佢繼續講學左0的乜, 佢就開始俾番少少認真去答我, 最後終於答哂, 我就俾佢睇番一陣電視....係佢睇緊電視期間, 我好平和0甘問番佢,
我: 究竟頭先我做緊乜, 您又做緊乜?
佢: 您幫緊我溫書, 我就係度發脾氣
我: 0甘您覺得有冇唔妥
佢: 我唔0岩
我: 0甘我有冇錯?
佢: 無
我: 0甘究竟邊個0岩, 邊個唔0岩?
佢: 您0岩, 我唔0岩
我: 您記唔記得尋晚您講過乜?
佢: 您唔理我
我: 0甘您覺得我理您既時候您有冇啋過我
佢: 無
我: 0甘您以後究竟洗唔洗我理您呀?
佢: 要
我: 0甘您知道唔要點呀
佢: 知, 唔可以再好像今日0甘

講真俾著以前我炳左鬧左好耐啦......

原文章由 csy_ma 於 08-4-14 11:14 發表


曲奇：

我囡上周六一起身，就去玩公仔，完全感覺唔到佢介意今日既總測，後來俾我炳一輪後，分別都唔大．周六繼續上課外活動，周日應酬完我地一輪後，又走去畫畫．．．小朋友對測考唔上心，可能都幾普遍．

記得您講過，您囡數學成績最好．通常，數 ...

黃巴士

原文章由 cookie 於 08-4-14 23:55 發表
csyma, 係呀, 我個囡真係軟硬都唔得, 所以我都無迫佢, 全部都要靠番佢自己, 好似今日佢自己唔記得執寫字簿就俾老師係手冊到寫欠交, 又因為預默差, 俾老師罰小息唔准食野, 佢都知係因為自己衰.
呵呵呵, 唔知點解我心 ...

COOKIE,

你真係犀利！！　可以當時咁平心靜氣同佢講，　俾著我已經發火．
朋友話依段時間小朋友步入少年期，　我話咁快，　得幾歲人仔，　佢話係呀，　早熟馬！！！！

黃巴士

cookie

kswiss ,
係呀, 而家0的細路得個8歲人仔, 把口利到丫.........
我地呢代既媽咪真係少0的EQ, 忍耐力都唔掂呀

黃巴士,
我都痲係估自己唔到, 尋晚係有史以來我無鬧佢, 換轉以前, 成晚互嗌都似..
唉, 以前我地做細既時候, 邊好似而家個0的0甘勁架, 以前點敢駁咀呀......

csy_ma

原文章由 cookie 於 08-4-15 12:07 發表
kswiss ,
係呀, 而家0的細路得個8歲人仔, 把口利到丫.........
我地呢代既媽咪真係少0的EQ, 忍耐力都唔掂呀

黃巴士,
我都痲係估自己唔到, 尋晚係有史以來我無鬧佢, 換轉以前, 成晚互嗌都似..
唉, 以前我地做細既時 ...

敢駁嘴即係有自信，都未必唔係好事
以前我住香港區，讀中學果陣，好唔鍾意搭小巴，因為小巴要叫落車，我果時好鵪鶉，連咁都唔多敢
呢樣野，呢一代就冇勒，我囡好細個已經爭住叫落車，飲茶叫阿姐做野等，駁嘴自然叻
您既EQ真係好掂，雖然經驗話俾我聽，同阿囡拆，哂時間之餘未必可以達到溫到書或做到功課既目的，但好多時都忍唔住

擒日忍到成六點，阿囡都唔肯正正經經溫默書，都炳咗佢一輪，佢喊晒口，結果冇幾耐就眼瞓

好彩據聞呢兩日中英文份卷都好淺，可能真係唔晒點溫都OK?

黃巴士

原文章由 csy_ma 於 08-4-15 15:08 發表


敢駁嘴即係有自信，都未必唔係好事
以前我住香港區，讀中學果陣，好唔鍾意搭小巴，因為小巴要叫落車，我果時好鵪鶉，連咁都唔多敢
呢樣野，呢一代就冇勒，我囡好細個已經爭住叫落車，飲茶叫阿姐做野等，駁嘴自然叻
您既EQ真 ...

係呀!! 真係好有同感, 依家佢地都好難坐定定溫書, 成日都要講數先至肯溫書.
最近, 我同囝囝溫書, 佢成日都眼訓, 把鬼火, 米叫佢一係即刻1分鐘內訓著, 一係就同我溫書, 佢當然撰訓覺啦, 果然溫書有催眠作用, 可即時訓著!!!!
佢咁眼訓, 溫左都唔入腦, 但係叫佢玩就即刻精神灑!!!!!:-x

今日份英文卷囝囝話出左does, do, how, what, who,
with, in, at, on 都比較易.

黃巴士

csy_ma

原文章由 黃巴士 於 08-4-15 16:43 發表


係呀!! 真係好有同感, 依家佢地都好難坐定定溫書, 成日都要講數先至肯溫書.
最近, 我同囝囝溫書, 佢成日都眼訓, 把鬼火, 米叫佢一係即刻1分鐘內訓著, 一係就同我溫書, 佢當然撰訓覺啦, 果然溫書有催眠作 ...

黃巴士：

您囝囝講得出份卷出咗D乜，都好叻 ，我囡只係話佢有好多時間剩，唔係好多唔識咁話

今日考數，腦筋清醒都幾重要，不過阿囡擒晚發惡夢，半夜醒咗，因為怕再有惡夢而唔敢瞓返，今日表現涷過水 ．只好安慰吓自己同佢，總測啫，失手咪下次考好D囉，但求盡力而為

黃巴士

原文章由 csy_ma 於 08-4-16 10:24 發表

黃巴士：

您囝囝講得出份卷出咗D乜，都好叻 ，我囡只係話佢有好多時間剩，唔係好多唔識咁話

今日考數，腦筋清醒都幾重要，不過阿囡擒晚發惡夢，半夜醒咗，因為怕再有惡夢而唔敢瞓返，今日表現涷過水 ．只好安慰吓自 ...

我最近設計了小錦囊, 寫左第日測試要注意d麥俾佢!!!

好似尋晚我就寫左叫囝囝"寫直式, 唔好懶, 用橫式就咁加上, 記得寫(名)數."

前晚就寫左英文: 如果問題 DOES/DO 動詞唔洗加S, 答題HE/SHE/IT 動詞要加"S"
唔知依果方法WORK唔WORK???
只係知我講到無氣!! 問佢叫佢記住, 佢就話"得得得", MS MAK同佢地溫左30幾次???? "嚴"我好"侵氣"!!!

黃巴士