小六家長, 自行收生選民生要不要寫自薦信

Zoey

patchan3,

我是基督徒, 民生其實也有不少基督徒的家庭, 我地既孩子能在有聖經教導的學校裡面成長同學習, 路便可以行得更穩健更平安        .

係呢, 妳地小朋友有沒有在學校參加課外活動呀        ?

patchan3

Zoey,
   早兩至三年前，我發覺阿b與我的關係越來越差，我的
朋友提議我帶他返主日祟拜，後來阿b無返，兜兜轉轉，
現在變成我返....

jw402，mimikitty28,
  明天民生下午有個"家長專題講座" 『牽手親子情』，
你倆位有無報名參加，如果有的，記著下午1:45 -
3:00，到時見la

Zoey

patchan3,

妳自己一個都仍能持續番教會, 真係好叻叻         , 只要妳努力, 也為自己及妳小朋友既關係向天父禱告, 妳定會得著妳想要的        , 希望遲些妳小朋友都會跟妳一起!  依家很多青年團契都辦得很好, 我教會還有籃球隊, 足球隊, 手工藝, 領袖訓練等等給中學的學生, 很有系統, 對小朋友融入教會的生活很有幫助.

mimikitty28

各位,

新年我會放大假, 在此祝各位身體健康, 心想事成, 一齊入民中呀.     

patchan3

mimikitty28, 你就好la，開始放假，我明天仲要返工，
過年用品仲未買，希望明天有時間可辦些年貨。

在此謹祝各位身體健康，從心所欲，笑口常開。



  

mimikitty28

各位我返黎啦,
在此祝大家豬年行好運, 心想事成, 身體健康, 人人有工做, 青春美麗, 仔仔囡囡聽教聽話, 入到心儀的中學.     

patchan3

Hi mimikitty28,

你卒之返黎la，我等到變左化石，你去左邊度玩呀?
新年快樂! 事事如意!

我新年留港消費，不過對社會都無物幫助，衹是
真真正正可以好好休息，瞓足成個禮拜，同阿b睇
左套戲，去團拜..... 假期又完la。

係呢，使唔使登尋人廣告，阿jw402仍末現身wor..
照計應該放完假，阿b都返左學，見字即覆。


    

mimikitty28

patchan3,

我無地方去, 都係留港消費, 新年前真係碌卡到碌爆, 駛左好多錢, 但係又好開心, 財散人安樂.
就快又考試了, 我開始同個b溫書了, 希望有好既成績, 但睇佢個樣........... 但我睇返佢份science, 今次好深, 好多字要記, 好長, 我都好緊張 好驚佢D成績臨尾香

jw402

我冇去邊度. 只係比較忙, 所以冇咩搭咀啫.  我冇放假, 初四就番工. 所以個年好似過得好快咁.

mimikitty28話事, 考試又嚟啦, 又要打仔啦.  好擔心亞b臨尾香, 佢個懶懶閒個樣真係.......     

新正頭, 唔好講埋d衰野, 係度祝大家新年進步, d細路個個學業進步, 身體健康.  最緊要一家人開開心心!!!!

patchan3

好嘢    ，jw402 你終於浦頭la....

你們說得對，快樂時光好怏過，阿b又要開始努力，
後天要開始Eng Dict Exam. 我壹星期前已提阿b
要溫習，佢話好easy，上次都默過晒，得啦，如果
你再講佢就話我好煩..... 總之我比佢    ，所以我今晚買左
五花茶返屋企煲，總之有苦自己知。

你倆都無須擔心，入中民都十拿九穩，不要給自己
太大壓力，比起我阿b來說已經好好了。

我有問題要請教倆位，你地阿b有時咪有份"xx評估"
要家長簽名... 此份卷是否計分?????

mimikitty28

Hi Patchan3 & Jw402,

我無理佢那份評估, 但可能會計入平時分的, 我吾清楚, 可能jw402會知, 因為佢比我地兩個識多一些人, 老實講, 民生的家長我一個都吾識, 就算上次家長會, 在走廊等時都是點頭打下招呼就算, 不善交際是我的弱點.....

jw402

我估(都係估下啫)係唔計分嘅, 個d好似係佢地考TSA的exercise呢.  考TSA, 學校緊張過佢地啦.

我都係因為有幾個同級的住係附近, 所以知多少少啦, 學校d家長反而冇咩兩句.  我諗全職媽媽會比我地好好多.

patchan3

Sorry! 點解我會問呢，因為上次見家長時，班主任
曾經好似有提過"xx評估"加上考試分數來作呈分，不過
我通常都拾吓拾吓，可能我聽錯啫，因為最近見阿b派
回卷分數都唔多好，所以咪又驚一餐，

今日阿b請假，但今天有pre-dict，老師今天與同學
默左成100個生字，本應今晚想與阿b默回生字，
點知有一半生字我都唔識讀，最後未開始阿b都
呼呼入睡了。

mimikitty28, 你講起不善交際，起碼你都會點點頭，
好過我連頭都唔識點，你可想而知，我d人際關係差
成點，你講起我重傷心，覺得自己好無用，自己做
行街都有5年時間，以我的性格一d都唔適合我，
不過為左兩餐，最近放完新年長假，更加唔想返工，
每天幾番箏扎，好似迷失自己，衹對自己說----
"我要做好呢份工"，想起真係好好笑   
為明天努力。
   

mimikitty28

patchan3 & jw402,

please check pm

jw402

今日係dict exam.  我亞b其他唔掂, 但spelling就有一手, 佢個班冇pre-dict, 但我見佢溫左幾次都好似幾掂咁就算啦.  咁今次個d字又真係幾深, 我同佢默都比佢糾正左我d讀音好多次.

講起返工, 我都好想唔撈, 我又唔係女強人, 又唔係身居要職, 只係亞四一個, 如果唔係為$$.......返到去見到亞大亞細d野立立亂, 又成日唔記得佢地d野(學校d濕碎野或者係課外活動d schedule), 都好過意唔去, 不過又好無奈.  十年前你問我如果有$$, 想唔想做全職媽媽, 我會話"咪攪, 返工好d", 而家我日日問住亞b老豆"我幾時唔洗做呀?".  我嘅返工抑鬱症已經進入一個危險地步.

mimikitty28

jw402 & patchan3

please check pm

patchan3

mimikitty28,

Pls check pm. Tks !

mimikitty28,  jw402,

今個星期四(3月8日)校慶，你倆個b都放假，是否收到
健康院的預約紙往身體檢查，地點是否在九龍城 "x基
健康院" 唔知到時會否碰到你倆，不過 mimikitty28,
我同你一樣，個b明明肥，但都講唔肥，你現在發育
時期，唔使驚，遲d長高後便會回復標準身形，不過
我估今次往健康檢查，好大機會比醫生叫減肥，屆時
實俾阿b罵死。
  

jw402

係呀, 星期四要去健康檢查. 我個b係細碼, 増肥就有佢份.  不過見佢最近都食多左野, 我諗都係時候發育.  我唔得閒去, 派左亞b老豆出馬.

mimikitty28

亞仔無同我講要去健康檢查, 淨係話比我知吾駛返學, 今晚返去先審佢     
我亞仔超奀, 得80磅.

patchan3

mimikitty28, jw402,

mimikitty28, 唔係個個都會安排明天做身體檢查，有部
份學生會安排較後時間，你唔好罵你個b。

我個b暑假前上磅已9到尾，暑假後好似吹脹左，臉和上身
都圓碌碌，我保守估計現在體重已超過三位數字，但身高
152 約5呎，舊年往身體檢查時醫生話佢已接近發育完成
仲叫佢利用暑假跳多d，點知我個b一於好少理，懶到條蛇
，承受晒我老公d懶野，所以有一次返到屋企，我就忍唔
住對我隻公講叫佢打電話去"漁農處"(未改名之前稱呼)
我隻公仲問我打去做物? 我話叫佢通知"漁農處"來我屋企，
捉蛇同鱔，因為我屋企入面"有條死蛇同爛鱔"，即係話
我隻公同個b，哈!哈!