有去聽荃浸的簡報會嗎? 荃浸/士德 15/16.....

wingmama04

你好呀,終於可以同軒軒見面啦(係你大頭相)   ,突然好鬼緊張,好似雙方父母見家長咁。因為呀囡都日日提起軒軒呀,話佢好乖喎。佢仲有提一位馮x楠都好乖。呀囡本手冊我都有寫佢成日提軒軒,但老師話覺得奇怪,因佢哋唔係成日一齊玩。睇完你幅相就知荅案嘞,一定係被軒軒俊朗慨外表吸引住,哈哈。

原來穎穎同軒軒差一日,囡囡4月23日,大過軒軒喎,你唔介意吖嘛    

wingmama04

我忍唔住去咗軒軒個網頁行咗一轉,我都認得你嘞。

好多人都話個囡似我,陀住佢咁辛苦,咁都安慰d。

係呢,點解唔去學校旅行既?

kyy 寫道:
wingmama04
係呀,我仔仔係"王x軒"呀  
咁其實係之前課程簡介會我見過你添啦, 你女女好似你呀  

kyy

wingmama04
   嘻, 我都好開心, 可以係度相認   
嘜wing wing都成日提軒軒架 ? 佢講野好叻喎, 識講邊個 "好乖"   軒軒唔識形容呢d架, 放學後只係講好多同學名 (所以我好耐之前已經差唔多知晒d學生名 ) 我個仔唔係好乖, 而係超害羞呀   

我個仔又係成日提wing wing架 (佢講全名), 其實返學冇耐已經提啦, 有時我問佢係學校同邊個玩, 好多時都有提你女女, 不過好似開學時freind d, 而家軒軒小提左佢   

馮x楠 個媽咪都係bk架, 重有一個叫"蔣 x 熹", 我地3個媽咪係bk識架, 之後一齊報邊記, 而家又一班, 佢地都幾freind架    


你女女咁靚女, 如果佢肯同我個仔玩多d就好啦, 第時有機會可以約埋幾個媽咪 + 小朋友出來玩, 我諗佢地幾個會好開心     

kyy

wingmama04
學校旅行 ? 我果時以為係俾k2 d學生去 , 所以冇報呀 !! 不過軒軒個排都病, 佢有2個星期冇返學, 氣管炎呀 !!

你都好呀, 女女咁似你, 軒軒一d都唔似我呀, 似十足老公:tongue:  :tongue:

wingmama04 寫道:
我忍唔住去咗軒軒個網頁行咗一轉,我都認得你嘞。

好多人都話個囡似我,陀住佢咁辛苦,咁都安慰d。

係呢,點解唔去學校旅行既?

[quote]
kyy 寫道:
wingmama04
係呀,我仔仔係"王x軒"呀  
咁其實係之前課程簡介會我見過你添啦, 你女女好似你呀  

[/quote]

wingmama04

kyy,
你哋三個小朋友名(軒軒,楠楠+熹熹(呢個近排至加入))係我個女口中鐵三角,日日都聽到。原來你地一早識,咁一定成日一齊玩。好呀,有聚會叫埋wingwing呀,佢地一定開心到 呀,哈哈! 你個仔好叻,一早識晒同學仔d名,我個囡之前仲係拾下拾下,問佢鍾意邊個同學,佢話崔老師劉老師,比佢激死。

軒軒而家好返未呀?前排wingwing中耳炎,發高燒一個星期,真係比佢嚇死。

你會唔會幫軒軒轉校讀,有無心儀學校?  

kyy

wingmama04
鐵三角 ??       好呀, 真係要出來玩下   其實軒軒,楠楠+熹熹唔係成日出來玩, 返而我地幾個媽咪就成日contact !!

軒軒好返啦, 返學2個星期啦, 不過一返學又有番d running nose   

軒軒真係唔叻呀 :tongue: , 你有機會見到就知, 佢返屋企唔係太主動講學校d生活, 最多提的是....都係崔老師劉老師 重有, 成日唱歌, 近排最鍾意唱 "火車快飛", wing wing有冇唱 ??

我多數會同佢轉 (我諗好多同學仔都會 ), 我報左-- 荃浸,士德, 領報, 培正, 創價, 希望at least有一間會收佢

咁wing wing又報左邊間 ?

fungyee

wingmama04 & kyy,
你地覺得如果佢地讀N1 讀得開心, 又鍾意d 老師...咁同唔同佢轉好?

kyy

fungyee

開心就真係開心架, 不過我諗其實如果間學校唔係太差咁d小朋友都會開心架, 有咁多小朋友一齊玩, 唔使係屋企冇所事事

邊記我覺得ok啦, 但我唔喜歡校舍太細, 而因為佢地返全日, 咁即係話全日都不見天日, 我覺得如果4年都係咁過, 唔係咁健康呀   

而且, 之前找有n班學校唔多choice, 但上k班就有好多好學校可以選, 所以會選間再好d既 我都好怕仔仔要重新適應新學校, 佢返左足足2個幾月先唔喊咋, 諗起都   

fungyee

kyy,
唉...我個仔到依家都仲未適應呀, 佢返學都仲喊架, 可能又唔係返得多日子, 成日病, 真係加埋都唔知有無20日, 不過佢返到屋企都會提下d老師, 又會唱下歌咁架...我都好驚佢轉校要重新適應...

kyy

fungyee

仔仔返20日咁小 ?? 佢9月定8月開學呀 ?佢係唔係成日感冒/咳 ?  我仔都係成日病, 不過我地8月已經開學, 到而家已3個月啦, 佢先剛剛冇喊2個星期咋     

fungyee

kyy,
佢9月先開學, 係成日感冒/咳呀..返幾日又病, 又抖幾日咁囉..9月仲試過腸胃炎入院, 真係陰公... :cry:
你湊仔仔返學? 我唔得呀..我唔忍心見倒佢喊, 所以朝早要避開佢提早出門口返工...

wingmama04

kyy,
我會報荃浸、士德、學之園同創價。剛剛去洗手間同同事講開佢極力推介St. Cat,話一d都唔谷,小朋友好開心而且佢哋真係有方法教好英文,講到我又心郁郁,不過好似已經過咗報名時間。

fungyee,
我都覺得只要間學校好,細路實開心,唔使擔心適應問題,佢有經驗啦嘛。不過好多幼稚園都返半日,呢個反而要考慮下。

kyy

wingmama04
st cat 更好啦, 我都有報, 不過school fee $3300, 而且冇得用學卷呀, 一來一回$$ 差好遠呀 (一個月差~$2000   )  所以我唔會去in了  

kyy

fungyee
只要佢返多d學, 就會唔喊啦, 我個仔係應該係全班喊得最耐個果啦,而家率之都ok  :wink:

wingmama04

kyy,

剛打去St. Cat問,真係過晒無得報囉。    你都去下啦,唔好晒嗎!

fungyee

wingmama04 寫道:

fungyee,
我都覺得只要間學校好,細路實開心,唔使擔心適應問題,佢有經驗啦嘛。不過好多幼稚園都返半日,呢個反而要考慮下。

wingmama04,
其實依家見佢成日病..心諗要佢返全日會唔會好殘忍呢? 所以想K1 返半日...

fungyee

kyy 寫道:
fungyee
只要佢返多d學, 就會唔喊啦, 我個仔係應該係全班喊得最耐個果啦,而家率之都ok  :wink:

kyy,
希望我果個都可以快d 適應就好啦...

wingmama04

fungyee,
有人湊其實半日都幾好,不過半日都一樣會病,因為小朋友唔識避,一個乞chee就大部份都走唔甩。我諗佢地大個就無咁多病架啦。

fungyee 寫道:
wingmama04,
其實依家見佢成日病..心諗要佢返全日會唔會好殘忍呢? 所以想K1 返半日...

nicking

wingmama04,
你報果幾間我都有報, 可能interview時會成日見到

st cat我都有諗過報, 但一諗到要佢坐咁遠車, 就唔捨得, 尤其我個囡年尾細女, 會好慘咁... 我老公就幾反對去kln tong...

小麵麵

我睇哂d內容喇,我冇去到簡報會(荃浸)呀 :-| 因為冇人幫我睇小朋友,老公返夜,不過睇你地講都ok,我都好想我囝囝讀荃浸,但係我囝囝12月出世,好似真係冇咁着數,如果唔收囝囝,好唔再下年先比佢返學呢? or第二個選擇,我報左綠楊,但唔係非牟利,我老公話要交12個月學費唔係太好,又冇政府支助,而且我有d friends既小朋友係荃浸到讀書,佢地話d老師好好呢