屯門幼兒園介紹

candybarhk

晶晶出版社的開倉月由8月1號至31號

我都覺得一小時的playgroup唔夠玩, 因啟思裝修八月無playgroup好無聊, , 我考慮緊大草地的playgroup, 但又係一小時, 仲要weekdays 都waitlist緊........

candybarhk

St.Peter(siu　ｌｕｎ�青山） 是我的首選, 保良局及拔臣次之, 依家St.Peter(青山)收了入N1, 即K1已十拿九穩, 但St.Peter(青山)離家很遠同有蚊, 所以最想入到ｓｉｕ lun, 想入保良因為保圓小學(直資), 想入拔臣因為拔臣小學(好近屋企), St.Peter就有蒙恩小學, 呢三間地點都方便, 啟思學費貴及交通唔方便屯門又無小學, 所以無考慮, 選幼稚園竟然要想埋小學派位, 甚至中學派位, 真煩惱!

真後悔我阿媽當年無同我轉校去何日東(當時就在樓下)! 當年(198X)佢新開轉校好易入, 又恨當年我自己入唔到梁球鋸, 原來多年後係有所用架!

sophyma

mildredwong ,

好耐冇見妳上網傾計, 請問妳最終有沒有替囡囡報N1?
我有同事住大興花園, 佢話易桂芳每年派表那天, 一大清早便有人排隊等學校開門攞表, 佢叫我最好7:00a.m就派工人去排隊!
我打電話問過學校, 如無意外, 應該會在11月1日派表, 佢叫我10月初再致電confirm, 到時仲可以confirm埋開放日的日期.

sophyma

candybarhk ,
Thank you. 我希望揾日放工可以去晶晶睇下, 但要好準時放到工先得.
請問妳知不知晶晶門市部附近有沒有960巴士站?
唔好意思, 因我搬來屯門只有一年, 返工搭西鐵, 所以好多地方唔識有咩車去

講到中小學派位, 我哋夫婦二人以前在九龍讀書, 所以亞囡要靠自己了.
睇番2005年全港中學排名, 梁球鋸排第7, 屯門區仲有6間入到100大, 其中有保良局百周年李兆忠 & 董玉娣.
現在最希望入到保記幼稚園, 最好順理成章地入埋保記中小學.
哈! 講到好遙遠添!

CarmenBeta

candybarhk,

其實揀幼稚園時需不需要考慮升小學問題, 小學會不會預留少量學位給某間幼稚園?相同辦學團體會不會有優勢?但我覺得現時考慮小學實在太早了, 我都唔知道日後囝囝是叻仔或只是一般? 如果他很叻, 我或者會考慮男拔, 何日東都
覺得差D(講笑), 但如果他很蠢, 就算幸運入到名校, 咪一樣害了他! 所以, 我楝幼稚園只會考慮以下因素:環境, 學費, 教學理念, 離家遠近, 師資質素.

我是保良局第五小學舊生, 即現時莊啓程上午校, 那時行精英制, 我讀書不是太叻, 老師都不是太理會我, 所以升中時考唔番保良局中學, 妳話慘唔慘?

CarmenBeta

sophyma,

唔知點解這張相影得知行咁大個仔, 他在家裏都不是這個樣子的, 時常跳來跳去, 像個大BB.

屯門有4間保良局小學, 每間各有優點, 要完全了解, 真是要花很長時間, 這裏很小有這幾間小學的討論, 所以都有排煩!

candybarhk

其實我都未去過晶晶出版社, 雖然地址是銅鑼灣, 但是地點就在天后與炮台山地鐵站之間, 好隔踄, 您可以坐到天后地鐵站行過去,  960的巴士總站在灣仔碼頭, 如想坐960回屯門, 可在天后地鐵站附近(英皇道)坐2A或8號去灣仔碼頭轉960

您坐西鐵返工要多少時間呀? 好似兜了大段路先出到九龍/香港, 所以我好少坐西鐵, 多數坐村巴或960S(早上特別班)去港島

candybarhk

CarmenBeta,
知行看來高了很多, 面孔拉長了, 少了babyfat, 我囝囝仲係細細粒, 到現在出街仲有人問我佢係唔係囡囡, 我已經同佢著晒藍色衫, 剪短了頭髮!  :tongue:

sophyma

Candybarhk,

我由屋企出門口到公司門口剛好一小時.
我會搭一個站輕鐵(我好懶行路)然後轉西鐵, 到南昌站再轉東涌綫去香港站, 而我公司在IFC對面, 行過去很方便, 落雨又有瓦遮頭, 所以常常落雨都不用帶雨傘返工. 另外, 車程較穩定, 一定唔會因塞車引致遲到.
車費方面, 我買全月通$400, 平時去街都可以用, 係轉東涌綫貴, 要成$10一程.

不過出年年尾要搬office, 會搬去九龍灣好隔涉的工廠區, 到時要行去翠林搭邨巴 or 搭258D 返工. 其實我以前住牛池灣, 如果沒有搬屋的話就發達啦.

咁妳在那裏返工呢? 車程幾耐及車費多少?

sophyma

CarmenBeta,

聽說保莊上午校現時都係行精英制.

煩完囡囡報Playgroup, 然後又煩報Nursery, 遲D又煩報K1,小學都係等幾年後先諗啦!

CarmenBeta

真理浸信會有個陽光寶寶小園地, 適合2-3歲, 每月第一個星期六, 上午10:00 - 11:00, 這是免費的, 妳們有無興趣參加? 我已報名了, 這校在富泰邨, TEL:2635 6996

candybarhk

CarmenBeta,
多謝您的資料, 我好有興趣, 唔知收唔收囝囝, 仲未夠兩歲, 等我明天打去問下先, 依家星期六日都無什麼地方好去

candybarhk

sophyma,
我返工真係勁遠, 要由新界西去到到港島東(魚則魚涌太古坊), 我坐村巴去中環再轉地鐵都係一個小時($17.5 +,$5.x) 放工有村巴直接返屯門($20), 40分鐘就到, 我以前都係返中環, 方便好多, 依家已習慣了在巴士"訓"30分鐘先落車

sophyma

CarmenBeta & Candybarhk,

點解咁好不用付錢嘅?
唔知8月5日仲有冇位呢? 咁啱係短週, 但囡囡一樣未夠2歲, 明天我都會打電話問.
搭輕鐵是否在兆康落, 然後行過去? 如果唔係可以點去呢?

Candybarhk,

原本我都諗過搭村巴, 但要用15分鍾行去大興上車, 落車又要行成15分鐘以上才到公司, 加加埋埋都要行半句鐘以上, 返工又著高根鞋, 所以揀搭西鐵囉!
我8:45a.m要返到公司, 每天7:30a.m-7:45a.m出門口.
咁妳返幾點呀?

我明天又帶囡囡參加Babysky的playgroup, 上次在友愛體育館, 今次近好多, 在大興體育館, 行過去就得.  

CarmenBeta

candybarhk, sophyma,

我有個提議, 不如我們自組playgroup, 亦都可以揾多幾個媽咪, 每個月一次聚會, 地點可以是屯門公園, 建生遊樂場, 或可到我屋苑會所都得, 小朋友可以一齊玩, 我們又可以談天說地, 有興趣可pm我.

我嘗試揾下其他幼稚園有無類似的免費course先!

CarmenBeta

sophyma,

因為這些幼稚園怕收生不足, 所以都會辦一些免費課程吸引一些家長, 我記得好似10月才上第一堂, 妳可以打電話問下. 兆康站有接駁巴士k51到富泰邨架.

gogoblue

Hi ALL,

我係在職媽咪,屯門住TST番工,我都煩緊BB讀邊間幼稚園呀~!
我原先考慮OSCAR,但而家少咗個choice,我亦諗住出kln讀,我番工帶埋佢番學.... 你地有冇諗住比佢地出kln讀呀??

candybarhk

我今朝已經打電話報了名, 只要bb係出年九月返k1就得, 職員話要等老師九月通知我, 第一堂係九月的第一個星期六(9/2?), 但又係拔臣playgroup的家長會, 如真是9/2的話就參加唔到, 要到十月先參加到.

好呀! 我地就攪下聚會, 唔洗一定係PLAYGROUP形式, 等BB一起玩下就夠, 我星期六日(下午)都得架

我之前參加ｂａｂｙ＿ｓｋｙ的ｐｌａｙｇｒｏｕｐ（愛琴海岸），ｐｌａｙｇｒｏｕｐ前可以早３０分鐘在會所的室內ｐｌａｙｇｒｏｕｎｄ同ｐｌａｙｒｏｏｍ玩，　囝囝鍾意玩呢ｄ設施多過玩ｐｌａｙｇｒｏｕｐ．

candybarhk

hi　ｇｏｇｏｂｕｅ，
您小朋友大我囝囝一日，　我囝囝生日係１２月２１曰，您會唔會幫BB報ｎ１呀？　ｏｓｃａｒ　幾好架，　我同事的囡囡係ｏｓｃａｒ　讀，由於ｏｓｃａｒ的學生，老師，校長，校工都會一同過檔新一代，　佢的囡囡都會跟埋去新一代（今年升IK3), 您都可以諗下
我無諗過帶囝囝跟我返港島返學，雖然有好多好學校，但因實在太長途跋涉，我放工又唔準時，多數七至八點後先收工，（返工九點），加上佢又鍾意跟工人多過我（我成日都合醋！），　所以我都唔會帶佢返港島返學

gogoblue

candybarhk,

bb係婆婆湊架...我諗唔到屯門有咩好幼稚園.... 最主要係我驚bb d 同學仔好曳(怕有好多新移x)..所以唔係咁想choose屯門,我知咁樣講唔係好岩,好似一竹竿打一船人咁. 我prefer貴..都想佢讀好學校.
出去讀又怕bb辛苦...要好早起身.雖然番半日...
我都唔知點choose好~! 我無幫bb 報n1架..因為我想佢做細仔,又唔想佢讀半年n1...若果做唔到細仔要做大仔,變咗要repeart n1, 就梗加唔想囉.所以好煩.